رواية طويلة لا تشتكي من همومك للناس/2

للناس/2 , تشتكي , رواية , همومك , طويلة

رواية طويلة لا تشتكي من همومك للناس/2

× خــــالــــــد×
كنت ارتجف ... ارتجف بقوة والعرق مالي وجهي ... والالم .. الالم كان شي ماينوصف ..الم حاد كنت احسه متغلغل بكل خليه من خلايا جسمي المهتز ..لصقت بركن من اركان الغرف الفااضي الي حتى مافيها سجاااد كانت ع البلاط وجدرانها بلون اسمنتي كئيب ...لصقت وانا ضاام رجولي لجسمي وماسكها بقووة يمكن يوفت الاهتزااز يمكن يخف الالم ..لكن لا ابد لا خف ولا توقف ..اااااااااااااخ راااسي بينفجر ياااناااااااس بينفجر مديت كفووف يالمرتجفه وصرت اضغط على رااسي اضغط واضغط ضغطي لو كان لاي شي ثااني كان رح يدمره يحوله لحطاام ...لكن مع وجع راسي مااكان شي يذكر ..فقدت الامل بالضغط ماكان قدامي الا حل واحد صرت اخبط رااسي بالجدر اخبطه واخبطه بقووة ...يمكن يخف الصدااع شوووي خبطت وخبطت ماتوقفت الا يوم بحسيت بشي داافي يسيل على رقبتي من الخلف وشوي شوي صرت احس فيه على ظهري مديت اصابعي تحسست السائل الداافي كااان لزج لوونه احمر فركته بين اصاابعي ..ايه هذا الي يقولون عليه دم ..حسيت بجسمي بدأ يرتخي والالم يخف تدريجياا بدت الغرفه تدور وتدور ..غمضت عيني ..ورجعت فتحتها لقيت نفسي مثبت بالارضوسط صحرا قفراا شمسهاا تحرقني ..وفوقي النسووور تحووم ..شفت نسر من النسور جاااي يهجم علي ...صرخت لاااااااااااا
قمت من نوومي مفزووع تعوذت من ابليس وصرت امسح وجهي الي كله عرق ..اعوذ بالله كان حلم ..ايه
حلم ..الحمدالله حلم ... طالعت ساعة الغرفه شفت انه وقت المغرب ..قمت اتوضا واصلي وقومت معي ابو مشاااري




× نــــــوال ×
صرنا المغرب اللحين وخلاص جهزت للخرجة ... انا لبست ثوب باللون العودي والذهبي لميت شعري كله على ورى بشكل شنيون وزينته بدبوس شعر فخم ..لبست الطقم الي اهداني اياه عمي يوم ملكتي انا وفهد
كان من الذهب الاصفر يتلائم مع لبسي وكان بصراحه مره فخم ... لبست دبلتي الي حمدت ربي ان محد بالصبح انتبه اني ماااكنت لابستها حطيت لي مكياج وهالمره كان ثقيل شوي وحطيت لي جلوس فاااااااااتح مره تعطرت بدهن العود المفضل عندي وخذيت عباااتي وشيلتي وورحت جهت غرفت مهاااوي طقيت باابهاا
اول مادخلت غرفت مها صفرت لهاا : وااااااااااااااااااااااااو جد تهبليييييييين
مهاا : لا يااشيخه
قلت لها : انا نوال مب شيخه
مها : مايضحك ويك ويك
قلت لها وانا اجلس ع السرير : متى اشتريتي جلابيتك مااشفتك يوم اخذتيهاا ؟!
قالت لي وملامحها متغيره : هااذي اخذتها يوم كنت ادبش
قلت لهاا وانا احاول اتجنب الكلام عن عرسها : اها والله حلووه ... تبين اجيب لك المبخره ؟!
قالت لي : لا ماله داعي ... انتي تبخرتي
قلت لهاا : افكوورس وبخرت شعري كمااان ..تعرفيني ثلاث اشياء مااستغني عنهاا .. الكحل وال
مها صارت تكمل : والعود والصقر
ضحكت : ههههههههه ياعني ع الحافظه

