رواية طويلة لا تشتكي من همومك للناس/3

قلت له : ليه بزر انااا
ابو مشااري : انا كنت خايف يكون صار لك شي انت وذا الوجه
ضحكت : والله مادريت اني غالي هالقد
ابو مشاري وهو يشوف ثوبي مليان دم : خالد وش صار ؟
ابتسمت : هوشة بسيطة ..
ابو مشاري: كل هالدم وتقولي بسيطة .. تعورت ؟!
قلت له : لا هااذا دم المضرووب
ابو مشاري: فرحان .. مسويلي عنتر على اخر الزمن
ابتسمت وانا اسمع ابو مشااري يهااوشني .. هالرجال يحسسني انه ابوي .. مو مجرد شخص مستضيفني ببيته كلمات ابو مشاري كانت بسيطة وبأسلوب طيب مفروض انه يهاوشني لكني حسيته يعااتب اكثر من انه هوشة بعكس اسلووب ابوي الله يرحمه الي ماكان حتى يعرف يتفاهم معاناا ايده كااانت تسبق كلمته .. اسلوبه بالتعامل همجي تمااما .. ولذا السبب بالذات امي صارت ماتقوله أي شي عن مشااكلناا ووصارت مسئولية التأديب مسئولية الصقر كونه الابن الاكبر ... يعني ابتلش فيني من صغري


× مــــهــا ×
جهزت العشا مثل ماقاالي واصلاا انا مستغربه شلون عشى بذا الوقت وهو اصلا بيتعشى برى ؟! عالرجال محد يعرف بايش يفكر مره رااضي مره زعلاان .. لغز وربي لغز
دق التلفون استغربت مين بيدق اللحين الوقت متأخر : الو
سمعت صووت متقطع من البكاء : الووو
تأكدت : نووال ؟!!
نوال : ايه نووال
سألت وانا الخوف يملا كل خلية بجسمي : نوال خير فيك شي ؟! فهد فيه شي ؟!
نوال : لااا
ماقدرت ارتاااح : نووال طيب ليه تبكيين
جاوبتني : تهاوشت اناا وفهد
تدرون لو كانت قداامي يمكن ذبحتهاا قطعتهاا : نعم ؟! تهاوشتي انتي وياااه
ردت : ايه
قلت لهاا : وانتي متصلة لانك تهاوشتي ويااه
نوال: قلت لك ايه
سألتها : ضربك .؟!! سبك ؟!
نوال : لااا
قلت لهاا : اجل حلي مشااكلك برووحك في امان الله
قالت لي : طيب اسمعي
اعترضت : ولا رح اسمع كلمه ...نوال ماانتبي بزر كل ماصار شي مع زوجك اتصلتي وقلتي لي لاازم تتعلمين شلون تحلين مشاكلك مع زوجك ..وكل شي بالهداوة والتفااهم لا تقعدين تصاارخين ..ولعلمك اول سنه من الزواج طبيعي يكون فيها مشاكل اليين مااتتعودون على بعض وتفهمون طبع بعض ... ويالله في امان الله
وقفلت السماعه على دخلت الصقر ..سألني : تكلمين مين ؟!
جاوبته : اكلم نوال
الصقر: وش فيهاا ؟!
قلت له : ولا شي تبي تتسلى الاخت ..سألته اضيع الموضوع : وين المفاجأة
قالي: عيت تجي
سألتني : لا تكون زوجتك متزوجها من وراناا
طالع فيا بنص عين : تكلمي عدل
قلت: ان شاء الله ..ان شاء الله بس وين المفاجأة
قالي : قريب ان شاءالله ..حطي العشا
قلت له : ليه ماتعشيت ماكان ماكنت معزوم
قالي : جاني اتصال مهم طلعت وتركتهم
سألته : مع مييييييييييييين
رفع حاجبة : وبعدين معاااكي .. ماتبطلين تحقييق
هزيت رااسي بمعنى لااا ..قالي : خلي الاسئلة لشااهين
استحيت يوم قاال اسمه قداامي وشفته وهو يطلع يبدل ويضحك علي ..مالت عليه يعرف اني استحي

