قصه الورقة البيضاء

البيضاء , الورقة

قصه الورقة البيضاء

كـان اسمــي منـآر
كان عمــري 21 سنـــه ..

ماكنت اقدر اتكلم عن صداقاتي ولا عن قصص الحب في حيااتي ولا عن مصايبي لأني ماشيه بحياتي
باإنتــظـآم
ممنــوع اكون صداقات من برا العيلــه
ممنوع اهرج مع اي شاب خارج حدود العمل
انا اشتـغل بمؤسسة احب اللبس الرسمي الابيض والاسود
دي الواني المفضله
احب اكلي المعتاد
احب تصرفاتي المعتاده
مافي شي غير امس زي اليوم واليوم حيكون زي بكــرا وبكرا تقريبا زي الايام اللي قبلها
مرا داومت بــدري في المؤسسه
واول مادخلت للمكتـب البنات وقفو ضحــك ابتسمولي ورجعو كملو هرجهم
ماداخل معاهم
ولايعرفوني تقريبا لنا 5 شهور في نفس المكتب وانا محطيه حاجز بيني وبين الكــل
اصووات ضحكات عاليه طالعت فيهم باإستحقــآر ورجعت ارتب مكتبي المرتب اساسا

نادووني ورديت عليهم والابتسامه على وجههي : هلا
في وحده صغيره بينهم يمكن عمرها 19 سنــه جات لعندي واعطتني ورقــه وقلــم : يلا كل وحده فيككم تكتب احلى تجربـــه بحيــآتها منوورا خلينا ننبسط ترا لسى مابدأ الدوام


ماحبيت اردها : اوكـ
كل وحده قعدت تستهبل ومن كتر مصايبهم مو عارفين ايش يكتبو بــزبط
طالعت في الورقه البيــضا قربت القلم في بدايه الســطر
ابى استمتع بالكتابه
ابى اضحك واكتب
طيب ابى ابتسم على الاقل واكتب
مرت دقاايق معدوده واللي سار نقطه في بدايه السطــر بعدت القلم علشان لاأعدم الورقــه
مدري ايش دي النقطه معناها ..
قلبت الورقه وساارت النقطه في نهاية الصفحه
اتوقع فهمت دحيـــن ايش معنى النقطه
نهاية الكلام ..
صح الورقه بيضــآ بس دي حيــآتي مافي شي ينكتب
رفعت عدسة عيني واطالع في كل وحده من البنــآت
تضحك وتكتب
واللي سحبت ورقه تانيه وتضحك وتكتب
واللي لساتها محتاره وتقوول : دقيقه اكتب هرجتي لما شردت ولا لما اتهزأت من المدير لا لا حكتبلللكم شي حتموتوو من الضحك لو سمعتووها ههههههههههه
البنت التانيه ردت عليــها : اصلا هرجة شردتك عارفتها
: لا يااشيخه ديك شردة تانيه يومها اخويا لحق وراياا وانا تلاقيني اشرد من مكان لمكاان ابى اضيعوو
: وااااه ياامصيبه اخووكي خالد
: ياهبله لا طبعا اخويا برضااعه صابر



سمعت حكاويهم لاشعوريا ضحكت على تهورهم
حسيت اني انسانه مقيــده ماما وبابا عيشوني منعزله عن العالم
دا غــلط ودا مايسيــر ..

بدأ الدوآم يوم يوميــن وبديت اتداخل معاهم اكتــر بس لســه احس انو مو قادره اخرج من العالم اللي عشت فيه طول عمــري ..
اسمع حكــآويـــهم وليـــن ماسار شي غيــر حيــآتي
حكتبــو علشان تعــرفو اكتــر منـــآر الجديدهـ ..

