فمان الله .......... فمان الله

الله , بن ، عمار , فمان

فمان الله .......... فمان الله

فمان الله .......... فمان الله

أوادعكم ولا لي حيلة ٍ غير أنطق التوديع
فمان الله وأستدرك خطاي إن كان به زله

اخوكم / محمد بن عمار ــ زعلان
وبيمشي اليوم إن شاء الله ...

ههههههههههههههههه أمزح ...
عقبال المسرات عندكم ، زواج نجلنا الأكبرعبدالعزيز
المهندس في وزارة الدفاع والطيران بعد اسبوع واشوف
الوقت داهمني والظروف الآن ماسمحت له بإجازة وأنا
الحقيقة عايش في حالة من الفوضى الفكرية وعدم التركيز
لذا سوف يكون تواجدي غير منتظم أو بشكل عشوائي
حتى يتمم الله على خير وياهلا بالجميع ...

بعد أن إحتفلنا جميعا ًبإجراءات
عقد قرانه والإحتفاء بتخرّجه
ذرفت الدمعة وجادت القريحة
بهذه الأبيات الإرتجالية ،،

يا سامعي صليّ ، وسلمّ ، وثنّي
على شفيع الخلق ، صفوة عباده

مدري أهني النفس ،، وألاّ أهني
عبد العزيز اللي حضر بالشهادة

مهندس ٍ ،، فيما يخصه ،، وفني
مع الصبر والجد ، حصّل مراده

من فرحتي به قمت أدندن وأغني
يوم إنهم ، قالوا نجح ، في ريادة

ويا نايحات الورق ، حنيّ ووني
خليني أطرب ، وآتغنّى ، زيادة

أنا أحمد الله ، فيه ماخاب ظني
واللي زرع لابد يجني حصاده

واليوم أنا ادعي له ولاهو تمني
الله يسهل ، له ، طريق السعادة

ومن يطلب العليا بصبر وتأني
ينولها بالجدّ ،، وحسن اجتهاده

تحيتي وتقديري
محمد بن عمار

المصدر: منتديات تراتيل شاعر - من قسم: افرَاحنا هُنآ آ ▪●

---

tlhk hggi >>>>>>>>>>

الف الف مبروك
مبروك ماسعيتو فيه اخوي محمد
الله يوفقهم ويرزقهم الذرية الصالحة
والله يديم افراحكم يالغالي

ماشاء الله تبارك الله دامت افراحكم يارب
نتقدم لك باالمباركه لنجلك العزيز ودعواتنا له باالتوفيق والسعاده ّّ
تقديرآ لظروفك المؤقته بنسمح بغيابك المؤقت وبعدها ننتظر حضورك معانا .,
صح لسانك ونبضك وحفظ المولى غاليك .
الف الف مبرروك ..

اقتباس:

المشاركة الأصلية كتبت بواسطة خياط

الف الف مبروك
مبروك ماسعيتو فيه اخوي محمد
الله يوفقهم ويرزقهم الذرية الصالحة
والله يديم افراحكم يالغالي

اخوي العزيز / خياط
بارك الله في عمرك ومتّعك بالصحة
وشكر لك سعيك أيها النقي
وأدام الله علينا وعليكم
نعمة الإسلام والأمان
والعاقبة لديكم بالمسرات
تحيتي وتقديري

كويس اللي ممزحه وآلآ صارت علوم ههه

ماشاءالله

الف الف مبروووووووكك ربي يتمم عليه بكل خير

آن شاءالله يتم زوآجه وترجع لمنآ ..

راح نفقد حضورك أخوي ..

اقتباس:

المشاركة الأصلية كتبت بواسطة معاذير

ماشاء الله تبارك الله دامت افراحكم يارب
نتقدم لك باالمباركه لنجلك العزيز ودعواتنا له باالتوفيق والسعاده ّّ
تقديرآ لظروفك المؤقته بنسمح بغيابك المؤقت وبعدها ننتظر حضورك معانا .,
صح لسانك ونبضك وحفظ المولى غاليك .
الف الف مبرروك ..

سيدتي القديرة / معاذير
بارك الله في عمرك ِ وذكرك ِ في ملأه ِ الأعلى
ولاهنتي ولاهان شأنك على المرور الكريم
وعلى الإجازة الإستثنائية حماك ِ الإله
تحيتي وتقديري

اقتباس:

المشاركة الأصلية كتبت بواسطة مترفه بك♕

كويس اللي ممزحه وآلآ صارت علوم ههه

ماشاءالله

الف الف مبروووووووكك ربي يتمم عليه بكل خير

آن شاءالله يتم زوآجه وترجع لمنآ ..

راح نفقد حضورك أخوي ..

سيدتي القديرة / مترفه
هلا بالترف ومقاليد الشرف
وبارك الله في عمرك
وإن شاء الله ماتفقدين غالي
أنا مارايح أنقطع بس مارايح
أنتظم تقديري لاعدمناك

الف الف مبروك عسا الله يتمم عليكم بكل خير
.:عسى الله يتمم بينكم بكل خير وفرح يآرب
.:
لك تقديري

مــــاشاآءالله والله يتمم لهم على خير // مبروكـ

لكن علاامكـ ياخوي في البدايةة خوفتناااا الله يهديك

الله يعدي هالاياام على خيير وتفرحوون بزواجهـ واهم شيئ انك بتكون معانــاااا
احـــــترامي

اقتباس:

المشاركة الأصلية كتبت بواسطة شموخ وايليه

الف الف مبروك عسا الله يتمم عليكم بكل خير
.:عسى الله يتمم بينكم بكل خير وفرح يآرب
.:
لك تقديري

سيدتي القديرة / شموخ
بارك الله فيك أختي الكريمة وحفظك ِ
من كل سوء ٍ ومكروه وعقبال عندكم
وجعلها الله في موازين حسناتك
وسدد على طريق الخير خطواتك
أخوك / محمد بن عمار