روايةأما غرام يشرح الصدر طاريه ولا صدووود وعمرنا ماعشقنا/14

لفت عنه وهو ضمها من ورى ..
رفع كم فستانها القصير من على كتفها..
ومسح فمه بكمها..
شهقت بإحراج..
وهو قبلها على رقبتها من ورى وهمس لها..
غازي\مابي سلام الناس بعد سلامك..

تركها واقفة وهو توجه لــ الباب الرئيسي..
فتح قفل الباب وبعدها طلع وقفله وراهـ ..

ظلت واقفة مكانها ترتجف منه ومن كل شيء يصير لها..
وعت على حالها لما سمعت أحد يبي يدخل الضيافة.
والباب مفتوح مو مقفل من داخل بعد ماطلع..

خرجت من الضيافة بسرعة وقفلت الباب الفاصل..
خافت يشوفونها سارة وغادة ويعرفون..
لبست العباية بسرعة ولمت الطرحة على راسها..
طلعت الدرج متجاهلة ذياب اللي كان يحبي لها..
وحنان تبي تشيله..

دخلت غرفة غادة وقفلت الباب وراها..
جلست على الأرض وضمت نفسها بخوف..
تحس إنها لازالت بحضنه..
بكت بقهر..
حتى في بيت هلي مو مريحني..
رووح الله لا يردك..

وقفت فسخت العباية ودخلت دورة المياهـ..
وقفت تحت المويا بفستانها الهادي..
فركت رقبتها وجها وشعرها بشامبو ..
فسخت الفستان ورمته بزبالة الحمام..

لمت نفسها بروب الحمام وطلعت ..
أنسدحت على فراش غادة ونامت متناسية وجودهـ في بيتهم..
متناسية ذياب..
سمحت لنفسها تعيش في الماضي..
قبل الكوابيـــس ..
يعني قبل لا يموت سعود..وقبل لا يهرب هادي..
وقبل لا تمووت وتتغرب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

فكوا بينهم الشباب..
طلع غازي وشاف الهوشة ومسفر فيها..
أنبسط يمكن يأخذ كم بوكس وركلة تبرد قلبه شوي..
عرف سبب الهوشة من كلام الشباب لــ علي..
حس بالغضب منهم وعرف كيف يرد الكلام عليهم..
وتكلم بصوت عالي وقوي..
خلا كل الموجودين يلتفتون عليه من القبيلتين..

غازي بحدة\
المراجل ماتجي بلمع النجوم ..
والأحرار تبين في وقت الهدد
والشوارب تنفتل وقت اللزوم ...
ولايجيب الثريـا كود الولد
والرخوم رخوم ولو قامت تحوم ...
مرجعه لـ الدم لا منه برد..

علا صوت الشباب بالتصفير والتشجيع لكلامه..
ولاحظ نظرات علي وراكان الحاقدة..

أحد الشباب\رجال غصبن عليك..

راكان بقوة\
ماكل رجال يسمى برجال..
الطير كلمة تنقال لـ الصقر والعصفور..

وبعد كلام راكان طلعوا المتهاوشين من البيت..
وهم يتحلطمون على الموضوع اللي ماعجبهم..

حفظ اشكال اللي تكلموا عن هديل وشافهم طالعين من البيت..
قرب من مسفر وراجح اللي كانوا واقفين بطرف..
ولا اثرت فيه نظرات ومسفر المتهمة له إنه سبب اللي ينقال عنها..
ناظر مسفر بإستصغار..
غازي بابتسامة\ماهـــو بشـــكراً ..

صد عنه وتوجه لـ المجلس الخارجي..
حاول راجح قد مايقدر يخفي إبتسامته من كلام غازي الساخر..
ويقول في باله..
الله يصلحك لو سكت كان أحسن..

طلع من البيت بعد ما أستئذن من ابوعلي واللي معه..
حرك سيارته ومشى بالشوارع القريبة من بيت ابوعلي..
وهو يدري إنهم ا أبتعدوا عن المكان..
شافهم واقفين عند عمود إنارة..
وقف سيارته نزل شماغه وعقاله بالمقعد الجانبي وراح لهم..
وشاف التحدي بعيونهم لما شافوه وعرفوهـ ..
غازي بحدة\نكمل مابديتوهـ ..؟؟!

رحبوا بدعوته لهم ..
هو مقدر غضبهم وصدمتهم بالخبر..
بس مايعذر احد يوجعها غير نفسه..

تضاربوا معه بقسوة..
وكان لـ الشتم والسب نصيب كبير من هوشتهم..
بعد وقت..
قدروا يضربونه وقدر هو يتغلب عليهم..
هددهم بعصبية..وهو يتنفس بسرعة بعد المضاربة..
غازي بإهانة\ماتسوى ثراها يالرخمة..

