روايةأما غرام يشرح الصدر طاريه ولا صدووود وعمرنا ماعشقنا/10

هي بلسانها قالت أنه ولدها..
عامر\وهو ولدها هي مسئولة عنه وتربيه بعد وفات امه..
ومع انك ماتستاهل أحد يبررلك ولا يكبر قدرك..
بس لعيونها أبرر وأظهر برائتها من أحقادك يالمريض..
هذي بطاقة فهد وتثبت لكم انه اخوي..
.....\عنبو غيرك أنت ماتستحي ترمي بنت عمك في شرفها يالخسيس..
فهد بعصبية\وين أختي ياقليل الخير والسنع..
ومرة ثانية لاتسوي فيها مراجل..أنا اخوها ومسئول عنها..
عالية وراها رجال يدفنون وجهك ووجه غيرك ومن فكر يوجعها بكلمة..
جاسم بخبث\العذر والسموحة منكم يالطيبين..
مادامت بنت عمنا طلعت براءة ولامتزوجة ولاهم يحزنون..
فأنا نويت أتزوجها..وهي بنت عمي وأنا أولى فيها..
ولا وش رايك يوبه..
ابوجاسم بحدة\رأيي مايجوز لك تخطب على خطبة مسلم...
جاسم بصدمة\وش قلت...؟؟!
ابوجاسم بصوت عالي\عالية مخطوبة لعامر بن ...........
من ثلاث أيام وأنا عطيته ان كانت البنت موافقة وراضية..
جاسم\بس انا ولد عمها يوبه..
ابوجاسم\السموحة منك يافهد ومنك ياعامر..
يشهد الله ماشفنا منكم الا كل خير..
استريحوا وماتطلعون ولدكم معكم..
فهد بسرعة\وعالية...؟؟!
ابوجاسم\انا ولي أمرها الحين..
وانت ياعامر ان كنك تبيها تجيب الشيخ بكره وملك عليها وبعدها خذها لبيتك..
مالي حيلة أخرجها من بيتي لبيت خطيبها..
فهد\ماتنام الليلة هنا لو يصير اللي يصير..
عامر يمسك فهد\زين الرأي يا ابو جاسم..
بكره العصر ان شاء الله نملك..
ابوجاسم\ولكم مني وعد مايلمسها مخلوق ولا تنضام لين تجون وتاخذونها..
عامر\مشكور ياطويل العمر..هذا العشم فيك..
ننتظر ولدنا في السيارة..
خرج عامر ويده بيد فهد...
وعيونه مركزة على جاسم بتحدي..
وكأنه يقول اذا في خاطرك شيء تعال برا...
كان بيطلع وراهم بس ابوهـ حلف عليه مايطلع من المجلس...

دخل العم عند عالية اللي كانت ضامة غازي وتبكي بخوف..
لما شافته دخل عندها وقفت بسرعة وهي تشد على غازي بقووة..
ابوجاسم\عالية يا أبوج..طمنيني عنج وش مسوية بدنياج؟؟
عالية بخوف\عمي حلفتك بالله لا تقرب مني ولا تضربني..
ترى جسووم يكذب عليك والله العظيم اللي كان معي هو أخوي فهد..
وهذا غازي ولد اختي لين..تكفى ياعمي أنصفني لو مرة وحدة في حياتك تكفى..
ابوجاسم بندم\مصدقج والله العظيم مصدق وواثق فيج..
أنا ندمان يابنتي على عمايلي فيج من أول..
ندمان على ظلمج وضربي وقسوتي عليج..
العمر زايل يا ابوج..وأنا ندمت من سنين وكنت أبي ارجعج تعيشين عندي وأعوضج..
بس العوض من الله..وربي عوضج بامج الطيبة وعامر رجال كفوو وينشد به الظهر..
ماخفت عليج عنده لأني أدري من يكون عامر بن ..........
عالية برجفة\ابي ارجع لأمي يا عمي تكفى..
جسوووم حبسني هنا وناوي علي بالشينة...
ابوجاسم بحدة\يخسى جسوم وراسي يشم الهواء مايسوي لج شيء..
عامر وأخوك فهد موجودين عندنا..
عالية بفرح\بأروح معهم يا عمي..تكفى خلني اروح معهم لاتقهرنني..
ابوجاسم بتأني\بتروحين بس ماهو الليلة..
بكره بتروحين معهم وأنتي زوجة لعامر الـ..........
عالية بصدمة\ز.... زوجـــ......ـة
ابوجاسم\ايه يا ابوج بكره نملك لكم وتروحين معهم الله يحفظكم..
عالية بقهر\يعني صدقتوا بكلام جاسم...
صدقتوا فيني ياعمي ..؟؟تبون تزوجوني لعامر لانكم شكيتوا فيني..؟؟
ابوجاسم\لا والله يابنتي لاتظلمينا..
لا شكينا فيج ولا بأخلاقج..
عامر زارني قبل أيام وطلبج مني زوجة له على سنة الله ورسوله..
وانا عطيته كلمتي وقلت موافق..بس شور عالية الأول والأخير..
وان كنتي ما أنتي موافقة على عامر فوالله ماتنجبرين عليه..
عالية برعشة\طلبـــ...ـني منك..؟؟
ابوجاسم\ايه طلبك مني وانتي وهو لا تطيقوني ولا تحبوني..
هو رجال ويعرف سلوم العرب..وانك بنت شورك بيد هلك قبل لايكون بيد أمك..
طلبك مني وحلف مايفكني الا لين اقوول عليه قبول..
الله يوفقج معاهـ ويقدر يسعدج ..
عالية\...............................
ابوجاسم\والحين عطيني الولد عامر بياخذه معه..
عالية ضمت غازي وترددت ماتعطيه عمها..
عالية بخجل\عمي لاتفهمني غلط..بس ما بأعطي غازي الا لعامر ولا فهد..
ابوجاسم بهدوء\تم يا ابوج..والله ماتنلامين اللي سويناه فيج ماهو شوية..