× نــــــــــــــوال×
مسحت دمووعي وانا مقهورة من مها ..اللحين هاذي اختي مفروض تسمعني وتفهمني مو تقفل السماعه وتطنش ...انا بالله من لي غيرهاا ...تمددت وانا مقهورة ع الشازلوو الي بالصاله ..ماابغى ارجع غرفتي ..انا انتظرته الين ماينام وخرجت عشان اتصل اكيد لو رجعت الغرفه بيحس فيني وساعتها بيكتشف اني مانمت من قهري وبيقعد يتشمت فيني ..خليني هنااا ابرك لي ...قولي لنفسك ..اللحين يبغااني البس مثل هذيك الي مااتستحي ..معقول يافهد تبغاني البس كذاا عشاان اعجب ..هيييييي لا اكون مو عاجبته ..مايشوفني حلووه ؟! اكيد ايه مايشوفني حلوه ..ولا ماقالي .." قولي لنفسك " .ااااه كله منهاا ..وجع ياخذهاا . اااااه.مالت من كثر ماسبيتها بتحمل ذنوبهاا...معقول تكون عاجبة فهد ؟! معقول تكون عينه عليها ؟لا مستحيل لو عينه عليها كان اخذها ...يااغبيه لا تنسين انها عايشه بامريكاا مستحيل تاخذ سعودي ..تطول اهي ظفر السعودي .. ااااخ عورني خشب الشازلوه مالي غير ارجع غرفتي ..تسحبت على اطراف اصاابعي وشفت فهد ناايم بساابع نوومه كان نفسي امسك المخدة الي جنبة واضربه فيها على راااسه واخرم عيونه مره وحده
ااااه تمددت ع السرير وصرت اطالع السقف .. اللحين فهد قدام عيني مااخذ رااحته بزياادة طيب من ورى ظهري وش يسوي عاد دكتور واكيد الحريم اشكااال والوااان .. عينه شبعت اكيد ... صرت ااكل اظافيري وماحسيت الا والدم طالع منهاا .....اااخ تعور ...قمت الحماام " وانتو بكرامة " وغسلت ايدي اااخ المويااا تحرررررررق لما تجي ع الجرح ...خرجت من بعد ماغسلت وصرت وااقه بركن الغرفه ...حااسه بشي يكتم على صدري ..شي مضاايقني وبكا وبكيت هوشة وتهاوشت بس ليه ..تمنيت لو اني لسى بغرفتي ببيتناا كان مدااني اللحين تحت المكتب متخبية وضامه جسمي ..جلست بركن الغرفه ع السيراميك الباارد ..وكنت اطاالع باتجاه السرير واشووف فهد ....حطيت ايدي على فمي اكتم صوت البكا لاايطلع ... معقوول ..معقول خاايفه انه يرووح ؟!...خاايفه ان وحدة ثانية تشااركة فيني .....ااخ يعور لاااااااا ...يعوور


الصبح الساعة 6.30

× فـــــــــــــــرح ×
تاخرت بالنووم قمت جري توضيت وقضيت الصلاة الي فاتتني ..لبست ملابسي ...يااربي هااذي لسى ناايمه ...شاادن ..شاادن قوومي ....هزيتهااا اصحيهاا ياااربي ...وبعدين معااهاا هاذي ماارح تقووم
صرخت فيهاا : شاااااااااادن
شاادن وهي تمسح عينهاا : ايس فييييي
قلت لهاا : قومي بنتاخر على المدرسة يالله بسرعه البسي
شادن قامت وغسلت ولبست ملابسهااا ... لبست عبااتي ...وجريت ع المطبخ عملت ساندوتش لشادن عشان تااكله ... لبست جزمتي " وانتو بكرامه وعلى البااب بسرعه ...يوم وصلت عند البااب تذكرت راكان انه لسى ناايم ..رجعت لغرفته بسرعه ....فتحت البااب بكل همجية حتى من غير استأذان ....فتحت اللنبة والشباابيك
ورحت جهت المكيف باطفية ...لكني انتبهت ساعتها بس ان المكيف كطفي والغرفه فااضية ...هاذا وينه
وووين راااح ..... السرير مثل ماهو مافي أي دليل ان فيه احد نايم عليه ... انا شفته وهو يدخل غرفته ..وين رااح ...جات شاادن تنادييني : فللللللح ياللا
يللا ووين يللا ..ووين واناا موعاارفه هذاا وين رااح .... يااربي وووين راااح وش تحت رااسك ياارااكااان
شادن : فلللللللح المدلسة
قمت ومسكتها من ايدهاا وطلعت على طوول للمدرسة ..خليه ينقلع داامه يبي يتصرف بكيفه بالطقاق الي يطق رااسه ..بنص الطرييق ..انتبهت اني من غير شنطة واضطريت ارجع للبيت واجيب شنطة المدرسة وطبعا اللين ماااوصلت المدرسة كانت الحصة الاولى بدت ..اخذت لي كلمتين محترمه من الوكيلة وبعدهاا طلعت فصلي
حطيت الشطة ع الكرسي وفصخت عباتي وجلست ..هدى سألتني : اشفيك تاخرتي
قلت لهاا : الله يسعدك اسكتي ماني طايقة نفسي
هدى : اووف اوووف
عطيتهاا نظرة بمعنى انطمي لا تتصفقين وفعلا سكتت