قفا عنهم ركب سيارته وتوجه لبيته..
مسح بيده على رقبه وصدرهـ..
أبتسم برضا..
لو تعرف إنه أنضرب بقوة ..
واللي ضربه عيال قبيلتها..
وعلى شـانها ..

تمتم بقهر ساخر من نفسه\بعد البوسة كفخه..
عنبو مايكتمل جميل ذا الليلة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل جناحه وعيونه تدور عليها..
أكثر من إسبوع وهو مهملها..
كان يحس براحة كبيرة بعد ما أنقضت السالفة على خير..
أشهروا رجوعها وزواجها..
وأنحل الموضوع برحمة الله..
حط سلاحه على الطاولة وتوجه لغرفة النوم..
ماكانت موجودة بالغرفة..
اعتقد إنها عند خواته..
بس توهم واصلين معه..
كان بيطلع لما سمع صوت في دورة المياهـ ..
وقف عند الباب وناداها..
ردت عليه بألم..
ياسمين بوجع\ســـارة..
سلمان بخوف\ياسمين وش فيك..؟؟
ياسمين بتعب\ابـــى سااارة..
سلمان بسرعة\إفتحي الباب..ليه صوتك كذا..؟؟
ياسمين بألم\آآآآآهـ سااارهـ ..

طلع من الجناح بسرعة وراح لغرفة أخته..
طق الباب بقوة..وهي خرجت له وهي معصبة..
ساره بزعل\نعم شوي وتصحي البزر..
سلمان\ياسمين تباك روحي لها..
سارهـ عقدت حواجبها\وش سويت فيها ألحين..؟؟

راحت لها ركض ولا عطته فرصة يتكلم..
دخلت غرفة النوم وقفلت الباب وراها..
هي تعرف اللي سواه في ياسمين..
وخايفة لايكون ضربها مرة ثانية..
قفلت الباب تمنعه يدخل عندهم او يشوف ياسمين..

ماشافتها في الغرفة..
وسمعت صوتها تبكي في الحمام..
دقت الباب بخووف ونادت عليها..
سارهـ\ياسمين حبيبتي إفتحي الباب..انا ساره..
مافتحت لها وهذا قهرها من أخوها اكثر..
سارهـ تطمنها\إفتحي أنا قفلت الباب ومابيدخل هنا..
إفتحي حبيبتي والله لأوريه شغله..
ألحين بأخذك لأبوي ونقوله وش سوى فيك..
دامه ضربك مرة ثانية فهو مايستاهلك..

فتحت لها ياسمين وطاحت بحضنها..
وسارة سدحتها على الارض بسرعة..
كانت تصرخ بألم وتبكي..
سارهـ برعب\بسم الله عليك..
ياسمين يا قلبي وش صار فيك..؟؟
ردي علي تكفين ليه تبكين كذا..؟؟

ياسمين بألم\آآآآآهـ سارة بموووت..
ما اقدر أتحمل..موجوووعة..آآآآهـ ..

أنتبهت سارهـ على الدم اللي بملابسها..
وخافت من اللي طرى في بالها..
وقفت عن الأرض بسرعة وشالت ياسمين بالقووة..
سدحتها على السرير ..وصوت صراخها يعلى..

وزاد عليها صوت ضرب سلمان على الباب..
كان يناديها بصوت قوي..
يبيها تفتح لأن صراخ ياسمين أثار رعبه..
طنشت سلمان وأخذت ملابس من الكبت لياسمين..
نزلت الروب من عليها بسرعة ولبستها بالمووت..
لان ياسمين كانت تبكي وتتلوى من وجعها..
فتحت الباب لسلمان وصرخت فيه بقهر..
سارهـ\شيلها لـ السيارة المرهـ بتموت..
خلنا نوديها المستشفى..

قرب منها رفعها من على السرير وأنصدم لما شاف الدم..
في الروب اللي شالته سارهـ ..
قربت منه ساره ولمت العباية على ياسمين..
قالت له يروح السيارة وهي بتنزل وراهـ لأنها بتروح معهم..

سوا مثل ماقالت له من غير كلام..
جلسها بالمرتبة الخلفية وهي تئن بالم..
ماقدر يتكلم ولا يسألها..
أرتاح لما شاف سارهـ جاية لهم وهي لابسة عبايتها..
دفته من قدام الباب وجلست جنب ياسمين وقفلته بقووة..
أحتار من تصرفها بس ياسمين كانت أهم عليه من حركات ساره..

