لا تشتكي من همومك للناس الجزء الخامس

رن موبايلي وكان رساله من خالد يذكرني بموعد لبكرة الصبح

اخذت البااقة الي ورى ظهري واتجهت للمطبخ اشرت للخدامات يطلعن ..وقربت من فرح الي شفتها تسوي سلطة وصرت ارقبهاا ..وجها دائري وخشمها صغير ومن الجنب يبان اصغر مع خدودها الملياانه ..عيونهاا كانت متوسطه مب كبيره ولا صغيره ..لونها اقرب للعسلي ..فمها صغيرون ونااعم ..شعرهاا مجعد لكن بملمسه نعومه مب قااسي وبشرتها اقرب للبياض منها للسمار

فرح من غير لا ترفع عينها وتشوفني : اول مره تشوفني

قلت لها : اول مره تلبسين فووشي

حسيتها ماتوقعت الرد سكتنا شووي ومديت لها يدي بالبااقة : انا اسف

شفت طيف ابتسامه على وجهاا لكن بسرعه اختفت : ماكان له داعي تتعب نفسك

ماعتقد اني بتعب نفسي لا جبت لزوجتي هديه ؟!! ومديت يدي لها بعلبة الطقم

اخذتهم مني وحطتهم ع الطاولة : تعيش وتجيب

قلت لها : طيب ع الاقل شوفيهم

قالت لي: مب فااضيه

مسكت يدها وسحبت السكين منها وشلت الخضار من قدامهاا وسحبتها من يدهاا للصاله وجلستها على اول كنبه قدامي : اللحين فضيتي ؟!تقدرين تسمعيني

زفرت : نعم ؟!

قلت بغيض من اسلوبها : نعم الله عليك ياابنت الاصول

حسيتها انحجرت من تعليقي ..وشفتها تلعب باصاابعها بحضنهاا كأنها طالبه تتوبخ من معلمتهاا او طفلة اذنبت وتنتظر العقااب ..مسكت يدها وانا اجلس جنبهاا وضميتها بين كفوفي الكبيره ورفعت راسها باصاابعي : لماا اكون معك واكلمك لا تنزلين رااسك ابد .. اب يرااسك دووم يكون عاالي .. اناا سبق وقلت لك ان الي صاار ذااك اليووم لزت لسان ..واعرف ان لك حق تزعلين وتشرهين علي .. لكن تعترفين وش الغلط الاكبر
.. انك تشيلين بقلب وتظلين زعلانه حتى من بعد مااعتذرت لك ..تدرين اناا ابد مااحب الاعتذاار ولا حتى تعودت عليه واليوم اعتذرت 3 مراات وثنتين منهم لك ..وضحكت بتوتر .. فرح صحيح انك زوجتي وشريكة حيااتي ..لكن لااازم تعرفين ان في خطوط حمرا بحيااتي ماااحب احد يتجاوزهاا ولا حتى يتدخل فيهاا ..حتى اقرب الناس لي مااحبهم يتدخلون فيهاا ومن اهم الاشياء علاقتي باخوي وخواتي ..علاقتي فيهم تصرفي معهم شي خاص فيني اذا عصبت على واحد منهم فانا عندي اسباابي ..انا مااعتبر نفسي اخوهم انا اعتبر نفسي ابوهم

