لا تشتكي من همومك للناس الجزء السادس

للناس , الحَل , السادس , تشتكي , همومك

لا تشتكي من همومك للناس الجزء السادس

كنت البسها يوم اتعذر بالسفر واجي عندهاا .. سحبت لي ثوب مع شمااغ ...وبدلت ملاابسي ..كنت ابدل بسرعه .. كنت كااره التواجد بالغرفه .. كنت احس نفسي صغيير ..صغير وااايد ...صغير بخيااانتي .. خنت ذكرى يااسمين...ومااحترمتهاا .. وبنفس الوقت خنت فرح ..يمكن مااخنت خيانة جسد وانما خيااانة مشااعر .. هالخيانة اصعب وابشع انواع الخياانة ..خياانة جرحهاا كبير .. التداوي منهاا يااخذ وقت كبيير


× مها ×
عطيته الشماغ يلبسه ...وكانت حلاا وشادن جالسات ع التسريحه ويطالون فيه
شااهين : ليه احس نفسي كاني تحت المجهر
ضحكت : ماادري هههه
حلاا : شوفي بااابا حلوو
ردت عليها شادن :موو حلوو بابتاي اللي احلااا ... سوفي ابوك ماعنده سعل ...وكان شاهين فعلاا عنده بمقدمة راسه صلع ..دايما يحط سماغ
شاهين ضحك: ههه بوجهي تقولهاا
حظنتهاا : صريحه بنت اخووي ...
شااهين وهوو يحظن حلاا الي كان مبين عليها الغيره من شاادن : بعد قلب ابوها
نزلنا وفطرناا .. وبلغت شاهين اني بمر بيتناا اوصل شااادن ومنه اشووف فرح
مع ان سببي الحقيقي اني ارووح اعرف وش صااير بين صقر وفرح ..لما كلمته كان مبين من صوته انه مضاايق وبشكل كبير .. ماادري اخااف امس بدل مايكحلهاا عماااها !!



× خالد ×

المصدر: منتديات تراتيل شاعر - من قسم: قصص - روآيات - حكايات ▪●

---

gh jaj;d lk il,l; ggkhs hg[.x hgsh]s hgpQg hgsh]s jaj;d

× خالد ×
اول ماصحيت فتحت جوالي .. واستلمت رساله حصه ..والله ضحكت ... حسيتها بالفعل مقهورة ..نزل الصاله ابي افطر ...وبما اني مسافر على رحلة الساعه 2 الفجر بكره فاعطيت نفسي اجازة
جلست بالصاله .. وكنت معطي البااب ظهري ..يعني أي احد يدخل مارح ينتبه لوجودي ولا حتى بيلاحظه
سالت نوال وهي تحط الفطور قدامي : ووين رجلك ؟!
جاوبتني : فهد طلع من بدري ..وراه عمليااات ..انت مب رايح شغلك ؟!
جاوبتهاا : لا مو رااايح
الجرس رن ...رااحت نوال تفتح البااب ..كت اسمع صووت حصه هي تصاارخ
حصه : وينه
نوال: ادخلي بالاول
حصه وهي تدخل : نوال اقولك فهيدان وييينه ؟
قالت لها : فهد مب موجوود
حصه بقهر : عاجبك الي سواه زووجك ؟!! اللحين انا ارووح احلل للوظيفة وزوجك يااخذها تحاليل زوااج ؟! اصلا اخوك هذاا الي مماايستحي على وجهه ..شلون يتجرأ ويخطبني .. وهو عارف اني ماابيه.. ولا اني
طاايقته ..الحماار
نوال : حصه ترااه اخوي
قالت لها: اخوك مب رجااال .. لو رجال مااكان قبل يااخذ وحده ماتبيه
نوال صرخت : حصصصصصه

× حصه ×
صحيح ان من حق نوال انها تعصب لاني اتكلم عن اخوهاا ... لكن عيونهاا كانت معقله على مكان محدد .درت وليت اشوف بايش تطالع ...التفت وشفت خالد وواقف بنص الصاله ونظراته تطق شراار ..حسيت باحرااج لاني كنت اسبه من قبل ...لكني مستحيل ابين لاي احد ارتبااكي
خالد جاا وعدى من جنبي بكل بروود : تعرفين اناا كان ممكن اهون .. لكن اللحين عنااد فيك لاتمم الملكه بكره .. وان كان فيك خير قولي لاااا
صرخت : انت ايش حجر ماتحس ؟!!
قالي: لو مااحس ماكاان خطبتك
ماعرفت شرد ..كان بعيوونه نظرة مااعرفت وش معنااها نظرة اول مره اشوف احد يطالع فيني بطريقته ..حسيت باارتبااااك .حاولت اخفيه بس مااقدرت .. وهو قدر يلمح هالشي الابتساامه الي على شفاااته قالت هالشي ..كمل : اشوفك بكرة ياااعرووسة
قال لنوال :نوال اناا طالع تبين شي ؟!!
جاوبته : سلامتك
ناظرني : توصين شي يااابنت عمي ؟!

