عبر عن حالتك النفسيه ببيت شعر...متجدد

خذني عشق يسعد أيامك بالأفراح
كل الهوى يازين فيني ملكته

تغيب الناس لا جيت و لقيتك أشوف بضحكتك وقتٍ مضالي
خذيت من العمر عمر وعطيتك دفى الأيام و سعود الليالي

‏جازت له الغيبه ..... وللحين غايب
ما يدري ان الشوق في خافقي حي
من طول الغيبات ..... عنده حبايب
ما عاد فيها…... لا غنايم ولا شي

تركتك يالمدينة ضيق وكبر الهم مااطيقه
على مرقى تعليته وحيد ومامعي به ناس
ابي عن ضيقة الخاطر اعيش بجو ترويقه
وعن جور الزمان اسلى واقول لخاطري لاباس
شهقت بكل انفاس الخفوق ومارحل ضيقه
اثر في خاطري ضيقة تثور وتكتم الأنفاس
وصرت استنجده نبض البقى واغيب وافيقه
لعله ينتعش قلب رقيق وخاطر حساس
بوحي

انا اللي ؟ ب حضرة عيونك
يخون احساسه التعبير
وانا اللي ' ب الخفا
ادعي امان الله ع قلبك

حبك سكن مابين قلبي والانفاس
ومنك الوفا دايم على حسن ظني

لك في عروقي صوره من تمامك
راسمك في متحف غلاي وفنوني
ما اقول غير الله يحفظ مقامك
في خافقي يا بعد حيي وكوني

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب

بوحي

‏
وش فيني اذا شفته تماهلت وياه
و ان لاحظو فيني غلا قمت اسبو
كل ما يمر يتل قلبي من اقصاه
و الله يا شمر انا حيل احبو

ما هانت أيامك .. ولاهنت ، لاهنت
لـ ألحين أحسك .. في رقبتي أمانه

إي والله إنك في عيوني مثل منـتّ
وقدرّك على خبرّك .. مكانه، مكانه