10 أسباب تخليكى تحولى ديكور بيتك الى ديكور غنى بالألوان

أسباب , بالألوان , تخليكى , بيتك , بيولي , ديكور

10 أسباب تخليكى تحولى ديكور بيتك الى ديكور غنى بالألوان

ديكور غنى بالألوان يقدر يغير حياتك ومودك للأفضل فى كل يوم، وده لأنه الالوان بتقدر تدينا احساس بالسعادة والنشاط و كمان تغيير ديكور البيت الى ديكور غنى بالألوان بيعتبر من اسهل وابسط طرق التغيير اللى ممكن نعملها علشان نحس باختلاف في حياتنا ونحس انه فى حاجه جديدة، فلو كنتى بقالك فترة بتفكرى فى تغيير ديكور اوضتك او ديكور البيت كله ومترددة، في المقال ده بنات حوا هتقولك على 10 اسباب تخليكى تغيرى ديكور بيتك لديكور مليان ألوان.
1- الألوان دايما بتعمل تغيير واضح :
لون جديد على الحيطة بيعمل تغيير واضح وقوى في شكل البيت وفى نفسيتك كمان، لون واضح وجرئ زى الازرق اللي في الصورة، كل درجة من درجات اللون الازرق ليها معنى و بتدى احساس مختلف، لكن اللون اللى فى الصورة ده تحديدا بيديكى احساس بالثقة فى النفس والحكمة والنجاح و بيملأ المكان بالحيوية و النشاط، بيعتر من اهم الالوان اللي بتعمل تغيير واضح و كبير فى اى مكان.

2- بتبعدك عن التقليدي :
الألوان كمان بتبعدك عن التقليدى لانها بتساعدك تربطى بين الستايلات المختلفة، زى الصورة دى اللى الالوان بتدمج فيها بين أكتر من ستايل. ديكور الاوضة اللى فى الصورة فيه السجادة الفارسي اضافت لمسة كلاسيكية لباقى الاثاث اللى بيعتبر مودرن وكمان الجمع بين اللونين الاحمر و لون الكنبة البنى خلوا لوك الاوضة يبقى exciting مع المخدات الاورانج والحمراء.

3- الألوان مرحة :
ديكور بألوان جديدة وغير تقليدية هيغير الاوضة و يخليها مرحة و مُفرحة، وهيحول اى اوضة تقليدية لاوضة غير تقليدية بالمرة. الاثاث فى الصورة دى تقليدى جدا لكن الدمج بين مجموعة الالوان الاخضر و الاخضر الفاتح اضافوا لمسة من المرح للاوضة. استخدام الالوان بالطريقة دى معناه انك مش مجبرة ابدا انه طالما العفش تقليدى تبقى الوان الجدران كمان تقليدية، بالعكس استخدمى الالوان فى انك تعملى ستايل جديد لبيتك.

4- بتعبر عن الذوق العالى :
انك تقدرى تعملى ديكور بيدمج بين الدرجات المختلفة لنفس اللون ده بيعبر عن الذوق العالى بشكل كبير، كمان بيعمل ستايل جديد وغير مألوف لبيتك. لو قررتى تعملى ديكور الاوضة بدرجات مختلفة من نفس اللون افتكرى دايما انك تكسرى تكرار اللون بقطعة اساس لونها مختلف زى ترابيزة مثلا علشان تبرزى بيها الالوان وكمان تعملى contrast من غير ما تبقى الالوان غير مريحة او مزعجة لعينك. ممكن تعملى الديكور ده بانك تجيبى قطع الاثاث بدرجات مختلفة من اللون الاساسي اللى اختارتيه لدهان الحيطان.

5- بتضيف روح حلوة للمكان :
الألوان بتضيف روح حلوة للمكان ، ومفيش لون مرح زى البينك بدرجاته، لكن كتير بنتردد نعمل ديكور الـ living room باللون البينك لانه لون بناتى شوية، بس لو جربتى تستخدميه بطريقة مختلفة زى اللى فى الصوة هتلاقى النتيجة حلوة وهتلاقى نفسك عملتى ديكور جديد صعب تلاقيه موجود فى بيت حد من معارفك او قرايبك ! جربى تعملى دهانات الاوضة بدرجتين مختلفين من اللون البينك الفاتح و الغامق فى انك تعملى stripped wall paint زى الصورة و النتيجة هتعجبك.

6- الألوان جريئة :
موضة او تكنيك استخدام لون غامق وجرئ فى الديكور بتظهر وتختفى كل فترة، لكن الصورة دى هتقنعك تنفذيه فى بيتك وده لانه سهل تعمليه باستخدام اى لون اساسى زى الازرق او الاورانج او الاخضر مثلا او تدمجى اى لون اساسيين مع بعض، يعنى مثلا يبقى الجدار لونه ازرق والكراسي لونها اورانج لانهم هيوازنوا بعض بشكل مثالى، وكمان استخدمى معاهم الوان فاتحة زى الاصفر اللى فى اللوحة و الازرق الفاتح اللى فى الـ bench علشان تضيفى لمسة من النعومة للنوع ده من ديكور غنى بالألوان.

