موعد غرامي |~

موعد , غرامي

موعد غرامي |~

.
.
.



هشام : ماني مصدق نفسى
يا حبيبتى إننا قاعدين مع بعض
منار : لا صدق ما هيه بتيجي مع العمى طباش
هشام : المكان حلو مرة مو كده
منار : لا دا مرة خنيق
هشام : انا إخترتو بالذات عشان عارف إنك تحبى
الأماكن الكلاسيك
منار : الله يمسيك بالخير يا صلاح
هشام : مين صلاح دا ؟
منار : دا حبيبى الأولانى
هشام : وايش اللي فكرك بيه
منار : لأ انا دايما فاكرتو أصلا قصتنا رهيبة
هشام : وايش اللي خلاكى تسيبيه يا حبيبتى
منار : ولا حاجة بس شخصيتو
كانت قويه وانا ما احب الرجال اللى عندو شخصيه
هشام : عشان كدا بتحبينى يا عمري
منار : طبعا يا حياتى هو انا عرفت معنى الحب غير معاك
هشام : يا سلام عالكلام الجميل
منار : الله يمسيك بالخير يا طارق
هشام : لا حول ول اقوة الا بالله مين طارق دا
منار : دا حبيبى وانا فى المتوسطة
هشام : ولسا فاكرتو
منار : طبعا وطارق يتنسي كان بيموت فى كلامي الحلو
هشام : كل الناس لازم يموتوا فيكي يا روحى
منار : ما حنطلب شي
هشام : جرسون ممكن نطلب
الجرسون : تحت أمرك يافندم
هشام : اش تطلبي يا حبيبتى انا حاخد مانقو
منار : انا حاخد فراوله على رمان
هشام : اش الطلب العجيب دا
منار : اصلو بيفكرني بمعتز
هشام : دا لازم حبيبك وانتى بتلمي المحصول
منار : اشمعنى يعني
هشام : عشان الرمان وكدا
منار : ههههه يخرب عقلك انته عارف
عني كل حاجة
هشام : ماتسيبينا من الناس دولا
وتعالي نفكر فى بعض طيب
منار : انت اللى فالقلب يا شوشو
هشام يمد يدو بيمسك بيد منار شويه
بعدين ينتقل للكرسي اللي جنبها
ويتبادلو الكلام سوا
وفوقت غفلة من الجميع يقترب
منها ويبوسها على
جبينها فتغمض عيونها بعدها وتحط رآسها على
الكرسى وتهمس يا سلام الله
يمسيك بالخير يا عبد الخالق
يفز هشام من على الكرسي
وقت اقتراب الجرسون بالمشروبات ويشيل كاسة
الفراوله بالرمان ويقلبها على
دماغ منار ويقلها يلعن أبو صلاح على
أبو طارق على أبو معتز على أبو عبد الخالق
على أبوكى إنتى كمان ويخرج مسرعا من الكافيه
تنظر منار للجرسون
وتضحك فى رومانسية
وتقول له بموت فى عصبيته
الله يمسيك بالخير يا علاء .. !


.
.
.





.
.
.

المصدر: منتديات تراتيل شاعر - من قسم: قصص - روآيات - حكايات ▪●

---

l,u] yvhld |Z