والله تمنيت اني اقوم واهشم وجهه وامسح هالابتساامه السااخره ..لفيت وجهي بقهر ..وجلست على واحد من الكرااسي وكنت اهز رجلي
طلع من البيت ...نوال : عجبك زعل
قلت لها : قلعته
عصبت علي : حصووه تراه اخووي
قلت لهاا : نووواال وبدين بالله ماشفتيه كيف يتكلم معااي ببروود ... والله تمنيت اهشم وجهه ..
قاالت لي : عيب عليك ترى هااذاا بكره ان شااء الله بيصير زوجك
عضيت شفتي بقهر : لاتذكريني .. والله الين اللحين النار بقلبي ماابردت .. تخيلي ابووي حتى مااشااورني
قالت لي : والله حتى انا مو عاجبني طريقة عمي ولا خالد ...بس ترى يمكن تكون خيره
قلت لها : أي خيره .. تدرين اسكتي احسن لك لا تخليني انفجر اللحين واقول كلاام يزعلك ....جات عيني على الساعه وكانت تقريبا 10 .
سالتهاا : وين راايح اخووك ؟!
ابتسمت بخبث: اشوف بدينا نحقق
قلت لهاا : لاايروح بالك بعيد اناا شفته لابس بنطلون يعني اكيد مو رايح الشركه
قالت لي : بيروح يجيب اغرااض له .تدرني بكرة بيساافر الشرقيه
فرحت : يعني ماابنملك
هزت رااسهاا : الا بتملكوون .. رحلته بتكوون الساعه2 الفجر
تنهدت : ياافرحه ماتمت ....تعالي وش صار بينك انتي وفهد ؟!
شفت ابتساامه على شفااتهاا .ابتساامت خجل : رجعني
فرحت : واللللللللللللللله مبروووك وقمت وحضنتهاا ..الف مبرووك الله لاايفرقكم ..ولايغير عليكم
قالت وهي تقرص خدي : اميييين ...ويحط لاخوي مكان بقلبك
قلت بغضب : نوووووال
سالتني : عندك شي لبكرة ؟
قلت لها : من جدك انتي تبيني البس واتشيك لخويييلد هااذا الي بااقي

نوال قالت : اسمه خااااالد .... شووفي انتي ساعدتيني بموضووعي مع فهد .. واللحين اناا جا دووري اساعدك بنصيحتي ..شوفي حصه لا تبدين زواجك غلط .. صحيح مو انتي الي اخترتي خااالد .. لكن احياان اللي ينفرضون علينا احسن بكثيير من الي نختارهم ..اعطي نفسك انتي وخالد فرصه ..لاتنهين كل شي حتى من قبل لا تبدون ..ولا تااخذين واحد بذنب الثااني
تنهدت : يصير خير



× خالد ×
طلعت من البيت رايح للسوق .. الكلام الي قالته لي حصه ..جرحني ..صحيح اني مثلت البرود عليهااا ..لكن بداخلي انجرحت ..مو سهل ابد على الرجل يسمع من الي يتمناها زوجه له ..انها ماتبيه ولاتطيقه ..لاوماتشوفه رجال ....رحت للسوق قضيت لي كم بنطلوون وقمصان وتيشارتاات ...احلى شي بالسوق الصبح انه يكن فاضي ..تقدر تقضي براحتك ...مريت على محل للمجوهراات .. طبعاا ملتي بكره فلاازم اخذ شي للعرووس
دخلت واخترت دبلتين وحده فضه لي والثانيه من الذهب الابيض المطعم بالالمااس ...اخترت بعد طقم نااعم اعجبني وكان مزين من الالماس الملوون
كنت بطلع خلااص من المركز التجااري لكن لفت نظري فستاان نااعم ..معروض بوحده من البااتريناات ..دخلت وشريته بطلعتي .. ورحت ع البيت


