روايةأما غرام يشرح الصدر طاريه ولا صدووود وعمرنا ماعشقنا/14

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


أخذت جوال غادة وأتصلت في أمها تسال عن ذياب إذا نام..
طلعت من الصالة الكبيرة..
طمنتها أمها إنه نام وهو جنبها..
بس طلبت منها ترجع البيت بدري وماتتاخر..
قفلت الجوال وهي مبسووووطة ..
مبسوطة من أمها وولدها وحياتها اللي جددتها سارة وغادة اليوم..

رجعت الصالة وقبل تدخل سمعت البنات يتكلمون عنها..
إنها متغيرة بشكلها وجسمها..وبكل شيء..
ووحدة تقول شيء طبيعي هي متزوجة وصار عندها ولد..
أنصدمت من الكلام اللي انقال عنها..
وانصدمت أكثر إنهم صديقاتها اللي حاضرين الحفلة يحتفلون برجوعها لهم..
..........\ليتني ماجيت..لو يعرف أخوي إنها كانت موجودة وش بيسوي فيني..
.........\ليه وهي وش فيها عشان يمنعك..؟؟
.........\مدري بس بعد ما عرفنا انها حية وطلعت سالفة اخوها وزوجها..
ما احد صدق الخبر..يقولون ان اهلها يغطون عليها..
وان اخوها ما قتل اخو زوجها الا لانه كشف بينها وبينه علاقة..
قتله وزوجها لاخوهـ..
..........باستنكار\خافي ربك لا تأكلين بلحمهم..
.........\استغفر الله بس هذا اللي سمعته..

بعض الكلام خنجــر وسكين..
إن ماطعن شق الصدر حيــل وأدمــــاهـ ..

وإللي ســــأل عن إبرة البنج مسكيـــــــن..
لـــ البنج وقت::
إذا انتـــهى صــــــــاح ويلآآآآآآهـ ويلآآآآآآآآهـ ..


صدت عنهم بخطوات مهزوزة..
أخذت عبايتها لبستها وهي ترتجف..
طلعت من البيت وركبت السيارة..

تحركت السيارة وهي مركزة عيونها في الفراغ..
هذا اللي جنيته..
يعني أبوي وأخواني هذا اللي قاهرهم..
كلام الناس يطعني ويطعنهم..
صادين عني ورافضين عشان كذبة..
يعني هلي صدقوا هذا الكلام ونسوا ذنبهم..
هذا اللي مغيرك علي يا حسيــن..
مغيرك أنت وعيالك ومخليكم مفتشلين مني..

فزت بشهقة لما أنفتح باب السيارة وشافت وجه علي الغاضب..
ليه انا رجعت هنا..
ليه يجيبني لهم..انا ما اباهم..
أكرهم ما اباهم..

نزلت غصب عنها لما طلعها علي من السيارة..
علي بحدة\جاية بهذا الوقت مع السواق لحالك..؟؟
ليه ماكلمتيني اجي أخذك..اختك والناس هناك يدورونك..
ليه ماقلتي لهم إنك راجعة البيت..؟؟تصرفك غير مسئول..

سحبت يدها منه ومشت مبتعدة عنه..
مشى جنبها وهو يتنهد بضيق..
علي\كنا ننتظرك..ماحبينا نشغلك تعالي المجلس..
ماردت عليه وكملت طريقها تبي تطلع فوق..
علي بحيرة\هديل ماتسمعيني..؟؟
مسكها ولفها له ..
علي\وش فيك..؟؟
هديل بجمود\شيل يدك عني..

أبتعد عنها وعيونه في عيونها..
وقبل لا تبتعد عنه وتطلع فوق..
صدمها بكلمته..

علي بهدوء\زوجك في المجلس..



إلى الملتقى بإذن الله تعالى ..

السلام عليكم ورحمة الله وبركاته ...

صبــــــــــــاح \\
المطر يغسل ذنوب الزمن...
يسقي الأرض وما تُنبت..

مســـــــــــاء \\
الكلمة الطيبة..
تبث بــ النفس الطمئنينة ...


كيــــــــــفكم الـــ ليلااااااااااااااس ..؟؟
أحبتــــــــي في كل مكـــــــــان ..؟؟


ماشاء الله عليكم يا عسولاااااااات...
كل وحدة لها طريقة بتفسير الأحداث..
اتمنى إن بارت اليوم يعجبكم..
واطلب منكم التركيز بــ الحوارات..
وإكتشاف مابين السطور..

وشكـــــــــــراً بحجم السماء لكل المتواجدين معي دائماً..
لازلت ارتقي بكم فكونوا بقربي..
ومن سجلوا عشاني هنا وفي الجوار..
الله يعلي شأنكم تواجدكم شرف كبير لي...

زيزفووونتي الغالية ..
اتمنى ينال البارت على إستحسانك ^_*
ومثل مايقولون أول الغيث قطرة...

البارت إهــــداء لـــ الجميـــــــــــــــــــع ..


