؛؛؛ )( ... يازين يوم اني أنا وانتي صغار ... )( ؛؛؛

أنا , اني , ياشين , يوم , صغار , وانثى , ؛؛؛

؛؛؛ )( ... يازين يوم اني أنا وانتي صغار ... )( ؛؛؛

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقــيــس اطـــوالنا بالــمرايه

ما بــيننا شــيــن نخبيه واســرار
ماغير لــعــب اطفال كـل الحكايه

ماهمنا موجز ولا نشرة اخبـــــار
التسليه صـــــارت وسيله وغايه

|

وان جا فلم كرتون للقطو والفار
نجلس نتابع قــصتــه للنــهايــه

بالمدرسه نزعل على شان الاصفار
انتي سبب لعبك وانــا مـــن غبايه

يامــا تــهاوشـــنا على كيس فيشار
انحاش بـــه وافـــــرح بطــردك ورايه

وان قلتي يامرهف ياويلك من النار
اخاف واستسلم وابين خــــطايه

والى ضربتيني تقل بيننا ثــــار
وان قلت كافي قلتي ماهو كفايه

والى خلصتي ضرب بيمين ويسار
اخــــذتي الفيشار واللي معايــه

والــى زعلت وقلت ابا اروح للدار
صحتي وقلتي اسفه يــــا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هــــذي طفولتنا براءه وتــــذكار
دايم نحن الـــيا ذكـــرنا الـبدايــه

واليوم ابا اكتبها سواليف واشعار
وافــكــر انـتجــها بــفلــم وروايه

المصدر: منتديات تراتيل شاعر - من قسم: ديوآن آلقصيد ▪●

---

PPP )( >>> dh.dk d,l hkd Hkh ,hkjd wyhv hkd dhadk