وصلوا المستشفى وهو نزل يركض ينادي الطواري يأخذونها من السيارة..
في الطريق لـ المستشفى كانت تبكي وتتألم..
وسارهـ تقرأ عليها وتحاول تهديها..
محتار وش فيها..؟؟
ألمها وش يكوون..؟؟
ليه تبكي وتووجع بهذا الشكل..

خذوها منه وقفلوا الباب..
ظل واقف مع سارهـ ..
ألتفت عليها بقهر..
سلمان\وش فيها..؟؟ليــ...ــه؟؟
كانت بخيــر..وش اللي صار فيها..؟؟
ساره بعصبية\كانت بخيــر..؟؟
حسبي الله ونعم الوكيل..والله مصدوومة فيك..
ماتوقعتك حقـــ...

بترت كلمتها قبل تكملها..
مايهون عليها تنطقها في وجهه..
بس الصفة لايقة عليه وبقوووة..

سلمان بغضب\وش تخربطين انتي..؟؟
تكلمي زين وفهميني..
ساره بقهر\تبيها صريحة..ماطلبت ياولد ابوي..
ياسمين تعبانة من ضربك لها..
والله يستر لا تكون البنت حامل ويطيح اللي في بطنها..
من النزيف اللي صاير معها صرت اشك بهذا الشيء..

صد عنها سلمان وغاب تفكيره عن الدنيا..
وعن ساره اللي تعاتبه..
وحصر كل تفكيره بـ ياسمين..
هو ضربها ماينكر ولا يفتخر باللي سواهـ..
أهملها وهو يدري إنها تعبانة..
كان يشوف عجزها عن الحركة..
وكيف تقضي معظم يومها بفراشها..

وبدل مايهتم فيها ويرعاها..
تفرعن عليها..طنشها وتجاهل وجودها..
عطى نفسه الحق بالزعل عليها ..

عطى نفسه الحق بالزعل عليها ..
وحملها ذنب هديل..
والمفروض مايشيل ذنبها غيره هو..
لانه هو اللي هرب هادي من المملكة..
وهو اللي تسبب بفهم الحادث على انه جريمة قتل..
هو اللي ضيع حياة هديل ..
وضيع هادي..وسبب المآساةء لكل العائلة..
كان يظن إنه فازع لولد عمه ويحميه..
ولما عرف وش صار فات الفووت..

ولأنه أنصدم في بنت عمه..
حية ومتغربة وبحكم الميتة..
حط كل اللوم على ياسمين..
لانها تدري إنها حية وبخير..

ضربها وأهانها..
وهي مالها بعد الله غيرهـ..
وهذا اللي قواهـ ..
يتيمة ومالها أحد..
أخوها متغرب مع هله..

سمع كلام الطبيبة لسارهـ..
\إحتمال كبير يموت الجنين..
صار عندها نزيف حاد..إذا ماقدرت تتحمل..
بيكون ضروري نسوي عملية إجهاض..

توجه لغرفة العناية وشافها من خلف الزجاج..
نايمة بين الاجهزة..لحتى تستقر حالتها..
إما يثبت الجنين او ينزل..

شعور مرهق قاتل..
يوقف خلف الزجاج العازل..
مايقدر يتواجد معها..
يلمسها ..يكلمها..
أو حتـــى يودعها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


صحت من نومها مفزوعة..
شغلت النور بسرعة..
مرت لحظات لحتى استوعبت هي وين..
وقفت بسرعة لبست بجامة من كبت غادة وطلعت من الغرفة..
دخلت جناح أبوها وأمها..
ومن دون ما تستئذن فتحفت الباب ودخلت وهي تلهث..
قفلت الباب واستندت عليه..
كانوا نايمين وما حسوا عليها..
حطت كفها على فمها تمنع لا تطلع شهقاتها ويسمعون بكاها..
مشت بخفة وجلست على الارض من جهت أمها..
ركزت عيونها عليها ودموعها تمنعها لاتشوفها بصفاء..
لمت ركبها على صدرها وضمتها بيدينها..
هزت نفسها بطفولة..
وهي تطمن حالها..

أنا رجعت..انا عند أمي..ماني معه..
ولا مع هله..
انا مو لحالي..
أنا عند امــــي..

رفعت راسها ونادت أمها برجاء باكي..
همست\يووومه..قومي يومه..
أنا بنتك..يومه بأموت..

آنا بنتك .. " ضي عينك " !
شوفي وش قرب المسافة بين أهدابي وبينك !؟

أنسدحت على الارض وهي تناظرها بشقى..
غمضت عيونها ونامت ..

