الخوي

الخوي

الخوي

لاجتك زلة من رفيق توده
رفيقك اللي ماتعدد مزاياه

رفيقك اللي تقصده وقت شده
وتنحل لامن شفت طلة محياه

بينك وبينه خوة مستجده
متجول في قلبك أدناه وأقصاه

حبل الوصل بينك وبينه يمده
يمك يسوقه قلب وتشيله خطاه

نفسه يطمنها ولو فيه حده
لجل الرفيق يكب شي تمناه

مايتركك في سهلة مجرهده
طيب وهذا طيب ساس ومجناه

صقر ينومس بالقنص من يهده
وافي شبور وطيبات نواياه

احذر خطاه لغير نفسك تعده
وأحذر يجي غيره ويجلس بمركاه

ادمح له الزلة وحذرا تضده
ودور على عذر يعذره وتلقاه

لاتشيل نفسك والجبل لاتهده
وأحذر تكون اللي نقل داه برداه

باب الجفا لافك عجل بسده
وابليس لا أبلس بالقطاعه تحداه

أوصل رفيقك عاتبه في موده
وبين له اللي حس بك من خطاياه

وأحذر مجالس راكبين الأشده
أشدة الغيبة رجال المحاباه

أهل النكد وأهل الوجيه المصده
قوم على نقل السوالف مضراه

رجالهم دايم معشي ببده
عزاه ياللي غير الدرب عزاه

ماينفعه طيب مسويه جده
لاصار خايب مايسوي سواياه

والقاف الأول يارفيقي نرده
رفيقك الطيب من الصعب تجفاه

لاجتك زله من رفيق توده
أحذر تنكر له وبالشر تجزاه

وصلاة ربي عد منهو يوده
على النبي اللي على الدين نقفاه

المصدر: منتديات تراتيل شاعر - من قسم: ديوآن آلقصيد ▪●

---

hgo,d

عافااك الله على الطرح الرااااائع والجميل











اعتدنا منك المميز والإبداع دائماً ونتطلع لجديدك

حضور راقى ....
سلمت لروعه الاطلاله الرائعه
لقلبك السعادة
.

يعطيك العافية لا عدمنا جديدك

الله يعطيتس العافية غلآتي
‏حضور مُلفت بالنشاط والعطاء

نقل مميز وجهد مبدع وعطاء مستمر
سلمت يمينك على ما بذلت كل الشكر لك

,‘*
شُكراً يَ ألق
لـ جمال الآطَروحهَ الآنيقَهَ
أطيب التحايا وارق المنى |,‘:118

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

لكم منى الشكــــر اجزله ... ومن التحيه أخلصــها
علي جهودكم