عبر عن حالتك النفسيه ببيت شعر...متجدد

لو كل غلطه علـى الصاحـب نسجلّهـا
فقدت ثلثين مـن مجموعـة اصحابـي
لكـن نطـوّف هذيـك وذيـك نجّلهـا
ولا اقول وش قال زيـد اليـوم بغيابـي
اشيـل زلــة رفيـقـي واتحملـهـا
ولا اركض ورا كل فارغـة ٍ بمشعابـي
أرجي عسـى راعـي السيـة يبدلّهـا
لا شافنـي عـن طريقـه قافـل ٍ بابـي
واللي يبـي المشكلـة دايـم يحصلّهـا
يا صعب درب الوفاء يا هـون الانشابـي

ماااهو عتبْ بس
السوالف كلها تسأل عليك !!

لوقلت ناسيها حشى ماتناسيت
وشلون ابنسى من فؤادي نحتها
في حبها لو أختفيت وتخفيـت
بانت علومي والدموع أفضحتها

وش الاشواق ودروب الوصل شتّى
اخذني في مدى عينك وعيّشني

بصوتك كل حاجه تختلف حتّى
صباح الخير تطربني وتدهشني

‏الشعر من صدق المشاعر سرى لك
والقلب من نبضه كتب لك حروفه
من وحشة غيابك تعنى وجالك
ماردته بالوقت كثرت ظروفه

أحبك سيدي....حبا لم يعرف في كل البشر
وسأظل أحبك....حبا يكبر
حتى نموت

ذكرتك انا في بــــر. خـالي من الأوناس
وليلٍ عــوى ذيبه مـن الجــــوع ياقاسي

ذكرتك في جــواً ماوصل أرضه العسّاس
لطيــفٍ نهــاره والبـلا عنـــد الادمــاسي

ذكرتك وانا في ديــــرة البعد يابن الناس
ذكرتــك بليـــلٍ وحشـتــه تكتم أنفـــــاسي

قلمي

يالله من نون تزاهم رعوده
بغر السحاب اللي تقفى عشياه
من غرب رزاق البراي يقوده
مسيرن في دبرة الله ورضاه
نشى وهبت له ذعاذيع نوده
واليا تعدى البحر الاحمر نثر ماه
سحن غدق من فضل ربي وجوده
هطال همال على ما تمناه
ستين يوم مسبلات ردوده
وان كف نو النو الاخر تقفاه
وان غاب يوم اليوم الاخر يعوده
دارن يصبح به ودارن تمساه
من حقل لين اقصى الموسم حدوده
نون حقاق ووجهت الشرق ممشاه
الساحل الغربي بداية وروده
دلهم عليه مروح المزن واسقاه
واليا اعتلى طور الحجاز وسنوده
مافيه وادي منه ماجاك بملاه
واليا توسق نجد ركز عموده
وقام يتهزع مقدم المزن واتلاه
وعلى النفوذ اركى وطول ركوده
حول عليه من البرد لين غطاه
كن الطفل حذف البرد في نفوذه
وماطال من حمر الغراميل وطاه
واليا انحدر للسيف زادت جهوده
وسكر هواه وسبل الوبل وارخاه
واضفى على شبه الجزيره سعوده
وعم الوطن كله من اقصاه لقصاه
عقب الشهر نبته تفتق وروده
وشهر وعشر ايام تشبع رعياه
ومن الروى ساقت زملايق عوده
مثل الزروع اللي على جال مسقاه
وقامت عساعيس البوادي تروده
وتخالفو كلن على حسب مشهاه
احدن يبي يشمل ودرهم قعوده
واحدن يبي يجنب جنوبن لمرباه
كلن يبي يدهل موارد عدوده
مرهن بمرباعه وقيضه ومشتاه
ولقى به العساس مرباع ذوده
وراع الغنم يلقى به مرتع الشاه
اول طشاش الوسم حزة وعوده
جميع ماينبت على الارض تلقاه
نبت الشقارى والزهر في حيوده
ومتشابك مع قحويانه خزاماه
تصبح طياح البوش فيه مهدوده
خلفاتها تبرى جنبها وتتلاه
يردم عليها الحال ويزود زوده
فظهورها مثل الرجوم المبناه
تقودها العشوى وبنت القعوده
بنات هرش تلاد ماهي مشراه
يبر لهن غمرن عريبه جدوده
غمرن تباشير السعد في محياه
على فعول الطيب مثبت وجوده
ومنومسه بين الملا فعل يمناه
صليب راي ماتبيح سدوده
وابوه بسلوم الرياجيل وصاه
في شفها دوس الخطر مايكوده
نبت الحيا من حيث ماطاح ترعاه
ماهي على اكياس الشعير محدود
الله عطاه مدتن من عطياه
وراع الدبش ماعاد يصرف نقوده
ماعاد له في سوق العلاف مقضاه
وراع العلف عود يحسب فيوده
ياخذ اسبوع ومبسطه محدن جاه
خيرات وارزق ماهي بمعدوده
والله اليا منه نوى شي اعطاه
والناس ماهي للمكارم جحوده
كلن يقول الحمد والشكر لله

ليـه يوم جيتك لك خيبت ظني ..؟
ليه صاير قاســــي و ضيــِّـق طباع ؟!

ماعذرت القلب لو لحظة نساك
ومتنام العين وطيوفك بعيده

ألقيصر