المصدر: منتديات تراتيل شاعر - من قسم: قصص - روآيات - حكايات ▪●

---

v,hdm ',dgm gh jaj;d lk il,l; ggkhsL2 jaj;d v,hdm il,l;

قالت لي وعلى شفايفها ابتسامة مكر .: بكره رح تصير الكحل والعود وفهد
زميت شفاايفي : يخسي يااخذ مكان اخوي
قلت لها : ولاتزعلي والصقر كمان اربع اشياء حلوه
سالتها وانا اشوفهاا وهي تتعطر بعد ماا انتهت من حط جلوسهااا الوردي الي يتماشى مع شدو عينهاا وجلابيتها الفوشي : تهقين اني بحبه بيوم ؟!
التفتت علي : معقول يانوال لسى ماحبيتيه ؟!
قلت لهاا : ماله قبول بقلبي ابد ياامهاا ... صدقيني مو قادره اتقبله من اشوفه احس ميت عفريت لابسني
مها هزت راسها وراحت تاخذ عباتهااا من الدولاب : هذا اكبر دليل انك غبيه .. المره الي يكون عندها زوج زي فهد تبوس ايدها وجه وقفى مو تتبطر .. مااقول غير خسارة حبه فيك
ضحكت بسخريه : حبه ؟! مها تضحكين على منو ؟! تدرين زين انه مااايحبني وانه ماتزوجني الا عشان يكسر خشمي بعد مارفضته من قبل واستغل الي صاار لي عشان يحقق الي يبيه ويظهر قدامكم بصورة الفارس الشهم
مهاا قالت لي بصدمه : انتي وش تخرفين؟!
قلت انهي الحوار : وين الصقري تأخر ؟!!
مهاا فهمت تصرفي: تلاقينه جاي بالطريق اكيد راح يصلي بالمسجد
خذينا عبايااتناا ونزلنا الصاله ..تقريبا خمي دقاايق الا والصقر جااي ..كن شكله تعباان شووي
الصقر : مااشاء الله اشوفكم جاهزين
مها : صقر فيك شي؟!! يعورك شي ؟!
ابتسم لها : لا حبيبي مافيني شي
قلت له: صقر شكلك تعباااان ؟!
هز راسه : ياوسوستكم انتو الثنتين ترى مافيني شي بس كله لاني مانمت العصر ..انا بطلع اخذ دش بسرعه وببدل ملاابسي يعني ربع سااعه
مهاا : زين اطلع وانا اللحين بجهزلك المبخره
باسها ع راسها : الله لايحرمني منك يالغاليه
تنحنحت : احم احم نحن هناااا
هز راسه : اوهوو تصدقين احسبك هنااااااك
قلت له واناا متخصره : لاا يااشيخ ؟! تستهبل حضرتك
قالي : نزلي ايدك اشوف ... نزلت ايدي بسرعه وانا منحرجه منه
قالي : اقول دوري شوي
قلت له : نعم ؟!
قالي بلهجة امره : اقول دووري
درت زي مااقااال لي ..وغمزني : بصرااااحه كششششششششخه كل هذا لفهيداان
ماادري وش صاارلي ..حسيت بحراااره بكل جسمي تسري ..عمر الصقر ماعلق علي بذي الطريقه
مها تضحك : صقر حراام احرجتها شوف وجها كنه طماطم
قلت لهم : مالت انا اصلا طول عمري شياااكه واتشيك لنفسي مو لاحد

ضحكو : هههههههههههههههههههههههههه
قلت له : اقول اطلع اتروش " تسبح " قبل لاياذن علينا العشى واحنا لسى بالبيت