البارت الواحد والسبعــــون ..


لا تقولي "

لا تقولي : أنت حبي

ربمّا غرّتك مني

كلمة شاعر ترضي شياطين الشباب

ربما ضلل أهواءك شيء في اكتئابي

ربما أغوتك ألوان نقابي

لا تقولي .... أنا أهواك ...

لأن الليل دنيا شاعريه

و لأن البدر طفل

أسند الرأس على صدر الغمام

مغمضا ً أضواءه ... غير خيوط ذهبية

رقصت في روض عينيك

فراشات سلام

و لأن الشوق ينمو في الظلام

فغداً نصحو مع النور ..

يموت الصمت ... يغشانا الكلام ,,


المرحوم بإذن الله تعالى..غازي القصيبي ..


أبتعد عنها وعيونه في عيونها..
وقبل لا تبتعد عنه وتطلع فوق..
صدمها بكلمته..

علي بهدوء\زوجك في المجلس..

حفرت اظافرها بكف يدها..
وحاولت قد ماتقدر ماتبين حقدها..
هديل ببرود\مالي فيه حاجة..
تصبح على خير..

تفاجأ من ردها ومن تعاملها الغريب له..
بس كان لازم تروح معه المجلس..
علي\ذياب معه..

رمت شنطتها على الكنبة ومشت بخطوات واثقة..
توجهت لـ المجلس وعلي معها..
كانت لابسة عبايتها ولافة طرحتها على راسها..

دخلت والقت السلام بهدوء..
شافت ابوها وأمها ومحمد في المجلس جالسين معه..
وعلي واقف جنبها..
أنقبض قلبها لما شافت ذياب بحضنه وكأنه نايم..

قربت منه بهدوء وهو وقف لها مدت يدينها..
أخذت ذياب من حضنه وهو تركه لها..
صدت عنهم وهي ضامة ولدها..

كان خايف عليها لما تدري بحال ذياب..
مع إنه مايدري وش اللي فيه..
بس لما فحصه بطريقة سريعة ..
ومن كلام أم علي أكتشف إن ولدهـ يعاني من شيء غريب..
مايبيها تنصدم من حال ولدها..

أبوعلي\يوبه هديل..أصبري شوي..

وقفت إحتراماً لابوها..ولمناداته لها..
أو كانت بتطلع وتتركهم مع نسيبهم القاسي..
وأكتشفت إن أهلها مو أحسن منه..
لكل واحد منهم طريقة مبدعة بالصد والقهر..

هديل\نعم يوبه..
ابوعلي\يابنتي تعالي إجلسي نبيك بسالفة..
هديل\بكره يوم يا ابوعلي..
علي بقلة صبر\ذياب مريض يا هديل..وانتي ماتدرين..
هديل بهدوء\وكيف عرفت إن ولدي مريض..؟؟
أم علي\يمكن أنتي ما لاحظتي اللي يصير مع ولدك يا بنتي..
بس حالته خوفتني عليه..
لونه يتغير ويغشى وأنتي تحسبينه نايم..

ألتفتت عليهم بنظرات جامدة..
وتكلمت بصوت واثق وقوي..
هديل\ماهو بأنا اللي غافلة عن ولدي..
ولا أدري وش اللي فيه..

وبنظرات تحدي وجهتها لغازي.
كملت برفعة حاجب\المفروض أبوهـ طمنكم..
وقال لكم وش اللي في ذياب..
ماهو يخليكم قلقانين ومتوترين كذا..

حست بإنتصار لما شافتهم كلهم مصدومين من ردها..
كلهم كان لهم توقع إنها بتنهار وخايفين عليها..
بس ثقتها وقوتها اثبتت لهم العكس..
وإنها ماهي مثل ما يتوقعون..
وهو بالذات شافت الغضب القديم..
الغضب اللي شافته باول ايامها معه..

كملت لما حست إنهم ينتظرونها تكمل..
هديل\ذياب بيكون بخير إن شاء الله..
بعد كم شهر بأرجع إيطاليا مع ولدي..
ونسوي عملية لذياب..وأنا بأتبرع له بمادة من جسمي..
كنا بنسويها قبل بس وزن ذياب ماساعدنا لإجرائها..

أم علي بغصة\ياقلب أمك..
والله عرفت إن فيه شيء من غشوته..
ومن حالته كل ماوقف يطيح..
هديل بهدؤ\الحمدلله يومه الأيام الصعبة راحت..
وحالته ألحين احسن من اول بكثير..

صدت عن أمها وناظرت في غازي..
وكانت ملامحه جامدة غاضبة..
تدري إنه يموووت بهذي اللحظة الف مرة..
ولدهـ مريض ولا يدري عنه..
وبيسوي عملية وهي معه..
وهو مثل الأطرش بالموضوع..حالته حال الغريب..
صرخ قلبها بضيم..
حس بالقهر اللي ياما شربتني إياهـ..
خاف على ولدك مثل ماأحترق قلبي من الخوف عليه..
حرمتني اكون زوجة حقيقية..
حرمتني اكون حامل وأصير أم مثل الخلق..

