سجل حضورك ببيت شعر..!

ياوحشة الدنيا اذا صرت مشتاق
‏كنّ البشر ماهي على الكون حيه

كنا بلا جناحين واليوم طرنا
‏و اثر السما يا صاحبي برد و غبار

‏ياما حلمنـا نكبر ... ومن كبرنا
‏صارت أعز أحلامنا نرجع صغار !

لا جيتني عمّ الفضا حُب ومزوح
وغيرك تساوت غيبته مع حضوره

ما يهم اليا حكيتو في قفانا
‏المهم اليا حضرنا تسكتون !

بعض الاوادم عطاه الله على طيبه قبول
ان جاك زاد الغلا .. وان غاب زاد الغلا

عن الوقت والتفكير والناس والإزعاج
‏الإنسان بعض الأحيان يحتاج للراحه

ياليل لاتسرق من عيوني النوم
كافي سهر ما عاد للعين قدرة
.
انا تعبت اسامرك ضيق وهموم
وان كان باقي هم خله لبكرة

يدور الزمان وكل يوم يطيح قناع
‏وتظهر لك وجيه الناس وطبايعها ..

أذكرك وأذكر تفاصيل الوله والحنين
حتى لو إن الليال بـ غيبتك ناكره

وشلون أبنساك ياعشق بقلبي دفين
وانت المشاعر معك ممتنه وشاكره

صحيح انا الساهي النساي في كل حين
الإ معاك أنت ما خانتني الذاكره

يقولي وين أنت وأقول موجود
أغيب وإن جاني مجال أتواجد

قال الغلا قلت الغلا ماله حدود
أنا من أسباب الغلا( مت )واجد