× فرح ×
فرحت اول مااشفت شاادن تدخل من الباااب ..ضمتها لصدري وبستها
قلت لهاا : وحشتييني
شادن : حتى انتي
قلت لها : ايه بااين ..عسى ماتشااطنتي عند عمتك
شادن : لا والله كنت مؤدبه حتى اسألهاا ..واشرت على مهاا
مها : ماشااء الله عليهاا
سالتهاا : ليه ماجبتي حلاا؟!
جاوبتني : عمتي عيت عليهاا ... تقول بتاخذهاا معها عند ناس من جماعتهاا
شادن طلعت تلعب بغرفتها ..وانا سويت لنا شااي وجلسنا بالصاله
مهاا : فرح شلوونك مع الصقر ؟! ان شاء الله تعدل
تنهدت : نحمدالله على كل حال
قلت لهاا بانفعال : مارضااك الباارحه
استغربت : وانتي شدرااك ؟!..انتي الي اقترحتي عليه صح ؟!
حسيتها انحجرت : ااايه
قلت لهاا : تطمني راضااني ..عمل بنصيحتك
قالت بصرااحه : طيب ليه وجهك مقلووب ومبين عليك الضيقه ..والصقر يووم كلمته الصبح كاان مبين على صوته هو بعدالضيقه

سالتها : متى كلمتيه ؟!
جاوبتني : يعني ع ال7
قلت لها : يعني من بعد ماا طلع من البيت
سالتني : تهاوشتوو ؟!
قلت لها بصرااحه : ماتهااوشنا تركنا كل شي بينا معلق ...مهاا ابغى اسأل سؤال وابغى اعرف اجابته منك بك صراااحه
مها : خير ياا فرح وش سؤالك
سالتها : صقر كان له علاقاات بحريم قبل لا يتزوجني ؟!
شفت صدمه بعينها : الصقر ؟!!طبعاا لااااا
قلت لها وانا اتذكر الشال الوردي : مها ترااك قلتي بتجاوبيني بصرااحه
قالت لي: وهذا انا جاوبتك.صقر فعلاا ماله ابد غراامياااات ..اخوي واعرفه اكثر مما اعرف نفسي
سالتها بقهر : والشال الوردي ؟!!...لاتقولين ماتعرفين عنه شي تراني اعرف انك الوحيد الي تقدر تدخل غرفته وترتب كل اغراضه
قالت لي : الله يرحم صااحبته
سالتهاا : ماتت ؟!!
جاوبتني : ايه ..ترى ماكانت عشيقته لاا يروح بااالك بعيد ..يااسمين كانت زوجته على سنة الله ورسوله ..
سالتها : كان يحبها
قالت لي: كان يحبها واعتقد انه الين اللحين بعده يحبهاا ..يااسمين كانت حيااته .. تزوجها بسر لانه كان يعرف ان مستحيل اهلي يووافقون عليهاا .. على فكرة اهي اخت شاااهين
حسيت غيره تنهش قلبي : حلوة ؟؟
قالت لي : مااكان وجها حلو بس..طبااعهاا حلووه ..صحيح مااتتكلم ..بس كانت تفهمه ..كان يخرج من هالباب ..واشرت ع البااب ... وكل هموم الدنياا على راسه ...بس يروح عندهاا ..يرجع والضحكه من الاذن للاذن
مها كانت تتكلم بصرااحه كبييره ..صرااحه جرحتني .. كان متزوج وماقالي .. كان يحب .. وانا كنت افكر نفسي اول مره بحيااته ..كنت افكر ابتعاده عني ..جفاه سببه الفرق بيناا ..طلع السبب حب وحده محتل قلبه
مهاا : لا تزعلين ياافرح انتي الي طلبتي صراحتي ..ووالله لو كنت مكاانك اكيد كنت رح اتضااايق
حسيت دموعي تحرقني بعيني ...حطت ايدهاا على ايدي ...: فرح اذا كان الصقر وفي لوحده تحت الترااب ..فتأكدي انه رح يكون وفي لك انتي زوجته
قلت لهاا بحرقة : ابيه يحبني ياامهاا .. والله ماابي أي شي منه ..ابيه يحبني ..نص الحب الي حبه لمرته الاولى الي اطلبه ياامهاا كثيير ؟!! اطالب بالكثير ؟!!

