مات الظلال

الظلام

مات الظلال

حبيبتي والجفاء قارص ، وبرده جليد!
‏وانا اتلحّـف وعودك .. واتذرّابـها

‏كل يوم يطغى شعوري بالحنين ويزيد
‏واستأذن من الحنايا ، تفتح أبوابها

‏وكل يوم ألبّس غروب الشمس دمع وقصيد
‏لين إكتست من حنيني بأجمل ثيابها

‏ياجارة البدر .. لو راس المواصل عنيد
‏(عيون الأشواق) ماهي تنطق أهدابها!

‏غبتي "ومات الظِلال!" وصرت جالس وحيد
‏أناجـي الأرض .. واسمع غَصة هضابها

‏عزاي ذِكرى الوله! فـ ايـام حُبٍ زهيد
‏لحظات ، عن جمرة الهجر .. اتوقّى بها

‏باقي من الروح طفلٍ ، ينتظر فجر عيد
‏عشان طفلة حياته .. تبدي إعجاابها

‏ويناقض الطفل شكّي ، لو ظنوني اكيد!
‏إن الغصون اليباس تخاف حطّابها

‏لو التجافي قرارك!! قلت رايك سديد
‏ورحلت بجروح " انا وانتي من اسبابها !"

‏حبيبتي ما اتحمّل جرح ثانـي جديد
‏والخنجر اللي بقلبي .. يشهد نصابها

‏إنّك بقلبي وطن ، وإنك لصوتي قصيد
‏وآخر تفاصيل [ذِكرى العمر وإكتابها]

المصدر: منتديات تراتيل شاعر - من قسم: ديوآن آلقصيد ▪●

---

lhj hg/ghg hg/ghl