عادات اهل مكه زمان فى الزواج

مكه , الزواج , اهل , زمان , عادات

عادات اهل مكه زمان فى الزواج

عادات اهل مكه زمان فى الزواج !! لكل شعب عاداته وتقاليده التي اعتاد عليها ومن باب “معرفة الثقافة والاستمتاع بالفنون ” أحببت ان اشارككم معرفة احدى العادات القديمة التي كانت موجودة قديماً في مكة الحبيبة التي انقرضت معظمها الان بسبب التقليعات التي اتت الينا من الغرب بداية سأتحدث عن طريقة حفلة الزواج (الفرح ) وهذا طبعا قبل اربعين سنة على الاقل وفضلت ان ارويها لكم يااحبتي بالفاظ حجازية عشان تاخذوا فكرة عن اللهجة من البداية اذا الولد كبر وصار راجل يعتمد عليه على طول يحاولوا يسعولوا في الجواز وحتى البنت متى ما ادركت وفزت وصارت ست بيت يجوزوهاالمهم الاب يحاول يذكر كل الاقارب والاصحاب والاحباب انو عندو بنت على وش جواز او يكلم العمدة يسير يطبخوا الهرجة سوا الملكة ( عقد النكاح ) واذا صار النصيب وتمم الله على خير يجتمع الاب واقارب الولد وابو العروسة واقاربها وينزلوا للحرم المكي ويملكوا ويشربوا الزمزم بنية التوفيق وبعدين يرجعو للبيت ويسوولهم عشوة خفيفة واذا سوو الملكة في البيت يجتمعوا بعد قراية الفاتحة ويوزعوا حلاوة الملكة وشربيت ( عصير ) غالبا يكون توت او مشكل يجيبو حلاوة لومنية لوزية بتاسة عسلية اي ( طاسه ) واحيانا يقدمو حلاوة لدو وحلاوة لبنية ويجيبو شريك او كعك سحيرة منو حلاوة ملكة ومنو عشوة او تلبيبة قبل العشا وقبل الشغل التقيل حلاوة الملكة وحلاوة الملكة كل بيت يتفنن في تزينها ناس تسويلها شرايط دنتيلة وناس تسويلها كرانيش وناس تخيطها بخيوط حرير زي الطربوش يعني كل واحد يزين على قد ما يقدر وشوفو كيف سبحان الله اتغيرت الدنيا والحلاويات صارت اشكال وألوان في الرخيص وفي الغالي والفاااحش في السعر وسارت الشغلة كلها منظرة وفشخرة يالطييييف مع انو حلاوة الملكة زي الرمز تعبير عن الفرح ويسير الناس تدري والله فلان شبك فلانة علبة المهر علبة المهر اللي يقدموه لأهل العروس علبة خشب قد المصحف تتلف بقماش مطرز وينحط جوتها المهر بدل مابقدموه في يدهم زي كأنهم بيعطوهم صدقة والا شحتة ( والله زمان كان كل الذوق عندهم ) الجسيس او ( المزهب) هو فنان يغني بصوته بدون موسيقى وهي عبارة عن موشحات وابتهالات ودعوات للعريس والعروسة ويجس هديك المجسات اللي تقشعر البدن وتحرك القلب وخدو ترديدات واهاااااات وتسمعو الحرايم من ورا الرواشين والخارجة يغطرفو وحتى كمان البنات الصوغار اللي مايعرفو يغطرفو يصرخو ويزعقو مبسوطين علامة على الفرح والترحيب بقدوم العريس لبيت العروسة في موكب كبير يضم العريس وابوه واخوانه واعمامو وخيلانو يعني جماعتو يمشو الين قبل لايوصلو لبيت العروسة يوقفوا على جمب ويمشو زي الطابور ويجيبو الاتاريك المزينة بالسلاسل والخلاخيل والمعاشر والبواخر اللي فيها الحلاوة والفوفل واللومنية حلاوة النعناع والهيل والقرنفل وسكر النبات