تفضل وشارك برأيك.. بدون استحياء...

موضوع شيق

انا ضد البساس والكلاب اكرمكم الله

بس البساس لها فوائد خاصتا اذا فالحوش عندك يعني حشرات زواحف فيران

بتقضي عليها ع طول كان عندنا خمس بسوس فالحوش وكل يوم نجيب لهم اكل

فترة كذا صاروا 13 ياوجه الله ايش الزحمة ذي بس الحمدلله تخلصنا منهم

لكن سلم لي ع الغنم عندنا بالديرة من ولدنا والغنم معنا تربيتها ممتعه

صح وقت الولادة رضع لا ترضع واللي ماتبي عيالها لكن متعه وزمان جاء قرار

منع تربية الغنم فالبيوت وبعنا جزء وجزء خليته عند صاحبي فمزرعته ويوم اجي الديرة على طول احضر عند الغنم وفيوم ولدت عندنا وحده من النعاج
وع طول ماتت والطلي اي الخروف الصغير لازم اذا مافيه وقتها وحده ثانية والد
لازم هنا تشيله معك البيت وتشتري رضاعه وتبدأ فالاهتمام به حتى يعتمد
ع نفسه المهم الطلي الصغير ذا ولد فيه اعاقة برقبته وكان يكسر خاطري
واهتميت فيه بزيادة وسميته ورد متأثر بالليث البيض العلم ذا مبطي المهم تعلقنا فبعض هههه وصرت من ادخل الحوش واقول ورد يجيني
جري وصرت ادخله البيت المهم كبر شوي المجرمين خوياني قالوا ارحمه ياخي
قلت لهم كيف قال اذبحه وخلنا ناكله طردتهم وبعد فتره قررت اعطيه
خوياني قلت لهم ودوه المصلخ وطلعنا فيه عاد خروف عمره 3 ولا 4 طعمه
جنان ان كان مرقه ولا كبسة وسبحان الله ويوم بدأ الطبخ بديت اشم ريحه
مو كويسه سألت خوياني تشمون اللي اشمه قالوا ما نشم الا ريحة طيبه
ايهيب عليكم المهم انا ماكلت معهم ولا قربت منه وهم ماشاءالله مصمصوا
العظام مصمصه .

وبأذن الله ناوي ارجع مثل زمان اربي غنم وبط و وز وحمام ودجاج