لا تشتكي من همومك للناس الجزء الخامس

نهرني : تكلمي زيين

قلت له : اسمع ترى لقيت شاادن وهي معي الان

فرح : قوولي والله ؟! ووين لقيتيها شلوونها ؟!

قلت له وانا احاول ابين عدم ارتباكي : شفتها مع واحد ماسكها ويشحذ بهاا .. ويوم عرفتها وناديتها شرد وتركهاا ..

قالي : طيب اسمعي جيبيها ع البيت ..اللحين بدق ع الصقر بقولة يوقف الدوراه بالشوارع

قلت له : خالد ماااتبي ترجع تبي تروح عند امهاا

خالد : بس انتي تدريين انه صقر معاارض البنت من طلعت وحنا ماغير ندور بالشوارع عليها

قلت وانا اشوفها نايمه والدموع الجاريه غسلت التراب الي ع وجهها : خالد والله حرام تحرمونها منها البنيه بغت تجن يوم قلت برجعها بيتكم ..

قالي : طيب انتي ووين ؟!

قلت له : انا برى البيت

عصب علي : انا عارف اقصد ووين ؟!

تنهدت : بمشوار خاص

شكله فهم اني مااابي اقوله ووين وحسيته عصب : يعني ووووين ؟!

قهرتني حدته : خالد ترى مالك حق تحقق معااي ولا حتى تحاااسبني على طلعااتي ..وعشان امنعه من انه يفتح فمه بكلمه ....عطني عنوان البيت

قالي بلهجة امر : اعتقد تعرفي بااب شريف " هالباب من ابواب جدة القديمه ..موجود بالهنداوية وهو حي شعبي تماااماا " صح ؟!!

قلت : ايه

قال : اجل انتظري على مدخل الحاره واناا بجيك يعني ربع ساعه لاني قريب

قلت : طيب وقفلت السماعه حتى من غير لااسمع رده

والله لو يعرف اني اصلاا بالهنداوية وحواااريهاا كان قطعووني ...طبعا مثل الحاراات الفقيره تنتشر فيها السرقات والمخدرات ..يعني مكاان ممتاز لاربااب السوابق هذا من ناااحيه غير كونهاا بعيدة مرررره عن بيتنااا تقريباا سااعه الا ربع

المهم انتظر ربع ساعه وجا خالد بسياارته اللكززس السودا ودق علي ؟!

خالد بحدة : وووينك ياايهاانم

قلت له : انا بجمسنا الملكي ..اشووفك

خالد انتبه لي وقالي : غطي عيوونك بالطيب وامشوو وراااي وقفل بوجهي

قهرني وجع يوجعه ..يردهاا لي ...قال غطي عيوونك

مشيت ورااه . ودخلنا حاره وسط حاااره الين ماوقفناا قدام بيت حالته تعبااانه بصرااااحه ... حسيت بضيقه بصدري... معقول البنيه الي اختارهاا عقااب وفضلها علي ..من هالبيئة ؟!! وش كان بذا المكااان يستاهل انه يضحي بكل اهله عشاانهاا

جا وفتح البااب وشاف شاادن النايمه فوق حظني ..كان يبي يمد ايده ويصحيها ..لكنه ترااجع خجلاان

احسب بعد بيمد ايده وهي بحظني والله اقصهاا له : صحيهاا

صحيتها : شاادن حبيبتي قووومي ياااقلبي

قامت شاادن : حاااااااااااااااالد ..وتعلقت بثووبه

شالها وضمهاا ودار بهاا وهي تضحك ...انتبهت للبيت

صرخت :بييييييييييتناااااااااا

نزلها وجرت تددق البااب بيدها الصغييره ..دق خالد البااب واناا كنت ورااه

طلع لنا بزر : شاااادن

شاادن : ليااااااااان

دخل البزر بسرعه للبيت ... ودخلت شااادن وراه جري

..قالي خالد : ادخلي اول

خطيت كمن خطوة وكان خالد بيدخل ..التفت عليه: خليك عندك

مادخل ..انا كانت عيووني على فرح ..الي جرت على شااادن مثل المجنونه ..تبوسها وتضمهااا ...قدرت اشووف وش كثر خايفه عليها ..وش كثر تحبهااا ...فرح كانت تبكي وبنفس الوقت تضحك

سالتها : من جااابك ؟!

