عبر عن حالتك النفسيه ببيت شعر...متجدد

"





وليآ بغيت أفـرح وخآنقني الشوق
أرجع و أدور رآحتي في رسآيلك !


لـ/ شآعرهآإ

-

‏اهذّب النفس واكرّم كرام النفوس
ونهاية القيل كلمه كافيه شافيه

السمعه الطيبه ماتنشرى بالفلوس
تبغى مع الصبر طيب ونيةٍ صافيه

.

هون على نفسك اذا " ضاقت " وتهون ،
لا تنشغل ب الشرح ، والجرح جرحك ..
اللي يبي يكرهك ب يكرهك من دون ،
واللي يحبك ماهو محتاج ل / شرحك ك

ياسراب البعد ودروب الرحيل
ياظلام الليل لامنه بدا
ياقوافل هايمة وابلا دليل
بين سودماترد الا الصدى
من مشى في ارضها تاه السبيل
ماله مجاوب ولويزعج ندا
تغري الرحال بالجو العليل
وان تتبع شفها عده غدا

بوحي

انشهد ان الرفيق الكفو مثل الرصيد
تلقاه لا كشرت بقـعـا بنيبانها

ياقف معك وقفةً يلين منها الحديد
عند الرجال العوارف ياكبر شانها

انتحردرب الوصول وماتت الخطوة قهر
في متاهات الضياع الي دفن اقدامها
كم مشت رجل الملاقا في مجاهيل الدهر
تنشد عدود تلاشت مالقت عنوانها
في ظمارحلة هجير هدها حر الظهر
كل ماجت تنشد الراحة يشح ظلالها
مع مشاويرالنهار وفي محطات السهر
طالت الغربة وصارت هالفجوج ديارها


بوحي

‏كل عسرٍ لا دارت الدنيا .. يلين
‏و كل ضيقٍ يمرك يلقى بأمر الله سعه ..

دايم على بالي ولا يوم ناسيك
وأنت لزيم الروح وأكثر شوية

تنام اصواتهم لاجا الظلام وهاجسي صاحي
على حروة سنا نجم يسلي خاطري نوره
ابحكي له عن الي في خفوقي يقتل افراحي
مع غدر الزمان الي طعنها من قوي جوره
ولكنه سناها نجمتي ذا الليل مالاحي
غفت فوق السحاب وكنها للغيم مأسوره
وكنه هالمسا يبغى اعيش بزحمة جراحي
انا والجرح والذكرى وضيق القلب وكسوره

بوحي

‏حـيّ الله اللي , ليامن غبت يفقـدني
إلي يزول الزعل والضيق , بقدومه
/
إقـرب وسولف علي لكنْ لاتنشدني
مغليك لا شاف عينك , ضاعت علومه