روايةأما غرام يشرح الصدر طاريه ولا صدووود وعمرنا ماعشقنا/15

غازي\أدري..
انا ما ابيك تعيشين بظلال الماضي..
إما تنتقمين لنفسك وتكملين حياتك..
أو تنسين اللي صار وبعدها تكملين حياتك..
هديل بحقد\ماهو انت اللي تقرر..
غازي\إذاً قرري وإرسي على بر..

صدت عنه وماردت عليه..
وكانت بتطلع من المجلس لما مسكها وقفل الباب..
سحب العباية من عليها وابعدها عنها..
ناظرته ببرود..
وهي تشوف نظرات الإعجاب تنبض بعيونه..
غازي بهمس\جمالك طاغي..
هديل\عجبتك..؟؟
غازي\موووت..
هديل بإنتقام\لأني رخيصة..؟؟

صار اللي كانت متاكدة إنه بيصير..
أنقلب لون وجهه من شدة الغضب..
ورمى طرحتها عليها طاحت على صدرها..
بس طرف صغير من الطرحة ضرب في عينها..

طلعت منها آآآهـ خفيفة..
وحطت يدها على عينها اللي بدت تدمع من الألم..
قربها منه..
ولصقها فيه لما حس فبها تبتعد عنه..
رفع يدها من على عينها وقرب وجهه منها..
أخذ طرف شماغه ومسح أسفل عينها بحنية..
كانت حاطة يدها على يدهـ ..
وتهاوشه بقهر..
هديل\مابقى إلا عيني..بطها وريح عمرك..
ماكفاها العمى اللي صار لها بسببك..
غازي\هشششش...
هديل\كل شيء تسويه توجعني فيه..
لو ما سببت لي الوجع ماترتاح..
غازي\هشششش
هديل بقهر\هشش في عينك..ترى أنا ماعدت بزر..
لما تضربني تقوول هشش وتراضيني..

كانت مغمضة عيونها وتتكلم..
ولا تدري إنه يتأملها وهو مبسووط..
قطع كلامها لما نزل راسه لها وقبلها بعمممق..

تزعل واراضيـك واتلـذذ بتزعيلـك
تبي الصراحه انـا مجنـون زعلاتـك

لاقمت تبعـد وانـا اقـرب وادنيلـك
وامسك طرف غترتي وامش دمعاتـك

وتبدي تعاتب وانا كـل انتبااهـي لـك
ما اسمعك شتقول انا عيني على شفاتك

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

دخل غرفتها وهي كانت منسدحة وبيدها كتاب تقرأهـ ..
ماسلم عليها ولا ناظرها..
أخذ منشفته ودخل دورة المياهـ..
بعد نص ساعة طلع وأنسدح جنبها..
سحب الكتاب من يدها ورماهـ بعيد عنها..
حط راسه على صدرها ولم يدينه على خصرها..
سلمان برجاء\قولي هديل كيف كانت عايشة هناك..؟؟
حطت يدها على راسه وهي مصدومة من سؤاله..
كانت تعتقد غنهم تعدوا هذي المرحلة ولا راح يسألها ويضايقها في هذا الموضوع..
سلمان بقهر\ضربتها وسبيتها اليوم..
وهي هديل اللي راحت له عشاني وعشان اخوها..
لمتها ليييه تزعل..؟؟
ليه تزعل وهي متغربة سنين من غير سبب..
أغضبتني الحقيقة اللي قالتها في وجهي..
سخريتها منه ومن تصرفي المتهور أثارتني..
كسرتها قدامهم وهي هاربة منهم وكارهتم..
قلت لها تستاهلين تروحين بالرخص..
ليته ذبحني قدامها يا ياسمين..
ليت يدي أنشلت ولساني انقص ولا اوجعتها..
يدافع عنها ويموت عشانها..
وهي تصدهـ وتعلن رغبتها بالإنفصال عنه..
أرحمي حالي وجاوبيني بكلمة وحدة..
حياتها معه كيف كانت..؟؟

حاولت تبعدهـ عنها وهي تضربه..
بس ماتركها..
ياسمين تبكي\بتظل مالك أمان..
تضربها وتهينها وهي اللي تعذبت بسببكم..
إنتوا رجال ومستحيل تتحملوا اللي هي تحملته..
هديل طيووبة كتير..حنونة وحساسة..
هديل اللي بعرفها تنجرح من كل إشي..
كيف بيقوى قلبك تغدر فيها وتوقف بصفهم..
صارت رخيصة لما سلمت حالها عنك وعن أخوها..
ياليتها مارجعت لهوون..
كان معها حق لما قالت مابقى إلها مكان بمملكتها..
سلمان إبعد عنييييي..

رفع راسه لها وركز عيونه بعيونها..
سلمان\جاوبيني..
ياسمين\تعرفت عليها وهي حامل..
وحالتها كانت تصعب ع الـــكافر..
وغير هذا ماراح اقووول..
قوم إطلع من غرفتي..ما ارييد أشوووفك..
أنت إنسان مالك امااان يا سلمان..
تضرب بنت عمك قدام أعدائها واعدائك..
تهينها وتظلمها بإهاناتك..إطلع من عندي إطللللع...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛


بالمووت قدرت تبعدهـ عنها..
ضربته وراحت تلبس عبايتها ناوية تطلع وتنتظر علي في الشارع..
بعد مالبست عبايتها سمعت صوت غريب ألتفتت عليه..
وشافته يناظرها وبيدهـ جهاز صغير..
غازي بخبث\وش رأيك تعيدين الرقصة الحلوووة هنا قدامي..؟؟
أرهفت سمعها وعرفت الأغنية ..
نفس الأغنية اللي رقصت عليها بالحفلة..
راحت له بخطوات سريعة..
وأخذت الكاميرا من يدهـ ..
شافت نفسها وهي ترقص في الحلفة ..
ومن دون اي شك عرفت من اللي صورها..
غازي بهمس\حركت خصرك خطييييرة...

