سُفره هنديّه | شهيّه

#1 02-22-2020, 11:09 PM

مسلخير

أخليكم مع الأطباق الهنديّه

|

البرياني الساده

سُفره هنديّه شهيّه

زبدة ع النار و نحط البهارات العدله =
الهيل و الدارسين و المسمار و القرفه و الزنجبيل و ورق الغار
و نحمسهم لين تطلع ريحتهم بعدها نكب الرز عليه و نحركه شوي كأنك تقلينه
هالحركه تعطي الرز طعم زاكي مره
تكبين عليه المويه و حبة ماجي و توازنين الملح و تسكرين عليه إلى أن يستوي
إلى أن يستوي الرز جهزي كوبين
واحد فيه ملون أحمر مع زعفران وموية ورد
و كوب فيه موية ورد مع ملون طعام أخضر
بعد ما يستوي الرز و تشخلين مويته و ترجعينه بالقدر
تسوين حفر بالرز و تصبين في بعض هالحفر من الكوب الأحمر
وبعض الحفر من الكوب الأخضر
و تحطين من فوق الرز شوية زبده سايله وتسكرين عليه إلى أن يبخ
إذآ بخ الرز خلاص تحطينه بصحن و تزينينه بالبصل المقلي و الكزبره المقليه
و المكسرات المقليه كاجو و زبيب و حب الرمان المجفف
و أحب أحط عليه شوية جزر مبشور

|

الماسالا

سُفره هنديّه شهيّه

ع النار زبده 3 بصل 3 طماط مقطعين كبار عادي لأن بنحطهم بالخلاط
نخلية إلى أن يذبل ثم نحط عليه ثوم و زنجبيل مبشور
مع ماجي وصلصة طماطم و ملعقتين سكر
ثم نحطه بالخلاط مع =
شوي ماي و علبتين زبادي ملون طعام أحمر ملعقة نشا مذوبه في شوي ماي و كزبره
بنفس القدر نحط زبده شوي و بصل و طماطم مفروم و بهارات عدله و اللحم أو الدجاج
اذا استوى شوي نحط البهارات =
بهارات البرياني و الكاري و بهار الكزبره المجففه و بهار التندوري بهار ماسالا
و بابريكا و زنجبيل بودره شوي كركم كمون
و نحركهم شوي ثم نكب عليه الخلطة اللي بالخلاط و نحرك لو ثقيله زيديها ماي
نحط عليه شريحة فلفل أخضر و قبل التقديم نصب عليه قشطة خفق و حليب جوز الهند

|

الساموسا

سُفره هنديّه شهيّه

آولا الحشوه :

زبده عالنار و نحمس معاه كمون عدل صحيح ، و زنجبيل مبشور
نحط بصل عليه مفروم و الكزبره و البازلاء و البطاطس المهروس مسبقا بعد ما تسلقينه
و بعدها تحطين البهارات ملح فلفل كاري بهار البرياني بهار التندوري
بهار الكزبره المجففه بابريكا كركم زنجبيل بودره

ثانيا العجينه :

كوب دقيق مع نص ملعقة كمون عدل و ملح ونخلطهم
نحط عليه ملعقتين زبده ونفرك العجين بيدنا
نضيف الماء بالتدرج ونعجن المطلوب عجينه قاسيه
نتركها ترتاح و بعدها نقطعها تقريبا إلى 6 كور نفردها و نقطعها قسمين
و نحشيها بالحشوه و نقليها بزيت غزير وحار