مها ابتسمت : اكيد مو كثير ..من حقك ..واذا كان بعيد عنك قربيه ...لاتعندي وتقعدي تلعبي على حبل الكرامه ..الذكيه الي تكسب زوجهاا ...لو هو بعيد عنها بعد السموات والارض ..واياك تقارنين نفسك بياسمين الله يرحمهاا انتي شي وهي شي ...ولاتجبرينه يقارن بينكم ..خليك مختلفه ... شووفي ياافرح انا والله اعتبرك مثل نوال اختي .. فلاتزعلي مني ولا من صراحتي ..فرح حاولي تغيري استايل لبسك .. خلي نفسك مره اكثر ..من انك مراهقه .. مو تكبرين نفسك لااا ..بس بيني نفسك انثى اكثر ..اسحريه السحر الحلال
سالتها : كاان بالشركه
قلت لها : مااعتقد ...اتوقع يكون ببيته
رددت : ببيته
مها وهي توقف : فرح فكري بالي قلته

×نورة ×
اليوم حاسه بتعب مره كبير .. من طلع راااكاان للدوام واناا بس متمدده ع السرير ..سمعت الجرس يرن .. بالكاد قدرت ارروح للباب وفتحته .....اووف ..هذاا وقت زيارة بالله .. كانت جارتهم منيره.
منيره : كيفك نورة
جوبتها : هلاااا ...كيفك انتي
منيره وهي تدخل : الحمدالله ...نوره شكلك تعبانه
قلت لها بصراحه : والله حاسه بكل جسمي يعورني
حطت يدهاا على راسي : ويلي اني مسخنه ...وين زوجك عنك ؟؟
قلت لها : راكان طلع
منيرة : ادخلي ارتاحي انتي اللحين بغرفتك
قلت : والغذا
منيره: الغذا انا بسويه انتي ادخلي ارتاحي
دخلتني اناام ...واعطتني بندوول
مااصحيت الا 2 وشفت راكان جنبي ..وعلى جبيني كماادة
وشفته يقرا بكتاب بيده : رااكان
قفل الكتاب : شلوونك اللحين ؟!!
قلت : احسن شووي
ابتسم لي : الحمدالله ..جيعاانه
تذكرت الغذا : انت تغذيت
قالي : لاا والله لسى
جيت اقوم : ووووين
قلت له : بجيب لك غذا
قالي : لا تروحين ولا تجين ..انا بجيب الغذاا
شفته يطلع ..وراح وجاب الغذا ..كانت منيره مسويه شورباا زكبسه
اعطااني الشوربا وحط جنبي كاسة الليمون ..واخذ هو صحن الكبسه

طبعا شربت الشورباا ومن بعده عصير الليمون ...رفع رااكان الاطبااق ... تسللت ورراه وشفته وهو يغسل الاطبااق .. شكله مختلف كثير عن رااكان الجااف والتقليدي ..التفت علي : وش مقومك
قلت له : قلت اشووفك
قالي : اشووف ارجعي غرفتك بالطيب
كنت ساانده نفسي ع البااب لاني حاسه بدوخه خفيفه..: وش بتسوي بالموياا ؟
قالي : بسويلك شااهي ..يدفيك ...ارجعي الغرفه


× راكان ×
شفت جسمها وهو يطيح ..جريت ولحقتها قبل لا رتطم بالارض .. ومسكتهاا ..: نوورة
نورة : هااا
سالتهاا : داايخه ؟!
كانت متمسك برقبتي وانا ارفعها : ايه دووخه خفيفه
شلتهاا للغرفه وحطيتها بالسرير : اقعدي ولا تتحركي ... رحت للدولاب ..ونزلت لها غيااار ..بدلي ملاابسك بااخذك المستشفى الان
طلعت من الغرفه عشان تغير.. لبست عبااتها وسندتها الين ماوصلنا السياارة ...بالمستشفى عملو لهاا تحاليل وفحوصاات .. كنا متوقعين مجرد حمى ...او حتى انفلونزا
الدكتور : كم لكم متزوجيين ؟؟
جاوبته : ثلاث شهور تقريباا
الدكتور :مبروك المدام حااامل
والله ماتوقعت ابد الحمل .. كنت اشوف الصدمه على وجه نوره ..الي سالت الدكتور : شلون انا كنت اخذ حبوب
قالي الدكتور : الحبوب مب مانع نهائي .. غير كذا اني حامل تقريبا باكثر من شهرين
رح اكتب لها مقوويات تسااعدها ...
رديت : شكرا دكتور
حاولت اكتم غيضي كثر مااقدر ... الين ماطلعنا من المستشفى ... ووصلنا البيت ..

