رواية طويلة لا تشتكي من همومك للناس/4

× راكان ×
كنت اضحك على شكلها وهي بالمطبخ حاايسه .. وشعرها الي طال كان مضايقهاا قربت منهاا ورجعت شعرهاا ورى اذنهااا
نور بطفش : بدال ماااترجع شعري تعال سااعدني
قلت لها : بالله عليك و ش تسوين انتي اصلا كلها نواشف وبيض مايبيلهاا شي
نورة : وهي تناولني الصحون : في امريكا الرجال يساد حرمته
قلت لهاا: هذااااك بامريكاا
اخذت الصحون وحطيتهاا ع الارض
نورة وهي تجلس: متى رح تشتري بالله سفره مين ياكل ع الارض
طنشتها ولا كأنهاا تتكلم ..سالتني : متى بتطلقني
قلت لها وانا احط الجبن بالعيش: انا قلت لك من اول يوم لنا مع بعض طلااق انسيه
نورة بقهر : بس انت وعدتني الطلقني احنا كان بينا اتفااق
قلت لهاا اعاند : اعتبريني نذل
نورة : بس اناا مااابيك تعرف يعني شنو ماابيك
قلت لهاا : يعني عاد انا الي ميت عليك
نورة : يعني لا تبي تسفرني ولا تبي تطلقني ؟!!!والله حرام عليك
قلت لها : لا تحرمين شي
نورة بقهر : انا كنت مفكرتك رجال لكنك طلعت **** وماتسوى وقامت وتركتني
كنت مبسوط وانا اشوف الشرر بيطلع من عيونها .. ماهمتني اهانااتهاا ..قدر ماانا ابي اربيهااا واعلمهاا ان الله حق ...بوريها التخلف على اصوله ...ليتني بالرياض كان طلعتك البر وعيشتك بخيمه يالمتحضره
طلعت واخذت سيااارتي ورايح لموقع المشروع الي انفذه وهو تابع لشركتنا الصغيره


× نــــوال ×
كنت احط الفطور لفهد وخالد الي من تزوج صقر وهو ساكن معاناا
خالد : اخيراااا ماابغيتي
فهد : تعبناا وحنا ننتظر
رفعت حاجبي : كان دخلت انت وياه وجهزتوه ..ماتستحون شوفو كرشي قدامي وانتم تتشرطون
خالد لفهد بهمس : ليه احسهاا بتذبحناا
فهد وهو يهمس له : اخاف تاكلنا
سألتهم : وش تساسرون ؟؟
فهد : ولاشي ياقلبي
قلبك ..همست بهاا بيني وبين نفسي .. فهد يعااملني احسن معاملع يوم يكون خالد هناا بالبيت ..لكن يوم نكون انا ويااه لوحدناا ..زين منه اذا التفت علي ..صااار بااااارد ..كأنه قالب ثلج متحرك ..مو فهد الي كله حنااان وعااطفة .. محد من اهلي يدري اني وياه متطلقيني واني انتظر انتهاء عدتي بمجرد ماااولد ..حطيت ايدي اتلمس بطني الي بدت تظهر .. كلها اربع اشهر واولد ..وكل شي يربطني بفهد رح ينتهي ..غصب عني مثل مابدأ غصب عني .. حاولت بكل الطرق اتقرب منه .. حاولت ومااقربت .. تصدقون حااسه نفسي منذله بطريقة ماااتتخيلوونهاا ..انا اصلاا استاااهل من قالي اسمع كلام حصه ..كان روحت بيتناا وافتكيت

حصة : ببساطة طلقني انتي طالق ؟!! شلون كذاا ؟!! انيت من اسااسه شلون تطلبين الطلاق ؟!!
قلت بحرقة : ومن قال اني بغيته
رفعت حاجبهاا باستنكار: في وحده تقول طلقني وهي ماتبي تطلق
قلت : ايه انا
استعجبت : لا يااشيخه ...الطلاق لعبه
اخذت نفس : انا كنت ابي اضاايقه بس ..كنت ابي اقهره ..بعد مااقلي انه مو بااقي علي الا عشان الي ببطني ...كنت ابي اعرف اذا لسى لي مكان بقلبه ..ماهقيته مااارح يصدق ..ويطلقني ..
قلت لي : اللحين هو الغلطان ؟!!... لا تفكرين اني بدافع عنه لانه اخوي ..اذا هو اخوي ترى انتي بنت عمي اذا كان في احد بالدنياا يعرف شكثر فهد يحبك ..فهو اناا ..نوال فهد يمووت علييك .. كان دووم يقووولي متى يااحصه اخلص واتزوجهاا ..كنت اقوله حيرهاا .يقول لاا ...صغيره اخااف انهم يغصبونهاا ... اخاف بعدين اغير رااي " وقالتهاا بغصه " كان خايف يكون عقاب ثااني ..نوال اناا