كنت كالعاده جالسه على مكتبــي مستنيــه المرشحيــن يدخلو للتصويــت
عدلت طرحــتي انتبهت لمرايتي على المكتب اخدتها بحطها بشنطه بس طالعت في نفسي اوول
مررت يدي تحت عيني بمســح اثار الكحــل وطااحت المراايه لما احد خبـــط على الطاوله
حطيت يدي على قلبــي بخووف : واا بسسسم الله
ضحك بكل صوتــو : سوري كنت بس بفجعك ماتوقعتك تخافي كدا
طالعت فيــه استغربت ايش ثقل الدم دا مايعرفني ولا اعرفو وجاي يستهــبل
ابتسمت كعادتي علشان الوظيفه لاأكتر ومديت يدي : ممكن الهويــه
جلس على الكـرسي بتردد ماحب شكلو ردة فعلي
اتوقعني اضحك واقول لا عادي
ولا اهزأو
ولا اي شي : المرايه اتكسـرت ?
مانزلت ابدن يدي رديت وانا لسى بطالع فيــه : لا عادي ممكن الهويــه
رفع حاجبو : ok !
خرج محفظتو واعطاني هويتــو قرأت اسمــو بصوت مسموع : عمار مرااد *** *** **
دخلت رقمو على الجهــآز : تباني اغير البيانات ولا حتكون نفسـها
عمار قرب للمكتب وقال بجديه : دحين المرايه انكسرت ولا لأ
انا فيـــن وهوا فيـــن ملامحي طاغي عليها البرود : استاز عمار اغير شي في البيانات ؟
عمار : ايوا كل حاجه حغيرها
مسكت الماوس وعيني على الشاشه وكل شويا اطالع فيــه : عمرك 23 ؟
عمار : اما عاد 23 لا طبـعا
منار : كم ؟
عمار : 25
عدلت عمرو : الحاله الاجتماعيه متزوج ؟
عمار : فال الله ولا فالك
شلت يدي من الماوس وطالعت فيـه : ممكن نكمل كتابة البيانات بدون دي التعليقات ؟
عمار : في مدرسه احنا !
منـآر ماحبيت اخد واعطي معاه بالكلام ماتعودت اصلا فاقلت : ممكن ؟
عمار : انتي ايش عليكي دخلي بياناتي وبس
مرا اتفاجأت من ردو ايش يبى حيموت لو ماعلق يعني !
خوفت يسويلي مشاكل فاكمللت وانا ادعي بس اخلص منوو
مو متزوج
وحيــد اهلو
موظــف
واستمريت ادخل دي البيانات
وقفت : دقيقه بس اطبع الهويـه واجيــك
عمار سند جسمو على الكـرسي : خدي راحتك ياستي

