الفرق بين تصميم المواقع و تطوير المواقع

المواقع , الفرق , تصميم , تطوير

الفرق بين تصميم المواقع و تطوير المواقع

الفرق بين تصميم المواقع و تطوير المواقع (هام جدا) ايه الفرق بين تصميم و تطوير المواقع؟ سؤال مهم لكل المبتدئين و الناس اللي لسه بتفكر او بتبدأ تدخل في دراسة مجال المواقع وعايزه تعرف ايه الفرق بين تصميم الموقع وتطوير الموقع وايه وظيفة المصمم و وظيفة المطور و ايه الامكانيات اللي الكفروض كل واحد فيهم تكون عنده. في الموضوع ده ان شاء الله هنغطي كل الجوانب المتعلقة بالجزئية دي و برضه لازم نعرف ان دلوقتي بقى في خلط بين مهام المصمم و المطور في بعض الامور وبقى لازم على المصمم القوي ان يكون عنده فكرة مش قليلة عن لغات السيفر سيد و الاسكربت و كيفية عملها بحيث انه برضه يحاول يخلي شغله ملائم لعملية البرمجة بشكل كبير. تصميم المواقع Web Design: تصميم الموقع بيهتم بعمل كل ما يخص الجرافيك الخاص بالموقع مع تخطيط و تقسيم الصفحات وعمل الوجه الخارجي layout الظاهر لكل صفحة وعمل و تنسيق كل الصور و الايكونات و البانرات و ما الى ذلك بالاضافة لعمل اكواد الاستايل css واللي دلوقتي بقى بيتم تصميمالصفحة و تقسيمها بالكامل اعتمادا على اللغة دي بس، ودلوقتي بقت كل المواقع بتتقسم اعتمادا على الديف div كوحدة البناء الرئيسية بدل الجداول اللي اتلغت في عالم تصميمالمواقع الحديث. كمان دلوقتي ظهر علم جديد في تصميمالمواقع و هو تصميم و تخطيط المعلومات و كيفية رسم نظام التجول داخل الموقع Navigation System وده اللي ادى لظهور مفهوم web 3.0 اللي مفرقش عن web 2.0 غير الجزئية الخاصة بتخطيط المعلومات. وفي الشركات الكبيرة في امريكا بيكون في مصمم مختص بشغل الجرافيك فقط وعمل الاسكش للصفحة وكل الصور و الايكونات و الشكل الخارجي وفي مصمم تاني "كودر" بيكون متخصص بعمل اكواد ال XHTML - CSS للصفحة واللي بيترجم التصميم اللي قدامه بالاكواد لان ده هو الاسلوب الحديث المستخدم دلوقتي. مايجب توافره في مصمم المواقع: مصمم المواقع حاليا مطلوب انه لازم يكون متمرس في لغات HTML - XHTML - CSS - JavaScript ويكون عنده القدرة على عمل تطبيقات DHTML وبالنسبة للبرامج فطبعا الفوتوشوب مهم جدا واساسي ويجي بعده برنامج الفلاش اللي اصبح مهم برضه بالاضافة لمعرفة كيفية استخدام برنامج الدريمويفر. وطبعا لو عرف لغات و برامج تانية هتكون اضافة قوية زي مثلا برنامج الستراتور وبرنامج فيروركس او ايمج ردي. تطوير المواقع Web Development: تطوير الواقع بيهتم بكل شغل البرمجة اللي في الموقع او يعني الشغل اللي ورا الشباك زي مابيقولوا،يعني كل شغل برمجة الموقع "تطويره" بيعملها مطور المواقع زي استخدام لفات السيرفر سيد وربطها بقواعد البيانات و عمل التطبيقات المختلفة web applications و كل الفورم forms اللي في الموقع. برمجة الموقع موضوع كبير و اصعب الى حد ما من التصميم لان التطوير بيعتمد على لغات برمجة اغلبها لغات موجهة بالكائنات "زي PHP,ASP,Perl" و بتكون محتاجة فهم لاساسيات البرمجة اللي بتكون صعبة على البعض. ولفظ "تطوير المواقع" بيطلقه البعض للاسف على تطوير محتوى الموقع لكن معناه الصحيح في عالم الويب هو برمجة المواقع و تطويربرمجتها وليس المحتوى المعلوماتي ليها واللي اتفقنا انه بيكون من دور المصمم في حالة الاتفاق مع صاحب الموقع على مين المسئول عن تغيير محتوى الموقع. مايجب توافره في مطور المواقع: مطور المواقع لازم يكون طبعا متمرس في اللغات الاساسية اللي زي : HTML - XHTML - CSS - JavaScript بالاضافة الي معرفته بواحدة او اكتر من لغات السيرفر سيد زي مثلا : PHP - ASP.NET - JSP - Perl وحاليا لغة PHP هي رقم 1 في العالم يليها لغة مايكروسوفت ASP.NET ولما نتكلم عن لغات السيرفر سيد لازم نتكلم عن انظمة ادارة قواعد البيانات RDMS اللي بتستخدم معاها لخلق تطبيقات الويب الديناميكية زي MySQL - MS SQL Server وطبعا اختيار احد هذه الانظمة بيتوقف على نوع لغة السيرفر المستخدمة. و ده بيتطلب معرفة اساسيات و اوامر لغة SQL لغة التخاطب مع قواعد البيانات. يفضل ان المطور يكون عارف بعض التقنيات الحديثة زي Ajax - RSS و خاصة الاجاكس لان المستقبل للاجاكس و بقى مطلوب بشكل كبير. وفي مجال تطويرالمواقع مقدرش احصر كل اللغات المطلوبة لان في بعض الاوقات بيكون مطلوب معرفة لغات تانية زي XML - ADO - UML بس اللغات اللي قولتها هي دي الاساسية بشكل كبير. وبالنسبة للبرامج فمش مطلوب قوي يكون المطور على معرفة كبيرة بالفوتوشوب او الفلاش او برامج الجرافيك، لكن يجب ان يكون قادر على اساتخدام برنامج دريمويفر و في حالة التعامل مع بيئة مايكروسوفت يجب اجادة استخدام برنامج Visual Studio . وفي النهاية اتمنى ان يكون الموضوع افاد الجميع و بقى واضح ايه المطلوب معرفته لتكون مصمم او مطور مواقع. ووضحنا الفرق بين المصمم و المطور و دور كل منهم في بناء الموقع و بالصورة الموجودة في اكبر شركات تصميم و تطويرالمواقع في العالم حاليا.