7- الألوان مريحة :
الألوان الهادية بتعمل نوع من الراحة فى المكان، يعنى لو كنتى بتدورى على ديكور يبقى مهدئ للاعصاب فالألوان سهل توفرلك ده بمنتهى البساطة، فى الصورة دى الديكور معمول بألوان كلها تقريبا ترابية فى نص الحيطة من تحت معمول بالبنى المتوسط او البنى المحمر rusty red وده خلا اللون الابيض للكنبة و الكراسي يبان اكتر ويبقى بارز وفى نفس الوقت مش باين فاتح اوى او ناصع، و النص اللى فوق من الحيطة بلون فاتح زى البيج ، المزج بين الالوان دى هيدى احساس انه السقف مرتفع اكتر من ارتفاعه الطبيعى و دى هيدى احساس انه الاوضة واسعة. المجموعة دى من الألوان هتخلى الاوضة مريحة وهادية اكتر.

8- الألوان مبهجة و جميلة:
مفيش أجمل من ديكور غنى بالألوان الباستيل، لانه ألوان الباستيل بتعتبر الوان مريحة و هادية و بتدى احساس بالترحيب والسعادة و كمان سهل تنسيقها بشكل كبير ، وعلى عكس تفكير كتير من الناس، الوان الباستيل مش لأوض البنات بس ولا حاجه لكن ممكن تستخدميهم فى انواع الاوض المختلفة زى الـ living او اوضة السفرة. علشان كده لو كنتى مش من محبين الالوان الغامقة او الجريئة جربى تمزجى مجموعة من الوان الباستيل فى ديكور اوضتك زى الازرق الفاتح، البينك ، الموف، الاخضر الفاتح و الرصاصى الفاتح.

9- بتساعد على الحماس :
المزج بين الألوان بيولد طاقة كبيرة وبيساعد على الحماس، جربى تعملى ديكور مليان بالألوان فى اوضتك فى اشكال او patterns مختلفة علشان تعملى ديكور مميز و معاصر. لو قررتى تعملى الديكور ده يبقى استخدمى 3 patterns مع بعض كحد اقصى، منهم pattern اساسي و ده يبقى كبير الحجم ، و الاتنين الباقيين يبقوا متوسط و صغير الحجم، او pattern اساسي متوسط الحجم و الاتنين التانيين يبقوا بأحجام صغيرة مختلفة.
كمان حاولى تستخدمى الوان تكون درجة حدتها او درجة قوة اللون يعنى قريبة من بعضها فى الاوضة الواحدة،يعنى مثلا ماتمزجيش بين الوان الباستيل و الالوان النارية ، هتلاحظى فى الصورة انه كل الالوان اللى فى الديكور هى درجات مختلفة لنفس اللون اللى هو الازرق.
وزعى الـ patterns بتاعتك فى الاوضة كلها بنسب متساوية لانه لو كانوا كلهم على جدار واحد او فى جزء واحد من الاوضة هتبقى باقى الاوضة فاضية و كمان هيبقوا مزعجين جدا لعينك وشكهم مش مريح ودوشة.

10- الألوان بتفكرنا بزمان :
الالوان بتخليكى تبقى قادرة تعملى اى ستايل او موضة ديكور تحبيها فى بيتك وبتفكرنا بايام زمان. فى الصورة الديكور معمول بألوان من موضة الستينات و السبعينات او retro decor بسبب الدرجات المختلفة من اللون الاخضر، و ده معناه انه باختيار الالوان المناسبة للديكور بتاعك تقدرى تعملى اى ستايل ديكور تحبيه سواء كان retro ، classic ، modern او غيره.

المصدر: منتديات تراتيل شاعر - من قسم: جمآل منزلڪَ ▪●

---

10 Hsfhf jogd;n jp,gn ]d;,v fdj; hgn ykn fhgHg,hk fhgHg,hk jogd;n fdj;

جلب رااائع ومميز
الله يسعد قلبك
يعطيك العافية

مدائن من الشكر لطرحك الراقي
يعطيك العافية على ماقدمت لنا
ارق التحايا

اقتباس:

المشاركة الأصلية كتبت بواسطة الخل الوفي

جلب رااائع ومميز
الله يسعد قلبك
يعطيك العافية

منور بمرورك العطر

اقتباس:

المشاركة الأصلية كتبت بواسطة صاحبة السمو

مدائن من الشكر لطرحك الراقي
يعطيك العافية على ماقدمت لنا
ارق التحايا

منوره بمرورك العطر يالغلا

سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.
..}~ مودتي
...

انتقاء رائع
سلمت يداك
يسعدك الرب
ودي لك

اقتباس:

المشاركة الأصلية كتبت بواسطة الخل الوفي

جلب رااائع ومميز
الله يسعد قلبك
يعطيك العافية

منور بمرورك العطر

اقتباس:

المشاركة الأصلية كتبت بواسطة αℓмαнα

سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.
..}~ مودتي
...

منوره بمرورك العطر يالغلا

اقتباس:

المشاركة الأصلية كتبت بواسطة كبرياء أنثى

انتقاء رائع
سلمت يداك
يسعدك الرب
ودي لك

منوره بمرورك العطر يالغلا