قالت لي : صقر انت تقول اني زوجتك .. الزوجه يااصقر اذا مااكانت النااصح لزوجهاا فهي عدوته ... انا مااكنت ابي افرض افكاري عليك ولا حتى اوجهك للطريقة الي تتعامل بها مع اخوانك .. اناا بس كنت ابي اهديك .. صوتك وعصبيتك على اخوك مهما كبر غلطة ابد مااكانت بمحلهاا .. انت كنت تكلم رجاال مب بزر ..بس صرااخك اسلووبك ابد مااكان يووحي الا بكونك تخاطب بزر .. انت اهنت اخوك وقللت من رجولته قداامي ..مافكرت شلوون بتكون مشاعر اخوك وانت تصاارخ عليه وهو متاكد اني انا ومهاا سامعين كل كلمه من الهواش ؟!! شفت دموع بدت تتجمع ..ماانكر الكلمه جرحتني ..حسستني اني مااني ماليه عينك ماالي قدر .. كنت اقول معليه يااابنت كان معصب ومايقصدهاا والله لو كنت طلعت وبس مسحت على شعري كان نسيت الساالفه ...لكنك كنت جاااامد معااي ..كنت اقرب لقالب ثلجي منك لبشر .. ماهاانت علي نفسي اكثر ... حنا انجرنا صحيح على بعض لكنا تعاااهدنا من اول يووم انربط فيه اسمي باااسمك اننا نحترم بعض ونعيش حياااتناا مثل أي اثنيين عااديين جمعهم نصيبهم .. شوف ياولد النااس اناا بنت فقر ايه ولاني بثووبك لكن نفسي عزيزة علي ومااسومهاا بشي الا نفسك عاافت نفسي تعوفك اكثر ولو كنت نظر عينهاا انت قلت لي بالحرف " انتي نصيبي وانا راااضي بك وانا نصيبك رضيتي خير وبركه ماارضيتي مالك مكان ببيتي " وانا رضيت يااصقر ومااضني بيووم قصرت بحقك ولا حق شاادن ..وشنو كانت المكافئة الاهاانه !!!

مسحت على شعرهاا وبست جبهتهاا الصغيره : حقك علي وماعش من يهينك وانا رجلك

ضحكت بخجل ووقفت بتمشي ..انا كنت ماسك ايدهاا لسى : وووين

قالت وعيونها متعلقة بالارض : بجيب العشى

سحبتها وجلستها : بس انا مااابي عشى


انتهى

الغالين هذا هو البااارت 30 اتمنى اقرا تعليقااتكم ووقعااتكم لما تبقى من قصتنااا
واتمنى منكم انكم تعذروني مااارح انزل بارت الاسبوع القاادم باذن الله على اكثر احتمال عندي اختباارين واحد السبت والثاني الثلاثااء يعني يادوبك اقاابل كتبي
موعدنا الاسبوع الي عقبة ان انكتب لي ولكم عمر

الجزء الحادي والثلاثون


× حــصة ×

رجعت من عند نورة يعني ع الساعة 10 بالليل ..شفت الصقر وهو يدخل باتجاه بيتهم ..حركات ولد عمي جنبه بااقة ورد كبيره ..والله الاخ يعرف حركات الرومانسيه ...ضحكت بيني وبين نفسي .. الله يااصقر اناا قلت عني صغيره وماانااسبك وبنهايه تزوجت بنت حتى ماوصلت العشرين ...بصرااحه اناا ماااني زعلانه لانه تزوج ..اصلا مايهمني ولا عمره كان بعيني بمرحله من المراحل صحيح بغيت انتقم لكرامتي المجروحه واخذه لكني كنت بظلم نفسي واظلمه .. هو طيب ويستاهل الخير ومرته اطيب منه بعد ... اتذكر يووم ملكته ...كانو مسوين حفلة صغيره ببيتهم
تحجبت زيين : مبروك ياولد العم ..منك المال ومنها العيال
مارفع عينه فيني ..حسيته مستحي وخجلان : يبارك بعمرك ياحصة ..وعقابلك
ابتسمت وقلت لمرته : حطي ولدنا بعينك يافرح ..مارح نوصية عليك لانه مايحتاج تواصي
فرح بخجل : ان شاء الله
فرح كانت بسيطة وناعمه بفستان فيروزي وشعرهاا ملفلف بطريقة حلوه ومكياجها مره خفيف .. البنت صحيح مب ذاك الحلا لكن سبحان الله فيهاا قبول من تشوفها تدخل قلبك من غير استاذان
رجعت وجلست ع كرسي وكان جنبي حرمة مغطية : انتي حصه ؟!