هذي ثمرة اعمالك تحملها..
هديل بإستفزاز\ليش ماتطمنهم يا ابو ذياب..؟؟
وتقول لهم عن حالة ولــــدك..؟؟

علي بخوف\المرض وش يكون..؟؟
هديل تتنهد\واجتهني صعوبة بأيام الحمل..
وعلى وقت الولادة تعرضت لحادث..
أثر على ذياب بمنطقة النخاع..وكان سبب في ولادة مبكرة..
الحمدلله المستشفى إحتفظوا بالدم اللي كان بالحبل السري..
في بنك لـ الدم وحافظينه برقم هوية..
وساعدهم دخولي في غيبوبة..
بحيث كانت كل أعضائي بحالة خموول..
فقدروا يسحبون كمية من الدم..وعوضوها بدم ثاني من متبرع..
لما نروح لهم إيطاليا بيتم سحب الدم من الحبل السري..
مع الدم اللي أخذوه مني..
وبنسوي عملية لــ ذياب..لأن الضرر بأسفل راسه..
ولما يعطي مجهود كبير يضغط على اعصابه وأحياناً يفقد الوعي..

أبوعلي بحنية\لاحول ولا قوة إلا بالله..
الحمدلله على سلامتكم يا بنتي..
أنتي وذياب..والله يقومه بالسلامة..

قرب منها محمد سلم عليها وعلى ذياب..
وأمها كانت بتاخذ ذياب منها بس مارضت تتركه..
شافت إهتمام ابوها وأخوانها فيها..
بس قلبها ماتقبل تقربهم منها..
ولا طبطبتهم عليها..
هجروها من بعد ما سامحتهم ورجعت..
صدوا عنها من غير حق..
أبتعدت عنهم خطوات بسيطة..
وهي تبتسم بمجاملة واضحة جداً..
هديل\تصبحون على خير..
ذيبي نام وبانام معه..

وقبل لا تمشي خطوة وحدة..
سمعت صوته الحاد وبنبرته الجامدة..
يامرها بكلمة وحدة بس..
غازي بقوة\وقـــفي..

شافت اهلها يبون يطلعون من المجلس ويتركونها معه..
فكان لازم تتصرف وتجبرهم يبقون معها..
أعترفت لنفسها رغم رضاها بصدمته وقهرهـ بهذا الشكل الظالم..
إلا إنها ماتبى تظل معه..
لا تسمع كلامه ولا تتعرض لقسوته..
وقفت قدام محمد مانعته يطلع ورى اهلها..
فهم حركتها وإنها تبيه يظل معها..
حس بإحراج من حركتها قدام زوجها..
واخذ ذياب منها بخفة ..

وقف غازي وقرب منها..
وهي أستقوت بوجود محمد معها..
غازي بغضب\بأي حق أخفيتي علي..؟؟
هديل بحقد\أنت آخر من يتكلم عن الحقوق..
غازي بحدة\كل أوراقه الطبية تعطيني إياها ألحين..
الشرح المبسط اللي قلتيه ما أقنعني..
هديل بمثل حدته\هذا ولدي أنا يا دكتور..
وإذا مهتم لـ الموضوع راسل صوفي ترسل لك نسخة..

سحبها غازي له بقوة\ماباترك ولدي يموت مثل ماماتت رسل..
هديل بتجبر\قلتها لي مرة..
ذق ياموت ماذوقته الناس..
وإن ربي قدر موت ذياب ماهو أنت اللي بتمنعه..
غازي بجمود\وكأنه عادي عندك يموت..؟؟

بعد كلمته أنسحب محمد من المجلس وذياب معه..
حس بينهم مشكلة ولازم يحلونها ووجوده يمكن يعقد الموضوع..

هديل بجفاء\أنا اللي تجرعت العلقم علشانه..
وأنا اللي عانيت معه ومت بالثواني والدقايق..
لاتظن جمودي اليوم قسوة على ولدي..
صدمتي ورعبي كليتها لحالي عليه..
أنفجعت بمرضه مامعي أم ولا أب ولا حتى زوج..
مالقيت من يطبطب علي او يطمني..
قسوتي جنيتها من اللي أنت زرعته..

طرح فاق الجمال

*,


سلمت الآكف ومَاجلبت
إبداع دآئم وتميز مُستمر
لا عدمنَاك /

,*















آنتقاء رآئع ومتفّرد
وعطآء بآذخ لآمس سمآء الآبدآع
دمت يَ طُهر



/

,*















آنتقاء رآئع ومتفّرد
وعطآء بآذخ لآمس سمآء الآبدآع
دمت يَ طُهر



/

طررح يفوق آلجمآل ,
كعآدتك إبدآع في صفحآتك يعطيك آلعآفيـه
بِ إنتظآر المزيد من هذآ الفيض