رواية طويلة لا تشتكي من همومك للناس/2

× مــهــــا×

اخيرااا وصلناا البيت . بعد ماودينا حصه بيتهم ..على طول رميت نفسي ع كنب الصااله ونزلت الكعب من رجلي " الله يعزكم " اااخ ياااارجلي مره يعوووور
صقر سألني : زعلت ؟!!
قلت له : صدقني اهي اللحين اخر شي تفكر فيه كلااامك
سألني : يعني ماا زعلت ؟!! ماكلمتك ؟!!
قلت له : ماا عطيتهاا وقت يااادوب خليتها تغير ملاابسهاا
شفته وهو يسند راسه ع الكنبه : وداامك خاايف انها تزعل ليه ماااجبرت خاطرهااا ؟!! مااتعرف انهاا بوضع محتاجه فيه لكلمه تريحهااا ؟!!
جاوبني : مااقدرت اكذب عليها مو بيدي
قلت له : هذا انت مو بيدي مو بيدي .. تصدق احيان كثير تحسسني انك مغلووب على امرك
طالعني بنص عين : وش تقصدين ؟!!
قلت له : ولا شي انسى المووضوع خذيت الصندل " وانتو بكراامه " وطلعت غرفتي
فتحت دولاابي اطلع لي بيجااماا البسهاا ومع سحبي للبيجااماا طااح شي بصرااحه ماكان فيني حيل انحني واشوف وش هوو ..رحت خذيت لي شوور بمويا حاااره تسااعدني اني استرخي وانسى كل التعب الي احس فيه ... بعد ماطلعت قمت انشف شعري نشفته زييين .. خذيت فستاني الي كنت راميته ع السرير وحطيته بعلاقه عشان اعلقه بالدولااب حسيت نفسي دست على شي .. حنيت رااسي شفت شي فكرت اني تخلصت منه من زماااان .... انحنيت مسكته بيدي ..كان عباارة عن صورة لي يووم زواجي مع سعد حسيت العبره تخنقني واناا اشوف نفسي ايدي بيد سعد ... بفستاااني الفخم الي جبته من بااريس ..ضغت ع الصوووره بقووة وانا اتذكر ليلة زوااجي ... اتذكرها كأنها شريط سينمائي .. غصب عني بدت دمووعي تنزل كان زواجي مثاالي ..زواج تتمناااه أي بنت بالدنيااا ..كان باكبر قاعاات جده .. افخم التنظيمااات اغلى الطقااقااات ... فستاني رحت وشريته من فرنسااا واشتريت عقد المااس بقيمه خيااليه .. صقر ابد ماابخل علي كاان مايبيني احس بان ابوي ميت ...كنت فرحاانه بكل هذاا وغير كذا فرحاانه اني رح اتزوج سعد ولد عمي الي انا محجوزه له من صغري كنت احبه .. كان بالنسبه لي فتى الاحلام .. عمري ماتخيلت نفسي رح اكون لاحد غيره ..تذكرت شلوون هجم علي وسحبني من شعري وسألني والشرر يتطااير من عيوونه : منوه ؟!! منووو ؟!!
كنت خاايفه وارتجف واتألم : ااخ اتركني يااسعد يعوور
زااد الشد : اقولك اعترفي من كااان ؟!!
بكيت بحرقه : انت مجنوون وش تقوول
عطاااني كف : مجنوون ولا انتي الي ****ه شلوون قدرتي تلعبين دور العفه والطهااره وانتي
صرخت فيه واناا ابتعد : حدك يااسعد مو بنت الذيب الي ينقال لها هالكلااام
رجع وهجم علي ولوى ايدي لدرجة اني حسيت انه كسرهااا : ولك وجه ترادين انتي الي زيك مااايتكلم ولا يفتح فمه بكلمه الي زيك يتوسل للرحمه