7.30

× شاهين ×
كنت افطر انا وامي .. وحلا بنتي طبعا ناايمه ..امي كانت تسولف عن العرس الي راحت له امس وعن البناات الي شافتهم وصارت تقترح علي بناات
قلت لهاا : يمه وبعدين انا مو قلت لك خطبت مهاا اخت صقر
امي : يهني مابتغير رااايك
قلت لها : لاا ..وصقر بيكلم عمه وياخذ منه موعد وبنروح نخطبهاا
امي سألت من غير نفس: متى
قلت لها : اصبري يمكن عمها مايوافق
امي : يطول هو يكفي انها مطلقه وطايحة بحلقهم
قلت لامي : يمه وش ذا الكلاام
امي : وانا صاادقة صحيح مها طيبة وبنت ناس اجاويد لكن مطلقة ماتمت الشهر مع زوجها وتطلقت
قلت لامي : يمه لا تنسين اني انا نفسي مطلق كم مره نعيد ذا الكلاام
قالت لي : انت رجال ..طلعت ولا نزلت رجال اما هي مره والمره غير وش تبي فيهاا ياااشااهين
قالت لي : هذا اول لكن بعد الي شفته امس واللي سمعته من الحريم
هزيت رااسي بعدم تصديق ..امي كل يوم براي ..وم موافقه ويوم لاا ..مالها راي محدد
امي : تصدق ان الي امس متزوج مطلق بدل المره ثلااث وامس عرسه والي متزوجه بنيه عمرها 18
قلت لهاا : يمه الله يخليك ماابي نقاش اكثر واناا ماابي الا مهاا يكفي انها اخت صقر وفوق كذا سنهاا مناسب
واللحين عن اذنك وراي شغل في امان الله
امي صرخت فيني : وش تبي بفضلة غيرك
مارديت عليهاا وطلعت من البيت ..ركبت سيارتي باتجاة الشركة ...غريب مجتمعنا اللين اللحين الطلاق وصمة عار على المره كأن الوحد لا جات تتطلق بتتطلق بطر .. وياما حريم عاشو مع رجال مايسون التراب بس عشان يبعدون عن نفسهم اللقب الثقيل مطلقة ..... طيب مو مثل مافي مره مطلقة في رجل مطلق هذاا رايته بيضاا مابه عيب ..كله منهاا ايه ...وش ذا المنطق ..مافي اثنيين وصلو لمرحلة الطلاق ماايكون السبب مشترك بينهم ولو اختلفت نسبة توزيع السبب بينهم المهم هم مشتركيين ...لكن لاا لو مافيها خير ماكان طلقها زوجهاا
ليه باحيان كثيره احس ان النااس معترضه على الطلاق ..مو كأنه حكم ربااني .. ربنا ماشرعه الا حل لمشاكل مالها حل الا الانفصااال ..الطلاق لو هو عيب لو هو نقيصة بالمره ماكان الرسول عليه الصلاة والسلام تزوج من المطلقات ..تزوج من زينب بنت جحش وتزوج من صفية بنت حيي الي تطلقت مره وتزوجت مره ثانية وقتل زوجهاا اذا كن امهات المؤمنيين اشرف النساء واطهرهن مطلقات محد قدر يمد اصبعه اتجاه وحده وقال مطلقة بالعكس بزمن الصحاابة كانو يتسابقو ع المطلقات ..اللين متى رح نلوم بناتناا على شي مب بيديهن
وصلت شركتي وقفت السيارة واطلعت على مكتبي ...طبعا لقيت خالد موجوود طلبت البريد ودخلت مكتبي

