ليت اليالي علمتني وش يضم كتابها

اليامي , علمتني , كتابها

ليت اليالي علمتني وش يضم كتابها

الله يعين اللي همومه ...............كل مايمل تخيب
ليت اليالي علمتني .................وش يضم كتابها
.
.
ماكان خليت الضحوك......... اللي يجاملني قريب
ولا زعلت من الرجال.............. للي كثير عتابها
.
.
ياقلب لاتشكي ترى....... وجه الزمن ماله صحيب
مافيه عين الا وزار................. الهموم اهدابها
.
.
واللي مايشكي من ظروف الوقت يشكي من حبيب
واللي ماهو صوب الفتن....... في هازمن يبلى بها
.
.
والحظ حبلن مايشاف.......... تخايله عين الرقيب
ناسن يحدرها وناسن.............. حظها يرقى بها
.
.
فلا تكاثر لك قليل .........ولا تعجب من عجيب
عش والدروس مشرعه .............والسنين ابوابها
.
.
والمستفيد من التجارب....... كل ذو عقلن لبيب
ولا البليد يشاهد ..............العبره ولا يشقى بها
.
.
وانا ماقول اني ملك........ انا بشر اخطي واصيب
انا استفدت من اليالي ............اللي تحد انيابها
.
.
هي علمتني بأن مابه........... شي فا الدنيا غريب
وعلمتها كيف العقول........ اظفر بكسب اعجابها
.
.
كم لي وانا اضمد جروحن.... فالحشى عيت تطيب
اخاف لهرج والعواذل.............. يعرفون اسبابها
.
.
اسكت مادام ان الصراحه ...في زمان الكذب عيب
خايف تطيح الخيمه............. بعمدانها واطنابها
.
.
الكلمه اللي ماتلم........... الشمل ديد بلا حليب
والجمعه اللي ماتعز ............الروس وش يبغى بها
.
.
احيان اقول اضرب على العشره وابو العشره صليب
لاكن تحكمني ...............قوانين العرب وادابها
.
.
ودك شبابك لافعل ..........يفخر بفعلته المشيب
ولا استرح وعزوم ...........قلبك لاتحث اركابها
.
.
عز الله اني مادفنت....... الحقد في الصدر الرحيب
متساويه في ناظر.............. حضرالعرب واعرابها
.
.
ومادامني ماطالب ..............العالم ولا ليه طليب
كني ملك المملكه ..............بسهولها وهضابها
.
.
لاكن قل للي مايفقد............ لو يطول به المغيب
الناس تملك بعضها.............. بافعالها واخطابها
.
.
واضحك ترى الدنيا ما تظحك لك يابو وجهن كأيب
وادله مادام العين .............ترعاها عيون احبابها
.
.
والعز في تقوى الاله......... الواحد الفرد المجيب
ماهوب في الموال .........العرب والوانها وانسابها

المصدر: منتديات تراتيل شاعر - من قسم: ديوآن آلقصيد ▪●

---

gdj hgdhgd ugljkd ,a dql ;jhfih hgdhld ugljkd ;jhfih

قصيدة جميلة وابيات رائعة
ذائقة شعرية مميزه
سلمت الانامل على الانتقاء
بنتظار جديدك بشغف
مودتي

كل الشكر على طرحك الرآئع
وفي انتظار ابداعك القادم بكل شوق
لك وافر التقدير