× حــــصـــة×
جاتني الشغاله تقول ان بيت عمي جوناا اخيراا ... وقفت قدام مراايتي اتأمل شكلي ..حلو علي اللون الفيروزي طالع شي الصرااحه... خذيت مسفعي معاي ونزلت ..شفت بنات عمي جالسااات بالصاله ومعاهم امي
سلمت عليهم : هلا والله بناات العم .. تو مانور البيت
مها بذوقها المعهود : منور باهله ياااحصه
التفت لنوال : نورتي مرت اخوي
نوال جاوبتني من غير نفس كالمعتاد : تسلمي
كان نفسي اسأل عن الصقر لكن مااقدرت فسألت امي : وين ابوي ؟!
جاوبتني امي : راح المسجد مع الصقر ..
سألتها وانا متعمده انااظر نوال : وفهد وينه ؟!
امي : من طلع من العصر ماشفته
مها : لايكون عرف اننا جاين وهج من البيت
ضحكنا على اسلوبهاا بالكلام ...رديت عليها : صدقيني لو درى انكم جاين مااكان فارق الصاله
مها وتغمز لي: تقولين لي
قمت اباشرهم بالقهوه ... عطيت امي طبعا بالاول بحكم كبر سنهاا وبعدها مهااوي ومديت فنجان لنوال : سمي
نوال : سم الله عدوك
ابتسمت وانا احط الدله ع الطاوله وسألتها : ها عروستناا خصتي جهاااز لعرسك ؟!
نوال : مابديت اصلااا ؟!
بصراحه كنت متوقعه اجابتها : ليش؟! ترى مابقي ع الزواج شي كلها شهرين

نوال : ادري
قلت لها وانا احاول اكون باارده وهاديه قدر المستطاع : ودامك تدرين ليه ماجهزتي ؟!
مها حست بالتوتر : حصه ترى يمديها تجهز بالرااحه
قلت لها : بنشووف
تبادلنا انا ونوال نظرات نااريه ..يااناس والله قااهرتني قهر ..والله اخوي برقبتهاا ..مالت صدق لاقالو الحب اعمى ولا وش عجب فهيداان فيهاا لا زود حلاا ولاا مال ..اخ والناس فيما يعشقون مذاهب
سمعنا نحنحه عند البااب كان ابوي ومعاه الصقر .. حطيت شيلتي على رااسي وغطيت شعري مضبووط
دخل الصقر مع ابوي .. مااشااء الله عليه .. كان كاشخ على سنقت عشرة زي مايقولون ..وهذا شي مو جديد عليه طول عمره كشيييخ .. اذكر يوم كان يجي يااخذني انا ونوالوه من الجامعه كيف البنااات يتنحون فيه من وسامته .. بشرته السمرة جبينه العريض نوعا ماا دقنه الباارز عيونه ونظرتها الحااااده بالضبط كانها نظرة صقر بيهجم ع فريسته .. رخامة صووته ... كل شي فيه حلو غير كذا عليه رزه تااخذ العقل
... مااشاء الله عليهم اصلاا عيال عمي سواء الصقر ولا خالد او حتى .. المهم كلهم مزايين
الصقر سلم على امي : شلونك ياعمه ؟!
امي : بخير ياولدي شلونك انت
الصقر: الحمدالله ..مبارك عيدك
امي : وعيدك مبارك
الصقر: كل سنة وانتي طيبه ياحسه
جاوبته : وانت طيب
ابوي كان ملتهي ببناات اخوه ويسولف معاهن ..لكنه قام بعد مااخلص من سلاماته
ابوي : صقر قم ياولدي للمقلط ..حصه يباا القهوة
قلت له : ان شا ءالله