أبتعدتت عنه ورمت الكاميرا بكل قوتها بالجدار..
وخرجت من المجلس وطرحتها على راسها..
دخلت الصالة الكبيرة وصرخت باسم رشا..

كانت أم غازي ورشا مع الخادمات يرتبون البيت..
وسمعوها لما نادت رشا بصوت عالي..
حتى راجح اللي كان بالمكتب طلع بسبب صراخها..

لما شافت رشا واقفة جنب أم غازي راحت لها..
وقفت قدامها وبدون اي كلمة صفعتها على وجها بقوووة..
هديل بحقد\هذي ممكن تربيك وتعدل اخلاقك..

شهقت رشا بصدمة وحطت يدها على خدها..
سحبها غازي بسرعة ..
وابعدها عن رشا قبل تضربها مرة ثانية..
نفضت نفسها من بين يدينه وابتعدت عنه..

أم غازي بحدة\هديييل..!
هديل\بأسالك أنتي ليه تربيتك عاااطلة..
بنتك.. ولدك..و أخوان عيالك..
كلللللهم ناقصهم دييين ناقصهم أخلاق..
ناااقصهم رضى بقضاء رب العالمين...
أم غازي\مالك حق تضربينها..
هديل\لا يا أم سعوود..
لي حق أضربها..

راجح بحدة\وضحي كلامك يا هديل..
هديل بجمود\انا في بيتك يا ام سعود..
وبغض النظرعن كوني زوجة لولدك..
كان المفروض تحفظني..
ماهو تصورني بالدس وتعطي الصور
لــ المريض النفسي اللي بليتوني فيييه..

راجح\صورتك..؟؟
هديل\إسألها وهي تجاوبك..
أنا أعلنت لك ولشووق..
إن اللي بينا مابيتصلح..
قلتوا نصير خوات..انا ما اريد اصير أخت لكم..
لاني إن رضيت باكوون اسواء منكم..
لا اخلاقكم ولا حقدكم يناسبني..
أنا ماتربيت على الكرهـ ..
ماشربت الحقد ولا اكلت القهر..
أنا ربي فطرني راضية بحكمه وقضاهـ ..
غازي بغضب\انا اللي طلبت منها تصورك..
هديل ببرود\بكرهـ إطلب منها تنشر الصور مابتقول لا..

غازي بوعيد\تمردتي كثير..
ونسيتي إنك في بيتي..
هديل بسخرية\وش العقاب بيكون..؟؟
ضرب بالسووط ولا انظف إسطبلات الخيل..؟
غازي\سجن مؤبد في بيتي..
هديل بتحدي\في خيــــالك وابعد أحلامك..
غازي بهدوء\تغيرتي كثير يا الواثقة..
هديل\إحصد مازرعت..

قرب منها وكان بيشيلها ويأخذها لجناحه..
بس راجح سحبه منها وابعدهـ عنها..

أستغلت إنشغاله براجح..
وطلعت من البيت بسرعة..
خرجت على الشارع..
وشافت علي واقف ومستند على سيارته..
صرخت باسمه وهو جاها بسرعة..
تمسكت فيه\ليييه تاخرت..؟؟
علي\أنتظرك من نص ساعة ماتردين على جوالك..
هديل\مدري وينه..

أبتعدت عنه وركبت السيارة بسرعة وقفلت الباب..
حرك علي السيارة وهو ملاحظ رجفة يدها..

طلع ووقف على الشارع يناظر سيارة علي تبتعد..
أبتسم من زود همه عليها ..
غازي بحنين\أنا كل مادعيت الله يجيبك زدتني ببعاد..
رح الله لايردك يمكن الدعوات مقلوبه ...



علي بهدوء\كيف كانت سهرتكم الليلة..؟؟
هديل\......................
علي\هديل احد زعلك..؟؟

آآآآآآآآهـ ما أكبر سؤالك يا علي..
أحد زعلني..؟؟
أبد يا أخوي..اللي زعلوني ماهم كثير..
وتقدر تعدهم بثواني..
إحسب على يدك..كل هــ العالم جفاني..

علي بحنية\هدوول ردي علي..
هديل\طلعني من الديرة يا علي..
خرجني من الرياااض..
تكفى يا علي طلعني..
علي\ماطلبتي غالي..
إقري دعاء السفر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


طلعت من غرفة التبديل وهي تنشف شعرها..
أخفت الفستان عن عيون راجح..
لانها قررت إن هـ الليلة انعدمت وراجح ماهو راضي عليها..
من بعد مارجعت من بيت أم غازي وهو مايتكلم معها..
وقفت عند التسريحة وناظرت بوجها..
مافيه أثر لـ الكف اللي ضربتها فيه هديل..
بس كلامها وغهانتها لها قدام الكل واهمهم راجح توجعها كثير..
ألتفتت عليه لما دخل الغرفة ..
ماتكلم معها ولا كأنها موجودة..
تحمم بدل ملابسه وطلع من الغرفة ..
راحت وراهـ وشافته يدخل الغرفة الثانية وينام فيها..