التفت : ايه نعم
قالت لي : انا منيره جاارت فرح وتقدرين تقولين بمكانة عمتها الله يرحمهاا
قلت لها وانا اتذكر هاا : ياهلا والله
قالت لي : تدرين كان نفسي اشووفك من زمااان من غير غطى
ابتسمت : ان شااء الله بس مااكون اخرع
قالت : بسم الله عليك ..الزين كله فيك
قلت : تسلمين من ذووقك ..بس ليه كنتي تبين تشوفيني
منيره قالت لي بصراحه : فضول والله ...كنت ابي اعرف شلون بنية صغيره تكون اشجع من رجال وتوقف بوجه اهلهاا .. وتعرض نفسهااا لكلام الناس بس ماتهين كرامتهاا
قلت لها : منيره هذاا كله صفحه وانتهت وكل انساان بالدنيا له نصيبه
قالت لي : تدرين ان عقااب وصى وصيه قبل لايموت ؟!
سألتهاا : وصيه ؟!!
هزت راسها : عقاب وصى زوجي قبل لاايموت لانه الي كان معه وقاله قولوو لحصه تساامح وتستر ماشافت
قلت لها وانا امسك دمووعي : قال شي ثاني؟!!
منيره : لااااا
ترحمت عليه : الله يرحمه ..
قطع كلامنا العشا الي نادوناا عليه ..انا مااقدرت ادخل لا عشى ولا يحزنوون ...كنت احس نفسي مخنوقه ..قلت لامي اني بروح البيت وباخذ الشغاله معااي
رحت للشغاله لقيتهاا تاااكل .. ماهان علي والله اقومها من اكلهاا ..حرام هي طول اليووم تكرف
مالقيت نفسي الا ماخذه عبااتي وطالعه من البييت
شفت خالد وااقف برى ويتكلم تلفوون ..تغطيت ززين وسكرت عباااتي ..ومشيت بطلع من البووابه
خالد : وقفي يااابنت
صوته جمد الدم بعروقي ..صوت كله غضب ..وقفت مكاني : ووين راايحه ؟!!
التفت عليه وسويت نفسي قويه : خويي برى يستناااني ..بالله ذا سؤال ؟!! يعني الساعه 12 وين برووح بيتناا
قالي : وليه بلحالك
قلت له : من بعد البيت اهووو
قالي : ادخلي انثبري دااخل .
قلت وانا احس نفسي مخنوقه وشوي بصيح : مااني داااخله .. ومشيت اكمل طريقي لبرى البوابه
خالد معصب مسكني بقوووة ووقفني قداامه ونفض ايده مني كاني قذااره : انتي متى بتتعلمين الادب ؟!
يوم اكلمك لا تعطيني ظهرك وصووتك لاا ترفعينه لاا اضيع ملامح وجهك اللحين