× فــــــــهــــــد ×
وقفت قدام البحر .. كان البحر بحالة هيجان... هيجان يشبه هيجام بحر ذكرياتي .. يوم قال سعد تخيل نفسك مكاني يااافهد ... سعد كان بس يشك .. اناا مو اشك اناا شفت بعيني من غير لاحد يقولي ..."مر بباله ذكرى مؤلمة ..ذكرى مالها سنتين تقريبا ...تذكر زين شلون كان بذاك اليوم اسعد مخلوق بالدنيا .. اسعد انساان مشت رجله ع الارض كان يومتهاا راايح يخطب نوال .. حب يطلبها من الصقر ويعرف راايها بالاول من غير لايدري ابوه عشان لايسبب احراج لاي احد تذكر شلوون كان هو وفهد جالسين بالمقلط لحالهم ..تذكر شلون تغير وجه صقر وصار يسب ويشتم وفجاة خرج من البيت ..مااقدر الا انه يلحقه ..وليته مالحقه .. وصلوو لشاليهات ع البحر .. وكان الصقر نازل من سيارته زي المجنوون وراح اتجاه شاليه معييين كان بااابه مفتووح
دخل وهو زي المجنون وهو لحقه ..ناداه اكثر من مره لكن لاحياة لمن تنادي الصقر كااان معمي ماايشوووف قدامه شاف الصقر وااقف قدااام وحده من الغرف وهو منصدم متجمد .. اول ماااامتدت عينه عالي بالغرفه انصدم اخر شي توقع يشوفه بنت عمه بين يدين شخص غريب تجمدت كل احواسه ... اتذكر زين صريخ نواال ونواااحها وبكاااهااا وتذكر زين الولد وهو كان يقوول الكلمااات القذره
منصور : اخيرا جيت ياااولد الذيب ..لا ومعك ضيووف بعد
الصقر: نوال ؟!!!
نوال جرت عليه : صقر الحقني يااخوي صقر هذا كان يبي وصارت تبكي
الصقر مسكهاا من شعرها : ليييييييييييييييش ؟!!!لييييييييييييييييييييييش
نوال : انا انا ..رماها ع الارض بقرف
وهجم ع الولد : يالخسييييييييس
منصور : خسيس ؟! حبيبي بنتكم جات برضااهااا انا مااضربت احد على ايده
نوال صرخت : كذاااااااااااااااااااااااااااااااااااااااااااااااا اااااااب
فهد كان وااقف بمكانه صدمته اكبر من انه يتكلم ..طول عمره كان راسم لنوال صورة الطهر والعفه مو قادر يستوعب ان الي من شوي كانت بحضن منصور هي ...
الصقر صاار يتضااارب معاااااااااااااه وفهد كان يضرب نواااال ضربهاا غصب عنه يوم جات وتبيه يفكهم مااقدر يمسك ايده ويمنعهاا ..ماهتم لدموعهاا وتوسلاااتهااا
تذكر شلوون سحب منصور سكين من سلة الفواكة الي كانت ع الطاوله وكان ياشر بها جهت وجه الصقر
وكان الصقر يتلافهاا لكن منصور قدر اخيرا يجرح الصقر جرح برقبته نزف واااايد
لكن فهد قدر يضربه من الخلف الين طاح الولد ع الارض .. الصقر اخذ السكين الي طاحت وكان ناوي يذبح الولد لكن فهد منعه : لا ياااصقر لاتضيع نفسك بواحد مااايسوى
الصقر بغيض: هذا لعب بسمعتناا
الولد الي كان نص صااحي : اوجعتكم يااعيال ال... ليه ولدكم ماقدر هالشي يوم لعب بسمعتنا ولا لاننا فقرناا ينداس عليناا
فهد : وش تقصد ؟!!!
قال : زي مالعب خالد ببنتناا

قال : زي مالعب خالد ببنتناا انا بعد لعبت ببنتكم
هجم عليه فهد : يال*** وصاار يضربه ... وبدل لاايصرخ من الالم منصور كان يضحك بشمااته
اماا الصقر جمد مكااانه كااانت صدمته اكبر من انه يتكلم ..اخوه واخته ..الاثنيين بيووم واحد شي مايقدر يوصفه ولا يتخيله ... " غمض عيونه وهو يسمع صووت اذان العشى اتجه جهت المسجد وصلى وقرر يرجع بيتهم