خرجت من الغرفه اللي فيها الكاونترات وصررخت لما سحبتني فااطمـه طالعت فيها مفجوعه : واا بسسم االله ايشش بكم انتو الييوم
فاطمه سحبت الهويه من يدي : اسموو عماار وا ينااسو مرا فتاااك
سحبت منها البطاقه : اهجدي يافاطمه
فاطمـه : انا بحاول اغض البصر عشان خطيبي بس
خبطتني من ورا فااتن وطالعت مفجووعه : هاا ايش فيييي
فااتن تهرج كمان بهمس : مين المزز داك
ضحكت لاشعوريا : سلامات حالتكم مرا صعبه
فاتن : مرا وسيــم
حاولت ابعد عنهم : بروح اطبعها ممكن تبعدو
فاطمــه : ياهبله خدي من بيانتو رقمو واتصلي
فتحت عيني على وسعها مع الفجعه : خييير انتو هببل
بعدت عنهم وانا اقول في نفســـي " سطحيـــن "
طبعت الهويــه ورجعتــلو جلست على الكــرسي: اتفضلل
اخدها مني : تسسلمي
عمار : مايحتاج تصوير او اي حـآجه
منـآر دارت الشاشه له : دي صورتك مايحتاج تتصور تاني
عمار : اما عااد ولا بالشياكه دي كلها
مناار ولا رديت عليــه اخدت الورقــه اللي قدامي وكتبت اســـمي وبعض البيانات
وهوا سامعتو بيلعب في الايفون وصوت الموسيقى اللي طالعه من جهازو لعندي
قدمت الورقه لطرف المكتب : ممكن توقعع
ولا رد عليــاا مراا منشغل بالايفون
خبطت القلم مرتين على المكتب : لو سمحت
رفع عينو وطالع فيا : ها
اشرت على الورقه : ممكن توقع
قال بدون اي اهتمام : وقعي وقعي بدالي
اابتسمت علشان حاسه نفسي ممكن اقوم اضربو باأي لحظه : ماقدر اوقع انتا وقع بنفسك
عمار : دقيقه اصبري طيب
مرت دقيقتين وهوا على نفس وضعيتو طالعت بســآعتي البيضــآ : لو سمحت مافي وقت اللعب لاحق عليه
كشــر في وجهي وكأني هزأتو وانا بلقوه كنت مبتســمه : وقع
سحب القلم مني ووقع وقــآم
اول ماخرج سبيتو : ناس مريـــضه ..
مر اليــوم عادي زي اي يووم
واليـــوم اللي بعـــدوو كعادتي جالسه على مكتبـــي فتحت السويتلر على الكمبيوتر وجالسه العــب
: بس بس
رفعت عيني ولاشعوريا عقدت حواجبي : مو امس مصوت ..!
ضحك : ايوا بس كنت مار من المؤسسه قلت اجي اسلم عليكي
مدري ادا هوا يستهبل ولا ايش حكايتو بس مع الصدمه ضحكت : من جدك تهــرج !
عمار : ايوا عادي
منار : انتا دحين حجزت قبل لاتدخل عندي ولا داخل كدا بدون اي
عمار قاطعني وقتها وهوا يتكلم بجديــه : لا ليا ربع ساعه مستني برا دوبو جا دوري
منار : طيب داخل هنا على اي اساس ؟
عمار : ابى اغير صورتي
منار : بس رفعت اوراقك خلاص
عمار : مو مشكله بتصور للسنه الجيا
منار حسيتو بيخــرف ولا بيتسهبل على راسي : لو سمحت اطلع برا
عمار : بقولك بتصوور
منار اشرت على الباب : لو سمحت برااا بلاش كلام زايد
عمار وقف : بتطرديني كمان
منار اشرت بيدي بدون اي اهتمام وبدون حتى ماطالع فيه : اطلللع بقوول


هوا خرج وانا كملت العــب وانا معصبــه : الحمدالله وشــكر ..

بعــد نص سـآعه بزبــط طلبــنا المديــر الاستاذ فؤاد كلنا اتوجهنا لــه
شباب وبنــآت ..
5 بنات و 5 شبــآب واقفين بمكتبــو ..
الاستاذ واقف ورا مكتبـــو وكالعاده يهـــرج : بس حاب اقول اخــر شي ولد اخويــآ حيكون مشــرف على الكل
وهوا له يومين بيشوف كيف معاملاتكم مع المصوتين _ نادى بصوت عالي _ ادخل
انا كنت واقفه عند الباب بعدت شويــآ عشان يدخل السيد فتحت قارورة المويا مرا عطشااانه
حطيتها ففمي وبشـــرب الا هووا دخل وطالع على طول فيــآ
وانا وقتتها مع الفجعه كشيت كل اللي ففمي في وجهه وسسرت اككككحححح
ماتوقعـــتووو هوآآ
الككل ضحــك عليييا
قلت بلكلكه : سـ سوري
كآن في يدو منديــل مسح الموياا اللي بوجهه
فؤاد : ههههههههههه ادخل ياعمااار
عمار قلي بهمس : طرده وبعدين تكشي في وجههي مويا كتير
نزلت عيني ولصقت في البنات من كتر ماستحيت سبيت نفسي عشرين الف مرآآآ
راح عمار لعند الاستاذ فؤاد : كيف شايف الموظفين
عمار بيهرج ويطــآلع فيـآ وانا قلبي دقاااته ورا بعض واقوول ان شالله مايفتح فموو : لين دحين كلهم تمااام
فؤاد : اي مشكله تواجهكم على طول تكلمو عمــآر يلا دحين كل واحد على مكتبو

