عبر عن حالتك النفسيه ببيت شعر...متجدد

تدرون وش راسم خيال الوسيعه ؟؟
صورة ولكن للأسف دون عنوان
لوحة وفيها من رسوم الطبيعه
رسامها مبدع وفاهم وفنان
ريشة خياله لابغاها تطيعه
على هوى اللونين عنوانهابان
حتى بدون الوان والله فضيعه
وش لون لو انه رسمها بالألوان

بوحي

ياليتني قلبك علـى شـان اداريـك
عن كل نبضة قلب تاتـي سريعـه

مجرد ذوق

!!

من جهل خافي ضميرك لا تلومه
كل رايق .. يحسب آن آلكل رايق

حط نفسك موقفه .. تعذر علومه
آلبشر ماهي على صدرك توايق







































..

اذا البشر من طين شمر من جبال
الله خلقنا للفخر واعتزازه

تبي تعرف عقالنا ليش ميال
يبتسي على عبدالعزيز الجنازه


الشاعر ناصر الوبير ..

على صوت النداء الممتلي تجريح
‏صحيت وكل جرحٍ في فؤادي صاح

‏وضاع الصوت مابين المدى والريح
‏ولو كان الضياع اللي معاه ارتاح

‏مسافر وانتظر من كفّها التلويح
‏وهي راحت.. تحسب إن المسافر راح

احدن لوأنه زاد قدره وشأنه
لا غاب تلقى من يعوضك وده

واحدن إليا غاب يبقى مكانه
لو يجتمع كل البشر ماتسده

رجعت من دار خلي ضايق بالي
والقلب يابو سعد شبت لواهيبه

طريت في بالي ،، وفجأه تبسمت
وغمَّضت من لذّة خيالك : عيوني

الليل والذكرى وطاريك ، والصمت
هالأربعه في غيبتك ، سامروني

مدري انا اللي صح ومخطي زماني
والا الخطا مني وزماني هو الصح"

مجرد ذوق