× ســـــــــراب×
جننتني فرح من كثر ماااتزن وتحرطم : فرووح وبعديين
فرح بقهر : ليه يروح يتشمى واحنا جالسين بالبيت ؟! مفروض يمشينا احناا
هزيت راسي واناا احط الشاي ع النار: يابنت الي يسمعك يقول رايح ملاهي ولا استراحات كلهاا جلسه ع البحر وبس..يعني ماعندك شي تنقين عليه
فرح : حتى ولو يكفيه انه جالس قدام البحر وخلص من جو البيت
جاوبتها : وش فيه جو البيت ؟
فرح بضيقه وهي تحط الجبن ع الصحن : يخنق مافي وي الطلعات
جاوبتها : ياقلبي انت بنيه والبنت مالها الا البيت
جات شادن بذا الوقت المطبخ :ماما تثوين عسى
ضحكت ع الحرووف الطايره عند بنتي : عشى عشى
شادن ياقال معصبه : عسسسسسسسسسسسسسسسسسى
فرح : الاخت ماجاورت الهنود كثير
قلت لها : هي لا تعايبين على بنتي ترى حتى انتي كنتي كذا بصغرك
فرح : انا بسم الله علي اكون زي هالاشكال وضربت راس شادن بخفه
شاادن : اووووووووف فلوووووووووووووح وعضتها برجلهاا
فرح : اااااي برويك يااوجه العنز ان ماربيتك صبر بس .... وصاارو يتجارون بالطبخ ويدورن حولي
قلت : بس بينكب الشاهي على وحده فيكن
شادن : ههه فلوح هبله ...هههه فلووح يادوبااا
فرح : تعااالي ياام لسااان
شادن تمد لسانهاا وهي وراي بغيض: ههههههههه دوبااااااااااااااااااااا
فرح منغاضة : شااااااااااااااااادوووووووووووونه
والله اني ضحكت على فرح اللي فعلاا كانت منقهره من شااادن

× نــــــوال ×
دخل علينا فهد كان راجع من برى ..كان شكله مبهدل مو عادته دوم اشوفه كااشخ ..سلم علي انا ومهاا ببروود طيب انا يحب يغايضني ويرفع ضغطي لكن مهاا على طول يحب يمزح معااهاا..اكيد به شي
عمتي : يمه فهد بك شي
فهد ابتسم لامه : سلاامتك الغاااليه ولا شي
عمتي : اجل يمه روح لابوك والصقر بالمقلط
جاوبها : ان شاء الله بس بطلع اتسبح بالاول
وفعلااا طلع يتسبح ...مها همست لي : وش فيه رجلك ؟!
قلت لها : وش يدريني عنه
مها : ليه ماتقعدين معاه وتسألينه وش فيه
صعقتني بصراحه : انهبلتي انتي ؟!!هذا الي باقي







× الصـــــقــر×
جلسنا انا وعمي بالمقلط سولفناا عن الشغل شوي ..حسيت بعمي يبي يقولي شي وانه يدور ويحوم حول الموضوع ومو عارف وش يقول
قلت له : عمي خير في شي شاغلك ؟!
عمي : صقر ما انت ناوي تزوج ؟!!
بلعت ريقي: عمي راحت علينا خلاص
عمي : وش تقول انت توك بعز شباابك والرجال عمر سنه ماايعيبه ... وهذي حصه بنتي خذها عطيه مامن وراها جزية
انصعقت من عمي : عمي انااا بصراحه حصه بنتك صغيره علي و
دخلت بالوقت حصه وشكلها سمعت كلامناا ...حطت القهوة ع الطاولة وداارت بتطلع من غير لاتقول كلمه الا انها فجأة وقفت عند الباااب وقالت : اسمع ياااولد العم لعلمك لو كنت باخذك بس لان ابوي عطااك
ولا النفس مالها خاطرن فيك .. والتفت على ابوها بلووم ليه يااايبااا ليه ؟! ليه ؟!
قلت لها : حصه انتي مابك قصور يابنت عمي لكنك
مدت ايدها بشكل تسكتني : الصقر لااتعذر مايهمني اعرف اسباابك وسحبت خصله من شعرها والله ياااصقر لو اعقده شيب مااخذتك وكفني اولى فيني من ثوب يزفوني فيه لك
وطلعت من المجلس ..حسيت عمي تضاايق واايد .. اما انا حسيت نفسي صغير واااايد ونذل لابعد درجة بصرااحه ..غير كذا كلام حصه جرحني برجوولتي