خرجت من المكتب اول وحده ابى اشــــرد روحت لمكتــبي على طول :واااه يااربي ايش الاحراج دا
دخلت فاطمه عليا : كويس ماخدتي رقمو ولا كان رحتي بدهيه
منار : من جد ياشيخه
فاطمه : يلا بروح اكل قبل لايجي اي احد
منار : دحين جايه وراكي
خرجت فاطمـــه وانا بقيت في الغرفه لوحدي جلست على الكرسي
دخل المكتب : ماتبي تاكلي
عيني على الاوراق اللي في المكتب وبقلبها بصربعه : لا شبعانه الحمدالله
: طيب
خـــرج وانا حطيت راسي على المكتب : حعااني والله

سمعت احد جلس على الكرسي اللي قبال مكتبي رفعت راسي ولقيتو عدلت حجابي : ايش في
معاه العصيــر والكروسون وبياكل : ولاشي باكل
: هنا ..!
عمار : ليش ممنوع .؟
منار : لا بكيفك كل فين ماتبى
عمار : ههههههههههههههههه دا كلو عشان طلعت ولد اخوه اجل لو طلعت ولدو ايش تسوي تتزوجيني مع الخوف
منار قلت بلكلكه : هههههه لا يعني ماتوقعت إنو ممكن يعني
عمار قاطعني وهرج بنفس اسلوبي : يعني ... ممكن ... ايش ... الهرجه
منار طالعت فيه بجديه : كل وانتا ساكت
عما ر: هههههههههههههه بشوويش عليا طيب _ قرب للمكتب _ ايش رايك نخرج ناكل في مطعم عادي ترا اقدر اسد غيابك
منار مرا وقتها انفجعت منو : لو سمحت احترم نفسسك
عمار : ههههههههههههههه بمزح يابتي ايش بك

مـــرت علياا 4 ايــآم وهوا بس كدآ ياأذيني على الطالعه والنازله وصوت ضحكتو كالعاده اسمعها في كل ممر
اشك بعض الاحيان انو عمرو 25 سنــه
مايحط حدود بينو وبين اي احد الاقي يتريق على دا ويحش في داا ويستهبل على راس داا
وبعدين يكمل طاقتوو فووقي
ليــن ماسار يوم جمعنا وبعد عني وعنو كل الحواجز
اخر ايام التصــويت .. يعني اخر يوم باالمؤسســـه
بديت اميــل كتير له بديت اضحك على هبــلوو بديت اكره الحدود اللي احطها بيني وبين النااس
سســآرت مشكــله من اوراقي اللي ارسلتها للأستاذ فؤاد كل اللي سويتو غلط مافهمت نظامهم كيف الجديد
وسويت من راسي ..دخل علينا الغرفه استاذ فؤاد وانا دمي نشــف :انا معلم وحده وحده كيف الشغــل ايش دي الاورااق اللي جاايتني مين اللي غلطت فييكم
االكــل سااكت وانا مره خــآيفه شكلوو يفجع وهوا يصــرخ حسيت انوو لو قلت انا حيعطيني كــف
وقفت واتكيت بيدي على المكتب دوبي بنطـق الا دخل عمــآر وجا لعندي واشرلي اجلس
بدون تفكير جلست : عمي انا اللي خبصت بدي الاوراق
وقفت بردة فعل سريعه : لا انا اللي خبصت
طالع فيا بكل جديه فجعني اول مرا اشوفو كدا جدي بس ماخوفت منو ماحبيت يسرلو شي بسببي
فؤاد : مين بزبط اللي مسسسكها ؟!
عمار : انا
منار : لا انا
اخدت انا وهوا تهزيئ محتــرم وعقـآبناا انو نعييد كل طباعه كل دي الأوراق ونوزعها بالملفات
الموظفين كلهم خرجــو وبقيت بس انا وهوا بالمكتــب
هوا على مكتب وانا على مكتــب ..
منار : دحين مين قلك تفتح فمك
عما ر: انتي ماتعرفي عمي لو عصب وربي لكان اعطاكي كفيين ودعسك دعستين كمان
منار : يعني اللي سويتو دحين صح
عمار : ايوا شتتناه
منار : كمل بس الاوراق
عمار : تعبت ياشيخه _ _شغل اغنيــه عيــآر _ ايوا خلينا كدا نسمع ونشــتغل
اخدنا ربــع ســآعه وهوا بــس بيــهرج وانا اضحــك
واتكلللم وانكــت وامزززح
خــرجني من جوي
سرت اضحك من قلبـــي
ابتــسم بدون مجامله
حكاااني عن هبــلوو .. خلصنا من اورآقنــآ وخرجناا كنا بنرووح بس قلي تعالي اوريكي مكان في المؤسسه
لفلفني في المكاان كلـــوو سمعنا صوت عمو باأحد المكــآتب
: عمي جوا بيسوي الاوراق
منار : طيب خلاص انا رايحه يكفي شبكه بنت خالتي بدأت من 4 ساعات وانا مو فيي
عمار : طيب تبي تاخدك حقك منو
منار : في ايش
عمار : علشان يجلس في المؤسسه للصباح
منار : ههههههههه كيف
عمار : دي الاوراق اللي بيدو لو اتبلبلت حيعيدها
منار : وكيف تتبلبل
عمار رفع عينو على سقف الجدار : بدااا
منار بلمت : نولع حريقه
عمار : لا ياهبله _ خرج بكت دخاان وولع سجاره ودخلها من تحت باب غرفة المكتب _ ههههههههههههههه
اامممشي
جريييت مفجوووووعه وراااه كنا حنروح للمصعد بس لقينا هندي
عمار فحط بنص الممر ودخل اللفه التانيه وانا مع الخيل ياشقراا
فتح باب الطوارئ وانا خررجت وراااه على طوول
بس نزللنا الدرج ووصلنا للشارع واحنا ناخد انفاسنا بالقوووه
ضحكت من قلبـــي ولأول مرا اضحك كدا : هههههههههههههههههههههههههههههههههههه مجنوووون انتا تخيل ولع المكان
عمار جلس على اخر درجه : ههههههههههههههههه لا ماحيوولع حتنزل مويا تررش المكااان كلو والاوراق حيعيدها