× فـــــــــــهد×
قمت من نومي مفزووع على رنة منبة الجوال ....طالعت بالساعه بركة بااقي ساعة الا ربع تقريبا على موعد الدوام يمديني اتسبح وافطر واروح الدواام ....لكن نوالووه ليه ماصحتي التفت جنبي ماكانت في ع السرير
معقول راحت الجامعه ؟! من غير لا تصحيني؟! قمت اتسبح اخذت منشفتي ومشيت باتجاه الحماام " وانتو بكرامة " انصعقت وانا اشوف نوال بركن الغرفه ع الرخام الباارد جريت عليهاا احاول اصحيهاا..ماني عارف اهي نايمه ؟! مغمى عليهاا ؟! ماادري شفيهاا ...هزيتهاا ولاحظت حركتهااا يظهر ناايمه ...مسكت يدهاا اشوف النبض الا انها سحبت ايدها بعصبية مني وطالعت فيني بنظرة خالية من أي تعبييير وببسااطة قاامت باتجاه الحماام " اكرمكم الله " وغسلت وجههااا..واخذت فرشة اسنانها وصارت تتسوك ...وانا واقف بمكاني مثل الاهبل ماني عارف ايش الي صار امس ...انا نمت وهي جنبي ايش وصلها للارض ماني عارفه
سألتها : نوال ايش صارلك امس ؟!!
تعرفون لما يقولون تكلم جدار ..هذي هي نوال جداار كل الي سوته انها قفلت باب الحمام بوجهي ..قهرتني دفيت الباب بعصبية : اناا اكلمك
عدت من جنبي بكل بسااطة : وانا ماابي اسمع صووتك
مسكتها من ايدهاا بقوة وبقهر : انتي اشفيك مجنوونه ..كل يووم بحاال ..اشفيك
ابتسمت لي ابتساامه مااعرفت وش معنااهاا الا انها قالت لي : مجنونه انت قلتهاا وصرخت مجنوووونه اناا مجنوووووووونه ودفتني بكل قوة لدرجة اني رجعت على ورى
وصرخت فيني : لا تقرب مني انت تقرفنيي..وصاارت تبكي تقرفنيييي ...بكت وبكى مو عاادي بكى حسراات بكى انساان مووجووع جلست على الارض وهي متلملمة على نفسة وبنفس الوقت تهتز مره قدام ومره ورى
قربت منها و انخفضت لمستواهاا الا انها ارتبكت ورجعت تصاارخ وهي ترجع على ورى كانها خايفة اني أذيهاا : لااااااااا وخر عني .......وخر ماابيك ...ابي امي ...يمه ووووووينك وبدات تضرب وجههااا يمه ووينك
يمه الحقييييييييني ...بيذبحوني يمه .....يمه وووينك
هني بس استوعبت ان نوال تمر بحالة من الاضطراب ماادري وش يكوون لكن الي اناا متأكده منه انها مو بوعيهااا وانااا حتى مو قاادرة تسمعني
حاولت امسك ايدهاا قدر مااقدرعشان لا تأذي نفسها اكثر خصوصا وان خذهاا صاار احمر من كثر اللطم لكن عبث ..المرض النفسي وقت مايمر بازمه او عايش بوضع غير الارض الواقع يكون جسمة مكتسب قوة غريبه تفوق بشكل ماتتصورنه قوته الحقيقه .... الوضع الوحيد الي قدرت اني اقرب فيه من نووال هو وقت اغماءها
جريت عليهاا امنع جسمهاا من انه يرتطم بالارض شلتهاا وحطيتهااا ع السرير حاولت اصحيهاا لاكانها مااستجابت معاااي... مسكت تلفوني ودقيت ع المستشفى وطلبت سيارة اسعاف ... بدلت ملابسي بسرعه وكل شوي اقيس نبض نوال كان متذبذب احيان يكون طبيعي واحيان ينخفظ ...لبستها عباتهاا ووصلت السيارة نقلنااهاا ع النقاله وبالسيارة المسعفين ماقصرو محاليل ملحية ترفع الضغط المنخفظ مع محاولة تصحيتهاا وفعلا فااقت لكن ماكانت بدرجة طبيعية كان مبين انهاا مرهقة وحتى مااهي قادرة تتكلم استجاابتهاا للضو المسلط على عينهاا مااوصل حتى للمؤشرات الطبيعية

11ظهرا
× الصقر×
دخلت على عمي مكتبه ...كان لسى جااي من فطور عمل ..اخترت افتح معاه موضوع مها بعيد تماام عن البيت واجواء التوتر سلمت عليه وجلست عمي : خير في شي ؟
قلت : ايه في موضوع ابي اكلمك فيه
عمي : بخصوص الشغل ؟!
قلت له : لا ماله علاقه ابد بالشغل
عمي : اجل اجله لبعدين ...خذ هالملف واعطاني ملف ...ابيك تدرس هالملف زين وابي اعرف رااايك بالتفصيل بخصوص المشرووع
اخذت الملف : ان شا ءالله
عمي : ايه بخصوص مضوعك بنتكلم فيه وحنا بطريقنا للبيت
هزيت راسي كأني هندي وطلعت .....مادري متى اتكلم معاه بالموضوع ...طليت بالملف وانا حاس بقرف نفسي يوم اريح مخي شووي من الشغل ..يظهر لازم لي اجاازة