قلت بغيض : ماابقي الا انت يااخويلد ترفع صووتك علي وتهددني
شفته يفرك قبضته والله خفت يضربني ...قالي : اناا اعرف شلوون اربيك
قلت له : الحمدالله والشكر انت تربيني ؟! ربي نفسك انت بالاول
اقدر احلف انه كان بيضربني لكن جيت اخوي سعد منعت كل شي
سعد: وش تسوون هني
خالد : شفتها طاله رايحه البيت قلت امشي وراها لين ماتصل
سعد بحدة : ليه طالعه من غير امي ...؟!! وا ليه مادقيتي علينا نوصلك
قلت بكل ثقه : امي بتقعد واناا ابي اروح انام بكرة ان شااء الله وراي صحوة من بدري للجامعه موعد مقابلتي 8 وانتم تعشوون قلت خلاص اروح بلحالي من بعد البيت اهوو ..حتى خالد عيت يوصلني
خالد لاحظ ان وجود ابد مب مرغوب : عن اذنكم
سعد بعد ماراح خالد : امشي قداامي ..مشيت معااه وانا منتظرة نوصل بيتناا ويدوس ببطني عاد فرصته البيت فااضي وصلني البيت وفتحلي بمفتاحه
سعد : حصه لا عاد اشوفك واقفه تتكلمين مع احد من عيال عمك لحالكم وخصوصا بالشاارع ساامعه
قلت له : انت ماعندك ثقه بااحد ؟!!
قالي : السالفة ماهي مسألة ثقة ؟! اناا واثق فيك وواثق بعيال عمك اكثر منك بعد لكن أي احد ممكن يمر ويشوفكم ماارح يكون كلامه زيين ابد ..هم رجال ماايعيبهم كلمة ..بس انتي بنت والبنت سمعه
قلت له : ان شااء الله سمعت طق على بااب غرفتي : تفضل
دخل ابوي : هلا هلاا يباا
ابوي : تعالي ابيك
حسيت بااستغراب ..ابوي بغرفتي ولا بعد يبيني ؟!! الله يستر بس ..جلسنا انا وياه بالكراسي المحطوطه بزاوية الغرفة
سالته سؤال حسيت ابد مو وقته : يباا اجيبلك القهوة هني
قالي وهو يأشر ع الكرسي : اجلسي
جلست : سم يباا
ابوي وهو ينزل مظروف ويحطة قدامي ع الطاولة : خذي
اخذته الظرف وفتحت وشفت فلووس كلها من فئة الخمسمئة : وش ذا يباا
ابوي : مهرك
فكرت نفسي سمعت غلط : نعم ؟!!
ابوي عاد : مهرك
قلت ابي افهم السالفه : يبا شلون مهري ؟!! انا حتى ماانخطبت ؟!!
ابوي جاوبني : خالد خطبك واناا وافقت وهذاا مهرك 200 الف بنملك بعد بكرة بينا وبالعيد بنسوي العرس
عصبت وانا اشوف ابوي يفرض رايه حتى مايشااورني : ومن قال اني موافقه ؟!!
ابوي بنظرة حاده : لا ترفعين صووتك ..وانا مااشاااورك انا امرك
حاولت امسك اعصاابي ..اعرف ابوي والله لو عندت بيجبرني : يباا ولي يسلم عمرك انا ماابي اتزو

..يباا والله مااابيه
ابوي : عطيني سبب واحد يخليك ترفضين خالد
خالد اااخ لو هو قدامي كان قطعته بسناااني : يباا خالد مثل ماتعرف راعي مخدرات وبنااات وشلون اخذه
ابوي ماعجبه كلامي عن ولد اخوه : هذاا ك اول واللحين تغير
قلت : ابو طبيع مايجوز عن طبعه
ابوي : حصه انا ماابي أي نقااش الملكة بعد يومين سمعتي ..
قلت له : بس انا حتى فحوصات الزواج ماسويتها شلون بانملك
ابوي ضحك : نفس التحاليل الي سويتيهاا للوظيفه الي كنتي تبينهاا خليت اخوك يعملك بهاا فحص الزواج
يعني فهيدان الثور عنده خبر ولا قاااالي
قلت وانا معصبه : وليه الاخ مستعجل
قالي : خالد مساافر بيباشر المشروع الي بالشرقيه ويبي يكلمك طول هالفتره يتعرف عليك اكثر
ضحكت بتريقه : الي يسمع يقول عمره ماتكلم معاااي ولا شاافني
ابوي وهو يوقف : هذا الخبر وجااك ووالله ياااحصه لو جاني خبر انك مسويه شي عشان تلغين هالزوااج لادفنك بالحوش
وقام بيخرج وفتح البااب بيطلع : يباااااااا
التفت علي
انا كنت موطية رااسي ومخليه شعري يغطي وجهي عشان لايشوف دموعي : ليه يااايباا ؟!! ليه تخليني كورة يتحاذفها عيااال عمي ؟!! ليه ؟!!!
ابووي : لو ان خالد مب كفو مااعطيته
وطلع وقفل الباااب جلست ع الكرسي واناا اهتز وابكي ..بصدري قهر ماتتتصووورونه ..نار شااابه ..سوااهاا الحقييييييير .. قمت لتسريحيت مثل الموجووده وصرت ادور على مشرطي او حتى مقص ...دورت ..دورت بس مالقيت شي...اخر مره اخذ فهد المشرط والمقص من غرفتي ...ماحسيت الا وانا مرميه كل الاغراض الي على التسريحه كلهاا بالارض كانت القوارير كلها تتكسر على الرخاام ..صوت التكسر كان مثل موسيقى تطرب الاذن ...وشكل الزجاج المتكسر مغري ..كنت واعدة امي اني ماعاد اشرط نفسي مااعاد اجرحهاا .. كنت خلاص بمد ايدي واااخذ قطعة زوجاج الا ان امي دخلت علي
امي : وش فيه وش صااير ؟!! ..هالهاا منظر الارض ..قربت مني وقومتني من مكااني ..اخذتني ع السرير
ضميت امي بقوووة ...ضميتها وانا ابكي واشااهق ...
امي كانت تمسح على شعري وتسمي علي : بسم الله الرحمن الرحيم ..بسم الله
قلت بصوت مخنووقه : يمه قووليله مااابيه ..يمه تكفين مااابيه