والكولونيا الليمون وغير كدة المباخر اللي تعبك منها ريحة العودة الاصلية واللي يشيل الحاجات هادي الاقارب والجيران مو زي دحين يجيبو عمال قال ايش يستحو يشيلو الاتاريك والمعاشر والبواخر وهادا سبب انو زي هادي الحاجات بدأت تنقرض وتقل مو زي ماكانت زماااااان تحضيرات الجواز اي ( الفرح ) مثلا بيت فلان عرفنا انو ولدو اتجوز او بنتو تلاقو أهل الحارة كلهم زي الاهلية مافي واحد بينهم قليل خاتمة وقصيف مروة كلهم اهل واجب وتكميل وفزييييعة على قد مايقدرهم الله ويجو لابو العريس ويقولو هادا مفتاح البيت والمقعد ( الغرفة اللي جمب الدهليز في الدور الأرضي يستقبلوا فيها الاوادم والضيوف اللي يجو على غفلة وبدون موعد ) تحت يدك والتاني يجي ويقله السطوح تحت امرك يا والتالت يقولو هادا مفتاح الحوش حط فيه الرفودة زي الطليان (يعني الخرفان اللي تجي هدية ومساعدة من أجل عشاء الفرح ) وولدكم ولدنا وبنتكم بنتنا وفرحنا واحد مو زي دحين كل مين نفسي نفسي لو الجار يبغى البيت يقله والله معليش الكهرباء عندي ضعيفة ما تتحمل والا مني فاضي المهم يصرف الجار على اهون سبب والجواز يا يسووه عند العريس او بيت العروسة على حسب صغر وكبر البيت وعلى حسب تواجد الاهلية يعني يشوفوا الاكترية فين ويسووه جمبهم يسير يريحوهم من ضرب المشاوير.ولو فرضنا ماكفى البيت اذا في ارض والاحواش جمبهم يزبطوه كمانة زي الملحق يسير يستقبلو فيه بقية المعازيموالحريم والناس الفزيعة تبات عند اهل العروسة او العريس وبعضهم يجيب حوايج معاه للكم اليوم حقت الفزعة مو خلو بالكم الفرح احيانا تلاتة ايام لأسبوع وهما يجهزو ويعبدوا فيه واهل العريس يعلقو اللمبات من بدري يسير الناس كلها تاخد بالها إنو بيت فلان عندهم جواز أو ملكة المهم تترش الارضية من الضحى بالموية حتى التراب يهجد وما يطير مع الغبرة ويفرشو الجلايل (السجاد ) على الارض ويحطو التيازير على الجدران ويمدو اللمبات في الحارة كلها تسير منورة زي الظهر تبارك الرحمن

المصدر: منتديات تراتيل شاعر - من قسم: تَرآثِيـاتْ ▪●

---

uh]hj hig l;i .lhk tn hg.,h[ hg.,h[ hig .lhk

تسلم ايدك ع الطرح

سَلمت يِداك إقتطافَ جمَيل ورآئِع
يَعطيكَ العَـافيه آختيآر موفقَ
بِ انتظَـار تألُق آخرَ ,

طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر

اقتباس:

المشاركة الأصلية كتبت بواسطة eyes beirut

تسلم ايدك ع الطرح

منوره بمرورك العطر يالغلا

اقتباس:

المشاركة الأصلية كتبت بواسطة شموع الحب

سَلمت يِداك إقتطافَ جمَيل ورآئِع
يَعطيكَ العَـافيه آختيآر موفقَ
بِ انتظَـار تألُق آخرَ ,

منوره بمرورك العطر يالغلا

اقتباس:

المشاركة الأصلية كتبت بواسطة عنيزاوي حنون

طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر

منور بمرورك العطر

يعطيك العاافيه على الطرح الجميـل والراائـع
مشكوره وبارك الله فيك

منوره بمرورك العطر يالغلا

متميز
يسعدك ربي