× حـــــــــــصة ×
اليوم كنسلت ع الجامعه وماعااد رحت ..طبعا بعد سهرة صباااحي مع نوره ووين اقدر اقووم ..عرضت على نوره نرووح نفطر برى وهي طبعا مااصدقت الحبيبة كشخت على سنقت عشرة زي مايقولوون بيني وبينكم كنت بنجلط وانا اشووف نوره بتطلع من البيت وهي لابسه بدي نص بطن مع برموداا لو وست
صرخت : هييييييي وين تبين لابسه كذااا
نوره : مو حلووو ؟!
قلت لها : حلوو حبيبتي بغرفة نومك لكن برى والله ماتخرجين وانتي لابسه كذاا
نوره : حصه مااصدق انك مثلهم
عرفت ان قصدها معقده قلت لها : مثلهم مثلهم لكن حبيبتي انا اعرف الناس هني والله مايبقى رجال مايلحقناا
البسي بنطلون عدل وتي شرت زي خلق الله
وبعد جدال طوويل غيرت ملابسها والعبااية ااااخ لبستهاا وهي بحاله صعبه
المهم طلعنا من البييت ...ورحناا لكوفي شووب كشخه قريب من الجامعه ...انا احب هالمكان اولا لان كرواسونه يجننن وغير كذاا تحسونه مكان للبنات لان اغلب اللي فيه بناااااااااااات الجامعه ...هذا مايمنع ان فيه شباااب لكن طاولاتهم بعيده شوووي ...مافي دااعي اقول ان نوره طبعا يوم دخلت دارت كل الرووس عليهااا ...هي وخصلتها الي مدري شلون صاير لوونهاا ...طريقت مشيها الغريبه بالعباااية وعيونها الي مو مصدقة ان هذا مكان بالسعودية
نوره وهي تجلس ع الطاولة : معقوول اللحين هذول سعودياات ؟!
قلت لهاا : ليه ؟!
نوره : شوفي يدخنوون ...كااااشفيين وموو مغطين وشوفي هذيك رااميه العباااية ...وناس تشرب ارغيلة
اكيد سعوديين
قلت لهاا : في سعوديين والبعض لااا
نور ه وهي تشووف واحد ولد دااخل وبنطلونه مقطع وشعره مخصل بالرماادي غير العطر الي يسبقه : cool
التفت عليها بتعجب: وش اللي كووول ...هالمبهدل عاااجبك ؟!
نوره وهي تقووم : ايه وبرووح اتعرف عليه
مسكتها : اثبررررري اشووف

× راكـــــــــــان ×
فتحت عيني ببطء شديد... وقلب نظري بالمكان استوعب اني بالمستشفى ...ااااااه حااس بالم باايدي مو قاادر احركهاا التفت على على يميني شفت تركي صااحبي جالس وناايم ع الكرسي ناديته : تركيييييي
تركي طبعا كالعاادة ماايرد صعب اصلاا يرد وهو نااايم : ترووووووووووووك
تركي فز : ها هاا وقرب جنبي فيك شي
كرمشت وجهي : اااااااخ شيل ايدك ..كتفيييييي
شال ايده الي كان حاطها ع كتفي : سووري ماانتبهت
قلت بحسره : اللحين ماالقيو غيرك يتصلون عليه
قالي : تطول انت
قلت له : اقول عطيني موياا
شربني مويااا ...بعد مااسند ظهري ورجعت تمددت ...وسحب كرسية جنب السرير وجلس و بعينه مليون سؤال وسؤال ..قلت له : تروك وش عندك
جاوبني : الحكااية من طق طق لسلام عليكم
قلت له وانا حاس بتعب : اقوول مو كأن رصاصة داخلة بكتفي وانت حمدالله ع السلامة حتى ماقلتهاا
تركي : الحمدالله ع السلامة ولا يهمك ...ياللا عطنا الحكاية
قلت له وانا ماابي اتكلم : انت ماتستحي ماتشوفني تعبااان
قالي : والله كتفك مو لساانك اقول انطق بالطيب لا انطقك غصب
وطبعا مع تركي لازم الواحد يتكلم حكيت له كل شي من يووم ماقابلت اول مره مصعب بالكوفي شوب وبعدها بالجامعه شلون عرض علي اروج له مخدرااته بعد معرفته بفقررري وشلوون استخدمتني الشرطة عشان اسااعدهاا الين ليلة الباارحة ..
سألني : هذا كله فهمنااه الرصااصه وش حكايتهاا
جاوبته : البارحه رجعت بيتنا متأخر لان زي ماقلت لك كنت مع العصاابة بديت اشتغل على ملف مشروعناا سهرت تقريباا لاثنيين وقتها رن جووالي وكان مصعب متصل علي
مصعب : راكاان البس وتعال على الميناا الرصيف الخامس