قربت منه وجلست على السرير..
راجح\قومي إطلعي برا..
رشا بغصة\راجح أنا آسفة..ما قصدت الشر..
راجح بحدة\إطلعي برا يا رشا..
رشا تبكي\والله العظيم ما في نيتي ازعلها..
صورتها عشان غازي..
راجح بقهر\لا تتعذرين بعذر اقبح من ذنبك..
رشا\أدري إني غلطت..بس هي زوجته..
راجح\غلطتي وبسسسسس..
لا تقولين زوجته لأن أنا وانتي نعرف طبيعة العلاقة بينهم..
أخوك لا عزها ولا قدرها مثل ما أنا مقدرك..
ما احترمها مثل ما احترمتك..ماعطاها أدنى حق..
إللي هو مسمى زوجة..حرمها منه واهداء لها مسمى جارية..
مهما تعذر غازي وحاول يصلح أمورهـ معها..
بأظل واقف بصفها..واي شيء يصب في مصلحتها راح اسويه..
ولو بيدي أطلقها منه طلقتها وريحتها..
تدرين ليش لأن أخووك ما يستاهلها..
رشا تبكي\بس هو يبي يراضيها..
يبي يعوضها عن كل شيء..
طلب مني أصورها..صورتها لأني أحبه ولا اقدر أردهـ..

وقف وابتعد عنها..وقبل يطلع من الغرفة..
راجح\أنتي أخته ولا راح امنعك منه..
ولا راح اخيرك بيني وبينه لأني مو مثله..
بس والله العظيم يا رشا إذا تعرضتي لهديل مرة ثانية..
ولا سويتي شيء لها بأمر من غازي فأنتي علي حرام..
وعليك يمين الطلاق..

تجاهل شهقاتها وصوتها اللي أعتلى بالبكاء..
هي صدقت تربيتكم قاسية ماترحم..



إلى الملتقى بإذن الله تعالى ...

أعلم بأن البارت قصير ..
ولكن هذا ما استطعت كتابته ..
فلي ظروفي ويدي لازالت مكسوورة..
فـ ألتمسوا لي العذر ولا تقسوا علي..

كووونوا بخيـــــــــــــر ..


صدووود’’’


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ




السلام عليكم ورحمة الله وبركاته ...

صبــــــــــــاح\\
لقاء الأحبة من بعد فراق ..

مســــــــــــاء\\
عقود من الرحمة..

كيكفم الـــ ليلاااااااس..؟؟
أحبتـــــــــــــي في كل مكان ..؟؟

عذراً لإنشغالي عنكم..
رغم إبتعادي القصير عنكم لم تغيبوا عن بالي..
فكلما إقتطعت وقت فراغ كتبت لكم فيه..
لم التقكم فجر السبت ..
ولا اعتقد باني أستطيع الإبتعاد أكثر..
فلقد أصبحتم جـــزءً مشرق من حياتي..

صديـــقاتي وأخواتي..
يامن لم ترضين بـ الإجحاف بحق الرواية وحقي..
كلماتكم كانت كــ البلسم الشافي..
فـــ شكــــــــراً بحجم السماء لكونكم بالقرب مني..





همسة\\

لمن أصابهم الملل من الرواية وصاحبتها..وبدأو برشق الكلمات والآراء..
تقولون بانكم لن تكملوا معنا إلى النهاية بسبب الملل..
لا بأس بذلك..فلكم حرية الرحيل..فلم نعلم بوجودكم ليحزننا غيابكم..
ولكن لا تملكون الحق بإغضاب بقية رُكاب السفينة بكلماتكم وآرائكم..
إستعيروا مركبًا صغيراً يتسع لكم وأبحروا إلى حيث تريدون..
فلـــستم مجبرون على البقاء معنا..ولسنا مجبرون على تحملكم..
فأنا لازلت مصممة على إكمال الرواية كما خططت لها..
وبذلك قد يطوول بكم الملل ويغرقكم..
وأنا على يقين من أنكم ستكملون معنا من خلف الكواليس..
ليس غروراً بقدر مايكـــون ثـــقة ...
في أمان الله يامن أصابكم الملل..



البارت إهداء ..
لجميـــــــــــــــع أحبتـــي..


البارت الخامس والسبعـــــون ..


قبل أن ترتعش الكلمة كالطير.


قفي!

وانظري أي غريب

أي مجهول طواه معطفي

وخذي صبوتك عني..

واختفي.

واقفٌ وحديَ في الميدان

والفجر على الأفق حصان

شده الشوق وأرخاه العياء

والمدينة

تتلقى قبلة الصبح بشيء من حياء

وعلى كفيَّ منديلك أشذاء حزينة

آه! ما أقسى طلوع الفجر
من غير حبيب

ورجوعي كاسفا لا شمس عينيك

ولا سحر اللقاء

المرحوم بإذن الله تعالى..غازي القصيبي...



قد يكون خشـــوع ورهبة..
وربما شوق وحنين لـ لقاء اسمى وأطهر من كل لقاء..

حست برجفة قوية تتملكها..
من أعلاها لأسفلها..
جلست على ركبها بضعف..
متعلقة عيونها بـ الكعبة..
غصب عنها تطلع شهقات متتالية أليمة..
لمت يدينها حواليها وهي تناجي ربها بصمممت ودموووع..
مالقت احد من البشر ممكن يتحمل وجعها..
أو يقوي قلبه ويكتم شكواها..
لكن الله لا يخذلنا ابداً ..

