بعض البشر

البشر

بعض البشر

بعض البشر

’،
بعـض البشر يجمع شتاتك ويبنيك
وبعض البشـر لو جاك مبني يهدك

وبعض البشر لو تطلـب العين يعطيك
وبعض البشر من قبل تطلب يصدك

وبعـض البشـر من دون مصلوح يغليك
وبعــض البشـر للمصلحـه يستودك

وبعض البشر تستر عيوبـه ويخزيك
وبعض البشر تلقاه سترك وسدك

وبعــض البشر لو تهت للدرب يقديك
وبعض البشر لوكنت مقدي يردك

وبعض البشر يفرح اذا حل طاريك
وبعض البشـر ما يعجبه من يعدك

وبعض البشر لا طحت مايعترف فيـك
وبعـض البشر لا طحت ياقـف بحدك

وبعض البشر تقفـي ويمخش علابيك
وبعض البشر تقفي وعينه تلدّك

وبعض البشر عند المواقف يخليك
وبعض البشريثبت ويدّه بيدّك

وبعض البشرعند الشدايد يخاويك
وبعض البشر بالضيق تلقاه ضدك

وبعض البشر من غير دعوه يعاديك
وبعض البشر لوكنت مخطي يودك

وبعض البشر يزعل عليك ويراضيك
وبعض البشر تزعـل ولا يستردك

وبعض البشر بالطيب يقدر يجاريك
وبعض البشـر بالطيب ماهو بندّك

وبعض البشر للغانمه يسحب ابريك
وبعض البشـر صوب الرديه يحدك

المصدر: منتديات تراتيل شاعر - من قسم: ديوآن آلقصيد ▪●

---

fuq hgfav

,‘*
أختيااار أكـثر من رااائـع ’
وُجودك لـه وآقعٌ مُختلف / وكله تميز ..
شُكراً تمتد عميقاً وتنتشي لك بالورد
|‘,

قصيدة جميلة وابيات رائعة
ذائقة شعرية مميزه
سلمت الانامل على الانتقاء
بنتظار جديدك بشغف
مودتي

اسعدني حضوركم الف شكر لكم علي التواجد بمتصفحي

يسلمو

هيبة
إبداع وتألق
سلمتي على ما قدمتي
ربي يسعد قلبك ويوفقك

مميزة في ما تقدمين
يعطيك الف عافية على هذا التقدم