مااكنت غبيه ولا حتى فهد ...كنت اشوف بعيونك نفوورك منه ...كنت اقوله فهد عز نفسك واتركك منهاا ..لكنه كان يطنشني ...صحيح اني مااعرف خفاياا حياتكم بعد الزواااج ...احيااان كنت اشوفه مهموم واحيان اشووفه مبسوووط ...كان نفسي اعرف اذا حبيتيه بعد ماعاشرتيه ...لكن سطيحة علاقتناا اعطتني الجرأة اني اسألك .. تعرفين يووم دري انك حااامل جااناا وهو شوي بيطير من الفرح ...حتى الكلام ماصار يطلع معاه بوضوح ..كان يقوول ...حملت ..ولد...حملت ...قدرناا نستووعب بالنهاايه انك حااامل ....تعرفين كاان حاز بنفسه مع كل فرحته انك ارسلتي له الخبر برساله ..حتى ماااكلمتيه ... ترى هو ماااقالي لاتستغربين ...انادريت بالصدفة يووم كنت العب بجواله وهو يتوضا ...ويوم سالته ..حكاالي علي صاار بمحل الفساتيين وحكاالي عن طبيعه علاقتكم ..وبصراحه عتبت عليك ..الا زعلت ...لأانك اهنتي اخووي ... لمته صحيح انه مد ايده ..لكن بنفس الوقت عذرته ...نوال فهد تحمل وااايد ..و تعب مااعاد عنده طاقة يتحمل..
قلت لهاا : حصه والله ادري اني غلطااانه
سالتني : يعني انتي تبينه
قلت لهاا : اكيد هذا سؤال
حصه : اجل ليه ماتوطين ريشك الي ناافخته .. وهالمنشاار " تقصد لساانها " متى بتحطينه بحلقك
قلت لها : حصه
حصه : نوال ياابخت من بكاني ولاضحك الناس علي
قلت لهاا : طيب انتي لو مكاني وش تسووين ؟!! والله اخواني يدفنووني بالحيااا
قالت لي : بتسوين الي اقولك عليك ؟!!
قلت لهاا : اكيد بسوي بس يرجعني
قالت : اجل قومي ..وكملي العرس ولا كأن شي صاار
استتغربت منها : نعم
حصه : انتي قوومي وسوي الي قلت لك عليه ..ولا احد يدري عن الطلاق ابد ..وبعد العرس تخلين واحد من اخوانك يوصلك بيتك ..بحجة ان فهد رااح عليك ..
قلت لها: تبيني ارووح له ؟!! شلون مطلقني
حصه : هي ترى تقدرين ترجعين له انتت تعتبرين بالعدة ومفروض تعتدين ببيتك .. ولعلمك فهد له كل الحقوق الي كانت قبل لا يطلقك ماعدا بلعت ريقهاا بحياة المعاشره لو صارت اعتبرتي رجعتي بالعربي انتي لسى زوجته
سالتها : وش اسوي
حصه : حبيتبي وش تسوين رااضينه .. قوليله فهد انا احبك ..وابيك ..وانا كنت هبله وهالخرااابيط
ومسكتني من ايدي ..قومي خلينا نشووف اختك
فعلاا سويت مثل مااقالت لي بالضبط وبعد ماانزفت مها وركبناهاا سيارتة زوجهاا ..خليت خالد يوصلني
مسكين كان شكله تعبااان مره ..بس ماااحب يكسفني ...فعلا رحت بيتي وطلعت خذيت شور سريع