هو الله..
من يعلم مافي السرائر..
من يشرح الصدر بنفحات من الإيمان والرضى..

الدموع اللي كانت كابتتها من فترة..
ماقدرت تتحكم فيها..
تبكي بصوت حاولت تكتمه لا يطلع..
ماقدرت تدعي عليهم ..
وقوفها في بيت الله منعها من الحقد..
منعها تدعي على الناس إلا بالصلاح..
حرام تجرح عمرتها بالدعوة عليهم..
فطرة من ولادتها وهي كذا..
مهما أنجرحت او أنظلمت..
ماتقدر تدعي على اللي ظلموها..

دعت الله يصلح حالها وشانها كله..
يقدم لها اللي فيه الخير..
ويجبر قلبها ويدمل جروحها..
لأنه الوحيد القادر على تصبيرها وإعانتها..

حست بعلي أخوها يوقفها ويبتسم لها..
علي يبتسم\لازم نكمل عمرتنا..

تمنت لو تحضنه لو تشيله على راسها..
طلبته يطلعها من الرياض ولا درت وين يوديها..
لحتى وصلوا الميقات واحرموا ونزلها الحرم ..
لما عرفت إنه ماخذها لمكة..
كانت تحس بخجل وشوووق عظيم من دخول الحرم..
لأنها سنين مضت ما اعتمرت ولا طافت وسعت..
وهي متعودة من صغرها في كل سنة تزور الحرم..

أنبسطت لأنها صارت تحس بإحساس أنسلب منها من زمان..
حست إنها رجعت مثل ماكانت ..
طاهرة طيبة ومسئولة من هلها..
لو كانت أمها وابوها أخوانها معها..
كانت فرحتها بتكون اكبر ..

شدت على يد علي وبدو عمرتهم..
وهي طول الوقت تبكي وتستغفر..
ومن شدة إنفعالاتها توشك إنها تفقد وعيها..

خلصوا عمرتهم وصار وقت الوداع..
ترجت علي ما يوادعون ويظلون اكثر..
وقضوا بمكة أربع ايام ..
وكانت كل فرض تصليه بالحرم..
وإذا ماطلع معها علي تنزل لوحدها وتروح الحرم..
ماكلمت احد من اهلها..
حتى ذياب ماحست بخوف عليه مثل قبل..
كانت مطمنة لانه مع أمها..

مع حلول وقت الفجر بأحد الأيام ..
حست برضى كبيير على حالها..
وإن كل شيء صار معها تشوفه بمنظر التفاهه وعدم الأهمية..
أهلها بخير..ولدها طيب..
هو وهله ما اذتهم بشيء..
ومصير الدنيا الفناء..

مآفيهَ حاجة تستحق الاكَتئآبْ
دامكَ تصلي الخمَس و أحَبابك بـ خيرَ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

مرت عليها أيام صادة عنه وصاد عنها ..
يتشاركون بنفس الغرفة وحالتهم مثل الأغراب..
ينام الليل وهي صاحية...
يوطلع النهار وتظل صاحية..
مضت ثلاث أيام مانامت كانت تحس بنعاس هادي..
لكن تقاومه وتمنع نفسها من النوم ..
لما حست فيه طالع من دورة المياهـ ..
تركت الغرفة واخذت غازي معها..
نزلت المطبخ..حضرت وجبته..
وجلست تأكل غازي..
دخل المطبخ سلم بهدوء وردت عليه بهمس..

أخذ كوب الحليب وهو مركز عيونه عليها..
كان يدري إن نتيجة تهديدهـ لها وهواشه بيكون قاسي عليها..
متفهم إنها أخته وتبي تساعده عشان راحته..
بس يكفي على غازي اللي دمره بحياة هديل وأهلها..
ومايبيه يدمر اللي بينه وبين زوجته بطلباته المتهورة..
لاحظ رجفة يدها وهي تأكل غازي ..
أبتسم وهو يتخيل نفسه مكان غازي الصغير..
تبتسم له وتقبله..
قرر ينهي البرود اللي صاير بينهم ..
ويحاول يسترجعها قبل اللي صار بينهم..

وقف وراح لها قرب منها مرررة..
أنحنى من وراها وحط وجهه على كتفها..
وتكلم وهو موجه كلامه لغازي ظاهرياً ..
بينما المقصود منه هي رشا..

راجح بحنية\مشتاق لك يا دوب..
غازي يضحك\دوب انت..
راجح يضحك\ههههههههههه وحتى لو دوب أحبك..
غازي\اروح معك..؟؟
راجح\ياصبح اصبح..لا مابتروح معي عندي شغل..
غازي\كل يوم شغل..؟؟
راجح\وانت كل يوم زعل..؟؟
غازي\بنروح لشوق..
راجح\شوق راحت الشرقية..
وانتوا خلوكم معي ماحد يبيكم كثري..

بعدت عنه ونزلت غازي من على الكرسي..
غسلت يدينها وقبل لا تلتفت حست فيه يحضنها من ورى ويقبلها على رقبتها..
راجح بحب\ماتهونين علي..
انتي هلي وربعي..خلينا ننسى اللي صار..
رشا بهدوء\طلقتني مرة..وباقي مرتين..
شكلها بسيطة عندك وتقدر عليها..
راجح\الأولة عذرتيني عليها..
رشا\عذرتك عليها وهي أصعب من سواتي مع هديل..
على الاقل صورتها لزوجها..
ماشككت بدينها واخلاقها مثل ما انت سويت..
عذرتك على شكك وسامحتك..
بس ما اعذرك على طاري الطلاق..
وكأن فراقي عادي ومايهمك..