وبعد فترة سمعت صوت الأذان..
فزت بسرعة وخافت لا يصحى ابوها أو أمها ويشوفونها بهذا الحال..
طلعت من الغرفة وراحت لغرفة غادة..
صلت وهدأ بالها من الخوف والهم..

مر على بالها ذياب..
طلعت من الغرفة وراحت لجناح علي اخوها..
قابلته وتوه راجع من الصلاة..
سلمت عليه وطلبته يخرج ذياب لها..
دخلها معه بيته وهو يسحبها..
وماخفى عنه شكلها ودموعها..

دخلت لغرفة هديل الصغيرة وشافت ذياب نايم بسريرها..
انحرجت منهم لانه باين إن ذياب مضايقهم وماخذ غرفة بنتهم..
شالته وهو نايم ولما طلعت شافت عبدالله جالس في الصالة متحضر لـ المدرسة..

هديل بهدوء\صباح الخير..
وقف بسرعة وسلم عليها وهي مستغربة..
شافت بعيونه نظرة ماتفرق عن عيون هلها..
حتى هو مو مصدق إنها رجعت..

عبدالله\وأرحبي..نور بيتنا يا الذيبة أم الذيب مرة ذيبااان..
هديل\هششش عبود ذيبي نايم..
عبدالله يوشوش\وشهو..هو ينام وانا أروح المدعسة..
هديل\إيه رووح أنت الجيل القادم..
وأنا بأروح أنام مع ولدي..
تصبح على فلكة من المدير..

طلعت من جناح علي وهي تسمع عبدالله يتوعد فيها وفي ولدها..
لما وصلت الغرفة رجعت في بالها كلامه..
مرة ذيبااان..وش عنده راضي عليه..؟؟
لازم اقلبه عليه واخليه يكرهه..
قال ذيبان قال..
لو يقول تمساح كان أصرف واحسن..

تحرك ذياب بضيق جنبها..
همست لذياب\لا تشوت إيوه تمساح..
وفيك خير قل لا..

نامت وهي حاضنته..وتسالت وين نامت غادة..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد يومين في بيت أبو علي..
القبايل اجتمعت مرة ثانية في بيت أبونايف..
وبعد رجوع أبوها واخوانها..
شافتهم يتهربون منها..حتى هادي اللي كانت مشتاقة تجلس معه..
ويمكن تقوله كل اللي صار معها..
لانها محتاجة تتكلم ولو من دون صوت..
وهو بيفهم عليها..
كان هو اكثر شخص يهرب منها..
أستغربت حالهم..بس جرحتها أفكارها..

غبتي عنهم سنين..
فلا تضحكين على نفسك وتقولين تصرفاتهم غريبة..
كل شيء عادي..الغريب أنتي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

قالت لها غادة إن اهل زوجها عندهم..
وامها تطلبها تنزل لهم..
في البداية مارضت..
بس كانت تدري إنها ماراح تخسر شيء إن قابلتهم..


دخلت الصالة راسمة نفسها بثقة..
سلمت بهدوء وهي تشوفهم جالسين ينتظرونها..
حبت يكونون أمها وجدتها وغادة وحنان معها..
تبي كل عائلتها جنبها ..

قربت من ام غازي ومدت يدها تصافحها..
بس ام غازي مارضت بهذا الشيء ولا أكتفت فيه..
سحبتها لحضنها وضمتها بقوووة..

تحاملت على نفسها وسمحت لها تضمها..
مع إن قلبها وجوارحها يصرخون إبعديها عنك..
صدي عنها واجرحيها..
ماقدرت تلم يدينها حواليها..
ماقدرت ترضيها على حساب نفسها..
ظلت ساكنة لحتى تركتها أم غازي وهي تتنهد بآسى..

مدت يدها لرشا وشوق ..
وهذا كان إعلان منها..
ماتبي مشاعر كذابة من جهتهم..
ولا تبي تنافقهم وتضمهم..

مع إنها لاحظت عيون شوق المليانة دموع..
بس دموعها مازادتها الا حقد عليهم..

حاولت تتكلم وترحب فيهم بس ماقدرت..
وتجاهلت نظرات أمها المعاتبة لها..
تبيها ترحب فيهم وتقوم بالواجب معهم..
ضحكت على نفسها بقهر..
أمها وجدتها وغادة وحنان..
قايمين بدور الضيافة على أكمل وجه..

يرحبون ويهلون بهله..
مايدرون كيف كانت علاقتها معهم..
تمنت لو تقول لجدتها وهلها..
كيف أذوها وأهانوها..
وتشوفهم يذلونهم ويطردونهم من البيت..