التفت شادن واشرت علي : حسسه

مشيت باتجاهاا : قرت عينك

ابتسمت لي وحضنتني بقوة : مشكوووووووووووووورة مااني عارفة وش اقولك ...اشكرك .. والله مو عارفة ش اقول ..انتي رديتي روحي لي

ابتسمت لها : الله لا يفرقكم ..اسمحولي استااذن

كان في مره معااهاا .ويظهر انها قريبه منهم بالحيل لانها عزمتني ع الدخول : اقعدي يااختي انتي حتى ماخذتي واجبك تو الناس

قلت لها : مره ثاانيه ان شااء الله خالد برى

المره : فرح قومي دخلي داخل ..وانتي يااختي خلي زوجك يدخل المجل ماايصير وااقف برى

زووجي ؟!! بسم الله علي :انا مب متزوجه ..خالد ولد عمي وانا يوم لقيت شاادن طلبت منه يدليني البيت

رجعت لواقعي ع صوت عبد العظيم : ماما وسلنا بيت ماما نورة

نزلت للبت اشوف السيدة المحترمه نورة



× فرح ×

انحرجت من مهاا بشكل ماتتصورونه : مها والله ماايصيير

مها :يصير ونص البنت ببيت عمتهاا

قلت لها : مها انامااقدر اناام وهي بعيدة عني

مها : لا يااشيخه واخوي مااينفع

صرخت : مهااااااااااااا

مها : هههه فرح صقر والله العظيم مره طيب وحنوون ..صح يعصب ويصاارخ ..لكن من جواته طفل صغير

قلت لهاا : ولا يهمك اناا نسيت خلااص

سمعتها تصارخ : بناااااااااات وبعديين

سالتها : وش فيهن ؟!1

قالت : يركضوون ع الدرج اخاف وحدة منهن طيح تاذي نفسهاا

قلت لهااا : عشان كذاا اقوولك خليهاا ترد البيت والله زوجك وعمتك بيضاايقون

مها : لا والله حليلهاا عمتي صح تبان قووية الا انهاا طيبه .وشااهين مبسووط ع الاخيير وهو الي قاايلي خليهاا هناا .. عاازمها ع العشى

ضحكت : من قدهاا الست شاادن

مهاا : ياالله انتي قومي كذاا واكشخي لااخوي ..لا يجي وانتي مبهدله

قلت لهاا : وانتي متى شفتيني مبهدلة هاا ؟!!

مها : والله حرام ولاا يوووم

جاوبت : احسب كمااان



قفلت من مهاا ...وقمت ابدل ملاابسي ..بيني وبينكم انا ماكنت لاابسه ..حتى العصر الي هو وقت رجعت صقر من دوامه ماابدلت ..بتقولون حقووده لسى شاايلة بقلبك ..بقولكم أيه ..والله قهرني ..تدرون انا الي استااهل محد قالي اخذه ..بس شدوون والله مااقدر اعيش من دونهاا .. يوم اخذهاا مني وهو بس اسبووع مااقدرت اتحمل حسيت نفسي بتجنن كنت ابكي ليل نهاار ورااكان حتى اكتئب مني ..يووم رحناا واستشرنا محامي عرفنا اننا مانقدر نسوي شي ..البنيه ولايتها لعمها يعني لااازم تكون عنده وبحكم ان امهاا وجدتهاا ميتات وحتى خالتها فالحضانه لاهل الام تسقط ..بغيت استخف يومتهاا .. والي كمل علي ان بعد يومين بس من اخذ الصقر لشادن يجوون يدورن عليهاا ..انهاا هربت من البييت ..يومتها مااحسيت نفسي الا واناا ماااسكة من ثووبة وصاارخه فيه : بنتي وييين ؟!! وديت بنتي وووين

وخرني عنه : انهبلتي ياامره تغطي

تصدقوون اني ماااكنت ابد مستوعبه اني بلا غطاا ؟!! وحتى الان استغفر ربي شلون طلعت عليه كذاا ..بس تخيلو معاي ان واحد من عياالكم مضيعينه شلون بتحسون؟! شلون بتصرفوون

صرخت فيه : بنتييييييييي ويين

اعطاااني مقفااه وطلع من المجلس ...... وطبعاا رااكان اعطاااني كف معتبببر ..وهزئني لكن والله ولا فااد معاااي ...مااريح قلبي ..الا شووفة شاادن بعد اربع اياااام بين يدي ..الي لقتها كانت حصه وهي الي جابتهاا مع ولد عمها خالد الين البييت ..والله مااصدقت وانا اشوفهاا بستهاا وضميتهاا لصدري ...وكنت ابكي وهي تبكي

بعدها بيوومين جاا صقر ومعاه مهاا وخطبووني بحجة ان هذاا افضل للبنت ... انا ترددت بالبدايه لكن بالنهاية وافقت ..زواجنا كان بسيط ..حفلة صغيره ..لاانا بغيت حفله ولا حتى هوو