امي : بس يااحصه اهدي ..اهدي عشان نتفااهم ...
قلت وانا اطالع امي : ماابااااه ...يمة والله مااابيه
امي وهي ترجع شعري بعيد عن وجهي : طيب ماتبينه لييه
انقهرت : يمه مااابيه ..ماابيه ..مابيه يكفي انه اخو عقاااب ...يمه شلوون اخذ اخووه شلوون ؟!!
امي : الله ياااحصه مو هذا الي كنتي تقوليه مااهز فيك شعره
مارديت عليهااا .. ماابي افضح نفسي اكثر مما اناا مفضووحه ..لو تكلمت جرووحي بتتفتح كلهاا
امي : حصه سمعي يمه .. انسي ان خالد ولد عمك وانه اخو عقااب فكري فيه على انه رجال مايقرب لنا بصله شوفي نفسك يمه وقتها بترفضيه لو تقدم لك ؟!!
كنت انااظر امي وماني عارفه شقوول ...ابتسمت : شفتي ان مافيه عيب ..حصه ياابنتي صحيح اننا واثقين فيك وبتربيتنا لك ..لكن كلام الناس ياابنتي مااايرحم .. الناس تعرف انك تردين كل من يجيك ..وصارت تتقول عليك
وانا مايرضيني انك تصيرين علك بفم الي يسوى والي مايسوى
قلت بسرعه : يمه ردو خالد وانا اول واحد يجي بوافق عليه
امي بهدوء : تبدين الغريب ع القريب ؟!! تهقين ابوك يوافق ؟!! اخوانك بيقبلون ؟!
قلت لها : انا الي بتزوج مب هم
امي : حصه مابي نقااش اكثر بالموضوع ..ابوك قرر وانتهينااا .. الا عاد لو تبين تكسرين كلاامه وتحطين رااسه بالطين شي ثااني ..طلعت وتركتني
اول ماطلعت رحت لجوالي ..مسكته ودقيت على رقم الزفت الي اسمه خالد
" ان الرقم الذي طلبته لا يمكن الاتصال به الان .."قفلت بقهر ...النذل الجباان مقفل جواله
ارسلت رساله له " انت احقر انسان شفته بحياااتي ..شلون تفهم ماااابييك "


×فهد ×
رجعنا من السووق تعرفون ...جاتنا فجأ حاله صرنا ساكتين ... العيون الي كنت اشوف الضحكة فيها .. اختفت
ماافهمت وش الي صاار

