شعر عتاب

عتاب

شعر عتاب

قصيدة عتاب للحبيب



مو ذاك الاعرفك انت من سنين
اطباعك علية هواي مختلفة
مدغيرة الملامح بيك والاشواك
وجياتك احس مابيها اي لهفة
جنت تجرح كبل يومين عندي يطيب
هسة الجرح منك ابد مايشفة
وجنت توكف كبل والعين تحجي العين
هسة شبيها عينك شو صفت صلفة
كبل حجيك ذهب والناس تمدح بيك
ومن تحجي عسل تتناثر الشفة
هسة اختلف حجيك كلة ذم واعتاب
وبكلمن يودك كمت تتشفة
على جتافي حملتك سرت بيك دروب
وبنار العشك جمدوب اتحفة
مو تدري انة احبك وانت بية الروح
اسهرلك ليالي وعيني ماتغفة
شسولف من ****ك بية صار سنين
ونار البية منك ابد ما تطفة
شمسح من ذنوبك وانت شو كل يوم
تجرح بال*** وادكلي ما اشفة
طك صبري وخلص والدمع شح العين
وهم البل*** ماضن بعد يخفة
من عندك نهوني صحبتي واخوان
كالولي صحبتك بالهوى سعفة
وكالولي اتركة ماية خابط طين
لتضن بمحبتك يركد ويصفة
كدامك بحر مكشوف بس من فوك
لو تنذر عمر ماتكدر اتعرفة
كدامك بحر مكشوف بس من فوك
والجوة البحر ماتكدر اتعرفة
عاندت ومشيت وكلت رحلة شوك
حطيت البلم وامواجك تحرفة
حطيت البلم وامواجك تحرفة


شعر اخر عتاب عراقي



خل نتعاتب حطني وحطك آنة لحبك ويكرهونك
غايب عندي مسجلك حاظر حاظر عدهم ويغيبونك
يلوياي أعيونك تبجي وبس وي غيري أضحك اسنونك
تدري أشگد سباني لسانك بگد ما مدحك ويسبونك
أجيت بحرگة وآخذ ثاري ومن لاگيتك گلت أشلونك
ما متغير هاي أطباعي وأنت أتگلي أتغير لونك
لا ما غير حتى أهدومي بس خاف انته مغير أعيونك
من رمل أجفوف الشايلتك بس أتهب ريح أيطيحونك
وجتفتك بمتوني وشلتك وما گدرو مني يذبونك
ومن ينهد حيلي أترد ألهم وصعدهم فوك أمتونك
غايب عني ولا ماناسي وانته اليمهم ميذكرونك
أيذكرونك من تصافح بس أتهد جفهم ينسونك
تدري وياي أشگد مقصر بگد ما منطي وما ينطونك
بگد جف الماسح دمعاتك وگد مسحت جفهم ماعونك
أرضه أترد وشايل راسك وأرضه أترد وأرضه أيردونك
وأرضه أترد مكسور الخاطر بس لترد مكسورة أعيونك


شعر اخر عتاب عراقي



سهله اشلون عندك تجفي الاحباب

وتعوف الموده وتنكر .... العشره

وتسويها بزعل ما نعرف .. الاسباب

وخاطرنه عليك تزعله ... وتكدره

بطلنه العتب لن ما يفيد ... عتاب

لان تنكر بساع وحجيك ..... تغيره

روح وداعة الله ولا تدك .... الباب

وغيابك نعرفه بيوم ...... ونفسره

اوديلك رساله ويه الهوى الهاب

وارسملك *** مجروح من .. قهره
عرفتك ما تحب وبالعشك ... جذاب

وكلام الشوك تختاره .... وتسطره

يا خايب لا تأمن للوكت ... دولاب

يجيك اليحرك كليبك ..... يحيره

وتجيني ودمعك من الندم .... سجاب

بس الخان ***ي ما ....... اعذره

واليغدرني مره بلاية ...... اسباب

اسد بيبان ***ي وما ..... اقدره

ولا افسح مجال واسمع ..... عتاب

اخاف يلين ***ي وينسه .... غدره

واحلفلك كليبي من السهر ... تاب

بعد ما الوم ***ي ولا ... واسهره


شعر اخر عتاب عراقي



اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش
غالي و كلشي عندي و ما اهدك دووم غالي
و هسه حبك جيف صرت غالي
احسك تختلف عن كل الناس بعيوني اشوفك علنجم عالي
و اشوفن دمعتك ما جنها تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكلشي منك كلشي يحلالي
اجيك و من ارد فارغ ارد للغير
و عنب بس اعله مودك تارس اسلالي
يمك انسه روحي و من اكون وياك
و على فنجان شفتك تركع ادلالي
الواشي بلا بخت مرني و زعلك
اموت انه ولا يوم اجرحنك و زعلك
حلو كلك على بعضك و زعلك
بحلاتك فدوة بس ارضى عليه

المصدر: منتديات تراتيل شاعر - من قسم: ديوآن آلقصيد ▪●

---

auv ujhf

انتقاااء راائع ومميز
الله يسعد قلبك
يعطيك العافية

شآكره لحضوركم وطلتكم
فالروحكم النقيه اجمل بإقات الود والعرفإن

طرح رائع
الف شكر لك ع جهودك المميزه
يعطيك العافيه

شآكره لحضوركم وطلتكم
فالروحكم النقيه اجمل بإقات الود والعرفإن

طرح أكثر من رائع
يعطيك العافية على ماقدمت
لقلبك السعادة

شآكره لحضوركم وطلتكم
فالروحكم النقيه اجمل بإقات الود والعرفإن

-
















سلمت يداك على الطرح الجميل
ننتظر القادم بكل شوق
ودي و تقديري ..'

شآكره لحضوركم وطلتكم
فالروحكم النقيه اجمل بإقات الود والعرفإن