سجل حضورك ببيت شعر..!

ياحمامه فرقي بين دخان وغمام
وبلغي لهل الجزيره سلامي واسلمي

في صمتنا هيبة و حشمة و مقدار
‏حنّـا عن هْـزال الأمـور انـتـرفّـع ..'

سلامي على اللي ما تنكر مع الايام ،
غلاه ونباه وموقف الطيب متجدد

لحظة لقاك ارقى بها لبة الغيم
واخلق مكاني فوق سطح الثريا

ماتوقف الدنيا على صد مخلوق
الحمدلله عزت النفس تاجي

اللي يبينا قدره الراس من فوق
واللي يعاند ما يعكر مزاجي ..

من عاش ما له حلم .. وشهو له يعيش؟!
( ميت لو ان له قلب .. وتشوف عينه ) !

‏فيني عتب اكبر من الكون كله
وفيني على صدة رفيقي مشاريه

بس الكرامه فيني تقول خله
من لا يداوي خاطرك لا تداريه ..

اسوي المعروف من طيب راسي
‏حتى الردي لاحام حولي كرمته.

‏ياليل تكفى علمه كيف الأحوال
قله ترى ياليل ياما .. ذكرته ..

السما هي السما والنجم لامع وثابت
‏و الحقايق واضحه يا مروجت الاشاعه

‏كل يمنا تبذر الفعل تنظر للمنابت
‏والردي تعرفه من شوفها في ربع ساعه

‏ماهو بشرط اللحى كلها بالطيب شابت
‏كم لحيه تنحشم بس لعيون الجماعه