خروف هرفي مشوي على الفحم بالصور

مشوي , الفجل , بالصور , حروف , على , هرفي

خروف هرفي مشوي على الفحم بالصور

خروف هرفي مشوي على الفحم بالصور قبل أسابع كنا معزومين عند حبيبنا وزميلنا أبو جود في حفر الباطن , والحقيقة إنه الله يكثر خيره وكما هي عادته ما قصر , وحكر لنا هاك المشوي اللي على الكيف ( شغل معلمين صح ) أنا الصراحة أول مرة أذوق الهرفي بهالطريقة وياليتني ما ذقته بس , إلى الآن مهذريٍ به وأبي أسويه اليوم قبل بكرة إن شاء الله نترككم مع الصور ونتمنى لكم طيب المشاهدة نشب الفحم ونخليه لين يجمر طبعاً هذا الهرفي وبداية تدخبله في العود وطريقته تبيلها رجالٍ نشمي مثل أبو جود وأبو خالد اللي متخصصين في كل علمٍ طيب , طبعاً عود الخشب والمركابين اللي يثبت عليهن ضد النار وشغل مضبوط من تصميم أبو خالد , والهرفي يتم تربيطه في العود بحبال خاصة ضد النار أيضا يتم هنا فرد الجمر بالشكل المطلوب وهنا يتم وضع الهرفي ويتم تقليبه على الجمر بتدويره باليد لمدة من ساعتين إلى ساعتين ونصف ( شغلٍ يبي له صبر ) وهذا أبو جود يعطينا من الشيلات والمواوييل ويشيك على الهرفي من كل الجهات أقول جعل مانيب محله وبس !!!!!! وقبل ما يستوي الهرفي قام أبو جود مثل الذيب وفي لحظات ظبط الرز بطريقة بسيطة وسريعة ( ومع إن الرز كان بدون لحم أو مرق إلا إن طعمه كان خيال ولا يخطي الدماغ ) هذا الماء يغلي وهذا البصل مقطع وجاهز وهذا الرز ( أبو كاس ) مغسول ومنقوع وهذا الطماطم مقطع وهذا قدر الرز يحمى على النار مع زيت دوار الشمس البصل والثوم وحمسة سريعة على الزيت إضافة الدارسين ويستمر التحريك إضافة الطماطم والبهارات والملح ثم الماء المغلي وهنا إضافة الرز والتحريك ثم غطاه أبو جود ورجع للهرفي وكل هذا في أقل من 10 دقايق ما شاء الله عليه وهذا الهريفي بعد ساعتين ونصف من التدوير والتقليب المستمر جاهز ويقول وين الجايع بس وهذي بعض الحركات الجانبية وهذا عاد الرز الخرافي وأحلى وألذ هرفي مشوي على العود أذوقة في حياتي , وأنعم الله على من تكلف آمل أن يكون هذا الموضوع قد وصل إلى مستوى ذائقتكم

المصدر: منتديات تراتيل شاعر - من قسم: مطبخڪَ ▪●

---

ov,t ivtd la,d ugn hgtpl fhgw,v hgt[g fhgw,v pv,t ugn