حاولت تبتعد عنه بس ماسمح لها وقربها منه اكثر..
راجح\أعرف إن كلامي كان جارح ويوجع..
بس إلى الحين ماني عاذرك على اللي صار..

نفضت نفسها عنه وواجهته بحدة..
رشا بقهر\ومن قال إني أبيك تعذرني..
أو إنه باقي يهمني رأيك ونظرتك لي..
راجح بهدوء\يعني مايهمك..؟؟
رشا\لا مايهمني..لانه الشخص الطيب اللي عايش جواتك..
يصحى لحظات ويغفى بنوم قهري ظااالم..
يعني أنا ما استاهل من حنيتك شوي..؟؟
راجح\لا تصيرين من مكفرات العشير..
أنا ماقسيت عليك من غير حق..
رشا بصوت باكي\ما باظلمك..تقسى علي بحق..
بس أنت لما تقسى تجرح يا جااارح..
لما قسيت علي زمان طلقتني..
وهذي المرة هددت بالطلاق..
لانك تدري إن اقسى شيء يجرح الحرمه هو طاري الطلاق..
وخصوصاً لما يتكلم زوجها عن الطلاق وكأنه يتكلم عن هواية..
وتحس إن وجودها وعدمه واحد بحياته..

قرب منها وهي بعدت ومدت يدها تمنعه يقرب..
رشا بغصة\أدري إنك مو متهني معي..
ومن قبل لا نتزوج وأنا معذبتك بهمي..
بس رجيتك إذا لي خاطر عندك..
إن جيت تقسى مرة ثانية..
إقســـى بس لا تشهر سيف الطلاق..

طلعت وتركته من دون ما تستمع له أو تسمح له يلمسها..
تنهد بيأس وهو يقدر كل كلمة قالتها..
الطلاق شيء ماهو سهل..
كان بإمكانه يعاقبها أو يضغط عليها بشيء ثاني..
باين من كلامها ومن دموعها إنها مجروحة منه..
راجح بقهر\الله يصلحك يا غازي..
محتاس مع حرمتك إلا تحووسني معك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

طلع من المحكمة ومعه ثنين من أصحاب المهنة..
وسيارة شرطة تنتظر نقل المحكوم عليه..
كان يتناقش معهم عن القضية اللي هم مستلمينها..
وأنجبر يصد عنهم بسبب اليد اللي على كتفه..
ألتفت على اللي وراهـ وعقد حواجبه مستنكر وجودهـ ..
غازي بحدة\ممكن يا سيادة المحامي..
هادي بهدوء\عن إذنكم يا شباب نلتقي في المكتب..

ابتعد عنهم وغازي معه..
غازي\وين وديتوها..؟؟
هادي بإستغباء\من هي..؟؟
غازي بجمود\زوجـــــتي ..
هادي بسخرية\مضيع زوجتك..؟؟
غازي\أكثر من إسبوع وين مخبينها..؟؟
هادي ببرود\يمكن رجعت إيطاليا..
أو سافرت تكمل دراستها اللي حرمتها منها..
أو...... الله أعلم وينها فيه..
غازي بغضب\إما ترجعونها أو رجعتها غصب عنكم..
هادي بإستخفاف\كيف بترجعها غصب عنا..؟؟
يعني بتخطفها ..؟؟
غازي\القانون معي..
هي زوجتي وبترجعها لي المحكمة يا محامي..
هادي بحدة\ما انصحك تدخل المحاكم..
لأنك بتجبرنا نفتح ملفات لازم تتقفل..
وفي النهاية بيحكم القاضي لصالحها..
غازي بتحدي\أكيد لصالحها وهو إنها ترجع لبيتها..
هادي بتحدي مشابه\إنساها سافرت ولا بترجع..

تمالك الاعصاب والثقة الكاذبة غابت عنه..
التوتر والغضب اللي صاحبه الفترة الماضية سيطر عليه..
شدهـ من جيب ثوبه وضربه على الارض..
غازي بغضب\وين وديتوها..؟؟
هادي\ههههههههه خمس سنين ونرجعها لك..
إحسب من الحين ترى بسيطة بتمر بسرعة..

ضربه بقهر وهو يستجوبه عنها..
ويزيد قهرهـ من ضحك هادي وسخريته منه..
تدخلوا الشرطة الموجودين عند المحكمة..
وهادي قال لهم إن غازي يتهجم عليه من غير حق..
ولأنه محامي عن عدو غازي اللدوود..
فأخذوهـ معهم لمركز الشرطة..
وغازي يتوعد في هادي اللي يودعه بخبث..
وبعدها أتصل على علي وقاله اللي صار وهو مبسوط..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

طلعت من الغرفة وهي لابسة عبايتها ولامة طرحتها على شعرها..
شافت علي يكلم في الجوال ويضحك بصوت عالي..
أبتسمت على صوت ضحكته وجلست جنبه..
علي\ههههههههه طيب يالشري..
خلاص أنا اقول لها المهم ماكسر لك ضلع او عظم..
هادي يضحك\ههههههههههه لا ابشرك بس طق لي ظهري..
علي\ههههههههههههه الحمدلله على السلامة ..
هادي\الله يسلمك...عاد قول لها خلها تنبسط شوي..
لانه بيطلع بسرعة واصل ابو ذياب..
علي\ألحين طلع منها ولا على باله..فمان الله..