بس هي مشت في طريق الكتمان..
وبتظل عليه لحتى ربها يفرجها..

كانت ترد على أسئلة أم غازي والبنات بهدوء..
ولا تسألهم عن حالهم ولا تناظرهم..
غصب عنها غلبها الماضي وحقدها..

ماتبي تكون اصيلة معهم..
ولا تكون الطيبة اللي تسامح وتنسى..
لا قررت تتجبر..
تتفرعن عليهم وعليه..

أم غازي بحنية\ما انتي معنا ياهديل..؟؟
هديل بهدوء\الكلام لكم..
رشا\طمنينا عن اخبارك..
هديل\الحمدلله..تسر الخاطر..
شوق بصدق\وحشتينا..

ماردت عليها هديل..وشوق ماكانت تنتظر رد..

ناظرت أمها والباقين ينسحبون من المكان..
وحست بإمتنان لحركتهم..
أكيد حسوا إن فيه أمور عالقة بينها وبين أهــل زوجي..
يا ثقل الكلمة على لسانها..توووجع..

أم غازي بهدوء\طمنيني عن حالك يا هديل..؟؟
سنتين ماهي شوي..
هديل\هلي مايدرون عن موضوع السنتين الأخيرة..
ممكن تتحفظون على الموضوع..
شوق\غازي قال لنا..
هديل بصد\ممكن ما ينذكر اسمه..
شوق\عرفنا إن أخوك مالــ...........
أم غازي بحدة\شووق..

سكتت شوق عن الكلام..وش اللي قاله لهم..
واكتشفت إنه ما يهمها وش قايل لهم..

رشا بخجل\ما ادري إذا بتقبلين العذر..
أنا أعتذر منك على الماضي..
شوق بأسف\ندمت على كل الي صار..
ما ابى الا السموحة منك..
انا اكثر من جرحك وتظلم عليك..
بس يشهد الله ياهديل إني ندمت قد شعر راسي..

هديل بحقد\تبون العذر والسموحة..
بأعذركم على كل شيء..
بس لكم ذنب ما ينغفر..
لا أنتوا ولا اللي ربتكم..

حطت عينها بعين ام غازي..
كتمت وجعها منها بصدرها ولا سمحت لدموعها تتملكها..
هديل بجمود\أنتي اللي مثلتي علي الحنية والطيبة..
وكنتي توقفين في وجهه..وكأني أهمك..
أوحالي يعنيك..
تظنين إن ضربه لي أقسى من اللي أنتي سويتيه..
هو مجرم بعذرهـ..
بس أنتي أم..أم..
ماراعيتي الله فيني..كسرتيني مثله ومثل ربيباتك..
كلمة وحدة وش كانت بتخسرك..؟؟
والله الكلمة ماكانت بترجعني لهلي..ولا بتجعلكم الحاشية وانا الملكة..
الكلمة ماكانت بترجع سعود ولا تجبر كسركم..
بس كانت بترحمني..وبتنصفني بمملكة ظلمكم..
ياليتك ضربتي مثل ماضربوني..واهنتي مثل ما اهانوني..
حنيتك الكذابة ليتني ماشفتها ولا خدعتني..
أبى افهم شيء واحد بس..لو أنتي قلتي لي..
أنتي يا هديل زوجة ولدي..زوجة غازي..
وش اللي كنتــــي بتخسرينه..؟؟

ألتفتت على شوق\وأنتي ياللي طعنتيني بكلامك..
أنتي اللي خدعتيني بكذبتك إنك جومانة..
تبليتي علي بكلامك وسمومك...كل ماحلا لك قلتي يا بنت الـــ.........
كم مرة أهنتيني..وقلتي جارية..
تذكرين لما تفرعنتي وقلتي مايشرفك خلط الأنساب..
قلتي ياجارية لا تحملين من اخوي...
كنتي تطعنين وتقذفين بعرضي وطهارتي..
وأنتي تدرين إني زووجته..وإن لمسني فهو حلال..
كانت ظنونك ظنون شيطان..ولسانك مايشرف مسلم..
والحين ندمانة...؟؟
إندمي يا شوق..إندمي يا اخت أخوك..
لاتطلبين احلك وأسامحك..ترى منهو مثلك مايتكلم..

شوق تبكي\ماكنت أدري إنك زوجته..والله العظيم ماكنت ادري..
هديل بحسرة\وإن كنتي ماتدرين المصيبة اكبر وأكبر..

ناظرت في رشا اللي تبكي بصمت..
هديل\وأنتي يا رشا...
ماكنتي تدرين..؟؟ولا الجواري ما يستاهلون منك كلمة..
والمكان اللي تدخلونه أطلع منه..
وولدك..لا يكون باذبحه مثل ما ذبحت اخوهـ ..