علاقتنــآ استــمرت من بعد المؤسسه كلها جوآل لـشهرين ..سرت انسانه تانيه انططنط في البيت واضضحك
وانكت جننت ماما وبــآبا حتى اختي ماسبتها في حالها .. مرا اتعلقت فيــه

علاقتنا كآنت مجرد صداقه وبديت اطفــش من دي العلاقــه مع انو يغار عليا يتصل عليا باليوم اكتر من مرا كنت اباه يوضح ايش اللي بيننا بــزبط انسدحت على السرير وغمضت عيــني وغفيت



فتحت عيني على نغمة الجوال رديت
اخلاقي كانت مرا مقفــله قلتلو كلام ماينقــآل قلتلو لاتتصل كل شوويا ترا طفشــت
شكلنا احنا اتعدينا حدود الصداقه واستفزني لما مارد على الجمله قلتلو اقوول لاعااد تتصل احسسن رد بكل هدوء :اوك يامنــار
قفلت معصبــه ندمت على كلمــه قلتــها
مر اليوم
واليوميــن
والـتلاته وانا اتصــل وهوا ولاحتى يرد عليــا
ارسلتلو رساايل بالهبــل
ولا حتى عبــرني بوحده
كنت بقولو انا بسببك اتغيــرت
انا ســرت اعرف ايش معنى كلمة صداقه
ساارت عندي ذكــرياات لو بس تجي في باالي ابتســم
كنت بقولو سرت اجنن ماما وبابا بنفس التصرفات اللي انتا تجنن فيها اهلك

3 ايام وانا مو بعقــلي جالسه مع الكل وكأني مو جالسه
بيهرجو في مواضيــع ولا كأني سامعه

