عبر عن حالتك النفسيه ببيت شعر...متجدد

‏ماتدري انك للخواطر سعادة
وانت السعادة كلها في حضورك

لا .. واللي حط بالأيام حيرة
‏مالقيت اللي مثل طبعك و مثلك
‏
‏العمر لحظة و هاللحظة قصيرة
‏مـابي منها سوا ضحكات وجهك

اسأل الله الكريم العافية والراحه
واسأله عفوه وغفران الزلل والجنه
واسأله أمن وأمان وعيشة مرتاحه
والحياة اللي على نهج النبي والسنه
بوحي

الحروف في هالزمن تشيد ابيات
والشعر مال الشطر فيه حاجه

ننثر الخافق مع هاجس اهات
وياهبت النسناس اطلق حجاجه

تمر الأيام و أحلامي على حالها
على رفوف الصبر للحين مركونه .

والله إن ليّ في ذرى وجهك مواعيد
بس الظروف كثار والتساهيل عيت

من حق الايام ما تستأذنك فيني
‏الله شرعها مثل ما تجمع تفرّق

تدري وش إلي جرحه أعظم من الكي
............ جرح الفراق و جرح ما فيه بـاري

من عز نومي صحيت وشفت في عيني
دمع تهادى على جفني وأنا غافي

ما دمت عايش ومستامن ومتعافي
اضحك مع الناس وليا نمت سامحها