أم غازي بحزن\كانت هذي رغبته..
ماظنيتها بتجرحك وتكون أكبر اوجاعك..

هديل بقهر\تذكرين لما طلبتك تفكيني منه..
تذكرين لما هاجمني بشهر رمضان وأنتي بعدتيه عني..
تذكرين كلامك لي وش كان..؟؟
لا تعاندينه..لا تثيرين أعصابه..أنت ملك يمينه..
ماقلتي زوجته..لا ماقلتي..
هي كلمة يا آدمية..كلمة وحدة..ماكانت بتضركم..
ولا كانت بتفرحني..
الكلمة كانت بتصبرني على لمسه..على آ آ.........

أم غازي\يا بنتي أنــ...............

هديل بدموع\لاتقولين بنتي..
لو عديتيني مثل بنتك ما تركتيني اكون نكرة..
أنتي قبل لا تصيرين أم ..أنثى..
كيف قبلتيها يفرض نفسه علي كزوج وانا ما ادري..
بلحظات بس عيشي وضعي..
تخيلي ينفرض عليك رجال ويهينك ويمتهن كل شيء فيك..
ويناديك بجارية له..أمة ملك يمين..
لاتشرهين علي...
أنتوا اللي حولتوني لـ إنسانة كلها حقد..


طال الصمت منهم ومنها..
اللي عندها قالته لهم..
هي مستحيل تتقبلهم بحياتها..

دخلت الخادمة وقدمت ضيافة جديدة..
قربت من هديل وهمست لها ..
ردت عليها هديل بهدوء..
وبعدها أنسحبت من المكان..

وقفت وصدت عنهم..
وكانت واثقة إنهم يبون يشوف ذياب..
هديل بقسوة\تبون تشوفون ولــــدي ذياب..
تعالوا بعد خمس سنين..وتشوفونه..

شوق بشهقة\لا..
رشا بغصة\هذا ولد أخونا..
هديل بحدة\وأنا بنت أبوي وامي..
أخت اخواني..عرض هلي..
مثل ماحرمتوني بأحرمكم..
وبالسيف اللي طعنتوني فيه باطعنكم..
جربوا الحرمان..
شوق بزعل\غازي مابيسمح لك..
هديل بسخرية\أخوك تنازل عن حقه بذياب..
مالكم عندي شيء..

شافت الرفض بعيون شوق ورشا..
اما أم غازي فألتزمت الصمت..
ونكست راسها وكأنها خجلانة من هديل..
تدري إنها قست عليها وجرحتها..
بس هم يستاهلون الصد والتجريح..

بعد لحظات دخلت الخادمة وذياب معها..
شالته هديل منها وضمته لها..
يستاهلون الحرمان ولاقهر..
بس وش أسوي في ضميري..
الله ماخلقني مثلهم..
أمي وابوي ماربوني بجمود..
قلب أمك طيب..
الله يأخذ هـ القلب الضعيف..
هذولاء هلك..أم أبوك وعماتك..
رضيت أنا أو مارضيت..
همست له\عشانك ماهو عشانهم..

كنت بجازيك . . لكني ..رحمتك..
حسبي الله ليت ماعندي ضميــــر..

حطته بيدين غادة اللي نادتها الخادمة بطلب من هديل..
مشت طالعة من الصالة..

هديل بجمود\أتمنى ما نلتقي إلى يوم الحساب..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

طلعت ياسمين من العناية برحمة الرحمن الرحيم...
وتنومت بالمستشفى لمدة إسبوعين..
خلالها ماسمحت لسلمان يكلمها أو يلمسها..
تناوبت عندها غادة وسارهـ ..
واحياناً كانوا يتهاوشون من اللي تنام عندها..
كان هذا أخر يوم لها في المستشفى ..وغادة نايمة عندها..
غادة تتكلم عن هديل وعن ولدها..
وماعندها اي فكرة إن هديل وياسمين يعرفون بعض..
حست بعتب في قلبها على هديل اللي مازارتها ولا اهتمت لحالها..
وهي متأكدة إنها عرفت عن تعبها..

تفاجئت من كلام غادة..
غادة\قلت لها تجي معي وتتعرف على الغزال الفلسطينية..
بس مارضت تطلع من البيت..
من يوم رجوعها لـ السعودية ماتطلع حتى بحديقة البيت..
أخواني يمزحون معها ويقولون صابتها فوبيا..
بس أنا صرت أشك إنها فعلاً صابتها فوبيا..