وفي العصــر لبست ملابــسي ورحت للمؤسســه اول يوم دوام بعد فترة الاجازه الطويــله ...سامعه الكل بيهمس بخبر في المكان
كأني لقطت بين كلامهم اســم عمــآر ..
روحت لفاطمه وفاتن وسئلت بتردد : ايش سااير .؟
قالولي الصااعقـــه : عمار يقولو حيملك في دي اليومين
كأنو احد في لحظتــها اعطااني كــف .. بعدت عن الكــل كنت ابى اشــرد اي مكــآن
طيب ليــش يكدب عليـآ
دوبني فهمت كلامو لما قــآل انا مــآبى بنت كنت اعرفها
دخلت للحمامات وبكييت بكل صووتي
سبيتووو
حقيــر
حيووان
زفففت
غبــي
كل شي في لسااني قلت عنـــو
هوا ماقلي احبــك ولاعشمني باأي حــآجه بس كآن اسلوبو يدل على دا كلــو
حطيت يدي على فمي عشان اكتم شهقااتي وفضضلت بس ابــكي واعترفت لأوول مرا بغبااائي
كرهت الذكريات اللي كآنت بسببو
لو ادري دي الشهرين اللي ضحكت فيها من قلبي اني بببكي في النهايه من قلبي ماكان ضحكت
ماكان كلمتو
ماكان انبسطت معااه
حطيت الشنطه على كتفي ولا يمكن اجلس في المؤسسه بدي اللحظـه
وقفت المصعد ونــزلت .. دوبي بخرج من المبنى شوفتــو داخل مسحت اثار الدمووع وهوا كان بقمة شياكتو اول ماشافني ابتسامتو اختفت من وجههو نزل راســو
ومشي من جمبــي ولا كأنو يعــرفني
كان نفسي بس اقــلو ..
ليش خليتني ابنـــي قصــور وانتا ملكــها

طيب ليــش يمشي من جمبي بدون اي كلمــه خلاص دحين سرت ولاشي

هوا حتى بوااب المبنى يســلم عليــه
حتى اللي بيمسح ارضيــه المبنى بيقولو كيــفك
وانا دحين بنسبه له ولا اسوآهـــم ..!
مررت الايام في المؤسســه حتى عينوو ماتجي بعيني
حسسني كأني طااوله في المكان مالها اي وجوود
يضحك مع الكل من يوم ماأنا امر يسكت
نفسي اقولو كمــل تراااك ماتهمنــي
نفسي اقول كلام كتيــر بس بسبب تصرفــآته كابته كل شي
حسسني اني نكره وانا بحسسو اني مو فارقه عنــدي
تخيــلو اسبــوع مر عليـنا واحنا على دا الحال
قتــلني بحس باألف غصـه بس لما يمــر من جمبي او اسمع نبرة صوتوو

حاسين فيا ..؟ شخص تحبــوه وفجأه بدون اي ســآبق انذار يسير ولا شــي بدون اي مبرر
كل مرا احس اني اضعف ونفسي اكلمو بس اقول كرامتك يامنــآر
وامسك نفســي

جلست على مكتبــي وهوا سامعتو بيضــحك كآن واقف مع واحد من الشباب وبيهرج عن ملكتو
دموعي اتجمعت بعيني احس قلبي بيووجعني
بيحكــيه عن اهل غير اهلــي
بيحكيــه عن ابووهاا واخووهاا
سرت باإرتباك واضح فيــا الملم اي شي في المكتب ابى اشغل نفسي
مابى ابــكي
جا عمار وسامي لمكتبي ..
سامي : منار عندك الملف اللي امس اعطيتك هوا
محجره دموعي بعيني طالعت في عمار اللي اصلا مابيطالع فيــا
قلت بصوت مخنوق : دحين ادورو
فتحت الادراج وبدور
وكمل سامي وعمار هرجهم ..
سامي : يااشيخ احسن لك والله الزواج هرج البنات مع الشباب دا مايفيد
عمار : قول دا االكلام للست منار يمكن تفوق
ومع الصدمه راسي مرخي وبيطالع في الملفات اللي بدرج مارفعتو حتى
سامي : هههههههههههه منااار كم مره كنتي تخرجي مع عماار .... كم قلت كنت تعطيهاا




