عبر عن حالتك النفسيه ببيت شعر...متجدد

تعال يا متلفً قلبي وشريانه
من واعد اهل الرجاوي لا يعلقها

اما احتضن روحً من الشوق ضميانه
والا احتسبها لوجه الله واعتقها

في سكون الليل يسكني ضجيج
وضيقةٍ لاشفت دونك من فجاج
طارت الافكار واصوات الهجيج
كنها بالضبط تحطـيم الـزجـاج

قلمي

يعجبني الواثق سليم النوايا
‏نهجه على وضح النقا مايهمه

هي الأعــاصير تاخـــــــذني وترميني
بارضٍ يبس عودها من قل ماطرها

يامــالك القلب خــــذني لاتخلـيني
كفاك في النفس ساجنها وقاهرها

قلمي

من اجمل ايامها قال موعدي باكر
‏واحتارت ماتدري وش تلبس الروعه
‏:
‏تلبس قصير او طويل وساتر
‏او بنطلون جينز فوقه بلوزه
‏

يـــــروح ليـــــــل ويبـتـــــــدي ليــــل آخـــــــر
ليـــــل الفضـا والليـل الآخـــــر غيـــــــــابه
ماعـــــاد بـــاقي لي من الصــــبر ذاخـــــر
واصبحت مثل اللي غدى وسط غابه


قلمي

يقول

معقول ياغاليه ماانتي مغرمه ؟
‏ولا علينا بالقوافي تلعبين
‏-
‏انا اشهد انك لاكتبتي مجرمه
‏كل يوم والثاني اشوفك تبدعين!

صـــــــرتي دليلـه ياغمــــوض الســالـــفه
واللــي غــدى عن وجهته بارضك أنا
أحس إنك في ضيـــــــــاعه حــــــــالــــفه
وانـك تهــــــدّي في غمـوضـك مـابنا

قلمي

انا حــبيبـي غير ياللي تحبون
‏عييت الآقي في الخلايق مثيله
‏حُبه في قلبي حب فارق ومجنون
‏حب البدو حب النقى والجميله!
‏قلبي حلاله فدوةً له ومرهون
‏محال في غيري يلاقي بديله

الغزال اللي تذيّر من بعيد
ماتفكّه سرعته ولا الحـــذر

الفهد ان هدّ بالسرعه يزيد
كلّها لحظات ويطمر بالنحر

لكن يركد لايزيد ولايعيــــــد
لايطامر كن ماحوله خطـــــــر
قلمي