رواية طويلة لا تشتكي من همومك للناس/2

/
/

× الصــــقر×
طلعت من بيت خالتي وانا مضاايق ... مضايق بشكل كبير ماتتصورونه .. كلام عمتي رجع قلب علي كل المواجع .. رجع ينبش بذكريات كنت اظن نفسي دفنتهاا خلااص .. لكن وووين ..تذكرت يوم ماارجعت بيتناا فرحنا ..كنت افكر امي راحت وخطبت لي ياسمين خلاص .. اول مادخلت البيت استقبلتني مها
سألتهاا : وين امي
مها : وش تبي فيها ؟!
عصبت : مها اخلصي اقولك وينهاا
مها : اعوذ بالله امي بغرفتهاا
طلعت جري لغرفة امي من غير لا ارد عليهاا
استاذنت ودخلت ... لقيتهاا جالسه وتقرا القران حطته على جنب واشرت لي اجي واجلس جنبهاا ع السرير
سلمت على راسها وجلست .. ماتكلمت كنت مستنيهاا تتكلم ابغى اعرف وش الي صار
امي بكل هدوء : صقر انسى موضوع ياسمين
التفت عليها : نعم ؟!
امي : قلت لك انسى موضوع ياسمين ولا تفتحه مره ثانيه ابد
سألتها : ليش؟!! عطيني سبب
قالت لي: لاهم من ثوبنا ولا نحن من ثوبهم
قلت لهاا : من متى هالاشياء تهمك ياايمه ؟!
جاوبتني : ماتهمني اناا تهم ابوك .. وقفت .. شبتقوله ابي اتزوج وحده ابوهاا ضيع حلااله على النسوااان والخمر ؟!
قلت لهاا : وهي شنو ذنبهااا
قالت لي : انت نسيت انت ولد من ؟! ابوك مستحيل يوافق
قلت لها : بس انا ابيهاا
جاوبتني : الي خلقهاا خلق غيرهاا .. لو هي سليمه كان قلت معليه لكن فوق كذا البنيه مريضه ياصقر مريضه وانت عارف هالشي
قلت لها : وانا مايهمني كل هذا مايهمني
قالت لي : لاتخلي شفقتك تسيطر عليك
قلت لهاا : شفقه ؟! يمه انا احبهااا تسمعيني احبهاا وابيهاا
تحب منو ؟!! ..التفت بسرعه على البااب اشوف مصدر الصوت ..كان ابوي واقف ومبين الغضب بعينه
ابوي : وش ذا الكلام الي اسمعه
ماعرفت وش ارد عليه ..دوم حضور ابوي يسبب لي رهبه ..احس نفسي قدامه طفل مو رجل بشنبه ولحيته
ابوي وقف قدامي : سمعني صوتك ليه سااكت
بالكاد بديت احرك شفاتي : يبا انا
ابوي بعصبيته وتسلطه : انت شنو ؟!! اسمعني يااصقر لايكون مفكر نفسك كبرت وبتمشي الكل بمزاجك
خذها كلمه مني ..بنت السكران انساها ولا عاد تفتح موضوعهاا مره ثانيه وان تبي تزوج بندور لك علي من ثوبناا امااا ألي في بالك مستحيل تاخذهاا ساامعني مستحيل
حاولت اجادل: لكن انا
صرخ فيني : الموضوع هذا انتهى خلااص ...سكت شوي .. اذا تبي خيرهم انسى بنتهم واللحين رح ورى شغلك
ضربت الدريكسون بيدي وانا اتذكر ذاك اليوم .. حسيت بقهر وبظلم ابووي ... تحكمه وتسلطه سلبه لابسط حقوقنا ... حسدت عقاب اخوي انه قدر يتحدااه بوجه اما اناا فضلت السكووت .. وخذيت ياسمين بالسر كاني اسرق مو اتزوج على سنة الله ورسوله ..شاهين عارض الزواج بالسر وحس باهانه كبيره لاخته لكن خالتي تدخلت واقنعته انه يوافق على الزواج خصوصا مع وضع ياسمين وان فرصها مهعدومه بالزواج عشت مع ياسمين سنتين تقريبا ..سنتين من احلى سنيين عمري ... ماعرفت فيها طعم النكد ولا الهم .. كنت احبها وااايد وكنت احسهاا انها تحبني صحيح ماتقدر تعبر