× نوال ×
ماادري وش صاارلي ...حسيت بضيقه بصدري..مااقدرت اكمل التسوق مع فهد .. حاسه ان كل الي انا ويااه فيه مجرد عرض مسرحي ...قريب جداا رح ينسدل الستار وينتهي ...او انه حلم ورح اصحى على وااقع مريير
اخذ الاكيااس وصرت انزل الي فيهاا ...اخذت الملاابس الصغيره وبديت اطبقها واحطها بالدلاااب ... غيااراااته
رتبتهاا بالشوفونيرة ..اللون السماوي كان غالب على كل القطع والاغرااض ...حتى رضاعته ..تجنن كلها رسومااات ..اشترينا اكثر من مقااس ..شي صغير ..شي كبير ... اشتريناا مستحضرات الحماام " وانتم بكرامه " المخصصه للاطفال ..بودرة لجسمه ...حتى عطر خااص لللاطفاااال ...شفت وحده من الاكياس ... ماانتبهت لها ...فتحتها ولقيتهاا غطى لونه ابيض مرسوم على وحده من زوايااه قلبين صغااارمتداخله وفي صورة لبيبي صغير يلعب ويضحك ..حضنت الغطى وصرت ابكي ..بكيت بحرقة ...وانا اتذكر ان ولدي بيكون بعيد عن ابوه ..وان كل الي جالسه اللحين اسويه وارتبه ..مارح يشوف منه شي.. رح يكون مشتت بيني وبين ابووه ..ورجعت مرت ببالي الفواتير الي لقيتها ..وانحرق قلبي اكثر ..اكيد بيتزوج ..بيجيب لولدي مرت ابوو ..بكيت بقهر ..دموع حاااره ..بحرااارة الناار الي بقلبي ..حتى ان رجولي ماعادت تحملي بركت ع الارض على ركبي وانا اضم الشال اكثر واكثر الين مادفنت وجهي فيه
حسيت بيد تمسح على شعري : نوال شفيك
رفعت رااسي بسرعه ..هذا متى جاا هناا ..شلون ماحسيت فيه
مسحت دموعي بسرعه ووقفت : خير في شي ؟!
قالي : انتي شفيك شكلك متغيره ماكنتي كذا عند الكتورة ولا حتى بالسوق
تنهدت وانا اروح لدولاب واحط الشال بواحد من الادراج : فهد لا تشغل بالك ماافيني شي


× خالد ×
يالله نفسي اشوف وجها اول ماتسمع الخبر من عمي ..اتوقع انها بتنفجر ... كلها يومين وبملك عليهاا وبتصير زوجتي ..لي لحااالي ..صحيح اني كنت ناوي ااجل هالخطوة لين ماارجع من الشرقيه لكني مااقدر ااخرها اكثر واناا اشووف ابو احمد يلمح لعمي بالنسب ...خفت تطير مني ..مثل ماطااارت زمااان ... تنهدت وانا سمع صوت ابوي بذني وهو يقول لعقاب "اليوم كلمت عمك وحجزت لك حصه "
عقاب كان باخر سنة من الجامعه يعني تقريبا 22 سنه ..انا كنت حتى ماوصلت ال15 بس كنت افهم واستوعب الي حولي .. ماكنت متخيل ان عقاب بياخذ حصه .!! شلون واناا ؟!! انا كنت احبهاا الا اموت عليهاا ..

عقاب : بس يبا انا مااابي اعرس اللحين
ابوي : احد قال عرسك بكرة ؟! اعرس وقت ماااتبي..المهم البنيه ماتروح مناا ولا تطلع برى
اعترض: بس الصقر بعده ماتزوج
قاله : مالك دخل بااخوك انت لك بنفسك ...وطلع راايح لدوامه
عقااب لاامي : يمه قوليله ماابي اعرس ولا ابي حصيص
امي : ابوك تعرفه محد يقدر يعترض على راايه
كنت ابي اصرخ ..ابي اعترض ابي اقول ترى ياانااس ابيهاا والله العظيم ابيهاا..لكن على قولة ابوي انت بزر انثبر سااكت وسكت ..سكت وانجرح قلبي .. كنت دوم اشوفها تستحي منه ..تبتسم له وهومثل الصنم لااا يحس ولا حتى يعبرهاا ...وذبحني اكثر يووم كلمها تفسخ الخطبة ..انا كنت موجوود بالحديقة كنت اسمعهم ..كل كلمه كان يقوولهاا ..تمنيت ارووح له واضربه ..لكني سكت يوم كنت اسمع حصه ترد عليه بك جرأة كبرت بعيني يووم ارفضت انهاا ترخص نفسهاا ..وبنفس الوقت حلته من الارتبااط ..هربت بسرعه قبل لاا ترووح لبااب وتشووفني كنت اشوفهاا من بعيد وهي تمسح دمعهاا ..عشان لااحد يعرف
وصلت البيت ..دخلت ومالقيت احد بالصاله .. وين راااحو هاذول ؟!



