العماره المصريه المملوكيه

المملوكيه , الأسريه , العماره

العماره المصريه المملوكيه

العماره المصريه المملوكيه ، هى الطراز المعمارى اللى استخدم فى مصر فى العصر المملوكى ( 1250-1517). و هو مستمد من الطراز المصرى المحلى و بيعتبر اقرب الطرازات المعماريه للروح المصريه. على الرغم من انفتاح مصر فى العصر المملوكى على العالم و على الثقافات الخارجيه ما حصلش استيراد لطرازات بنا اجنبيه لكن حصل ساعات فى النقوش و الزخارف اللى ظهرت فيها الطابع المغولى. اتميز العصر المملوكى فى مصر ببنا الجوامع و المدارس و الحمامات و القلاع و غيرها من المبانى. اشهر السلاطين اللى بنو فى مصر كان الناصر محمد بن قلاوون ( 1285 - 1341 ) اللى بنا و شيد على المستوى الفرعونى و اشهر جامع اتبنى هو جامع و مدرسة السلطان حسن (بدا بناه 1357) اللى عباره عن تحفه مالهاش مثيل بتجمع مبانيه بين قوة البنا و عظمته و دقة الزخارف البديعه ، قال عنه المستشرق العلامه جاستون فييت : " ده ابدع اثار القاهره و اكترها تجانس و تماسك و كمال و وحده ، و أجدرها انه يكون مع الاثار الروعه اللى بنتها حضارة مصر الفرعونيه " و انه " اهم و أعظم من قصر الحمرا فى جرانادا " و اختاره الرئيس الامريكى باراك اوباما من بين كل اثارات القاهره عشان يزوره. بتتميز المبانى المملوكيه بالجمال و الزخارف البديعه و الرسوخ و المداخل العاليه. اتبنت الحمامات الشعبيه فى مصر فى العصر المملوكى و كانت اعدادها كبيره جداً فى مدينة القاهرة و كانت فيه حمامات مخصصه للرجاله و حمامات مخصصه للستات ، و كانت حيطانها متزينه بالمناظر الجميله و المايه السخنه كانت بتستخدم فيها. بقايا من الحمامات دى لسه موجوده فى القاهره القديمه. و بتتميز جوامع العصر المملوكى بمآذنها الرفيعه الرشيقه و الحيطان العاليه المزركشه و المـآذن اللى ليها روس مزدوجه زى مآذن الغورى فى الازهر اللى اتبنت فى القرن الخمستاشر.

المصدر: منتديات تراتيل شاعر - من قسم: تَرآثِيـاتْ ▪●

---

hgulhvi hglwvdi hgllg,;di hgHsvdi