عبر عن حالتك النفسيه ببيت شعر...متجدد

‏يا اللي تدور علي زله تبي تزعل
ياخوك ماهوب لازم تنتظر زله

اللي بيجي مرحبا واقولها وافعل
واللي يبي يروح جعل الله يسهلّه

تناهيد المسا في ساحة اجواء الشتاء باتت
وسط ليل تغطى بالظلام ونامت نجومه
تعب تحكي مناويها الين احلامها ماتت
على صخر الجليد اللي به الآمال مهزومه
خنق انفاسهاجو الجمود ونفسها فاتت
وكن الأرض من كل اكسجين الكون معدومه

بوحي

‏طاريك عندي يختلف عن كل شي
من سجة التفكير إلـى نبضة القلب

نخيت العاطفة تأخذ احاسيسي على ممساك
وشديت الظهر في محزم الأشواق ياخذني
وجيت بكل ارتال الغرام وجابني طرياك
وخليت الهوى ياخذ قلم وصلك ويكتبني
ابي لاجيتك بكل الغلا يافاتني القاك
تبادلني احاسيس الوله وتقوم تحضني
بوحي

قلب كساه الهم ماعاد يعنيك
وش حاجتك في قلب عاشق للأحلام
نسيتني وعييت عن ذكر ماضيك
كني الغريب اللي سرت به الاقدام

خذها عيوني لو تبيها عطيتك
ما دامك أنت الشوف والحب والعين


مجرد ذوق

ودي أناظر في عيونك ثواني ...
والصمت شاهد بين شوقك وبيني

مثل المطرياصافي الروح ذكراك
تغسل هموم النفس وتروي ضمها

دعيت ربي ياأبيض القلب يرعاك
ويعطي العيون اللي تظرك عماها