× فهد ×
مشيت باتجاهاا ...ولفيتهاا وقااابل وجهاا وجهي .. تدرون بكثر ما قلت طابت نفسي ..كنت اعرف اني اكذب على نفسي ..مستحيل نفسي تطيب منهاا ..اناا احبهاا ..شوفتهاا مهموومه ..تذبحني ...صح تعمدت اجرحها كثيير ..تعمدت اني اتعامل ببرود معاهاا ..بس والله بغيتها تحس فيني ..الدكتور محمد كان يقولي حسسها بالحب ..سوينا طريقته ماجابت نتيجه ..اتبعنا الاسلوب المعاكس ..وبدأ تتفاعل معاي ..شكلي بقلب من طب الاطفال لطب النفس ...
اول مالتقت عيني بعينهاا ..ما استمر اللقاء ثواني الا ونوال ترخي نظرهاا وتطلق العنااان لدموعهاا
سالتهاا : دموعك هااذي ليش ؟!
ردت : ابكي نفسي ..ومشت تبي تطلع من الغرفه مسكتها من ايدهاا وصاربينا مسافه مد الذراع
قلت لهاا : وش بها نفسك تبيكنها ؟!!!

قالت : ابد مافيهاا شي ...انا وزوجي اغراب ..مايربطنا شي الا طفل مثل ماايربطنا بنفس الوقت بيفرقناا ... وش فيهاا نفسي واناا اشوفك تجهز لعش زوجيتك الجديد ..وانا لسى على ذمتك ..وش فيهاا ياافهد ؟!!
سحبتهااا لصدري وضميتهاا ..اول مره من تطلقناا اضمهاا لصدري ..تعرفون حسيت بروحي رجعت لي من ضميتهاا ..احبهااا ...والله احبهاا ..ضغطت عليهاا بقوة ... ضمتني هي بعد ..كنت امسح على شعرهااا
خليتهاا تبكي براحتها
رجعت بعدت عني : شفقان ياافهد ؟!
حطيت اصبااعي على فمهاا : اووووص ..
كانت تطالع بعيوني واصبااعي لسى على فمهاا ..رجعت اضمهاا لصدري وقلت لهاا : عمرناا ياانوال مااابنكوون اغرااب ..عمرناا ..انتي رووحي ..وخرتهاا "ابعدتها " ومسكت وجها بين كفوفي ..والله رووحي ..لاقسى لساني عليك ..لو تجاافيت ... والله يتم قلبي مشتاق لك .. ويظل فكري يهوجس فيك ..لا تظنين يوم قلت طالق ارتحت ..نوال والله يوم طلقتك حسيت قلبي بيطلع من مكاانه ..نوال انتي اهنتيني بكراامتي ..مافي رجال يرضااهاا لنفسه ..حتى لو اني احبك ..كرامتي فوق كل شي عندي .....واذا علي ببطنك اذا كنت مشتاق لشووفه واذا كنت احبه ترااه قطعه منك ..كنت اشوفهاا تبتسم على كلاامي ..تذكرت وش تقصدين بعش زوجيتي الجديد؟!
شفتها مكشره ملامحهاا ودفت ايدي : بيتك الي تجهزه ..ولا تقول شكووك ..انا شفت الفواتير بجيبك
ضحكت : وحكمتي انهاا لبيت ومره جديده
سالت : اجل لميين
ابتسمت لها : راحت لااهلهااا ..لاتضيعين اجرها
كملت تسألني : والطقم ؟!!
ضحكت : الطقم هدية حملك .. بس ترددت اعطيك اياااه
سالت : يعني ماابتتزوج
قلت لهاا : وليه اتزوج ؟!!اناا عندي مره تسوى حريم الدنيا كلهم
قالت : يعني بترجعني ؟!!
قلت لها : والله اني رجعتك من اول مااشفتك ليلة العرس ببيتناا
عصبت علي : نعم ؟!! و كل الي سويته ليه ؟!!
قلت لهاا : كنت اشووف غلااي عندك .. وسحبت خشمها ...اتدلع مثل ماتدلعتي علي..