سألته : المينا ليه ؟!!
مصعب : العمليه غيرنا موعدها اللبس وتعاال بسرعه
لبست ملاابسي وركبت السياارة وعلى طول ع المينا ..سياارتي موصلة بجهاز تحديد موواقع بمجرد تحركي فالمباحث بتكون عارفه بتحركااتي
تركي يقاطع : اكشخ ولا فلم امريكي ..بس كيف ركبوه لك ؟! ومتى
رديت عليه : قبل امس بالورشة
تركي يهز راسه ..بمعنى كمل ...كملت : المهم انا وصلت للمكاان المحدد لقيت مصعب موقف سياارته طبعا ماقدرت اشوفه زي الناس لكنه اشرلي بالنور وقفت سيارتي ...نزل من سياارته وركب سيارتي ومعاه شنطة
سألته : وووين ؟!
قالي : طريق ثول
قلت له : انهبلت انت بعد فترة وفتره نقاط تفتيش
قالي : ماااعليك انت امشي وانا ادلك
سويت مثل مااقاااالي ..... ومسكت الخط السريع وعلى ثوول يوم بدينا نخرج من جدة وصرنا قريبين من اول نقطة تفتيش قااالي ..: لف يميين
قلت له : ندخل الخلاا ؟!
قالي : ادخل ولا تخاااف
قاطعني : ودخلت ؟!
قلت له : ايه دخلت مشينا بطريق وعره وترااب وغباار مساافة ساعة تقريبااا ...الاضواء مب موجودة يادوبك كشاف السيااارة ...تبغى الحقيقة كنت خااايف ...خفت ان الشرطة مااتلحق علي بالوقت المنااسب خفت ان الموضوع كله مايجب ثمااره ...خصوصا اني بارض مقطووعه ... يمكن طريق غويزة ارحم بمليوون مره
المهم شفت سياارة تأشر لناا من بعيييد تصدق لو قلت ماادري من وووين هالسيااراة جاايه اناا مستغرب
لكن اتوقع انهم كانو بوحده من استرااحات السمك اليين موعد التسليم لان الفلووس كانو حااطينهاا بكيس تحت اكوام من الثلج ببراااده
تركي : لاااااااااااااااااا
قلت له : وقسم بالله يااخي ناس مدري شلون تفكر
تركي : كمل ..كمل
ضحك على شكل تركي الي كأنه طفل بعمر خمس سنيين يسمع حكااية من حكايات الخياال : ههههههههه
تركي عاارف اني اضحك عليه : ووووووجع ببطنك ان شا ءالله كمل جالس يضحك
قلت له : بالله شووف شكلك كيف
عصب: كمللللللللللللللللللللللللللل

قلت له : ان شاء الله ...المهم قالي مصعب اوقف السيارة وقفتها ونزلنا منها ومعنا البضااعه وهذيلاك نزلو بعد ..يوم شفتهم استغربت تعرف المناظر ايل نشوفها بالتلفزيون رجال مشوهيين وشعورهم منكوشه وكل هالكلام هذيل كاانوو عكس أي صورة شفتها شكلهم مثلي انا وانت ناس نظيفة ومرتبه شكلم مثل أي شباب تشوفهم بالشارع ...مستحيل للحظة عقلك يصور لك انهم تجار مخدرااات ..المهم وقفنا وجه لوجه سألو مصعب عن العلامة مصعب نزل من جيب ميداالية كانها كف لونهاا احمر ...وسألهم عن علامتهم طلع واحد منهم ميدااليه برضو كانهاا كف لكن لونها ازرق بالضبط زي اللي تشوفها عندي الشمعوذين واصحاب التمايم
اناا كنت واقف واحس نفسي ارتجف واحد منهم ابتسم : جديد ع الكار
مصعب ابتسم وبانت اسنانه الصفرا المقرفه : مانت شايفه طري
الثاني خبطني ع كتفي بمزح : بيتعووود
مصعب واحد منهم تبااادلو الاشياء مصعب خذ الترمس بعد ماتاكد من كيس الفلووس وهم خذو الشنطة
وبغمضت عيين تسلط علينا ضو كشاافااات وشفنا جيوب الشرطة تقترب منااا صارو زي المجانييين
وكل وااحد جرى باااتجاة اناا سويت فيها فتك " ذكي " ولحقت بمصعب الي عرف اني خنته واني مع الشرطة وحاولت امسكه تضااربت اناا ويااااه ومدري شلون طلع مسدسة وصوبني بكتفي اذكر اني ماقدر حتى اتحرك من الصدمه من الالم وفجا سمعت صوت طلقااات وماشفت الا مصعب طاايح بالارض
وبعدها اسعفوني على هني ...واتصلو يك لانك الشخص الوحيد الي حطيت رقمه بحال صار شي
تركي : اهاااااا مشكور ياخووي ع الثقه ...وخبطني ع كتفي والله واطلع رجال ياارااكان
صرخت : اااااااااااااااخ شفيك انت غبي
قالي : اقوول لا يكثر ترى قالو اصابتك مو خطيره حتى الرصاصة الحمدالله ماوصلت للعظم اتركك من الدلع
دخل علينا الضابط فارس: السلام علكيم
قلت له: وعليكم السلام
سألني : كيف بطلناا
جاوبته : الحمدالله ..بشر ان شاء الله اعترفوا
ابتسم : اعتراف بالسرعه هااذي مااظن يبيلهم يومين ثلاث وبعدها رح يقروون
سألته : ومصعب ؟!
جاوبني : لاا هااذاا جباااان مقابل حقنة مسكن اعترف بكل شي

