( من مسرح الحياة ) ..!

مصري , الحياة

( من مسرح الحياة ) ..!

( من مسرح الحياة ) شرينا التذاكر ودخلنا السينما وجلسنا على الكراسى نستمتع بالفلم ،، ارتفعت الستاره والله يستر منها تخرع اذا ارتفعت وعلى صوت الجمهور وارتفعت الاصوات تصفيق وتصفير وفجاه انحبس الصوت فقط صوت الحوار ،،، فلكم الحوار ،، ان محتوانى بركم لى وانا حى وش فايدة لامت !!!! الله يبيحه عبدالعزيز وين رايح هلا يبا ،، وين رايح طالع مع الربع طيب ود اختك وانا ابوك لبيت جدك ،، اوووه خل يوديها اى واحد مانى فاضى !!! الربع ينطرونى ،، طيب الربع ابرك من اختك وتكسر كلامى لا يبا مو افضل بس مالى خلق !! طيب الله معك انا اوديها ،، ،،، عبد العزيز قم يبا ودنى الطبيب ،، والله مالى خلق يبا تونى واصل البيت وتعبان !!! طييب يبوك من يودينى مافى احد الا انت ،، طيب يبا شوى بس اريح العصر اوديك !! بس يبوك حالتى تعبانه ما اقدر اتحمل ،، خلاص يبا العصر !! الله يعين يولدى ،، الله يعين ... ،،، سوف هى مالى خلق ومالى خلق هى سوف وهى بعد تعنى بكره وهى بعدين وهى متضايق وخلها وقت اخر !!! وكل هل المفردات تعنى سوف ( والتسويف ) للى ما يعرف هى اهم وافضل جنود بليس على الانسان !!! واهم وسيله يضيع فيها البنى ادم وهى تادى الى الكسل والخمول وضياع الوقت !! سوف خلت عبد العزيز يعصى كلام ابوه حتى وهو فى اشد الاوقات لولده ،، سوف تخليك عاصى لربك وسوف تضيع وقتك وسوف وسوف والسوفات كثيره ،، فياليت نترك سوف ونقول بسم الله والتوكل على الله والهمه من بعد الله ،، عبد العزيز ،، سم يالغالى ،، الله يحفظك يولدى قم ود اختك بيت جدك ،، ابشر يالغالى ابشر بعد عينى الحين اوديها ومن عندى اغلا منك ومن اختى ،، يالله يابنت توكلى على الله . ،،، عبد العزيز سم يابوى قم ودنى الطبيب افا سلامات يالغالى ليته فينى المرض ولا فيك ابشر الحين اشيلك بعيونى واوديك تسلم عيونك يالغالى ،،، هذا مشهد وهذاك مشهد ،، - مشهد كله سوف ومالى خلق وتعبان اغضبت ربك وعصيت والدك وخسرت امور كثيره !!! - ومشهد فيه ابشر وان شاء الله وتوكلنا على الله منها ارضيت ربك ومنها بريت ابوك وخدمته وياليت ترد لو جزء من ماعطاك ،، فلك الاختيار وانت صاحب الحق بختيار ماتريد فهى حياتك انت فقط وليس حياتى انا ،،،، ،،،،، عنفوان انثى ،، بنت عالى الهمه ،، ولد اثنين اجتمعوا فى احدى برامج التواصل الاجتماعى هلا بالحب هلا بالغلا هلا باهلى حياتى والله يالبيه فدييييييييييييييت العسل ،، يمه يمه يازين كلامك ياحلوه يابعد طوايفى انت ،، وربى اشوف فيك القمر والشمس وبعد اشوفك كل مساحاتى الفاضيه والمليانه ،، انا اشوف فيك كل الدنيا اهلى وناسى وكل وجودى ،، بنت ودى ابوحلك بسر ،، وش هالسر اللى بسرعة البرق !! قول يعيون البنت انت بوح ،، وبدا اللوح يبوح !! بقولك شئ يقرقع بقلبى ،، حشى جدر اللى يقرقع بقلبك يمال المرض عمرى لا يقرقع بقلبك اى شئ قوله لاتحاتى كلى اذان صاغيه ،، يعنى غنج البنت ،، بنت انا احبك واحب كل شئ فيك واموت عليك انتى اهلى وناسى وكل حياتى ،، صرت شاعر عشانك يا بعدهم كلهم ،، انتهى المشهد المؤثر والجميل والرائع وانا الحين محدثكم دمعت عيونى اول مره اشوف حب نزيه وطاهر مثل هالحب شنو هذا اى العشق الاسطورى اى بطيخ هذا ولا بالاحلام اسرع حب مر على يذكرنى بالوجبات السريعه ،،، لحظه فى شى للحين ما خلصناه ،، شنو بعد !! نبى نعيد الشريط مره ثانيه فى خلل نبى نعرفه ،، المشهد : ولد يالارفل تدرى انا منو ،، ايه اعرفك عنفوان انثى ،، العنفوان والثعبان اللى يقص خشمك ولا يسلم فيك مغز ابره انا زوجتك يا عالى الهمه ،، من فتره وانا حاسه انك تخونى حبيت اختبرك ياعالى الهمه ،، انت مافيك ذمه يالرمه سمعت يالرمه !!! كان قلت لزوجتك هالكلام الحلو يالارفل هذى هى نفس النسخه لزوجتك شنو شفت بهذى وماشفته بزوجتك رقم انو زوجتك حلالك فى كل وقت وهذى خط احمر يمال الوجع ،، المحطات بالحياة كثيره فيها الزين وفيها الشين لونسردها ما راح نحصيها ولكن عطينا نبذه بسيطه لاتذكر عن واقع الحياة اليومى وهذا لا يعنى انو مافى رجال او بنات كويسين ابد الاغلبيه كويسه وممتازين بعد ولكن القله هم من ذكرناهم لانهم هم من يطفو على الماء ويشوه البقيه ،،، احبتى لو تركنا سلبياتنا وتجاوزنها ببتسامه وهمه وعزيمه وكلمه طيبه وقبل كل هذا وهذاك تمسكنا بديننا الحنيف وكلام ربنا عز وجل ووصايا رسولنا الكريم عليه افضل الصلاة والسلام وعادتنا وتقاليدنا المميزه الجميله وتمسكنا ببساطتنا كان ما هذا حالنا ... وللهموم بقيه من مسرح الحياة .

المصدر: منتديات تراتيل شاعر - من قسم: زوايا عامه

---

( lk lsvp hgpdhm ) >>! lwvd hgpdhm