اول مادخلنا انفجرت فيهاا : من متى تاخذين الحبوب
جاوبتني بلا مبالاة : من شهر ونص
سالتها ليش ؟؟؟
جاوبتني : لان ماابي أي شي يربطني فيك ..ولاا ابي اقعد بهالخراابه اكثر
قلت لها : ولا عاد انا ابيك ..من تولدين تضفيين وجهك على بلادك .. انا بعد ماابيك ومن اليوم تحرمين علي
والله بغيت اضربهاا لكن مااتعودت امد ايدي على حريم ...قررت ارووح اطلع حرتي بشغلي لاا اذبحهاا



× الصقر ×
رجعت من الدووام ..استقبلتني شااادن... ضميتهاا ...: هلااا والله
بااستني على خذي : ليه ماجيت الغذا
مسكت ايدها الصغيره : كان عندي شغل ..وين ماماا
فرح طلعت من المطبخ وهي مبتسمه : هلاا وغلاا
رديت على ابتساامتها وانا مستغرب منهاا : اهليين
شاادن سحبت ثووبي ووطيت لمستواها : وش فيه
شادن توشوشني : سووف فلح لاابسه تنوله كصيله مله ..ماتستحي
فتحت عيووني : عييييييييييييييب ...محد يقول كذا على ماماا
فرح وهي حاطه يدها على خصرها :وش تقوولوون ؟!!
فلح تقلدهاا وتحط ايدها على خصرهاا : انتي ليه لابسه تنوله كصييله مللللللله مو عيب ؟!!
فرح جاوبتها وهي محمره : لا تحيطن يدك على خصرك عييب
جاوبتها شاادن : سووفي يدك
فرح نزلت يدها بسرعه وواناا ضحك من كل قلبي عليهم
فرح : عااجبك المووضووع
قلت : والله تهبلووون .. كنكم توائم تتناقر
فرح لشاادن : يالله يااحلوه على غرفتك ..نووم
شاادن وهي تزيد تعلقها فيني : ابعى اكعد مع بااباا ..فرح وهي تجي تاخذها من يدهاا ..: حبيبي باابا جاي من الشغل تعبااان يبغى يرتااح
شادن كانت تطالعني بعين الرجاا..قلت لها : سمعتي ماما شقااالت
شااادن طلعت ع الدرج وهي تحلطم .. فرح : اجهز لك الاكل
قلت لها : انتي كل ماتشوفيني تسأليني عن الاكل ...مكتووب على جبهتي مشفووح

حسيتها انحرجت ..وبان بحمرة خجلها : والله مو قصدي
جاوبتها بجفاف من بعد ماغاابت شاادن تماما عن عيني : ماايهم
طلعت وغيرت ملاابسي ..ونزلت الصاله ..شفت فرح تحط صينية الشااهي ..ومعااهاا موالح
جلست ع الكنبه وصرت اطقطق بالريموت .حطيت على برنامج اقتصاادي وصرت اتاابعه
جات فرح وجلست جنبي وكانت تسحب تنورتها الجينز القصيره الي ارتفعت مع الجلووس .. اعترف شكلها كان مغري جداا ..خصوصا مع البدي الاحمر الي كان متقطع من الظهر ونازله فتحته من الصدر .. وشعرهاا مسشورته .. عملت نفسي مو مهتم وانا الود ودي اقعد اناظرهاا ...اعطتني كاسة الشااهي ..اخذتها وسحبت حبة بسكويت مملح .. والله كنت جيعان .بس سويت فيها ثقيل ...كنت جالس معهاا وكنا سااكتين .مافي أي حوار بيناا ... كنت انتظر تسألني عن ثياابي الي بدلتهاا من غير لا ارجع البيت ..عن الشال ..لكنها ماا سالت ولا فتحت فمها بكلمه ..ولا حتى انا تكلمت انتظرت ليين ماخلص البرنامج ..قمت وطلعت غرفتي تمددت على السرير ..شفتها وهي تدخل .. طنشتهاا ولا كانها موجوده ... شفتها تاخذ غياار من الدولااب ..رااحت للحمام "وانتم بكرامه " تغير ملابسها ..ضحكت لنا اللحين 3 اشهر متزوجين ولا تغير ملابسها قداامي ..حتى يوم تلبس قصيير او مفتح تلاقيها طول الوقت مستحيه وحالتها حاله ..اول ماشفت وكرة البااب تتحرك على طول لفيت وجهي للجهة الثاانية عشان لاتشوف اني مو ناايم
جات وجلست ع السرير من جهتي ..وفتحت الابجورة الي كنت قاافلهاا : صقر انا اعرف انك مب نايم ماله داعي حركات البزراان
مارديت عليها ..سحبت اللحاف وغطيت به وجهي ..رجعت وسحبت اللحاف : صقر
زفرت : وبعدين ؟!!
قالت لي : اللحين حضرتك ليه زعلان ؟! من الي مفروض يزعل انا او انت ؟!!
عطيتها ظهري: اقول بلا هرج فاضي واقفلي النور وراي دوام بكرة ومو ناقص قرقرة حريم
حسيت بها تووقف وسحبتني من كتفي تبرني التفت عليهاا : انت عديم الاحساااس .. متبلد .. تدري اناا كنت امني تفسي واقول بكرة يحس ..لكن الي مثلك عمره مااارح يعرف الاحساااس ..لانك بالاصل بلا قلب .. ماتعرف غير انك ملتزم بواجباات ..ولك حقوق ..اهنيك "وصفقت " نجحت بتادية واجبااتك كأب لشاادن ...لكن كزوج ..انت اكبر فااااااااشل ... لان العاطفة عندك صفر .. مايرتفع

