01-14-2014, 12:34 PM
|
|
|
|
|
|
بقآيآ غــيـم
تشبهين ..!
صبح " عصفوره حزين " !
صبح يشبه في عيون الراحلين : الراحلين !
صبح يشبه وجه أمي ،
كف أمي ،
والحنين ..!
صبح يتنفّس ورى عيونك هواي ..
صبح لارحتي و(أنا ) ماني معاي ..
صبح آهات وتنهّات وأنين ..!
ألبسي ثوب الفراق وروحي غيبي ..!
واتركيني عند طيفك لاندهني .." ياحبيبي " !
ولا تجين ..!
قولي مات ..!
قولي عايش بالحياة .. ابلا حياة !
قولي جاني في صباح وطار " عصفوري " الحزين !
وطار عصفوري الحزين !!
,
,
,
واسمعي حزنه ، وترنيمة بكاه ..
.................. واغفري له قلبه القاسي عليه ..
من مع جرحه ومن باقي معاه ؟
.................. من يبي فرحه ومن باقي يبيه !؟
مرّ يندهلك مع النسمه .. لقاه !
.................. ياسه البائس وتلّه من .. يديه !
وكل من مّر وسمعْه يقول آه
.................. قال في تنهيدته ... الله عليه !!
طفلتي صبّي من احساسك حياه
.................. وارجعي صبّي من الهيمان تيه ..
شاعرك لو ماكتب لك من قراه
.................. والا من يفرق شعوره عن حكيه
قبل ( أحبك ) مالها داعي الشفاه
.................. بعد ( أحبك ) مالها داعي الوجيه !
ياأحبابي ..!
أمانة مرّوا عيوني أنا مليت أهدابي !!
ورى المنفى البعيـد إهناك يااحبابي ..
................ وصلت المُتعب المُنهك من احلامه ..
تمرني بقايا غيم ! ... والقابي ..!
................ بقايا انسان مايدري عن .. ايامه ..
واخلّي ماورى بابي ورى بابي !
................ واخلّي ماورى الأحلام ... قدّامه ..
أدوّر وجه يشبه " ريحة اصحابي " !
................ أدوّر " موت " يرفع فيني الهامه ..!
أدوّر للـ حضور اللي يبي غيابي !
................ أدوّر للغياب اللي بكى .... عامه !!
أنا مليّت من " فيني " ومن " مابي " !
............... ومن تنهيدة الدفتر / .. من اقلامه !!
ومن وردة زهى في عطرها / كتابي !
............... ومن طفلة لها " جرحين " ! لوّامه !!
ومن عصفور لامرّ ... وتغنّابي ..!
............... ومن " مكسور " ماتجبر بي عظامه !!
ياأول من يمر الدمع بـ أهدابي !!
............... ياآخر من زرع "تنهيدة " .. آلامه !
تعال ارسم ملامح ضحكه لـ / نابي
............... وخذني لـ صبح ضاعت جرة اقدامه !!
تصفّح هالضلوع العوج / واقرابي !!
............... عيون أطفال ..مقهورة !... ومنضامه !!
انا مامت ّ لاجل القاك .... تحيا بي !!
............... انا إنسان ماتت بيدك ........ أحلامه !!
.
.
.
وطعم الموت ..!
إلا منّك صرخت وصرختك كانت .. بليّا صوت
frNdN yJJdJl
.
أحب تفاصيّل وجهي المغرورةِ جداً.
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 06:41 PM
|
عضويتي 
العرض الشجري