تنبيه
البعض منكم ممكن يستغرب من جرئتي بطرح قضية مهاا .. احب اقولكم ان اللي صار لمها قصة حقيقيه طبعاا مع تغير بعض الاشياء بالقصه بما يتناسب مع حبكت روايتي ... اتمنى انكم تنتبهون للمغزى ورى قصة مهاا
ولاتعتقدون اني اوردت هالشي فقط من بااب خالف تعرف او تجاوز الخط الاحمر الي صار لمهاا يصير لالاف البنااات بالمجتمع وتوصل للذبح احيانااا كثييييييييييييييييره
بالنسبه لفهد انتو تقرون القصه من وجهة نظرة هو يعني ماتعرفون شي الا من طرف وااحد
البارت التاسع

يـا قـلـب لا تـشـره أذا الـنـاس عـافـوك
لا تـشـتـكـي وتـقـول مـحـد بـغـانـي

وش تـرجـى مـنـهـم أذا هـم تـنـاسـوك
وش تـرجـى مـن كـل قـلـب أنـانـي

غـروك بـالـطـيـبـة وبـالـحـب تـنـاسـوك
وتـبـدلـت عـنـدك جـمـيـع الـمـعـانـي


× نـــوال ×

اتفاجأنا من شكل حصه وهي طالعه من المقلط شكلها كانت مره متضايقه وعلى طول طلعت حجرتهاا
عمتي اسـتاذنت منا اتوقعت بتروح تشوف بنتها الا انها راحت للمطبخ
مها تسألني : وش فيها ؟!
جاوبتهاا : تلاقي الصقر ماعطاها وجه فزعلت
مها بتشكيك : مااعتقد السالفه اكبر بكثير من كذا ماشفتي وجهها
قلت لها : مها وش علينا منهاا امها مااهتمت فيها تبينا نهتم
مها : نوال هااذي اخت رجلك وبنت عمك قبلها
لويت بوزي : تكفيين
مها : الله يهدااك ...وقامت بعد ماعدلت شيلتهاا وطلعت لطابق الثاني .. بعدها بدقيقتين نزل فهد الي متسبح وبدل ثوبه بجينز وتيشرت
سألني : وين الناس؟!
جاوبته : عمتي بالمطبخ ومها مع حصه بغرفتها
سألني: ليه مارحتي معاهم ؟!
جاوبته : حصه بغت مها بموضوع خااص ارز انا وجهي ليه
جاوب: اهاااا
توقعته بعد اسئلته بيمشي الا انه جا وجلس معاااي ...سألني : امم متى الامتحانات ؟!
قلت له : بعد اسبووع
هز راسه : زيين ..ومتى تأجزين
قلت له : انا عندي اربع مواد مقسومه ع اسبووعين ..يعني ثلاث اسااابيع تقريبا ويمكن اقل بعد .. ليش؟!!
جاوب: عشان العرس ترى قدمناه
فتحت عيني : شنووووووووو
حط رجل على رجل وتسند ع الكرسي بروقان فضيييع : الي سمعتيه العرس تقدم وصار باول يوم من عطلة الترمين يعني شهر بالضبط من اليوم
قلت له : نعم مو بكيفك ...
سألني : بكيف مين اجل ؟!!
قلت له : مو القصد ..لكن انا بعد مااجهزت وغير كذا الدراسه
فهد : الاسواق قدامك يمديك تخلصين بااسبوع وترى ماهي بمشكله اقدر اوفرلك كل الي تبينه بعد العرس
ودراستك كمليهاا
قلت له بعناااد : اذا تبيه بعد شهر تزوج لكن دور لك عروس قبلهااا
قالي : تصدقين فكره حلووه ... عندك لي عرووس ؟!!!
جاوبته وانا احاول اكتم غيضي : ترى الي يدور يلااقي
قالي : اوكي دوريلي على مزيوونه تكون اطول منك شووي واممم " صار يبحلق بجسمها " ابيها تكون شوي مليانه ومو مثلك جلد على عظم وحبذا بعد لو تكون بيضا بما انك سمره
ياااااانااااااااس اقوووم ادوس ببطنه ...قاهرني الاخ يملي علي طلباااته : قلت له اووكي رح اعطيها لاقرب خيااطه تفصلهاا لك

