عبر عن حالتك النفسيه ببيت شعر...متجدد

خلك ثقيل وكل كلامك بمقياس
ماكل من يسمع همومك فزعلك

بعض البشر من حبها .. تقول لا باس
وبعض البشر من حقدها تبتسم لك

طير الحباري يعجبك في طلوعه

وطير الفلس عندك وحولك يناور

لاتحجز الخطوة والاجواء روعه

ولاتحجز افكارك بغرفة محاور

شف المكان اللي يسرّك ربوعه

وعلى طريقٍ يسعدك لاتشــاور


قلمي

‏أنا الولهان والمحتاج والمشتاق
ومن دارك أروح وأرجع لـ دارك

و أبي هالمرة يكون السلام عناق
أنا أخباري أحبّك , أنت شخبارك ؟

اقتباس:

المشاركة الأصلية كتبت بواسطة عذب

دون مجاملة ...
اطرب
واشم رائحة المطر والخزاما
مع كل شطر بيت مصدره بوحك
النادر __________ النادر
تأخذني دون إستشارة إلى مسطحات تفتح النفس وتسر الناظرين
عذب
اسم على مسمى

أنت
تقبل مني خجل الحروف وحيرة الافكار
دمت للافضل والاجمل.

ـالـ مـ ىـ ىـ ىـ ـار
صح بدنك ولا عليك زود وشاكرلك جميل اشادتك وروعة اطرائك متميز دائما انت
تقبل كل التحايا لشخصك الكريم

مآكل غآلي يسد بـ غيبته غـــآلي
هذآ مكآنك وذآ بيتك وذآ قـــدرك

كـم حآولوآ يشغلون بـ غيبتك بآلي
بس آشغلوآ حآلهم وآنآ على خبرك

‏نموت ماعشنا .. على رزق الذليل
‏والنفس نجبرها على حب .. الصبر

‏لو مانطول التمر في روس النخيل
‏نموت ماناكل من الطايـح .. تمر

تموت المعاني عند غيرك وتحيا فيك
وتبقى المعاني ميزتك وانت راعيهــا ..
ياعساك تكون بخير والضيق ناسيـــكـ ..
يحفظك ربي خالق الخلق وباريهــــا..