يااترى وش البس ؟...طلعت لي ...تنورة لونهاا فوشي لتحت الركبه على حوافهاا تطريز هندي باللون الذهبي وتيشرت نعووم باللون التفاااااحي الفااااااااااتح بقصة سبعه من الرقبه ... ماحطيت مكياج يادوب بلاشر وردي خفيف وروج فووشي ..عيوني حددتها بالاسود وغمقت التحديد ..حطيت حلقان نااعمه ذهبيه لبست صندل " وانتم بكرامه " هندي ممزوج بتطريزة التفاحي والفوشي والذهبي ...تركت شعري مفتوووح على راحته طبعااا شعري مو نااعم ورا حرير ..شعري طبيعته متموج فيوم افتحه ..يحسبوني حاطتله شي ..والله نااس ماعندها سالفه احد يجعد شعره بيدينه




× نورة ×
كله كووم وحصه الي فاطسة من الضحك كووم ثااني

قلت لهاا على ايش تضحكين

جاوبتني : والله مو مصدقة الي اشووفه ..نورة بجلابية وعصة " قطة _وهو تعبير عن وضع احن على باطن الكف بالكااامل " حنا بيدهااا من يصدق

قلت لها : اسكتي والي يعاافيك ترى والله اناا لحالي منقهره

قلت لهاا : ابغى اعرف وش مسوي فيك ؟! شلون عدلك

قلت : انيت مره ماخذه مقلب ترى ..حبيبتي هااذي سياسة الين مايصير الي ببالي

سالتني : لسى تبين تساافرين؟! ببسااطه بتنهين زواجك وترجعين لامريكاا

قلت لها : حبيبتي ..انا مااعتبره زوواج

صرخت علي: اجل ايش؟!! العقد الي مضيتي عليه ..الرجال الي يكد من اول النهار لاخر الليل عشان يصرف عليك ..كل هذا مو زوواج؟!اجل وشوو لعبة اطفاال ؟!!

قلت لهاا : اذا عااجبك تفضلي وخذيه ..حلاال عليك

حصه : يااشيخه استحي ..والله عيب هالكلاااام هذاا رجلك مو فستاان تملينه وتغيرينه

قلت لهاا : شوفي اعترف ان راكان انسان كوويس ..بس انا وياها مستحيل نستمر مع بعض ك couple

He is not my type يكفيك تفكيره الرجعي

حصه : يخلف الله ع العقل . ..شفتها توقف وتلبس عبااتهاا

قلت لها : وين ؟!!

جاوبتني : بيتنا يعني ووين

قلت لها : خليك جالسه معاي تسليني

قالت : حبيبتي انتي زوجك بيجي اللحين يجي يلقاني مرتزه له وش يقوول

قلت لها :ماعليك منه

شفتها هزت رااسها باستيااء ..بعدين سالتني ماافي شي بالطريق ؟!

قلت لها : شو قصدين ؟!

جاوبتني : حمل

ضحكت : تبغيني احمل من المتخلف ؟! ياقلبي اناا استخدم ماانع

قالت لي : اول كنتي تقولين لي انك ماارح تخلينه يحط يده عليك ؟وحطهاا والحين ماتبين تحملين منه وصدقيني رح تحمليين والي تقولينه عليه متخلفه واشرت على صدري بااصبعهاا رح يسكن بين هالضلوووع وقولي حصه قاالتهاا

ضحكت هالمره بقوووة : انتي اكيد تحلميين ..وقلت بجدية : شووفي حصه انا بسبيل احصل على حريتي من جديد واتخلص من هالقذارة الي عايشه فيهاا مستعدة اسوي أي شي
ماردت علي طلعت من غير لا تعلق على كلاامي ..مدري وش جرى لمخهاا عشاان تقول هالكلاااام .. غباء منهاا انها تفكر اني بديت الين او اتغير .. انااا مثل مااناا لا تغيرت ولا يحزنون الفر ق الوحيد اني غيرت خطتي وقررت العب وفق خطا ثاانيه ..بديت اتبع الاسلووب الي يفضله الرجل الشرقي الغبي .. المره الوديعه الي ماتناقش ..باختصار اكون له اداة تنفيذ لرغباااته .. فتحت التلفزيون وحطي على قناة اغاني اجنبية

× راكان ×
شفت سيارة تحرك من قدام البيت ..عرفت انها سياارة اهل بو سعد ..دووم وانا اشوفهم يجون ويزورن نورة

يظهر يعزونهاا كثير..الغريب اني اشوف بنااتهم مغطايين ومحتشميين ..العله الي عندي ليه مب مثلهم ؟!!