مأشرها الا وقت النوم ..وقتها بس يبدأ قلبك بالخفقااان ...كنت اسمع كلامهاا ..كلام جاااارح ...جاارح جدااا ...اول مره اسمعها تتكلم معاي بذي الطريقة .. اول مره اسمع صوتها يهتز وهي تكلمني .. طول عمرها صوتها ثاابت ...قووية ..قمت من ع السرير تباادلنا النظرات ..عيونها نظراتها كانت موجوعه اماا اناا كنت اتمنى نظراتي تخترقها ..وتمزقها مثل ماممزقتني كلماتهاا ...وقفت واتجهت لجهة البااب والتفت عليها : انتي مو بس طفلة بعمرك حتى بتفكيرك
طلعت من الغرفه ورحت غرفة خالد ..جلست بالظلام حتى مافتحت اللنبااات ... كنت منقهر ..وبنفس الوقت نار بصدري تستعر ...انا على اخر عمري ..طفلة تقيمني ؟!!


× نورة ×
صحيت وانا احس بغثياان ..جريت ع الحمام "وانتم بكرامه " حاولت ارجع بس ماااقدرت ...جلست على الارضيه البااارده ..وانا منقهره ..ضربت رااسي بالجدر : لييييييييييش ..انا ماابيه ..ماابيه .. ليييش
اكره هالطفل ..ماابيه ..اكرههه مثل ماكره ابوه ..اكره بلاااده .. خذه وخلصني مني ...مااابيه
وقفت وتاكدت من تقفيلتي لبااب الحمام " وانتم بكرامه " وقفت على المرحاض " عزكم الله " من بعد ماغطيته ..وقفت للارض ..المسافه كانت قريبه ..ماتتعب ..رجعت ثااني مره طلعت وقفزت ..كررتها ثلاث وعشر ..كررتهاا الليين مااحسيت رجولي ..ماعادت تقدر تشيلني ..مشيت لين مااوصلت غرفتي ..تمددت ع السرير ووصرت اضرب بطني بقبضات يدي ..انزل ..كنت ابكي ..وبنفس الوقت ..اصرخ كن الي داخلي يسمعني ..انزل ماااابيك ..انزل


× فرح ×
ع الساعه 10 اتصلت على رااكان بشغله ..وطلبت منه يمرني البيت ...كان بيمرني العصر لكني اصريت يجيني قبل .. من امس ماذااقت عيووني النووم .. امس قلت لصقر كل الي بقلبي ..ماقدرت اسكت وانا اشووف بروده وجفااف معاااملته .. وهاجس حرمته الاولى ماغاب عن فكري .. اكثر مااقهرني الباارحه ..بروده .. كنت ابه يهااشو يصااارخ ..ع ال 10.30 كان عندي
راكان وهو يجلس من بعد ماسلم : خير وش فيك ؟!
قلت له : شلون حرمتك وش اخبارها عسااها بخير؟!
جاوبني وهو مبتسم : الحمدالله بخير.. نورة حامل