محتاج لك لو تسمح شوي لا هنت

أحتاج , تصلى , زوج , إنت

محتاج لك لو تسمح شوي لا هنت

كل العيون تطيح من عيني إلا أنت

إليا ذكرتك هزني طاري الشوق

وين أنت ياللي ع المشاعر تسلطنت
واشغلتني عن كل كائن ومخلوق

من قبل أعرفك ماعرف وين أنا كنت
ولا كنت أعرف ان الهوى قمة العوق

محتاج لك لوتسمح شوي لاهنت
مليت ألـمح لك من الضيق مخنوق

مليت أسولف عن تجافيك وايقنت
إن الزمن لاحس عنده ولاذوق

رابع سنة مرت وللحين مابنت
لا ديمتك ديمه ولا بروقك بروق

ضاع العمر ياللي بروحي تمكنت
وأحنا نردد كل مطرود ملحوق

إن كان ردت للمراسيل هونت
لأن المراسيل إنتهت مالها سوق

وإن كان ردت للأمل خير عينت
إن أشهد إني جيت للقاع منفوق

البارحة لا زان حظي ولازنت
كن الحزن طوق على ناظري طوق

وين إنت ياللي في عذابي تفننت
بأهديك بيتٍ ما على غيرك يلوق

بأهديك بيتٍ كم سنة فيه هيجنت
بيتٍ يساوي ألف معنى وطاروق

ليت ليت الخلايق تنقلب كلها إنت
واصير اشوفك كل ماشفت مخلوق

المصدر: منتديات تراتيل شاعر - من قسم: ديوآن آلقصيد ▪●

---

lpjh[ g; g, jslp a,d gh ikj Hpjh[ jwgn .,[ Ykj