ولبست قميص نومي لي لبسته اول يوم زواج لي ..وبخرت طبعا شعري ..
جاني مسج من حصه ..."ترى اخرته قد مااقدرت ...اسرعي لا يجي وانتي مب جاااهزة "
فهد جا بعد استلامي المسج بربع ساااعة
اول ماادخل الغرفه الي كانت لنبااتهاا مطفيه وانفتح النور وشاافني
فهد : بسم الله الرحمن الرحيم نوال ؟!! وش تسووين ؟
قلت له : هذا بيتي طبيعي اكون فيه
قالي : واناا طلقتك
قلت له بلهجة عتب ممزوجه بدلع متعمد وانا اقرب منه : بالله هونت عليك !!
قالي : والله انتي الي بغيتيه
قربت اكثر منه وقلت له وان افك ازراار ثوبة العلوي : لانك كنت قااسي معااي .."وخر ايدي بقرف وانا رجعتهاا " انا انقهرت منك ..مااكنت اتوقع ان الولد هو بس الي يربطنااا
تنهد : نوال ترى كل الي كنت ارتجيته كلمه طيبه منك..تطيب خااطري .. لكن يوم ورى الثااني كنتي تبعدين اكثر واكثر .. مااقدر ابد انسى اهانتك لي ..مقارنتك لي مع اخوانك تصغيرك من شاني... الكف الي عطيتك ايااه .. كان بدال كلمة طالق الي كانت على طرف لسااني ...ومااكذب عليك ...لو ماعرفت بحملك كان مداك مطلقه من زماان .. لكني ماكنت ابي ولدي يعيش بمكان وانااا بمكااان ...كوني خفت عليه مو عيب ... واذا بقيت عليك عشاانه مووو عيب ..هذاا ولدي.. ع الاقل بكون متاكد انه بيحبني..مو يوم راضي يوم ناافر ...ويوم قلتي ريح وارتااح ...عقب ذي الكلمة تبيني ابقى ؟...ليه ملاك ؟؟غلطاانه ...حسي مره بالحرقه ..حسي بالقهر شووي ...حسي باللي في صدري ...كملي عدتك يااحلووة ..ولا كملتيهاا ماابي اشووفك ببيتي
يوم شفته مقفي عني ...مالقيت نفسي الا وانا جارية عليه ..تمسكت فيه بقوووة
وقلت له : فهد لا تخليني ؟!!انا ..انا احبك يااافهد ..والله احبك
التفت علي : نعم ؟!! تحبيني ؟!!!
قلت له بتاكيد : ايه والله اناا احبك ...من زماان احبك ...حتى يوم ماقلت لي .. انك تحبني .كانت على طرف لساااني..بس ماقدرت... كنت اخاف اقولك ... ماكنت ابي اكون ضعيفة قداامك .. خفت .خفت تكون مثلة ..كان يرووح ويغيب ...ويرجع لامي ..لانه كاان يعرف انهاا تحبه ..ذلهاا لااانهاا حبته ... انا مااابي اكون مثلهاا ..ماابي اكوون مثلهاا
قلت له بسخرية : لاا تتعبين نفسك يامادااام خلي مشااعرك مثل مااكانت ميييته النفس خاافتك
رجعني للواقع صووت فهد وهو يقولي : نوال ماتسمعين اخوك ؟!
رديت : هااا؟!
فهد عرف انها ماكانت معاه : خالد بيترك البيت
كنت احسبه مسافر : ليه ووين بتروح
ابتسم : استلمت بيتي
اسغربت : بييتك ؟!!!!
قالي : ايه بيتي ليه مستغربه
فهد قاله : ليه خالد انت مو مرتاح هنا جاك منا شي
خالد ابتسم : والله اني مرتاح معااكم وحاس نفسي ببيتي
فهد : طيب ليه بتتركناا
خالد : يااخي طفشت منك ومن حرمتك ابي افتك منكم شوووي

قلت له :لااااااااا
جاوبناا : اسمعو اليوم او بعده كذا كذا اناا لاازم اطلع ..واستقر بحياااتي ...ولاتنسون انا اليوم عازب بكرة رح يكون عندي زوجه وعيال ..اجيبها هي بعد هنا
فهد : العين اوسعلك يااخاالد
خالد : تسلم ماقصرت ياااولد عمي
قلت له : مرت اخوك ماعندهاا سالفه كان لبست طرحه مافيها شي
قالي : نوال هذا شرع رب العباد مانقدر نعترض عليه
وقف فهد : يالله استاذن وراي دوام
خالد وهو يوقف معاه : خذني معااك
قلت لخالد : خالد ترى اتصل صقر يقولك افنح جوالك تعب وهو يتصل عليك والجوال مقفل
خالد : ماقالك وش يبي مني ؟!
قلت له : والله مااقال ..
خالد : اوكي

