عبر عن حالتك النفسيه ببيت شعر...متجدد

يابعد كل الحياة وياخلف جد الأماني
يامعاني للوجود اللي لعمري مستديمة
والله اني لو اعيشه بعد عمري عمر ثاني
كان اكرر في حياتي قصة الحب العظيمة
بوحي

‏‎وطني أنت الحب
يا حروفي هات في حب الوطن من كل فن
وانظمي في مملكتنا أجمل أبيات القصيد

عيشي الافراح بين الناس في يوم الوطن
واطربي باْلحانك العذبة مووايل النشيد

ماعاد لي قلب ياخذه غيرك
افنيت لك كل المشاعر يا معذبها

تمر الناس بـ عيوني ولو بعدك تمر الناس
عيـوني ما تشوف إلا أنت فالروحه وفالجيّه

ياللي سكنت بداخل القلب والروح
فكري وروحي بالغلا دوم وياك
لا لا تغيب وتزرع بقلبي جروح
من بعد ماقلت العمر حيل يفداك

إلحقني قبل أدخل بظلمة متاهات

أســـــــــــرع قبل ليـــــلٍ يزوّد عــــــــــذابي

الليل أقـــــــرب من نهــــــــاراً لنا فــات

أنظر غروب الشمس وشلون ذابي

تفضل ماقلته عن الوضــــع بالذّات

لاواضـــــــــحٍ حـــلّه وعمقه ضبــــــابي
بقلمي

من يصافينا ولا يجرح نبانا
هو معزبنا وحنا له ضيوفه

ومن يناظرنا بطرف عينه ترانا
مثل ماهو يشوفنا حنا نشوفه

تعال نطيح بأحضان السحاب ونرتشف غيمه
تعال نطير مابين النجوم ونسكن القمرا
على جو الغرام الي تبلل خلوته ديمه
انا وياك في ليل الغلا تحلا لنا السمرا

من بوحي

تدرون وش أزين من العطر والعود ؟
ريحـة جــلال أُمّـي بـعـد ما تصـلّـي

تزهى بهـا طيب المشاعر مع الجـود
ولا جيت ابفداها ؟.. ارحب و أهلّي

اقرب من الأنفاس واغلى من الروح
ياقـــلب يانبضـــات ياشـــوق واكــــثر
ياغـــيمة برقــه على الخـــافق يلــوح
ماها عــلى قـــلب الهـــواوي تــنـثــر
عســـاه يروي لاهما ضــامي البــوح
تمشــي عــروقــه بالغــلا ويتـخــثر
علــه يربع بالعــطا يابس الدوح
ربيــع قـــلب لا مـشــابـه تـعــثـر
بوحي