دخلت البيت ولقيتهاا جالسه بالصاله ووتتفرج على قناة اغاني اجنبية

سلمت وطبعا مااسمعت السلام ...مشيت لعند التلفزويوون وقفلته

نورة : هييي

قلت لها : ايش هي تكلمي عدل

نورة :ليه قفلته ..؟!

قلت لها : ازعااااااااااج اولا ثاانياا .تعرفين ان الاغاني حراام ..وليتها اغنيه محترمه الا كلهاا مشاهد خادشه انتي ماااتستحيين تشوفين هالمناظر ؟!

نورة جاوبتني من طرف خشمها : الي تقول عنها خادشة انا متعودة اشوفها بالشوارع بامريكاا ..افتح مخك المصدي وشوف العالم وشلوون عاايشه

صرخت عليهاا : عايشين حيواااناااات ... وحدها الحيوااانات اهي الي تقضي حوايجهاا الفطرية بالشوااارع

نورة : اسمع انا مالي مزااج اتنااقش معاااك ..ببساطة لانه نقاش عقيييييييييم

قلت بغيض : ولا حتى انا لي خلق اطالع وجهك .. روحي جهزي العشى ابرك

نورة : هي انا مو شغالتك .. تبي عشى روح وحط لك ..انا مب راايحه

قلت لهاا : بتروحين وانتي ماتشوفين الدرب

عصبت : انت من تفكر نفسك

مسكتها بقوة وضغطت على يدها : زوووجك ...تفهمين يعني وشو زوووجك .كلمتي حد سيف على رقبتك ... ان قلت كلمه بتنفذينها بدون أي نقاااش ودفيتها باتجاه المطبخ

دخلت غرفتي وغيرت ملاابسي .. هالانسانه بتجنني ...مابقي براسي ذره من عقل

تعاملنا معهاا بالطيب ماجاب نتيجة تعاملنا بالسلوب الجارية والسيد تمشي ع الخط المستقيم ... والله انا الي لابش عمري .. محد قالي تزوجهاا ..زفرت بتعب وغيرت ملاابسي.. مدري متى هالادمي بتفهم وتقدر ..ماايكفيني التعب والبهدلة بشغلي ..اجي القى نكد ببيتي ..مااقول الايااحظك يااتركي ..الله يسعدك مع زوجتك مهنيته وقايمه بواجبااته كلهاا ..صدق بنت رجااال قال هالعله الي عندي حتى الاحسااس عندهاا معدووم باااردة كانها قالب ثلج

نزلت للصاله مالقيت لا كل ولا ست الحسن والدلال ..رحت للمطبخ وانا الشياطين تتننطط قدام عيني ..قبل لااادخل خذيت نفس عميق ..وتعوذت من ابليس بصراحه خفت انحرها نحر الجمال بالمطبخ

شفت حرمي المصون مبسطه ع الارض وجالسه وتاكل سندوتش جبن

صرخت : انتي وش تسوين وين العشى

اشرت على الثلاجه :الثلاجه قدامك

serves your self

ووقفت وغسلت ايدهاا وجات تطلع من المطبخ ..مسكتها من ذراعهاا ...وجريتها بقوة بحيث ضرب راسهاا وظهرهاا بالدولاب

توجعت : اييي ..وش تسوي ؟!! بتضربني والله لا اشتكي عليك واسجنك

ضحكت بغيض: تسجنيين ميين ؟!! اووهو اكيد تحسبين نفسك بامريكاا ..لا يااقلبي انتي ببلد المتخلفيين .. الضرب عندناا عاااادي ...متخلفين صح

شفت طيف الخوف بعيوونهاا ..: جهزي العشى اللحييييييين صرخت بقوة وطلعت من المطبخ

كلها عشر دقااايق وانا شاايف العشى قداامي .. تعشيت طبعا بلحالي .. وحضرتهاا تحججت بالنووم وانها تعبااانه ... بايام عمتي وفرح كنت ارفع السفره واغسل الصحون من بااب المسااعدة ..ومااشوف هالشي يقلل ابد من رجلة الرجل لكن مع نورة كن استمتع بالتسلط والتصرف بجفااف وغلظة

دخلت الغرفه ..وكانت تبدل ملابسها ..حاولت تغطي جسمهاا ووجهاا محمرمن كثر الغضب والاحراج ...قلت لهاا دون أي اهتماام وانا امشي لسرير : ترى جسمك اعرفه زيين .. لاتسوين فيها مستحيه وانتي ماك ذره من حيااا ..رووحي ورفعي المواعيين