تركي يتمصخر: ماقالولك ان هذاا ضد حقوق الانساان الطب مهنه مالها قيد او شرط وكل الناس بنظر الطب مهما اختلفت خلفياتهم متساويين ...الله يعينك عليهم
جاوبه : يخليهم ينفلقون .. مصعب وشلته حرام فيهم لفظ الانسااانيه هااذيل سميهم وحوش مرتزقه ...الناس الي تدمر بلدهاا وتحكم على شباابه بالضيااع والموت البطيء مايستحقون مناا الا النبذ ..الاحتقاار ..المووت لان بهالطريقة بس نقدر نوقفهم ..انت تعرف ان نسبة المدمنيين بالسعودية ارتفعت بنسبة اربع مراات بالخمس سنيين الاخيره يعني خلينا انقول لو انهم كانو 10 الاف قبل خمس سنيين فهم اللحين بين 40ل50 الف واكيد الرقم يزيز ويزد خصوصا وان اسعارهاا اليووم صارت باحيان ماتتجاوز 5 ريال يعني مصروف طالب مدرسه
انت لو تعرف ان 80 % من اصحاب العنف المنزلي مدمني مخدرات و 28% من المحكوم عليهم بقضايا جنائية متعاطي مخدرات لما يكون 62% من هتك اعراض الذكور و 60% لاغتصاب البنات كله من تحت راس التعاطي مو مشكله خلهم يلومونااامايهمناا ... مايهمنا واحنا نعرف ان من بين كل 100 مدمن بعز الشبااب تقريبا يكونون بب80 سنه لا وبعد 10 منهم تحت 18 يعني اطفااااااااال وتبيني ازيدك من الشعر بيت المدمن ماايكتفي بنفسه شفنا اصحاب سحبو اصحابهم على نفس الدرب وشفنا عيال خذو ابهاتهم قدوة ومشيو على نفس الطريقه وشفنا الحرييم الي يجبرن من رجالهن ع الادمااان وتعال القااايمه طوويله
ليين ماتتنظف البلد من هالسم لين مااتموت هالافعى سااعتهاا بس رح نلتفت لاهل حقوق الانساان .. احنا راضيين نكون بربريين ومغتصبي حقووق ...كل واحد من هذوول الي يطلعون ع التلفزيونااات ويتفلسفوون لو انهم ذااقو الكااس والله مااتكلموو ..ترى النار ماتحرق الا رجل واطيهاا



انتهى

الخامس والعشرون


استاذن من دوامه لانه لازم يروح للجامعه ..صحيح انه قدم اعتذاار عن الترم لكن لاازم يروح يستكمل بقيت اجراءاته ...من بعد مااخلص معاملاته .. قرر انه يرووح لاقرب كووفي شووب ع الجامعه ..منه يشرب له قهوة وياكله شي يسد جوعه ويعتبره تصبيره بدل الغذا لانه نااوي مايطلع من الشغل عنده شغلاات كثيره لاازم يسويهااا فساعتين الي بين فترتي الدوام رح تفيده ... هو يعرف كوفي شوب مره راايق وحلو موجود بمول قريب من الجامعه ... رااح له وطبعاا وقف السياارة الي استعارهاا من صحااابه ببركناات الموول

× خــــــالد×
نزلت من السيارة بعد ماوقفتهاا بالبااركن ومشيت باتجااه المخرج عشان ادخل للموول ..الا انفتح البااب بقووة وكان وااضح هالشي من الصوت الي طلعه البااب ..شفت بنتين طاالعين وحده فيهم كاانت مسرعه خطواتها اقرب للجري منها للمشي ...وكان في وحده لاحقتهاا شعرها مقصووص بشكل غريب
البنيه ان شعر مقصوص كانت تنادي خويتهاا : حصه ..حصه Wait
لفتني الاسم ...حتى حسيت بلقاافه يمكن ابي اسمع صوت البنيه ...يمكن ابغى اعرف وش الي صااار ...المهم صرت امشي بشووويش بحيث اقدر اسمعهم
غصب التفت يووم صمعت صووت كف ...كان قوي ..وصوته اكيد بيطلع عالي مع الباركن الفااضي
التفت غصب عني ... شفت البنيه الي اسمها حصه عطت خويتها كف وواقفاات بوجه بعض يمكن مااقدر اشوف معالم المضروبة زين لانها عاطيتني ظهرهاا لكن الاكيد منه ان في غصب بالمووضع والدليل من اهتزاز جسم خويتهاا ..
البنيه المعصبه : صحييتي ؟!
المضرووبة : لييييييييش