ضحك : هههههه لا دمك خفيف
وقفت : انت انسااان سخيف ...وعرس بعد شهر مو معرسه .... وقف على وقفتي وقرب مني ..صاار هو قداامي مايفصلنا الا كم ساانتي متر
قالي بلحجة حاادة : صووتك لااايعلى ..والعرس بعد شهر رضيتي ولاا مارضيتي
كان نفسي احط ايد ي واخنقه من رقبته .. لف بيروح المجلس الا رجع ثااني مره وبلمح البصر ..سحب الدبوس الي كان ماااسك شعري وعلى طووول انفتح ..
قالي : كذااا احلى بكثييييييير وعطاااني الدبوس ومشي
تركني منصدمه من حركته ...شلون يتجرأ ؟!! شلون سمح لنفسه سخييييييييف ...لميت شعري بسرعه وانا اسمع وقع خطوااات عمتي رااجعه ع الصالة وشفت مهاا تنزل وشكلها متغير




××××××××××××××

على شاطي البحر الاحمر .. شلة شباااب من بأوائل العشريناااات فاارشين زوليتهم ...ومعاهم قهوته وشااهيه طبعا مااانسيوو الكانون مع الفحم ...واللحمه المفرومه << جلسة شووي >> ....نصهم يلعب بلوت "نفسي اتعلمها " والنص الثاااني كاان يلعب ضومنه وجزء يسولف
تركي لواحد من الشبااااب : احمد ارحم عيووونك شوووي
احمد وهو يطالع بناااات جاالسين يشترون من بيااع كرسبي واقف شوي بعيد عنهم : ياخوي فرجه ببلااش ...وقام يبي يلحق ورااهم
رااشد مسكه : اقضب ارضك ..
احمد : علاامك
واحد من اللي يلعبون ضوومنه : احمد استح على وجهك ترى منا بالتحليه
واحد ثاني : شبااااب خلكم منه مافي فاااايده منه
راكان : اعراض الناس مو لعبه
احمد : اوهوو ترى كلها كم كلمه ونظره
سأله راشد : ترضاها على خواااتك
احمد : رااشد البنت المحترمه ماتطلع من بيتهم وتدور بشوارع الي تبي تخرج تتحمل الي يجيهاا
راكان بنص عيين : ليه مالهم نفس يخرجون ويتمشون زيك زيهم
واحد ثاني : البنت مالها الاا بيتها تقر فيه
تركي : لا ياااشيخ وش ذا المنطق
راشد ينهي المووضووع : يااحمد ترى حبه بحبه لاازدت لازاد السقا
احمد : القصد ؟!!
تركي : يعني مثل ماا تلعب بعرض النااااس لو بكلمه لو بنظره بكرى ربي يسلط عليك من يلعب بعرضك النظره بالنظره الكلمه بالكلمه اللمسه باللمسه يعني كله سلف وديين

