لا تشتكي من همومك للناس الجزء الخامس

رن موبايلي وكان رساله من خالد يذكرني بموعد لبكرة الصبح

اخذت البااقة الي ورى ظهري واتجهت للمطبخ اشرت للخدامات يطلعن ..وقربت من فرح الي شفتها تسوي سلطة وصرت ارقبهاا ..وجها دائري وخشمها صغير ومن الجنب يبان اصغر مع خدودها الملياانه ..عيونهاا كانت متوسطه مب كبيره ولا صغيره ..لونها اقرب للعسلي ..فمها صغيرون ونااعم ..شعرهاا مجعد لكن بملمسه نعومه مب قااسي وبشرتها اقرب للبياض منها للسمار

فرح من غير لا ترفع عينها وتشوفني : اول مره تشوفني

قلت لها : اول مره تلبسين فووشي

حسيتها ماتوقعت الرد سكتنا شووي ومديت لها يدي بالبااقة : انا اسف

شفت طيف ابتسامه على وجهاا لكن بسرعه اختفت : ماكان له داعي تتعب نفسك

ماعتقد اني بتعب نفسي لا جبت لزوجتي هديه ؟!! ومديت يدي لها بعلبة الطقم

اخذتهم مني وحطتهم ع الطاولة : تعيش وتجيب

قلت لها : طيب ع الاقل شوفيهم

قالت لي: مب فااضيه

مسكت يدها وسحبت السكين منها وشلت الخضار من قدامهاا وسحبتها من يدهاا للصاله وجلستها على اول كنبه قدامي : اللحين فضيتي ؟!تقدرين تسمعيني

زفرت : نعم ؟!

قلت بغيض من اسلوبها : نعم الله عليك ياابنت الاصول