قفل جواله والتفت عليها وتامل وجها..
ملاحظ عليها التعب من عيونها..
أنبسط كثير لانه أخذها لـ العمرة..
تغيرت مرررة..
تسولف معه تضحك وتحاول ترجع حياتها اللي أنسلبت منها..
تمنى لو ياخذها المدينة المنورة ..
بس ظروفها الخاصة منعتها تروح لـ المدينة وتزور الحرم..
ولما طلبته مايرجعها الرياض ..
قرر يأخذها معه لـ الشرقية..وألحين هم في الشاليه..

هديل بإبتسامة\ضحكتك عجيييبة..
علي\انتي سبب ضحكتي..
هديل\يا فديتك..وش سويت وكسبت اجرك..
علي\توهـ هادي مكلمني..يقول فيه خبر بيسر خاطرك..

رمشت وأبعدت عيونها عن عيون علي..
هادي مجرد ذكر اسمه يكسر قلبها..
تدري إنها جرحته كثييير..
كل شيء بيتصلح مع أهلها..
بس مع هادي مشوارها طووويل..
علي\ويين سرحتي..؟؟
هديل تبتسم\معك ماسرحت..
علي\طيب إسألي وش الخبر اللي عندهـ ..
هديل\الله يسعدك ويسعده..
دامكم بخير فكل شيء بيفرحني..
علي\واللي يقولك إن غازي في السجن..
هديل بصدمة\.........................سجن..؟؟
علي يضحك\هههههههههههههه إيه نسيبنا في السجن..
هديل بهدوء\ليـــ...ــش..؟؟
علي\ماسكينه في الشارع يتضارب مع واحد..
هديل\علي ...!
علي\هههههههههه استغفر الله..
طيب بأقولك..
الاخ صارله فترة يدور عليك..
خايف لا يكون هربناك خارج المملكة..
عاد كذبنا عليه وقلنا إيه سافرت لـ الخارج..
عاد هو له معارف وقدر يعرف إنك ماطلعتي من السعودية..
وراح اليوم لهادي وكفخه قدام المحكمة..
الشرطة فزعوا وخذوا الجاني لـ المركز..
هديل\الجاني..؟؟
علي\ههههههههههه يا اختي عاجبتني الكلمة..
لما قالها هادي حسيت إن الكلمة لايقة عليه..
هديل تبتسم\لا ماتلبق عليه..
علي\؟؟؟؟؟؟؟؟؟؟؟؟؟
هديل بهدوء\علي أبيك تطلب منه يجي هنا..
لازم نتفاهم معه..
وأنا اعرفه عنيد وإذا رجعت الرياض يسوي اللي في باله..
علي\لا تشيلي هم..هو يدري انك مو في الرياض..
وبكذا ما بيقدر ينفذ خطته..
هديل\خله يجي..وأنت بتكون موجود..
لازم يفهم إني مابارجع له..
ما ابيه يحرجكم مع الناس..
علي\أنا ماصدقت أشوفك مرتاحة وتبتسمين..
تبيني أجيبه ينكد عليك..
هديل تبتسم\لا تخاف الكآبة الزعل دفنتها وأنا أطوف على البيت..
الحمدلله انا مرتاحة..ويكفيني إنكم بخير..
علي بحنية\كلمت أبوي..
بكرهـ بيجي مع الأهل وننبسط كلنا هنا..
هديل تبتسم\إيه كلمني وحسيته بيطير من فرحته..
علي\خلاص أجل إنسي غازي وإنبسطي معنا..
هديل بتردد\لا خله يجي اليوم..
ما ابيه يقابل هلي أو يغثهم..
خلني أرمي هذا الهم وارتاح..
علي\طيب بأقول لهادي يدله على مكانا..
بس إذا مسخها الله يعينك تفكين بينا..بس ترى بنفغصك..
هديل بتعب\لاااا تكفى ما مليتوا ضرابة وهواش..
علي\بصراحة لما اتضارب مع زوجك أحس براحة..
خليني ابرد حرتك وحرتي فيه..
هديل تبتسم\كفخه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قفل جواله وهو يغلي من الغضب..
وش تبي فيه تطلب حضووورهـ ..
معقولة يكون غالي عندها وتبيه يطلع من السجن..
يعني تبي تتصافى معه وتقاطعني..؟؟
دخل المركز وهو يتوعد في غازي مايطلع من السجن..

دخل المركز وطلب يشوف غازي..
ما انصدم لما شافه في مكتب العقيد..
سلم وجلس معهم..
وعرفه العقيد لانهم يتقابلون كثير..
هادي بسخرية\يا عقيد انا أشتكي على نسيبي..
ضربني قدام الناس..
العقيد\ههههههههه الأخ غازي قال عن مقلبك فيه..
بصراحة انصدمت إنك تشتكي على نسيبك..
هادي بإبتسامة\متسلف مني من خمس سنين ..ولا رد الدين..
غازي بسخرية\الليلة ارد الدين يا ابو نسب..
العقيد\الحمدلله اللي كسبنا شوفتك اليوم يا ابو ذياب..
وانت يا أخوي هادي..مقالبك خلها بعيدة عن السجن..
هادي\ماحلت الا في السجن..بس ماعرفت إن بينكم معرفة..
لا يكون خريج سجون يا ابوذياب..؟؟
العقيد بإحراج\حشاهـ ما انسجن الا في خير..