××××××××××××××

× الصـــقـــر ×

ماصدقت على الله وصلت بيتناا ..كنت اعد الدقاايق عشان اوصله ...السهره ببيت عمي كاانت متوتره لابعد درجة ممكن الواحد يتخيلهااا ... وياليتني مااوصلت
نوال :صقر انت واافقت ان زواااجي يتقدم ؟
جاوبتهاا وانا احط شمااغي ع الكنبه : ايه . .. ومااابي أي اعترااض
نوال انقهرت وطلعت على طول حجرتهاا
مهاا جلست قبااالي : وش الي صااار ياااصقر
قلت من دون اهتمااام : وش تقصدين ؟!
قالت لي : حصه ياااصقر.. حصه فهمت شقصد
قلت وانا اسند راسي ع الكنبه : مها رجاءا لا تفتحين الموضوع ترى مالي أي رغبه بالكلام فيه
مها بحده : صقر الي سويته اكبر غلط
التفت عليهااا : مهاا وبعدين
مهاا : ولا قاابليين .. وقفت بعصبيه وكملت .. الصقر الحر لمن عطوه مايرد العطيه
قلت بدفاعيه : مهاا اناا لو تزوجتهااا بظلمهااا معاااي .. حصه عمره مااكااان لهاا بقلبي مكاااان ..
مهاا : صقر مااظنك رح تعيش بقيت عمرك مترهبن .. واذا ع الحب ترى يجي بعد الزواج العشره الطيبه تجيبه
قلت لها باستنكاار : شلون تبيني اخذ وحده كانت بيوم من الاياام محجوزه لاخوي ؟!!
مها بعصبيه : كااانت واخووك ميت .. تعرف شنو يعني ميت .. تدري شلون لا انت ولا عقاااب تستاااهلوونهااا
وطلعت لغرفتهاا




× فــــــــــرح ×

كنا اناا وعمتي بالصاله نتاابع فلم هندي ومافي داااعي اقوولكم ان دمووعي كااانت اربع اربع
عمتي وهي تضرب كف بكف : الحمدالله والشكر .. ارحمي نفسك ترى والله فلم
قلت لهاا : اخ يااعمه فرقوهم عن بعض حرااام عليهم
عمتي وهي تلوي بوزها : تطمني ترى بنهاية الفلم بيرجعونهم لبعض
قلت لها وانا امسح دموعي : لا يااااعمه مارح يرجعون هي بتنتحر وهو بيتجنن
عمتي : يعني شفتيه قبل
قلت لها : خمس مرااات وهااذي السااادسه
عمتي فاتحه عيونها : شنو ؟!! قسم بالله مو صااحيه ..ذاابحه نفسك بكى على فلم شااايفه اكثر من مره وفوق كذا اخرطي باخرطي
قلت لها بحالميه : يااعمه الحب مو اخرطي
عمتي : فرح الي تشوفينه بالمسلسلاات والافلام مو حب .. عمر الحب ماكان اثنين تقاابلو بالصدفه تبادلو ضحكة فغرقو بالحب عشان تحب انسااان لاازم تعرفه زين لاازم تعرف عيوبه قبل حسنااااته مو بس تشووف الجانب الحلو وتنعمي عيونك عن الجانب المظلم
قلت لها : يعني انتي من انصار الحب بعد الزواج
عمتي سألتني بهدوء : طيب شلون رح تحبين قبل الزواج ؟!!
قلت لها : ماادري بس ممكن يكون ولد جيرااان قريب ولد عم ولد خال فاهمه يااعمه
عمتي : وش رح تحبين فيه ؟! انتي مااتقدرين تقعدين معااهم ولا تكلمينه ؟! يعني ممكن تطيحين بالحرااام
غير كذا مارح تقدرين ترفعين عينك بحد وتقولين له انا احب فلان تدرين ليه لانه غلط ..فرح شياطين الانس تصور الرغباااات في اطار جميل يجذب الناس له فاهمتني
قلت لهاا وانا احط راسي على فخذهاا : فاهمتك ياااعمه .. تعرفين يعجبني اسلووبك الحضاري بالحوار