× مها×
كان يتعطر ...ويطالعني بالمرايااا
قلت له : شفيك تطالعني
قالي : معجب
ضحكت : ههههه ترى اشوف نفسي عليك
قالي وهو يسحب خشمي : سويهاا..وانتي رح تندمي
تخصرت بمزح : يعني وش رح تسوي ؟!!
قالي يغايضني : بدور على بدالك
قلت له : لو لقيت مثلي ابقى قاابلني
ضحك : ههههه اموت اناا ع الوااثقه
قلت له : طبعااا انا المهااا مو حيا الله
قالي : انتبهي بس لا يطيح نصك
قلت له : شاهين ليه ماتاخذ عمتي وتطلع معاهاا
سالني : ليه تبي شي من برى ؟
قلت له : من غير لا تبي ياشااهين ..انت لام تطلعهاا وتقعد معااهاا مثل اكنت تقعد اول .. ماابيهاا تحس اني خذيتك منها او انك اهملتهاا
ابتسم : والله معاك حق ... تدرين ماني رايح الشركة بخرجهاا اليووم
نزلنا الصاله وشفنا عمتي تتقهوى وحلااا تلعب على جنب ...جلسنا معاهاا وتقهوينااا
عمتي : شاهين وشفيك مارحت شغلك
قالها ماني رايح اليوم
عمتي بخوف : تشتكي من شي
شااهين يلعب عليهاا : قلبي ياايمه
عمتي بخوف : وش فيه قلبك ؟ قلي الوجع قوي ؟..مها منتي شايفه رجلك متوجع اتصلي على اخوك يجي يوديه المستشفى
قلت لهاا : عمتي يكذب عليك ماافيه شي
عمتي : شلون مافيه شي شوفيه ايده على صدره
طالعت بشاهين بقهر : شااهين حرام عليك عمتي ماتتحمل
شاهين يضحك : فديت الي خايفه علي واخذ يدهاا يبي يبوسها الا انها ضربته بخفه
عمتي : حسبي الله على بليسك ...هذاا مزح
شاهين : قلت اقيس غلاي عندي
عمتي : وقسته
شاهين وقام باس راسهاا : حقك علي يايمه
قلت لها : عمه لااتزعلين عليه..عشان خاطري
عمتي: ماني بزعلانه عليه عشااانك بس
شاهين : افاا يمه اللحين مهاا لها خاطر وانا الي ولدك ماعبرتيني
مديت له لسااني : يالغيووووووور
عمتي : اكيد لهاا خااطر هذي المهااا

شاهين : لناا الله ...اقول يمه ماااودك تطلعين ؟
عمتي : وين اروح
قلت لهاا : وش رايك اوديك نعتمر
عمتي : ياليت والله يااوليدي نفسي بعمره
قلت لها : اجل قومي توضي واحرمي وانا باحرم
عمتي : من جدك
قالها : اكيييد يللا ولا ترى ابطل
عمتي : وحرمتك
قلت لها : انا معذورة يااعمه .. وبعدين هاذي طلعه لك مع ولدك انا اترز فيها ليه
عمتي : اجل ننتظرك
قلت لها : والله ماتنتظرين ... انا ان شاء الله بطلع وقت ثااني معااك
عمتي : الله يهديك يابنتي ليه تحلفين
شاهين : يلاااا يايمه
قامت عمتي تبدل وتحرم
شاهين ابتسم لي : الله يكملك بعقل
جات حلااا : باباانا بجي معاك
قلت لها : لا حببتي انتي بتجلسين هناا ..وبعدين شادن بتجي يصير تخلينهاا
حلاا : بابا خلااص رووح ... ورجعت تكمل لعبها
شاهين : احسن شي سويتيه نتي وبنت اخوك انكم نطقتوهاا عربي
قلت له : الي يسمع يقول انها كانت مييح
قالي : بالله ماتذركرين يوم زواجناا
قلت له وانا اتذكر : هههههه انت فااكر
حلا : welcome home
ابتسمت : thank you
اخذت ايدي وصارت تسحبني معااها وانا اسحب فستاني بدوري: I'll show you our home
ناظرت بشاهين وابتسم لي ..مشيت معاهاا : this is my granny room , this is main and this my father room
سالتهاا : واناا
جاوبتني : its for you also .you are his wife ,are not you ?
ابتسمت : yes iam
قالها : sweety you should to be in your bed
قالت بلهجة رجاء : I want to be with the bride
قالها : والله حتى اناا
استحيت وانا اشوف عيوونه وقلت لها : خليهاا شوي
قالي : وانااا ؟!!
انحيت لمستوى حلاا : ليه ماتتكلمين عربي ؟!!
حلاا : ماائئرف
ابتسمت : انا اعلمك ومشيت مع حلاا لغرفتها وبديت معاها اول دروس العربي
شاهين : اضحكي اضحكي ..رحتي لحلااا وتركتيني اعد الجدراان
قلت له : انت لسى فااكر ..؟!
شاهين : لا والله شلون تبيني انسى انك تركتيني باول ليلة زواجنا بلحالي
قلت له : كنت مستحيه منك
شاهين بخبث وهو يقرب مني : يعني الي اللحين ماتستحيين
قلت له وانا ابعد : وش راايك تروح تحرم
شاهين : يالله ...نسيت وطلع بسرعه لغرفتناا

نقل مميز
عوافي

*,


سلمت الآكف ومَاجلبت
إبداع دآئم وتميز مُستمر
لا عدمنَاك /

سلمت يداك على الطرح الجميل
ننظر القادم بشوق
ودي وتقديري

/
سلمت اناملك ويعطيك الله العافيه على مجهودك
والمزيد من عطائك ومواضيعك الرائعه والجميله
ودائما في إبداع مستمرفي أنتظار المزيد
ربي يحفظك

يسلموا هالايادي
على المجهود المميز
والابداع المستمر
شكرا على روعة الموضوع وجماله ،،،
كل الاحترام والتقدير
ودي