منتديات تراتيل شاعر - اول ماشفته دقت بقلبي طبول

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - اول ماشفته دقت بقلبي طبول (http://tra-sh.com/vb/showthread.php?t=83932)

اول ماشفته دقت بقلبي طبول

وشلون أعبر عن غرامه !! ،، وش أقول ؟
خلي وأحبه حيل ،،، وآموت أنا فيه

أول ماشفته ،،،، دقت بقلبي اطبول
وآسرجت خيلي ، يم قلبه ، وناويه

والمعركه ،، دارت رحاها على طول
ثم أنتهت ،،،، وأنا آسيره ، وهاويه

حبه سحايب عشق ، وآمطار ، وسيول
وصده دمار الكون ،، في عين غاليه

الشوق دايم ،، بين الأحباب مرسول
وشوقي سمو الحب ، وقايد مساعيه

والثقل ،،، عن فرقى المحبين ،، مسئول
والصد باب ٍ ،، للزعل ، والمشــــــــاريه

أمر المسافه ،، ياهوى البال محلول
اللي يبيك ،،، يسوق لجلك خطـــاويه

الحول عدى ،، ثم على الحول ، جا حول
والغايب اللي مارجع ،، وين آراضيه ..

آصبحت أنا ،، من حبه اليوم مقتول
والحق له طلاب ،، من صوب راعيه

مير القضيه ،، سُجلت ضد مجهول
والوقت زادت ، في عيوني بلاويه

زود ٍ على اللي فوق متني ، من احمول !
صده جرحني ،، لكن الله يجــــــــازيه

العقل والمنطق ، في هالحاله يقول
اللي يصد ،، الله معه ،، لاتناديه
...
راقت لي