عبر عن حالتك النفسيه ببيت شعر...متجدد

تهب علي مع طواري لهفتي نسمه
و تطري علي كل ما نسنس و أغنيها
له صوره في حنايا القلب مرتسمه
لا غاب عني أقلبها و أحييها
و إللي خلقني لا شفت شفاه مبتسمه
كني ملكت الحياه و كل ما فيها

‏ياثقل الليل ياطول ساعاته
صباحه بان ماجمع شتاته
ياوين النوووم سهر وهموم
تعال ارجوك للشوق سكراته

ياحرف علمه أني له أشتاق
كلما كتبت أقول يمكن يشوفه
اللي كتبته نابض بين الاوراق
يقراه في يوم ويحس بحروفه
يمكن يحس بلهفتي كل ماضاق
ويعرف حياته دون قربي حسوفه

الله يسامح طاري الشوق فيني
يومه يمرالقلب من غيرميعاد
غنى على الغياب لحن الحنيني
يومه يردد غنوة ايوه وابعاد
كنه على بوح الكنين يحديني
شي بوسط الروح مابيه ينعاد
لكن جريح القلب باح الكنيني
خله يبوح بضيقة البال وش عاد
يمكن يزين الحال باقي سنيني
وتحن غيمة من عقب صوت رعاد

بوحي

إذا اللَّيلُ طالَ بأَصْفادِهِ فَقُل لي - بِربِّكَ - كَيفَ المَفَرّْ؟!
وَكيفَ الفِكَاكُ؟ وَكيفَ النَّجاةُ؟ وَكيفَ الخَلاَصُ؟ وَكَيفَ الحَذَرْ؟!
دُمُوعُ اللَّيالي هُنا نَازِفَاتٌ وَصَوتُ النُّوَاحِ هُنَا مُسْتَمِرّْ
وَضَوءُ الصَّباحِ بَعِيدٌ، بَعيدٌ وَعَصْفُ الرِّياحِ بَدَا يَنهَمِرْ

وسوت بيا و انا يا صاح وسواسِ
و اللي تقوله هو اللي خايف منه
من الخوى و الالام مصدع راسي
من الهموم القويه ماهوبمنه

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
هذاك الي لمكنونه جعل لون الظلام ستار
توشح به عن عيون العذول وحطه ستاره
بوحي

رتبني لا تعفسَ داخلي إحساس الكأبه
وَ ضمني برد وقتي يالله عطني إدفاكَ

‏مـؤمن بالـقـدر ، والصبر إتّخـاذي
‏مابعَد ضيق الصّدور .. إلا سَعتها
‏.
‏وش يحزن خاطري والارض هذي :
‏"كـل حيٍ فوقها .. يرجع تحَتها".
‏⁧

مشتاق لك شوق الوصل للمحبين

وشوق اليتيم اللي تغطى ولا نام !