ياسمين بآسف\خلوها على راحتها..
انا عاذرتها الحين وفاهمة موقفها..

غادة بخبث\وش نخليها على راحتها..
لا يا زوجة حماي..
انا وسارة محضرين لها مفاجئة..
وبتطلع من البيت يعني بتطلع..
يمكن تنجلط بس المهم بنطلعها..
نبيها تتونس وتشوف الرياض..
ديرتنا تغيرت من خمس سنين..

ياسمين بخوف\غادة الله يخليك..
إتركوها بحالها..هي أكيد لها عذرها..
عاشت زمان طويل بالخارج..
هي من نفسها لما تمل من البيت بتطلع..

غادة بضيق\أنتي ماتعرفين هديل..
وحتى أنا ماعدت أعرفها..تغيرت كثير..
صارت قاسية..بس مو معنا..
مع نفسها قاسية كثير..
تمر بلحظات ضعف وتتعلق بأمي..
لما نحكي لها عن حياتنا نبكي..
بس هي ماعادت تبكي..باول أيام رجوعها..
كانت دموعها على طول بعيونها..
أحسها صارت غريبة غصب عنا..
هي لازم ترجع مثل ماعهدناها..
أريد أختي ترجع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

أنـا كبرت بـ عين جرحي , و شكرني !!
و سكّرت في وجه العفو كِل الأبواب ..

الدرس قاسي, بس أنـا بـ اعتبرني ..
اني بعد هاليوم . . بـإحسآس كذآآآب ..

هو ليه أعاتب ..؟ و أنا محدن : كِسرني !!
إلا..أعز الناس.. وش عاد الأغـراب ؟؟!

منسدحة على السرير..
تحاول تخفي رجفتها لنفسها..

تحس بغـــربة قاسية بين أهلها..
معاملتهم لها غريبة عنها..
ابوها يضمها ويداريها..بس فيه شيء مضايقة..
أخوانها ماهم على خبرها وعهدها فيهم..
خصوصاً هادي..
يغيب عن البيت كثييير..
اذا شافها سلم من بعيد وهرب منها..
مايبي يواجها او يجلس معها..
ليه ما يحس إنه أكثر شخص تحتاجه..
تبي ترجع هديل الأولى..
حاولت بس ماقدرت..
كل شيء ضدها..
هي خسرت مكانها بينهم من سنين..
بس ماتبي تقضي سنين لحتى تسترجعه..
تبي كل شيء يتعدل بغمضة عين..

سمعت صوت جوالها بنغمة رساله..
الجوال هدية من حنان زوجة علي..
تمنت تكون من شهد..صديقتها الغالية..
مشتاقة لها..وخايفة تقابلها..
تخاف إنها تكون مثلهم..
متغيرة وماتتقبلها..
متى ترجع من سفرها وتحضنها..
ملت من الهجر والفراق..

فتحت الجوال وقرأت الرسالة..

شفت ألبوم .. رححلتنآ !
.... وزآدت ححآجتي لقربك

أبو ذياب ..

همست بضيق..
ماينقصني بعز ضيقي إلا حضورك..
ألبوم رحلتنا..؟؟
أدري وش تقصد..
تقصد مراحل عذابي معك..
تصفحها وإذا ضاع عليك تفصيل..
أو غابت عنك حكاية..
أنا اذكرك واحكيها..

كتبت رسالة سريعة ..
وتدري إنها بتقهرهـ فيها..
لان أكره وأقوى ماعلى قلبه هذا الطاري..

. بُگرَهـ أمُووووت .
و إلليّ گسّر نفسيّ بِ هَمّ . .
بُگرّهـ يقَطعــــه آلنّدمْ !



إلى الملتقى بإذن الله تعالى فجر السبت ..

البارت ماهو من مقامكم وقدركم..
بس هذا اللي قدرت عليه..
المعـــذرة منكم..


كونوا بخيــــــــــــــر ..



صدووود’’’



ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

لا احلل مسح اسمي من على الرواية ..
تجميعي : ♫ معزوفة حنين ♫..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ



السلام عليكم ورحمة الله وبركاته ...


صبــــــــــــاح \\
الأمل يعانق القلوب ..

مســـــــاء\\
التفائول بغدٍ أفضـــــل ..