خرجت من الغرفه بسرعه وهي ماخذه ثياابها بيدهاا وصفقت البااب وراهاا

تمتمت بيني وبين نفسي: ماكنت ولد مااجد ان ماكرهتك حيااتك وعلمتك الادب يانوير



× الصقر ×

اخذت الباقة الكبيره ..كانت كلهاا روز احمر ...ومانسيت الهدية رحت واشتريت لها

طقم عباارة عن سلسه ناعمه بتعليقه على شكل دورة صغيره تنزل منهاا دورة متوسطه ودورة ثلاثه اكبر مع حلق كان عباره عن دائرة وحده وخاتم نفس الشي..هذا الشي الوحيد الي لفت نظري عند الصايغ بصراحه انا فاشل بذي الاشياء ان شاء الله يعجبها بس

دخلت البيت وشفتها جالسه بالصاله كان باين عليها انها ماحست ابد بدخوولي عيونهاا مركزه ع التلفزيوون ويظهر ان الموضوع شاادهاا تماما... تنحنحت

اخيرا انتبهت لي : انت جيت

ابتسمت وانا اشوف احراجها : لي ساعة وااقف ماعبرتيني

وقفت : طيب اجلس استريح .. اللحين بجهز لك العشى ومشيت بتروح تجهز العشى

ماوقفتها .. مدري يمكن شكلها البسيط سحرني وخلاني مثل الاهبل مبهت .. صحيح فرح مب حلووه ذااك الحلى ... لو قارنتهاا بمها بتكون صفر ع الشمال .. ولا حتى بيااسمين الله يرحمها ... يااسمين الي اعتبرت نفسي خاين لذكراها يووم قبلت الزواج بفرح

مهاا : صقر انت عاجبك يعني الي صاار

صرخت عليها : الي صاار مارح يتكرر باذن الله والبنت بترجع البيت

خالد بحدة: صقر البنت هالمره الحمدالله لقينااها المره الجاايه الله وحده يعلم وش ممكن يصير

عصبت منه : يعني وشو نترك بنتناا تعيش بعيد عناا ؟! خالد انت ماشفت البيت شلوون ؟! ماشفت وضعهم ؟!! ترضى بنت اخوك تعيش بالفقر وحنا نتمتع بالفلووس والعز

شاهين : صقر تقدر تصرف عليهاا وهي عندهم

صكيت ع اسنااني : وتهقى ان ست الحسن والدلال بترضى ؟!! رمت الفللوس بوجهي بالمستشفى

شاهين: الوضع اللحين غير

صرخت : وش اللي غير ؟!! البنيه لازم ترجع بيت ابوها

مها تكلمت وليتها مااتكلمت : تزوج فرح

التفت عليها بذهول : نعم عيدي ؟!!

مها قالت لي ببرود : تزوجهاا ..تزوج فرح وربي بنت اخوك ..البنيه ماتقدر تعيش بدونهاا والبنت مارح تتم عازبة طول عمرها صغيره وبكرة بيجي نصيبها وتتزوج وحنا مانضمن شلون بيعامل زوجها بنتناا .. فانت تزوجهاا وربي بنت اخوك .. بالنهايه رح تضمن حب زوجتك لشاادن وبنفس الوقت تلاقي من تهتم فيك

قلت لها : انخبلتي انتي

مها قالت : يعني بتترهبن ؟!! انت لاازم تتتزوج ... بالله عليك من بيرعاك انت واخوك بذا القصر؟!! من بيشوف شؤنك لاا طحت مريض من بيهتم فيك ؟!!

ناظرت شاهين استنجد به ..اتزوج ويااسمين ؟! زوجتي شلوون اتزوج ؟! شلون اخون ذكرااهاا ؟! مستحيل

شاهين : صقر مها معهاا حق باللي قالته ..الزواج هو الحل الوحيد لوضعكم

قلت بعناد : انا مب متزوج

خالد : اذا انت ماااتزوجتها انا بااخذهاا .

صعقني : انت ؟!!

خالد بجدية انعكست على عيونه الحادة : ايه انااا ..

قلت كأني اذكره : شلون وانت تبي

قاطعني : بنت اخوي مصلحتها فوق كل شي

قلت له : بتجنني انت ؟!! انت تبيهاا من يووم ماكنت طفل

قالي : الي نبيه شي والواقع شي ثااني

ماهان علي يدفن خالد حبه لحصه عشاان خاطرشادن ..يكفي انه كان ينذبح وهو يسمعهم زماان شلون يخططون لزواجها من عقااب ولا هو بقاادر يتكلم

قلت : بتزوجهااا

وفعلا رحت وخطبتهاا ..فرح مااقتنعت بالموضوع بداية الامر لكن طبعا مها اقنعتها بدبلوماسيتها وتزوجناا