رفعت رااسي من على المخده مفجوووعه طالعت حوليني
انا بحــلم ..!
اختي دخلت عليا الغرفــه قلتلها بصوت يادوب طلع : الساعه كم
اختي : 5 يووه بااقي 3 اياام على مؤسستك نامي نامي عوضي ههههه
رجعت راسي على المخده مفجووعه من الكابووس دا رفعت شعري عن وجهي : اعووذ بلله
باقي 3 ايام دا كلوو حلــم مسكت جوالي لقيت 6 مكالمات من عمــآر ورساله
قرات الرساله واتذكرت انو امس اتضـآربنا علشان خرجت من البيت بدون ماقلوو كان غيران من ولد خالتي عشان هوا اللي بيوصلنا ..
سندت جسمي على المخده ومدري ليش الحلللم دا له اثــر كبيــر بحيـآتي يمكن لأني عشت كل لحظه فيه وكأنو سار حقيقه ماحبيت اللعلاقه المحرمه اللي بيننا ماكنت ابى اخون اهلي
ماسرت ارد على اتصالات عمـآر
وفي المؤسسه سويت نفس التصرفات اللي هوا كان يسويهاا بالحلــم
جننتو كنت احسو يجلس على المكتب وعينو بس عليا مسرح
كم كلمه رميتلو هيـآ لو تباني دق بابا بيتنا ..
كنت جريئه بدي الجمله بس هوا كان شي حلو بحيااتي وانا كنت شي حلو بحيــآتوو وكنت اتمناه يكمل بالحلال ..



ودي هيــآ قصــتي وبكتبـها بس عشان اقولكم
في نــآس يدخلو بحيــآتك وتعيشي احلى لحظــآت
تغير كل معالم حيــآتك
تشوفي الحيااه بعيوون تانيــه
وفي اشياء تسويها والشيطان يحليها بعيــنك غمضو عيــنكم وقولــو " ان كآن له خير في ديني ومعاشي فقربــه لي يارب "
دي كانت الجمله اللي ارددها دايما وانا بصــلي
وبعدها حلمــت بدا الكـآبوس وسبـتو عشان هوا يجيني لو يبــآني بالحلال


ودحيـــن بعد سنـــه ..

سار اسمــي زوجــة عموري
والعمر مايهم دام جمبي الانسان الي يحميني ويكون ليا الزوج قبل الصديق
والاب قبل العشيق
بالصريح
بالحلال مو بالحرام

المصدر: منتديات تراتيل شاعر - من قسم: قصص - روآيات - حكايات ▪●

---

rwi hg,vrm hgfdqhx

جلب رااائع ومميز
الله يسعد قلبك
يعطيك العافية

مدائن من الشكر لطرحك الراقي
يعطيك العافية على ماقدمت لنا
ارق التحايا

سلمت يدآك على روعة الطرح
وسلم لنآ ذوقك الراقي على جمال الاختيار
لك ولحضورك الجميل كل الشكر

سلمت يدآك..على جميل طرحك وحسن ذآئقتك
يعطيك ربي ألف عافيه..
بإنتظار جديدك بكل شوق.
لك مني جزيل الشكر والتقدير لاعدمناك...

كل الشكر ع القصة يالغلا
إبداع في الطرح وروعة في الإنتقاء
مع خالص تحياتى وتقديري

تسسسلم الايـآدي
الله يعطيك الف عافيه يـآرب
لروحك الجوري
وودي

احن لك......|
.
.
ولعطرك حضور طااغي

انرتي صفحتي بتواجدك النقي

لاعدمنا اطلالتك الانيقه

احاسيس......|
.
.
ولعطرك حضور طااغي

انرتي صفحتي بتواجدك النقي

لاعدمنا اطلالتك الانيقه

احاسيس......|
.
.
ولعطرك حضور طااغي

انرتي صفحتي بتواجدك النقي

لاعدمنا اطلالتك الانيقه