كيف تعرف ان الماء ناقص في جسمك~

المال , تعرف , جسمك , ناقش , كيف

كيف تعرف ان الماء ناقص في جسمك~

علامات تدل انك ماتشرب ماء كافي . جفاف الفم: كل ماحسيت بجفاف فمك تشرب اي شي سائل، لكن للمعلومية شربك لشي حالي مثل البيبسي حل مؤقت لمشكلة اكبر. . جفاف البشرة: البشرة اكبر عضو بجسم الانسان، ويحتاج يكون رطب، ويعتبر جفاف البشرة اول علامات الجفاف، وقلة الماء معناها قلة التعرق، وتؤدي الى عدم تنظيف الجسم من السموم والاوساخ. . عطشان طول وقتك: يقولون اسمع كلام جسمك لان العقل يعطيه هالاشارات على حسب حاجتك، واشرب وراح تعرف متى ترتوي. . جفاف العيون: قلة الماء بالجسم راح تاثر حتى على الشعيرات الدموية بالعين والنظر، وراح تجف قنوات الدموع بالعين، والمصيبة الاعظم اللي يلبس عدسات. . الالم في المفاصل: 80% من تكون الغضاريف بجسمنا ماء، ومهمتها حماية العضام من الاحتكاك، عليكم بالماء عشان تفتكون من الم المفاضل والعامود الفقري. . العضلات: حتى العضلات جزء كبير من تكوينها الماء، وقلة الماء معناتها قلة كتلة العضلة، وشرب الماء قبل ومع وبعد التمرين ، راح يودي الماء لمكانه الصحيح بالجسم، وراح يقلل فرصة الالتهابات والألام من التمارين. . اذا مرضت تطول: شرب الماء الكافي ياسعد باستمرار تنظيف السموم من جسمك، واعضاء جسمك تستمر بفلترة وتنظيف الجسم من السموم مثل المكينة، لكن اذا ماعطيتها حقها من الماء ماراح تشتغل، وبهالسبب اعضائك بتسحب ماء المخزن بدمك. . الشعور بالتعب والارهاق: مثل ماقلنا قلة شرب الماء راح يخلي اعضائك تطلب وتسحب الماء المخزن بدمك، واذا قل الماء بدمك راح يقل نقل الاوكسجين لجسمك، وقلة الاوكسجين بجسمك راح يسبب التعب والارهاق والنوم معاد يكفي. . الجوع:اذا جف جسمك، يبدأ يعتقد الجسم انه بحاجة للاكل، وهذا يحصل لك بالنهار وبالليل، وخاصة اللي يقومون من النوم جوعانين وياكلون، اما شرب الماء ينقي اعضاء الجسم ويفكك من الاحساس بالجوع والسمنة. . مشاكل بالجهاز الهضمي: الجفاف راح يقلل قدرة وقوة المخاط بالقنوات الهضمية، وبهالسبب المعدة بتزيد كمية الاسيد وبتسبب مشاكل مثل القرحة وعسر الهضم والامساك. . قلة التبول: يقولون اذا ماتبولت 4-7 مرات باليوم، معناتها ماتشرب كفايتك من الماء، واذا كان لونة غامق، معناتها جسمك يقول لك اشرب ماء اكثر، وقلة شرب الماء تسبب الالتهابات بالمسالك البولية. . الشيخوخة المبكرة: شرب كمية كافية من الماء يقلل تقدم عمر اجسامنا ويساعد ابقاء نظارة البشرة،لان تدمير البشرة دليل على تدمير داخلي وراح نشعر فيه مع الوقت. .

المصدر: منتديات تراتيل شاعر - من قسم: آلطِبُ وَ الصحْه ▪●

---

;dt juvt hk hglhx khrw td [sl;Z hglhg juvt [sl; khra ;dt