كيفكم الــ ليلاااااااااااااس ..؟؟!
أحبتــــــي في كل مكــــــان ..؟؟

مبعثرة حروفي وانا أكتب لكم..
أحد الغاليات كانت رفيقة لنا من خلف الكواليس..
ظهرت قبل ايام وصرحت بإحساس خفي بقلبها..
بأني أنا قد أكون ( اقدار ) كاتبة ملامح الحزن العتيق ..
عندما قرأت تعقيب غاليتي كن أو لا تكن..
إبتسمت بسعادة بالغة..وشعرت بفخر كبير..
أن يتم تشبيهي بغاليتي اقدار..
عزيزتي أثرتي تساؤلات الغاليات..
احد الحبوبات قالت إعترفي كشفناك يا صدوود اقدار..
لم تكوني أنتي أول من فاجئني بهذا الاحساس..
أنا لستُ اقدار..ولستُ كاتبت ملامح الحزن العتيق..
اقدار كان لها تواجد معي منذ البداية..
تمنت أمنية وحققت لها ماتمنت بحمد الله..
ومن هنا أرسل تحية طيبة لــ اقدار الغالية ..
عزيزتي إشتاق المتصفح لأحرفك الأنيقة..وتوقعاتك الرائعة..
وأشتقت أنا لوجودك بالقرب مني..
فــ كوني بخيــــــــر لأجلك وأجلنا..

بالنسبة لـمطالبت البعض بظهور طليقت غازي (سحر)..
عزيزاتي انا ذكرتها كسرد لبعض التفاصيل..
بس مثل ماهو واضح لـ الجميع الطلاق مر عليه سنوات طويلة..
فبأي حق ترجع الطليقة لـ الظهور في حياة غازي وتكون سبب لعودة هديل..
مابينهم طفل يفسر عودتها لحياته..
ولا بينهم تواصل من اي نوع..
لربما يتم ذكر طليقته كسرد لاحداث ماضية فقط..
اما عودتها لحياتهم وتحاول ترجع لزوجها بإيذاء هديل..
هذا أمر مبتذل كثير في الروايات وأنا شخصياً ما احبذ هـ الشيء..

شـــــــــكراً بحجم السماء..
لكل أحبتـــــــــي المتواجدون دوماً بقربي..
ولكل من سجلوا لأجلي هنا وفي الجوار..
ولــ غالياتي من راسلوني بكلماتهم الطيبة شـــكراً لتواجدكم ..

وترحيب كبيــــر بالشاعرات المبدعات..
والله ما أنت بهين يا غازي أنكتبت فيك الأشعار والمعلقات..
حتى الخواطر تنبض باسمك..
<<فيس يطالع رابطة هديل..يتفاخرون بغازيهم عطووهم على راسهم <<فيس الفتنة..


البارت إهــــداء لـــ الجميـــــــــع ..
ولعزيزتي ..
صوت الحيــاة ..
@
روح تحب الحياة ..

البارت السبعــــون ..


تقولين :لماذا تحمّل الأربعين مالا تطيق؟!
لماذا تكثر الشكوى منها .. ومما فعلت بك؟!
تقولين أن الأربعين سن هادئة متزنة تخلصت من حمق العشرين
ومن غرور الثلاثين .. وقبلت أن تتعايش بسلام..
مع نفسها ومع العالم..
ما تقولينه ، أيتها الصديقة ، صحيح ومنطقي..
ولكن منذ متى اعترف الشعراء بالصحيح والمنطقي؟!
الشعراء يرون في الأربعين رحيل الشباب وقدوم الكهولة ،
سفر الربيع ووصول الخريف ، هروب النهار وهجوم الليل..
وأنا ، يا سيدتي ، أخاف أن تقلّم الأربعون أظافري ،
أن تكسّر أقلامي ، أن تحنطني ، أن تعطيني قلباً صناعياً ،
أن تجعلني مليئاً بالوقار .. والقش..
أود أن أظل في طفولة لا تنتهي..
والأربعون هجوم كاسح على الطفولة ..
تقولين : ولكن الطفل يبقى في الروح..
يبقى .. يبقى.. ولكنه يوشك أن يختنق..
ثمة كلمة أخيرة .. سأكف عن الحديث عن الأربعين ..
لسبب آخر..
ذلك أن الحديث عن الأربعين بعد أن تجاوزتها..
بخمس سنين قد يعتبر من باب التضليل!...

المرحوم بإذن الله تعالى..غازي القصيبي..


أرسلت الرسالة وهي تحس براحة..
لانها راح تقهرهـ وتغيضه..
وقبل لا تقفل جهازها أتصل عليها..
ظلت تناظر الجوال بتشفي وإبتسامة نصر مهزوزة..

أجل أنقهر أنا لوحدي قبل النوم..
لا يا حلوو حتى انت باخليك تموت قهر..

قررت تقفل الجوال بما أنه صار يعرف رقمها..
وصلتها رسالة وكانت متأكدة إنها منه..