أستئذن منهم العقيد وخرج من المكتب..
لأنه لاحظ عصبية غازي..
وكلامه ما أثار آي فضول عند هادي..
هادي\تبي تعرف وينها فيه..؟؟بشرط..
غازي\وينها..؟؟
هادي\بأقولك لأنها طلبتني اقولك..
بس انا عندي شرط..تقضي الليلة في السجن..
بأي تهمة تعجبك..إختطاف..تزوير..قتل..اللي تبي..
وبكرهـ إطلع من السجن والعنوان معك..
غازي بتحدي\دامها طلبت إني أعرف وين مكانها..
فانا باعرفه من دون مساعدتك..
ألبي لها وين ما تكون..

طلع من المكتب وهادي مبسوط لانه ما قاله وينها فيه..
مثل ما درت في إيطاليا أدورها..
دوور على المملكة ودور عليها..
أدري ما بتلقى ربع ما لقيناهـ ..

وباقي حساب النذل سلمان..
خله يرجع من دبي ولكل حادث حديث..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من البيت ومشت في الحديقة..
صار لها اكثر من شهر وهي في بيت اهلها..
لما يتصل عليها تقفل جوالها..
ولما يرسل رسالة تحذفها قبل تقرأها..
تحس بنفوور كبير منه..وبنفس الوقت تتمنى تشوفه..
جلست على مقاعد الحديقة ..
وكان جوالها في يدها وتقرأ رسالة من راكان..

شفت الليالي وش تسوي و الايام
شفت الخوي وشلون ينسى خويه..؟

غادة بتعب\أوف حتى رسالتك معطرها بريحتك..
قفلت الجوال بعد ماحذفت الرسالة..
راكان يبتسم\يالكذوووب الرسالة بعد فيها ريحتي..؟
وقفت بسرعة وبعدت عنه..
غادة\وع وش جابك..رووح لبيتكم..
راكان بضحكة\المفروض أعطيك بوكس على اسنانك..
يعلمك كيف تقولين وع..بس عاذرك..
غادة بقهر\ياربي راكان روووح تنظف..وعععع..
راكان بمرح\والله انتي جنيتي على نفسك..

لم يدينه حواليها وضمها له وقبلها بقوووة..
أنبسط على محاولتها تبتعد عنه وهي تضربه وتصرخ..
راكان بحب\أبى اعرف مالقيتي غيري تنفرين منه..
عنبوا ابليسك نسيتي أيامنا الحلوة والرومنسية..؟؟
غادة تبكي\وخررر عني..طلقني ما ابيييك طلقني..
راكان\أوف بس أنتي عدي الشهرين الجاية وحسابك عندي..

بعد عنها لما زادت في البكاء..
غادة\والله اعلم ابوي إنك تتحرش فيني..
راكان\هههههههه اتحرش مرة وحدة..
غادة وبدت تحس انها بتزوع\طلقني..

دخلت البيت تركض هاربة منه وهو يضحك عليها..
تهرب منه حتى في الإتصالات..
من لما عرف إنها حامل وهو مشتاق لها ..
كان يتمنى لو يشوفها ولو بالصدفة بس هي ما تسمح له..
ولما ينذكر اسمه تبكي وتطلب الطلاق..
كان يتوعد فيها بس تهدأ نفسها وترتاح يطلع كل فعايلها من عيونها..
وكل ما تذمر يقول مالقت غيري تتوحم عليه..

ألتفت على صوت محمد الغاضب بتمثيل..
محمد\خيييير جالس تتحرش في أختي..؟؟
راكان\ههههههههههه سمعتها المهبولة..
محمد\هههههههههه قليل أدب طلقني..
راكان\هههههههه تبطين عظم..
محمد\ترى بتروح معنا بكرة..
راكان\وين رايحين..؟؟
محمد\الشرقية..يومين وراجعين..
راكان\أفا ولا تعزمون ولا شيء..؟؟
محمد\هذي سفرة عائلية..يعني بس الـ حسين بن جاسم يروحون..
راكان\ولدي ماهو منكم..لذلك مايروح..
محمد\نذل..
راكان\ههههههههههه الله معكم ترجعون بالسلامة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

توني حسبت حساب بعدك وفرقاك
توني دريت اني بدونك ولاشي
خليتني مابين طيفك وذكراك
عذبت حالي ليش ماترفق شوي
ارجع ولو تامر على الروح تفداك
ارجع ترني شفت موتي وانا حــــي ...

ركب سيارته متوجه لـ الشرقية ...
قدر يعرف مكان علي عن طريق أصحابه في البنك..
اتصل عليهم يسأل عن علي وإنه ضروري يلقاهـ قبل يسافر..
بس تعذروا منه وقالوا إنه مسافر ماهو في الرياض..
وسأل عن المدينة اللي هو فيها..
وعرف إنهم في الشرقية..

وصل الشرقية وأتصل على جوال علي..
وكان متأكد إنه راح يرد عليه ولا بيطنشه مثل قبل..
لانهم وأخيراً رضوا يدلونه على مكانها..
غازي\وينها..؟؟
علي ببرود\معي..
غازي\ويـــن..؟؟
علي بهدوء\هي طلبتك عشان تتفاهمون على كل شيء..
أتمنى تحترم رغبتها وتريحها..
ما ابي اتمشكل معك بوجودها..
غازي بسخرية\خايف..؟؟
علي يبتسم\إلا متمني اغرقك في البحر..
غازي\حلووو في أي شاليهات أنتو..؟؟
علي\تدري خسارة الذكاء اللي فيك عليك..
غازي\قل اعوذ برب الفلق..
علي\هههههههههه حن في شاليهات..........رقم......

