عبر عن حالتك النفسيه ببيت شعر...متجدد

‏محدن بكامل والبشر كلها عيوب
‏لا تستمع للي حكو لك حكو بك
‏٠٠
‏خلك مابين الناس غالي ومحبوب
‏وأستر عيوب الناس تستر عيوبك

‏مستعد أصبر على فقدك و أكابر
‏و أبلع العبره و أغمّض عن طيوفك
‏٠٠
‏بس عطرك و الله أليا مرّ ... عابر ؟
‏كنّي ألمس راحة يدينك .. و أشوفك

ماعاد طعم العيد بالريق حالي
لاصار خلك نازح الدار وبعيد
والعيد ماهو عيد لاغاب غالي
لاغاب نور الدار ماكن به عيد
في زحمة الأقراب كني لحالي
ماغير اردد هاجس البعد ترديد
عن طاري الأحباب مانيب سالي
لو طوقوني بالغنا والزغاريد
بوحي

اشتاق لك ونتي بعيد
ويزيد حبي لك يزيد
ودي أعيش الليل
وأقول أحبك حيل

حلفت لك ببقى ابيـك دون ليش
واشواقنا بـ المحبه ماهي فانيـه !

غيمة فرح تمطر لنا العيدهتان
تسقي فياض قلوبنا بهجة العيد
منها يفوح الورد من كل بستان
والناس كل لابس زين وجديد
حتى طيور الصبح غنت بالالحان
احلى غناوي العيد بالحب تغريد
الله يعيد العيد والكل فرحان
جعله علينا دوم مبروك وسعيد
بوحي

لو بكيت دموع عيني ماتفيد
ون شكيت الشكوى مافيها مسد
نار شوقي لك يذوب لها الحديد
وانتثر دمعي علی خدي مداد

وليه لا جَتْ عيني بـ/ عينـك [ انْعَميت ]؟؟
وقلبي أسمع دقّته بين أضْلِعـــي!!

وليه لا حاولت [ آصـد ] ماقويت؟
ضايعٍ ما أقدر أحدد مَوْقِعــي!!

يالي تحــاول بالجـــفا تقتــل الــود
وش فيــك دايم تستفزه غــرامي
ياشوق حبي مافرضته على حد
الي فــرضته طيبـتي واحــترامي
مـن حبني مـن جـد حبيته بجـد
صدق المشاعر واضحه في كلامي
والي يحــبك بعــض الأيــام لـوصد
لابـد يقبــــل بـه عـــظيم الهــيامي


بوحي

‏ما عاد باقي وصل .. والليل طبعه جفى
‏مدري متى الصبح يعطي محترينه وجه ؟