المصدر: منتديات تراتيل شاعر - من قسم: تطوير المواقع والمنتديات ▪●

---

hgtvr fdk jwldl hgl,hru , j',dv hgtvr

يسلموووو على رقي الطرح واختياره
ابداع لايضاهى بالطرح
سلمت يمناك وعساك على القوه
تحياتي لك

منور بمرورك العطر

*,


سلمت الآكف ومَاجلبت
إبداع دآئم وتميز مُستمر
لا عدمنَاك /

معلومات جميلة
وطرح رآئع
لآعدمنآ جمآل ورؤعه طرحك وآنتقآئك آلمميز
سلمت يمنآك

اقتباس:

المشاركة الأصلية كتبت بواسطة ضوء القمر

*,


سلمت الآكف ومَاجلبت
إبداع دآئم وتميز مُستمر
لا عدمنَاك /

منوره بمرورك العطريالغلا

اقتباس:

المشاركة الأصلية كتبت بواسطة رحيق

معلومات جميلة
وطرح رآئع
لآعدمنآ جمآل ورؤعه طرحك وآنتقآئك آلمميز
سلمت يمنآك

منوره بمرورك العطر يالغلا

يعطيك الف عافيه ع النقل

.
.


يعَطيكَ العَآفيهَ
آطَروحهَ جميِله ورآئِعهَ
سَلمتَ علىَ هذاَ الآنتقَآءَ
دمتَ بسعآدة..،

سَلِمَت الْأَنَامِل
لِهَذَا الإِنتِقَآءِ..الْرَّائِع ..
آبْدَعتْ..فِي الإِختيَارِ
لاَحُرِمنَآ جمآل عَطآئكْ .
لِـ رُوحكْ عَبقِ الجُوريِ