قفل الجوال وهو يتوعد فيهم وفيها..
مثل ما تركت الرياض من غير علمه..
أجل تبين نتفاهم يا دلووعة هادي..؟؟
تستقوين فيه ومبسوطة بلمتهم حوالينك..
كابري ومثلي بقد ماتقدرين..
راجعة لي بعون الله راجعة..

إسبوع وزيادة مرت عليه..
لما كان ناوي يحدد اليوم اللي يروح فيه مع جاهة كبيرة جامعها من قبايل كثير ومشايخ..
حتى الأمراء دخلهم في جاهته ولبوا طلبه..
بس اجل زيارته لما اعترف ابوها وحلف غنها ماهي موجودة في البيت..
وإذا جاب جاهته معه ما بياخذها لانها مسافرة..

قلب الدنيا عليها..
سأل عنها في المطار في الرحلات الداخلية والخارجية..
بس ماأنذكر لا اسمها ولا اسم علي..
واليوم عرف مكانها وحالف ما يرجع الا بها أو بوعد منها ترجع له..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

دخلت الغرفة بعد ما نيمت غازي بغرفته..
كانت ناوية تترك الغرفة له وتطلع منها..
بس هذا الشيء راح ينحسب عليها..
فقررت تظل في الغرفة وإن كان يبي يترك الغرفة ويهجرها بكيفه..

شافته واقف ويناظرها بنظرات غريبة..
ماقدرت تفهم شيء من نظراته..
بس الرجفة اللي حست فيها نبهتها إنه شيء مو لصالحها..
توجهت لدورة المياهـ..
اخذت علاجها من الصيدلية الصغيرة..
وهي ملاحظة إنه يراقبها..

قررت تطلع من الغرفة بسرعة..
لأنها حست بشيء غير طبيعي صاير في راجح..
رفعت عيونها والتقت بعيونه..
مرت دقيقة ولا واحد منهم تكلم أو شال عيونه عن الثاني..

فقدت كل ثقتها بنفسها..
كانت بتصرخ فيه وش فيك..؟؟
ليش تناظرني بهذا الشكل..؟؟

الخوف من شيء مجهول سيطر عليها..
فلما قرب منها صدت عنه بسرعة وخرجت من الغرفة..
دخلت غرفة غازي وقفلت الباب عليها..

جلست على الكنبة وهي مغمضة عيونها..
لا فيه شيء..والله فيه شيء..
أول مرة اشوف راجح كذا..
هو يحبني..أدري يحبني..
بس اليوم هو غير..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تقول اللي طرف عينك انا مدري هدب او عود
احس اني من اللي صابها ماشوف قدامي ..
همست و قلت لا تخافي على بحرالعيون السود
على شط الكحل مريت و هذا موضع اقدامي...
ادور عن ذهب عمري بقايا كنزي المفقود
و اشوف الموج يطوي الموج و يبحر مركب ايامي ...
عيوني بسمة عيونك ولو صارت مطر و رعود
ابشرب من ضما دمعك و بغسل جرحي الدامي ...
عطيني عيونك الليله و باكر ياعساه صدوود
امانه لا مسحتي الكحل خلي طيف احلامي ...
أحبك كان يكفي الحب جروحي في هواك شهود
انا اللي راس مالي حلم و هم الدنيا قدامي....

وقف عند الشاليه وألتفت على البحر..
كانت واقفة قدامه ولامة عليها وشاح..
نزل لها عرفها مع ظلام الليل..
وكيف ما يعرفها وقلبه نبهه إنها غلاهـ ..

قرب منها مرررة..
وأستغرب ليه ماتلتفت عليه..
من قربه لها عرف إنها ماحست فيه ولا تدري عن وجودهـ ..
تناظر البحر البعيييد..
وكأنها ممكن تشوف نهايته أو اللي بداخله مع الظلام..

ذكرته نظراتها بحالها في القصر بإيطاليا..
لما كانت كلها امل برجوعها لـ السعودية..
ونظراتها لما كسرها وأحرق لها ذاك الامل..

قرب منها ومد يدينه لها..
وقبل يلمسها تكلمت..
هديل بتعب\اللي بدأ المأساة هو اللي ينهيها..
أنت بديتها وأنت لازم تنهيها..

لم يدهـ على كتفها وقربها منه..
غازي\وإذا صار اللي تبينه..
وش نهايتك ونهايتي تكون..؟؟

هديل\اللي ماله بداية ماله نهاية..
أعترف..أنا مستحيل أتخطى اللي سويته معي..
وإن تركتني أضـ...................

هزت كتوفها دليل على الحيرة والعجز عن الكلام..
غازي بكفاح\طيب ليه أتركك..
إرجعي وخليني أصلح شيء من ما هدمته..
وعد إن ماقدرتي تتحملين حياتك معي..
باتركك تروحين وبأبتعد عنك..

هديل\وش ترتجي مني..؟؟
تبيني أرجع ليه..؟؟أنا ما اقدر أكون لك زوجة..
أنا ما بأريحك ولا بأريح حالي..
أنا مم.. مــ..ــانـــ.......

غازي يرفع وجها له\فقدتي ثقتك بنفسك بسببي..
هديل انتي قلتي لا تداوي الجرح بجرح..
كلمتك حكمت عقلي وأنا أبي أداوي الجرح..
خليني أداويه..