أنـــا كــ أنــتم .. دعـوة للتسـاوي , ابوخليل

هذا النوع من المواضيع ماراح تنتهي
ولالها نهايه ..الاسم يبقى اسم اذا مانزلك مايرفعك
انت بشخصيتك واخلاقك يكون له مهابه وصيت باافعالك النبيله والطيبه
تتزوج البنت من ولد عمها من نفس القبيله وهو كل شي شين سواه
ويجيك الاب الله يهديه يزوجها هو اولى هو اقرب ويترك صاحب الخلق الطيب
فقط لانه ماينتمي لقبيله ..!!!!!! ماعنده مشكله تتعذب تتطلق
اهم شي تتزوج واحد من قبيلتهم او قبيله ثانيه معروفه..

والرسول اللهم صل وسلم عليه قال:(اذاخطب إليكم من ترضون دينه
وخلقه فزوجوه إلا تفعلوا تكن فتنة في الأرض وفساد عريض)
أخرجه الترمذي في سننه..

ماقال لو انه من قبيلة فلان ولاعلان -_-
نظر للاخلاق بس ماناظر لاشكل ولا لون ولاقبيله
فقط الاخلاق ..


واذا في مشكله من هذا النوع من المشاكل وخصوصا انهم يحبون بعض
ويبون يتزوج الافضل البنت تقنع الاهل او تطلب احد يساعدها
ويجيبون اهل النصح والدعاه الصالحين اهل الثقه يساعدون في مثل هذي المشاكل
والشاب بعد يطلب مساعد ~> يعني يتوسطون لهم ..
ولالحاح بالدعاء والاستغفار
مهما صار واللي بيصير هذا مكتوب
ولعل في الامر خيره للاثنين


اما من ناحيه مشاكل القبايل وغير القبايل
هذا مالها حل خصوصا اذا وصل الامر للزواج
تنفع للناس اللي سعادتهم عيالهم اهم من اي شي
اهم من كلام الناس ..لكن ماتنفع للي روسهم عنيده
ومايتنازلون عن اي شي حتى لو كانوا عيالهم..

ظلم ان تحرم البنت من الزواج فقط بسبب قبيله
تنتظر لين يجي شخص من قبيله معينه عشان تتزوج
وصل عمرها للثلاثين وهي تنتظر والسبب رفض اهلها
لاشخاص تقدموا غير قبيليين يعني ماادري لمتى هذا التفكير ..

الله يهدي النفوس ويغير الحال للافضل
اعتذر عن الاطاله ابو خليل
لكن موضوعك جدا حساس (