ردت عليهاا بصرااخ : لييييييييش ؟!!لك وجه تسألين لييش؟!! ابد حبيبتي سوووري انا غلطااانه مااكان لاازم امد ايدي كاان لاازم اصفق لك .. وصفقت باايدهاا .. رااضيه ؟..او ازيد ؟! ورجعت تصفق
المضرووبة : stop it ومدت ايدها تحاول تمسك ايد خويتها وتوقفها ع التصفيييق ..خويتها سحبت ايدهاا بقررف ...what is wrong with you ?
صرخت فيهاا : قرفاااااااااانه منك ... تعرفين يعني ايش قرفااانه منك ... قرفاانه من تصرفاااتك .. قرفاافة من افكااارك .. مستحيل اصدق انك تربية خاالتي ... تعرفين انتي اكبر دلييل على على الانحطااط لامريكي .. وبلهجة استهزااء ...يالامريكية ... ترى احنا ماايشرفناا يكون عندناا نااس زييك .. خذي نصيحتي وخلي امي تحجز لك على اول طيااارة لبلااادك .. رح تعيشيين بحرية بمجتمع متحضر ومتحرر واظمنلك انك رح تلقيين الرجل المثااالي ... وشفتها مشت مبتعدة عن صديقتهاا
طول ماكانت البنية تتكلم كاان صووتهاا يرن رن ..الصووت هااذاا اناا اعرفه ززين ...معقوول تكوون .. لاا مااظن .. بس البنيه نااادتهاا حصه ...معقوول ..الااا ليش لاا الصووت نفسه انا متأكد الا حصه مستحيل اغلط بصووتهاا مستحيييل



× حــــــصة ×
مشيت بعيد عنها وانا حااسه بقرف فضييع صوورتها وهي جالسه مع ذااك الرجال مافاارقت خياالي .. حاسه بغثياان ...عمري ماتخيلت اني ممكن اشوف احد من اهلي بذا المووقف .. نوره جلست معااه من غير حياا تسوولف وتضحك .. وكانها وحده جالسه مع واحد من محارمهاا ... والحبيب كان ماخذ رااحته وقام يلعب بشعرهاا ...وطلب له معسل هو ويااهاا
ااااااااااااه ربي وش صاار بالدنيااا ... وش صاار بالناااس ... دورت بنظري ع السياارة مالقيتهاا ..طلعت جوالي ودقييت ع السوواق ...: وينك يااعبد القاادر
عبد القادر : انا في الحلقه اجيب مقاضي البيت
عصبت : الحلقه ومين اذنلك ترووح ؟
عبد القاادر : المدام طلبتها قبل مااوصلك ... وانتي قلتي اقدر ارووح مكان ماابغى
قلت له : وانت مااصدقت ...شوف 10 دقاايق وانت عندي فااهم ...وقفلت من غير لا اعطية مجال يرد
طالعت حولي حمدت الله ان الباركن فااضي ومافيه احد والله لو يدري ابوي بالي صاار لاا يقص رقبتي
سمعت خطواات وراي التفت اشووف نوره ... احس ان الي بدااخلي لسى ماابرد وابي اقوولهاا كلااام كثثيير
التفت واتفاجأت وانا اشووف الي وااقف وراااي ...خالد معقوول ؟!
نطقت اسمه اتاكد : خالد ؟!
خالد : وين سوواقكم ؟!
بلعت ريقي ..اكيد انه كان موجود من اوول شكله معصب : جاااي بالطريق
قااالي وهو ياشر على نوره ...: جيبيهاا وامشي ورااي بوصلكم
قلت له : ماله داعي السواق اللحين جااي
قاالي بحدة : واناا مااشااورك ..روحي جيبيهاا وتعاالي
هذا الي بااقي خوويلد يتأمر علي : انت مالك كلمة علي
قالي : امشي بالطيب لا تشووفين شي عمرك ماااشفتيه
والله اني خفت منه ..عمري مااشفته يتكلم بذي الطريقه ..رجعت لنووره الي كاانت متسنده ع جداار وشكلهاا في حاله من اللامبااالاة : نعم نسيتي شي
قلت لها: امشي بسرعه
قالت لي : اناا مو متحركة من هنااا
سحبتها من ايدهاا : اقوول امشي مو ناقصه دلع
سحبت ايدهاا : ماتخافين تتوسخيين
قلت لهاا بجفااف : مضطره اتحملك ..انتي امانه ولازم ارجع للبيت مثل مااخذتك منه ... وسحبتها بقووة ومشيت ورى خاالد فتح سياارة وركب فتحت الباااب وقلت لهاا : اركبي
نوره : من يكوون ؟!