شقاوة عشق والا شهامه

باهت , ضنوني

شقاوة عشق والا شهامه

ناداني الهاجس وجيته من اقصاي
مدري شقاوة عشق ولا شهامه
سريت مثل الحزن في نغمة الناي
من غير ما انشد وين درب السلامه
جيته بقايا صبر ما احسب خطاي
أجفل عن الموذين وأهل النمامه
من شان بعض الناس ما تسمع حكاي
لا جيت اقول اللي يليق بمقامه
يا نشوة الماضي ويا بهجة الجاي
ما عاد يجدي البوح طول اعتصامه
هذا انت شفت وشلون عايش بمنفاي
ما بين همي والنصيب وخصامه
في غربتي ما شفت من زحمة مناي
الا تباريح الهوى وانتقامه
أزريت اوالف بين وضعي وهقواي
نوب ضيا شمعه ونوب عتامه
تاهت ضنوني بين بيعي ومشراي
ما بين تجميع الرجا وانقسامه
هذي ملامح من تفاصيل مسراي
البارحه في غفلة أهل الملامه

راقت لي

المصدر: منتديات تراتيل شاعر - من قسم: ديوآن آلقصيد ▪●

---

arh,m uar ,hgh aihli fhij qk,kd