يفز قلبي

#1 07-28-2015, 11:06 PM

يفز قلبي يوم يبكي حداكم .. حسبي عليكم هالردى وين جاكم !
لشاعر جحيش بن مهاوش من الجوف .. ربى عياله أحسن تربيه وأكلهم أحسن أكل
اعقب مآدارت الدنيا و كبروا وطآلت شوآربهم خونوآ فيه ولآ حد لمه وينقآل
كان له ولد رآآيح في رحلة صيد ومآ يدري عن سواة إخوانه بأبوهم وكيف إنهم تنكروآ
له ولآ سكنوه في بيوتهم ولآ قدروآ شيبآته فمن الحره كتب الأب هالقصيدة فيهم ..
يهجيهم ويدعي عليهم بأن تقطع ذريتهم ومآ عآد يجيبون عيال وفعلاً هذا اللي حصل
عياله تزوجوآ ثنتين وثلاث ومآلله رزقهم عقب دعى أبوهم ودعآة الوآلد على ولده مستجآبة
قـــال الــــذي يــقــرا بـلـيــا مـكـاتـيـب
يالـلـي تـقـرون الـعـمـى مـــن عـمـاكـم
ياعيـالـي الـلــي تـشـرفـون المـراقـيـب
تريضـوا لــي واقـصـروا فــي خطـاكـم
خـذوا كـلام الـصـدق مــا بــه تكـاذيـب
مـثـل السـنـد مـضـمـون لـلــي وراكـــم
ياعيـال لا صرتـوا ضيـوف ومعازيـب
تــرى الـكــلام الـزيــن مـلـحـة قـراكــم
وتـروا السبـابـة مــن كـبـار العـذاريـب
وهــرج البـلايـس مــا يـطــول لـحـاكـم
المذهـب الطيـب فـهـو مـذهـب الطـيـب
والـمـذهـب الـخـايــب يــبــور نـسـاكــم
يـاعـيـال مـــا سـرحـتـكـم بالـلـواهـيـب
ياعـيـال مــا عـمــر الـمـعـزب ولاكـــم
يـاعـيــال ماضـربـتـكـم بالـمـشـاعـيـب
ولا سـمـعـوا الـجـيـران لـجــة بـكـاكــم
يـامــا تـولـيـت القـبـايـل تــقــل ذيــــب
مــن خــوف لاينـقـص عليـكـم عشـاكـم
ويــامـا شـربـت الـسـمـن مـن عـرض مـاجـيـب
يــفــزقـلـبــي يــــوم يـبـكــي حــداكــم
أحفـيـت رجليـنـي بـحـامـي اللـواهـيـب
وخلـيـت لـحـم الـريـم يخـالـط عـشـاكـم
ياعـيـال دوكـــم لـحـتـي كـلـهـا شـيــب
هـــذا زمـــان قـعـودنــا فــــي ذراكــــم
قـمـت اتـوكـا فــوق عــوج المصالـيـب
قصـرت خطـانـا يــوم طـالـت خطـاكـم
عطـونـي الـقـرضـة علـيـكـم مطـالـيـب
عطونـي القرضـة جـزى مــن جـزاكـم
لابـــد يـــوم عـــاوي دونــــي الــذيــب
بالقبـر مـا افــرق طيبـكـم مــن رداكــم
مـانـي بفاضـحـكـم بـوســط الاجـانـيـب
باعـمـالـكـم يــــدرون كــــل اقـربـاكــم
لـوكـان تـــدرون الـــردى والمعـايـيـب
صرتـوا مــع المخـلـوق مـثـل خويـاكـم
خوالـكـم بالـطـيـب تـــروي المغـالـيـب
ولــو تتـبـعـون الـجــد مـحــدن شـنـاكـم
وش علمـكـم يــا تـاركـيـن المـواجـيـب
حسـبـي عليـكـم هـالـردى ويــن جـاكـم
قصيـتـكـم واسـنــدت وادي سـلاحـيــب
ولـقـيــت بالـصـبـخـا مـدافـيــق مــاكــم
ياعـيـال بعتـونـي (بصـفـر العراقـيـب)
مـــا هـــي حقـيـقـة ســـود الله قــراكــم
يالله عـسـى اعمـاركـم شمسـهـا تغـيـب
يـعـتـم قـمـركــم ثــــم تـظـلــم سـمـاكــم
يــا عـلـكـم فـــي حـامـيـات اللـواهـيـب
يـالـلـي عـلــى الـوالــد خـبـيـث لـغـاكـم
شفـت الجفـا والحيـف والغلـب والريـب
بـضـلـوعـكـم لابـــيـــض الله قـــراكـــم
عـسـى نسـاكـم مــا تحـمـل ولا تجـيـب
ولا حـدن مـن البـزران يمشـي وراكــم
اخـسـوا خسيـتـوا يــا كـبـار اللغابـيـب
اهــبــوا هـبـيـتـوا يـقـطــع الله نـمــاكــم

المصدر: منتديات تراتيل شاعر - من قسم: ديوآن آلقصيد ▪●

dt. rgfd

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خلك وسط قلبي	نسمة	м ό в ι เ є ▪●	12	08-18-2015 06:06 PM
آه من قلبي..!	αℓмαнα	ديوآن آلقصيد ▪●	11	07-15-2015 11:22 PM
حنّ قلبي	لبنى	ديوآن آلقصيد ▪●	12	10-31-2014 05:49 PM
فز قلبي ..! >إذا قال لبيه	ڤَيوُلـآ	آنوثـہَ طآغيـہَ ▪●	17	10-27-2014 01:43 AM